اۆتونوميالى رايوندىق ساياسي كەڭەس پارتيا باسشىلىق گرۋپپاسى كەڭەيتىلگەن ٴماجىلىس اشىپ اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىردى
جۇڭحۋا ۇلتى ورتاق تۇلعا تانىمىن بەرىك ورناتۋعا اقىل ـ كەڭەس بەرىپ، كۇش قوسۋ كەرەك
شينجياڭ گازەتى انار بۇلت \ شينجياڭ گازەتىنىڭ ٴتىلشىسى جاڭ يانفاڭ 4 ـ ايدىڭ 18 ـ كۇنى ۇرىمجىدەن حابارلايدى. 4 ـ ايدىڭ 16 ـ كۇنى اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ كەڭەيتىلگەن ٴماجىلىسى جانە ورگان كادرلارى جينالىسى اشىلدى. ٴماجىلىس اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ رۋحىن جەتكىزدى، ۇيرەندى، ساياسي كەڭەستىڭ دايەكتىلەندىرۋ، تياناقتاندىرۋ قىزمەتىن اقىلداسىپ ورنالاستىردى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ٴتوراعا نۇرلان ٴابىلماجىن ٴماجىلىستى باسقاردى ٴارى ٴسوز سويلەدى.
ءماجىلىس مىنالاردى اتاپ كورسەتتى: اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ارناۋلى تاقىرىپتا اقىلداسىپ ورنالاستىردى، بۇل ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا تاربيەلەۋدە، جەتەكتەۋدە ماڭىزدى مانگە يە. باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، يدەيانى، ەرىك ـ جىگەردى، ارەكەتتى ونان ارى بىرلىككە كەلتىرۋ كەرەك. ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جالپى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، جان ـ جاقتى ٴتۇسىنۋدى، دالمە ـ ٴدال يگەرۋدى، ٴونىمدى تياناقتاندىرۋدى ورىنداۋ كەرەك.
ٴماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، جاڭا جۇڭگو قۇرىلعاندىعىنىڭ 75 جىلدىعىن، حالىق ساياسي كەڭەسى قۇرىلعاندىعىنىڭ 75 جىلدىعىن قۇتتىقتاۋدى وراي ەتىپ، كەڭ كولەمدە ۇگىتتەپ، ىشكەرىلەي ۇگىت لەكسيا جاساپ، يدەيالىق ـ ساياسي جەتەكشىلىكتىڭ ساپاسىن، ونىمدىلىگىن ۇزدىكسىز جوعارىلاتۋ كەرەك. تۇعىردى ويداعىداي قۇرىپ، ارنانى كەڭەيتىپ، تىزبەكتى ۇزارتىپ، ورتاق تانىمدى كەڭىنەن ۇيىستىرىپ، كەڭ كولەمدە دوستاسىپ، ىنتىماقتى كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ قوعامداعى ٴار سالانىڭ ورتاق تانىمى مەن ارەكەتىنە اينالۋىن ىلگەرىلەتۋ كەرەك.
ٴماجىلىس مىنالاردى باسا دارىپتەدى: قىزمەتتىڭ نەگىزگى جەلىسىن مىقتاپ يگەرىپ، ساياسي جاۋاپكەرشىلىكتى ارقالاپ، ساياسي كەڭەستىڭ باسىمدىعىن ساۋلەلەندىرىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋعا شوعىرلاندىرىپ، اقىل ـ كەڭەس بەرىپ، كۇش شىعارىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ناقتى، جاندى، ٴونىمدى تۇردە ىلگەرىلەتۋ كەرەك. زەرتتەۋ، ٴتۇسىندىرۋ تەبىنىن ارتتىرىپ، بيىلعى نازاريالىق زەرتتەۋ قىزمەت جوسپارىن ويداعىداي تياناقتاندىرىپ، ساياسي كەڭەستىڭ وزگەشە تۇرعىسىن ايگىلەيتىن اناعۇرلىم كوپ زەرتتەۋ جەتىستىكتەرىن قالىپتاستىرۋ كەرەك. جالپى ٴماجىلىس ورنالاستىرعان ٴتۇيىندى مىندەتتەرمەن جانە اتقارۋ پىكىرىنىڭ قىزمەت تالاپتارىمەن تىعىز بايلانىستىرىپ، ۇكىمەت ٴىسىن ىشكەرىلەي كەڭەسىپ، بيىلعى ساياسي كەڭەس پارتيا باسشىلىق گرۋپپاسىنىڭ قىزمەت تۇيىندەرىمەن جانە جىلدىق كەڭەس جوسپارىمەن ۇشتاستىرىپ، مىندەت اتقارىپ، جاۋاپكەرشىلىكتى ادا ەتۋدىڭ كىرىسۋ ٴتۇيىنى مەن كۇش سالۋ ٴتۇيىنىن ٴداپ باسىپ تاۋىپ، ارناۋلى تاقىرىپتا ۇكىمەت ٴىسىن كەڭەسۋ سيپاتتى تۇراقتى كوميتەت ٴماجىلىسى مەن قاتىستى ۇكىمەت ٴىسىن كەڭەسۋ قيمىلدارىن جوعارى ساپامەن ويداعىداي وتكىزىپ، جوعارى دەڭگەيدەگى كەڭەس جەتىستىكتەرىن جارىققا شىعارۋ كەرەك. دەموكراتيالىق باقىلاۋدى تەرەڭدەتىپ، ساياسي كەڭەستىڭ كۇشى ارقىلى پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا تىڭ دا اناعۇرلىم زور ۇلەس قوسۋ كەرەك.
