شينجياڭ گازەتى انار بۇلت \ شينجياڭ گازەتىنىڭ ٴتىلشىسى رىن چۇنشياڭ 4 ـ ايدىڭ 20 ـ كۇنى ۇرىمجىدەن حابارلايدى. 4 ـ ايدىڭ 20 ـ كۇنى 2024 ـ جىلعى مەملەكەتتىك ٴبىلىم مەنشىك ۇقىعى ۇگىت اپتالىعى قيمىلىنىڭ شينجياڭ بولىمشە الاڭىنىڭ باستالۋ سالتى شينجياڭ داشۋەسىنىڭ بودا مەكتەپ رايونىندا وتكىزىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت باستالۋ سالتىنا قاتىناستى ٴارى ارناۋ ٴسوز سويلەدى.
قازىر شينجياڭ جوعارى ساپالى دامۋدىڭ ستراتەگيالىق وراي مەزگىلىندە تۇر، ٴبىلىم مەنشىك ۇقىعىن جاراتۋ، پايدالانۋ، قورعاۋ، قىزمەت وتەۋ ساپاسىن، ونىمدىلىگىن جەدەل جوعارىلاتىپ، نازاردى جاڭالىق اشۋ ارقىلى دامۋعا دەم بەرۋگە جانە كاسىپ سالاسىنىڭ تيبىن وزگەرتىپ، دارەجەسىن جوعارىلاتۋعا شوعىرلاندىرىپ، ”8 ٴىرى كاسىپ سالاسى شوعىرى“ قۇرىلىسىنا اناعۇرلىم ويداعىداي قىزمەت وتەپ، ٴوندىرۋ، وقىتۋ، زەرتتەۋ ىستەرىنىڭ تەرەڭدەي توعىسۋىن، سەلبەسىپ جاڭالىق اشۋىن تىعىز ۇشتاستىرىپ، پاتەنتتى كادەگە جاراتۋ، پايدالانۋ ارناۋلى ارەكەتىن ىشكەرىلەي ورىستەتىپ، ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردىڭ جاڭالىق اشا دامۋىنا دەم بەرىپ، جاڭاشا وندىرگىش كۇشتەردى جەدەل دامىتىپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن قۇلشىنا سومداۋ كەرەك. نازاردى شارۋاشىلىق ـ ساۋدا ورتاسىن ساپالىلاندىرۋعا جانە سىرتقا ەسىك اشۋدى كەڭەيتۋگە شوعىرلاندىرىپ، ٴبىلىم مەنشىك ۇقىعى ساياساتى، قىزمەت وتەۋى، باقىلاۋ ـ باسقارۋ جۇيەسىن ونان ارى كەمەلدەندىرىپ، ەل ٴىشى ـ سىرتىنداعى ٴتۇرلى تيجارات تۇلعالارىنىڭ ٴبىلىم مەنشىك ۇقىعىن زاڭ بويىنشا تەڭ تۇرعىدا قورعاپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن جەدەل قالىپتاستىرۋ كەرەك.
باستالۋ سالتىندا رايونىمىز 2023 ـ جىلعى شينجياڭنىڭ ٴبىلىم مەنشىك ۇقىعىن قورعاۋ جانە دامىتۋ جاعدايىن، سونداي ـ اق تيپتىك مىسالداردى، «كاسىپورىنداردىڭ شەتەلدەردەگى (ورتا ازياداعى 5 ەل) ٴبىلىم مەنشىك ۇقىعىن قورعاۋ باعدارناماسىن» جاريالاپ، ٴبىلىم مەنشىك ۇقىعىندا قۋاتتى قالا سىناق ٴتۇيىنى ەتىلگەن قالالارعا (سانجى وبلىسى، قارامايلى قالاسى، ٴۇرىمجى قالاسى)، ٴبىلىم مەنشىك ۇقىعىندا قۋاتتى اۋدان سىناق ٴتۇيىنى ەتىلگەن اۋداندارعا (كۇيتۇن قالاسى، تۇرپان قالاسى گاۋچاڭ رايونى، قۇمىل قالاسى يجوۋ رايونى، سانجى قالاسى) ماڭدايشالىق بەردى، ”مەملەكەتتىك ٴبىلىم مەنشىك ۇقىعى مەكەمەسى پاتەنت مەكەمەسىنىڭ پاتەنت تەكسەرۋ ىستەستىگى بەيجيڭ ورتالىعىنىڭ شينجياڭ قىزمەت وتەۋ پۋنكتىن“ ماڭدايشالىق اشىپ قۇردى.
مەملەكەتتىك ٴبىلىم مەنشىك ۇقىعى مەكەمەسى ٴبىلىم مەنشىك ۇقىعىن قولدانۋدى جەبەۋ مەڭگەرمەسىنىڭ باستىعى ۋاڭ پەيجاڭ باستالۋ سالتىنا قاتىناستى.
