اۆتونوميالى رايوندىق حالىق ۇكىمەتى پارتيا باسشىلىق گرۋپپاسى ٴماجىلىس اشىپ اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىردى
جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋ كەرەك
شينجياڭ گازەتى انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 18 ـ كۇنى ۇرىمجىدەن حابارلايدى. 4 ـ ايدىڭ 18 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ٴماجىلىسىن باسقارىپ اشتى، ٴماجىلىس اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىرۋ، تياناقتاندىرۋ قىزمەتىن ورنالاستىردى.
ٴماجىلىس مىنالاردى اتاپ كورسەتتى: اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ناقتى، جاندى، ٴونىمدى تۇردە ىلگەرىلەتۋگە شوعىرلاندىرىپ، جۇيەلى، جان ـ جاقتى ورنالاستىرۋلار جاسادى، بۇل شينجياڭداعى ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا جەتەكتەۋدە جانە ونى ىلگەرىلەتۋدە ماڭىزدى ٴمان الادى.
ٴماجىلىس مىنالاردى باسا دارىپتەدى: ”جۇڭحۋا ۇلتى ورتاق تۇلعا تانىمى _ ۇلتتار ىنتىماعىنىڭ نەگىزى“ دەگەن كەلەلى تۇجىرىمدى تەرەڭ ٴتۇسىنىپ، ”جۇڭحۋا ۇلتى ورتاق تۇلعا تانىمىن بەرىك ورناتۋ _ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتتەرىنىڭ نەگىزگى جەلىسى“ دەگەن جالپى تۇلعالىق تالاپتى تەرەڭ ٴتۇسىنىپ، ”جۇڭحۋا ۇلتىنىڭ ۇلى ىنتىماعى ارقىلى جۇڭگو ۇلگىسىندەگى وسىزامانداندىرۋدى جەبەۋ“ سىندى ستراتەگيالىق مىندەتتى تەرەڭ ٴتۇسىنىپ، پارتيانىڭ ۇلت قىزمەتىن ويداعىداي ىستەۋدە، ٴسوز جوق، ٴتۇيىندى يگەرۋگە ٴتيىستى 4 جاقتاعى قاتىناستى تەرەڭ ٴتۇسىنىپ، شينجياڭ قىزمەتىنىڭ باستان ـ اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك.
ٴماجىلىس مىنالاردى تالاپ ەتتى: اۆتونوميالى رايوننىڭ ۇكىمەت جۇيەسى جالپى ماجىلىستەگى ورنالاستىرۋلارعا ساي، ساياسي جاۋاپكەرشىلىكتى باتىل ارقالاپ، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، شينجياڭدى زاڭمەن باسقارۋدى اناعۇرلىم كورنەكتى ورىنعا قويۋعا تاباندى بولىپ، لاڭكەستىككە قارسى تۇرۋ، بولشەكتەۋگە قارسى تۇرۋ كۇرەسىن ورىستەتۋدى ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋمەن ۇشتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ حاۋىپسىزدىك قامتاماسىزدىعىن ۇزدىكسىز كۇشەيتۋى كەرەك. حالىق تۇرمىسىنا تىعىز جاناسا وتىرىپ ەكونوميكانىڭ جوعارى ساپالى دامۋىن ىلگەرىلەتۋگە تاباندى بولىپ، دامۋعا اناعۇرلىم كوپ ساياسي ٴمان ۇستەپ، جىبەك جولى ەكونوميكالىق بەلدەۋى وزەكتى رايونى، جۇڭگو (شينجياڭ) ەركىن ساۋدا سىناق رايونى قۇرىلىسىن جەدەلدەتىپ، ورتا ازياداعى ەلدەرمەن ەكونوميكا ـ ساۋدا اۋىس ـ كۇيىسىن، سەلبەستىكتى تەرەڭدەتىپ، باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك. حالىق تۇرمىسىن بار كۇشپەن قامتاماسىز ەتىپ جانە ونى جاقسارتىپ، نازاردى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، حالىق تۇرمىسىنا ساياتىن 10 ناقتى ٴىستى ويداعىداي ىستەپ، جۇمىستاندىرۋدى قاشاندا ماڭداي الدى ورىنعا قويىپ، اۋىل ـ قىستاقتى گۇلدەندىرۋدى جاپپاي ىلگەرىلەتىپ، ٴار ۇلت بۇقاراسىنىڭ ورنىقتى جۇمىستانىپ، كىرىستى ارتتىرىپ بايۋىن ىلگەرىلەتۋ كەرەك. وڭتۇستىك شينجياڭ سىندى ”شاحمات كوزىن“ كۇش سالا جانداندىرىپ، ٴتۇيىندى كاسىپ سالاسى نىساندارىنىڭ تياناقتانۋىن، اتقارىلۋىن ىلگەرىلەتىپ، وڭتۇستىك شينجياڭنىڭ قالا ـ قالاشىقتاندىرۋ قۇرىلىسىن جەدەلدەتىپ، ٴار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان ـ جاقتى كىرىگۋىنىڭ جۇزەگە اسۋىن ىلگەرىلەتىپ، وڭتۇستىك شينجياڭنىڭ ەكونوميكالىق، قوعامدىق دامۋداعى ولقىلىقتارىن تولىقتاۋ كەرەك. شينجياڭدى مادەنيەتپەن نارلەندىرۋ قىزمەتتەرىن ناقتى، ەگجەي ـ تەگجەيلى ىستەپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جاپپاي كەڭەيتىپ، جالپىلاستىرىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، ۇلتتاردىڭ ورتاق رۋحاني مەكەنىن ۇزدىكسىز قۇرۋ كەرەك.
