انار بۇلت \ شينجياڭ گازەتىنىڭ ٴتىلشىسى جاڭ يۇنمەي 4 ـ ايدىڭ 20 ـ كۇنى ۇرىمجىدەن حابارلايدى. اۆتونوميالى رايوننىڭ ”ٴۇرىمجى _ سانجى _ شىحىزى“ ٴوڭىرىنىڭ اتموسفەرا ورتاسىن وڭاۋداعى حالىق تۇرمىسىنا قاتىستى ناقتى ىستەر قىزمەتىن ىلگەرىلەتۋ ماجىلىسىنەن ۇعىسۋىمىزشا، بيىل ٴبىرىنشى ماۋسىمدا ”ٴۇرىمجى _ سانجى _ شىحىزى“ ٴوڭىرىنىڭ اۋا ساپاسى جاقسى بولعان كۇن سانى سالىستىرماسى سايكەس مەزگىلدەگىدەن 17.9 پايىز جوعارىلاپ، اۋىر دارەجەدە لاستانعان كۇن سانى سايكەس مەزگىلدەگىدەن 15.1 پايىز تومەندەگەن، PM2 .5 قويۋلىعى %29.1 تومەندەپ، اۋا ساپاسى بىلتىرعى سول تۇستاعىدان كورنەكتى جاقسارعان.
بىلتىردان بەرى شينجياڭ ”ٴۇرىمجى _ سانجى _ شىحىزى“ ٴوڭىرىنىڭ اتموسفەرا ورتاسىن وڭاۋدى اۆتونوميالى رايوننىڭ حالىق تۇرمىسىنا قاتىستى 10 ناقتى ٴىسىنىڭ ٴبىرى ەتىپ، «اۆتونوميالى رايوننىڭ ”ٴۇرىمجى _ سانجى _ شىحىزى“ ٴوڭىرى اتموسفەرا ورتاسىن وڭاۋدىڭ 2023 ـ جىلعى ارەكەت جوباسىن» ارنايى جاسادى جانە تياناقتانۋىن ىلگەرىلەتتى. ٴبىر جىلدان بەرى ”ٴۇرىمجى _ سانجى _ شىحىزى“ ٴوڭىرىنىڭ جەر ـ جەرى، قاتىستى تاراۋلارى جانە كاسىپورىندارى يدەيالىق تانىمدى تەرەڭدەتىپ، قىزمەت مەحانيزمىن ىڭعايلاپ، ماسەلەنىڭ تۇيىنشەگىن ٴدال تاۋىپ، وڭاۋ جولىن ساپالىلاندىرىپ، ٴوڭىردىڭ اتموسفەرا ورتاسىنىڭ ساپاسىن كورنەكتى جاقسارتىپ، جىلدىق نىسانانى ٴدال ۋاعىندا ورىندادى. مۇنىڭ ىشىندە اۋا ساپاسى جاقسى بولعان كۇن سانىنىڭ سالىستىرماسى %80.4كە جەتىپ، سايكەس مەزگىلدەگىدەن 3.5 پايىز جوعارىلادى؛ اۋىر دارەجەدە لاستانعان كۇن سانىنىڭ سالىستىرماسى سايكەس مەزگىلدەگىدەن 1.4 پايىز تومەندەدى. اسىرەسە، 2023 ـ جىلى 11 _ 12 ـ ايلاردا اۋا ساپاسى جاقسى بولعان كۇن سانى سالىستىرماسى سايكەس مەزگىلدەگىدەن 17.4 پايىز جوعارىلاپ، اۋىر دارەجەدە لاستانعان كۇن سانى %50كە تاياۋ ازايىپ، PM2 .5دىڭ ورتاشا قويۋلىعى 20 ميكروگرام / تەكشەمەتر تومەندەپ، كەزەڭدىك ”ەڭسە كوتەرۋ شايقاسىن“ جۇرگىزدى.
بيىل شينجياڭ ”ٴۇرىمجى _ سانجى _ شىحىزى“ ٴوڭىرى اتموسفەرا ورتاسىن وڭاۋدى ۇزدىكسىز ىلگەرىلەتىپ، ونى اۆتونوميالى رايوننىڭ 2024 ـ جىلعى حالىق تۇرمىسىنا قاتىستى 10 ناقتى ٴىسىتىڭ ەڭ الدىنا قويدى ٴارى «”ٴۇرىمجى _ سانجى _ شىحىزى“ ٴوڭىرى اتموسفەرا ورتاسىن وڭاۋدىڭ 2024 _ 2025 ـ جىلدارداعى ارەكەت جوباسىن» باسىپ تاراتتى.
جەر ـ جەر، قاتىستى تاراۋلار جانە كاسىپورىندار 2023 ـ جىلعى وڭاۋ ونىمدىلىگىن بەكەمدەۋ، جوعارىلاتۋ نەگىزىندە سەرپىندى ساقتاپ، تەرەڭدىكتى، كەڭدىكتى ارتتىرىپ، كاسىپ سالالارىنىڭ، ەنەرگيانىڭ، قاتىناستىڭ جاسىل، تومەن كومىر قىشقىل گازدى تيپكە ويىسۋىن ارقاۋ ەتىپ، ونەركاسىپ قاينارىندىق لاستانۋدى تەرەڭدەي وڭاۋدى كۇشەيتىپ، كولەم، قاينار جاعىنان لاستانۋدان جالپىلىق ساقتانۋدى جانە وڭاۋدى كۇشەيتىپ، اۋىر دارەجەدە لاستانعان كۇنگە بىرلەسىپ توتەپ بەرۋدى ٴونىمدى تۇردە ويداعىداي ىستەپ، اتموسفەرانىڭ لاستانۋىن وڭاۋ قابىلەتى قۇرىلىسىن كۇشەيتىپ، ەكولوگيالىق ورتانى قورعاۋ سالاسىنداعى زاڭ اتقارۋ، ٴادىليا تەبىنى سياقتىلاردى ارتتىرىپ، ٴوڭىر اتموسفەرا ورتاسىن وڭاۋدى ۇزدىكسىز ورىستەتتى.
مۇنىڭ ىشىندە ونەركاسىپ قاينارىندىق لاستانۋدى تەرەڭدەي وڭاۋدى كۇشەيتۋ جاعىندا، شينجياڭداعى بيڭتۋان جانە جەرگىلىكتى ورىننىڭ ەكولوگيالىق ورتا تاراۋلارى 99 ٴتۇيىندى كاسىپورىننىڭ 2024 ـ جىلعى ”ٴبىر كاسىپورىنعا ٴبىر شارا“ بويىنشا لاستانۋدى وڭاۋدى ۇزدىكسىز ورىستەتەتىندىگىن تۇراقتاندىرىپ، 305 وڭاۋ نىسانىن اتقارۋدى جوسپارلاپ، مولشەرمەن 11 ميلليارد 520 ميلليون يۋان قارجى قوسپاقشى، ٴبىرىنشى ماۋسىمدا 22 نىسان اتقارىلىپ، ٴبىر ميلليارد 30 ميلليون يۋان قارجى قوسىلدى.
