2024 ـ جىلعى ”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ تۇڭعىش ارناۋلى تاقىرىپتىق لەكسياسى وتكىزىلدى
ەركىن تۇنياز قاتىناستى
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 20 ـ كۇنى ۇرىمجىدەن حابارلايدى. 4 ـ ايدىڭ 19 ـ كۇنى تۇستەن كەيىن 2024 ـ جىلعى ”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ تۇڭعىش ارناۋلى تاقىرىپتىق لەكسياسى وتكىزىلدى. بەيجيڭ قالالىق قۇرىلىس جوبالاۋ ـ زەرتتەۋ ورنىنىڭ باس ارحيتەكتورى، باس جوبالاۋشىىسى، اۆتونوميالى رايوندىق قالانىڭ جوعارى ساپالى دامۋىن جوبالاۋ ـ قۇرۋ ماماندار كەڭەس بەرۋ كوميتەتىنىڭ مۇشەسى ۋ چىن ”قالانىڭ جوعارى ساپالى باياندى دامۋىن اتقارۋ جولى جونىندە ىزدەنىس __ قالانىڭ گۇلدەنۋ نازارياسى جانە جۇيە امالياتى“ نەگىزگى تاقىرىبىن ارقاۋ ەتىپ لەكسيا جاسادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاتىناستى.
ۋ چىن كەزىندە ”مەملەكەتتىك 1 ـ مامىر ەڭبەك مەدالى“ جانە ”مەملەكەتتىك ەڭبەك ەرى“ قاتارلى داڭق اتاعىنا يە بولعان، بەيجيڭ جۇڭشين عيماراتى، بەيجيڭ وڭتۇستىك ۆوگزالى، نانجيڭ وڭتۇستىك ۆوگزالى سياقتى ماڭىزدى الەۋمەتتىك قۇرىلىستاردىڭ نەگىزگى جاسامپازدىق ارحيتەكتورى، قۇرىلىس جوبالاۋ، قالا جوبالاۋ، قالا عىلىمى ”جاڭا ۇشتىك ٴبىر تۇلعا“ قىزمەت ۇلگىسىن جاسامپازدىقپەن قالىپتاستىرعان، جۇڭگونىڭ ”قالانى گۇلدەندىرۋ“ نازارياسىنىڭ نەگىزىن سالۋشى.
لەكسيا بارىسىندا ۋ چىن مول جوبالاۋ امالياتىمەن ۇشتاستىرىپ، ەكونوميكا، كاسىپ سالاسى، جان سانى، مادەنيەت سياقتى كوپ تۇرعىدان الەمدىك جاعدايداعى جۇڭگو قالالارىنىڭ ٴدوپ كەلگەن سىن ـ سايىستارعا قالاي بەلسەنە توتەپ بەرۋىنە تالداۋ جاسادى؛ جۇڭگونىڭ ”قالانى گۇلدەندىرۋ“ نازاريالىق جۇيەسىن ىشكەرىلەي ٴتۇسىندىردى ٴارى ەل ٴىشى ـ سىرتىنداعى ٴساتتى مىسالدارعا تالداۋ جاساۋ ارقىلى قالانىڭ جاڭالانۋىنىڭ جولىن جانە شاراسىن ٴتۇسىندىردى.
لەكسيا تىڭداۋشىلار جابال مىنالاردى ٴبىلدىردى: ارناۋلى تاقىرىپتاعى لەكسيانىڭ نازاريالىق مازمۇنى باي، امالياتتىق نەگىزى تەرەڭ، اسا كۇشتى جەتەكشىلىك سيپاتى، باعىتتامالىلىق سيپاتى، امالياتتىق سيپاتى بار. لەكسيانى تىڭداعاننان كەيىن، قالانىڭ جوعارى ساپالى دامۋىنىڭ ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى ماڭىزدى رولىن تەرەڭ تانىپ جەتتىك. مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن دالمە ـ ٴدال يگەرىپ، شينجياڭنىڭ ساياسات باسىمدىعى، گۋمانيتارلىق باسىمدىعى، جاراتىلىستىق شارت ـ جاعداي باسىمدىعى، ەسىك اشۋ باسىمدىعى سياقتىلاردى تياناق ەتىپ، قالانىڭ دامۋ ۇلگىسىن، جولىن ونان ارى ايقىنداپ، جوسپار ارقىلى جەتەكشىلىك ەتۋگە تاباندى بولىپ، قالانىڭ كوتەرىمدىلىك قۋاتىن، باۋراۋ قۋاتىن، ىقپال كۇشىن ۇزدىكسىز كۇشەيتىپ، وسىزاماندانعان قالا قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋىمىز كەرەك.
وسى رەتكى ارناۋلى تاقىرىپتىق لەكسيا تەلەۆيزور ـ تەلەفون ٴماجىلىسى فورماسىندا وتكىزىلدى، نەگىزگى ٴماجىلىس الاڭى اۆتونوميالى رايوندىق پارتكوم پارتيا مەكتەبىندە (اكىمشىلىك شۋەيۋانى) ورنالاستىرىلدى، ايماق، وبلىس، قالالاردا، اۋدان، قالا، رايونداردا جانە بيڭتۋان ورگانىندا، شى، قالالاردا، تۋان الاڭداردا بولىمشە ٴماجىلىس ورنى ورنالاستىرىلدى.
ٴيۇسۇپجان مامەت، سۇن حۇڭمەي، قايسار ابدۇكەرىم، جۋ ليفان قاتارلىلار قاتىناستى.
