شينجياڭنىڭ ۇلتتار ىنتىماعىنىڭ، العاباسارلىعىنىڭ ەكپىندى دابىلىن قايراتتانا جاڭعىرتايىق
_ اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپـى ماجىلىسىنەن ەستەلىك
انار بۇلت \ شينجياڭ گازەتىنىڭ ٴتىلشىسى جاڭ يانفاڭ
جۇپار ٴيىستى 4 ـ ايدا كۇللى تىرشىلىك جاندانىپ، تيانشان الابىندا ىنتىماقتاسا ەكپىندەي ىلگەرىلەۋدىڭ كۇش ـ قۋاتى مەن اسقاق سەزىمى لاۋلادى.
ەكپىندەي ىلگەرىلەگەن وسى كوكتەمدە ٴبىر رەتكى سالتاناتتى جينالىس جۇرت نازارىن اۋداردى _ 4 ـ ايدىڭ 15 ـ كۇنى اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى اشىلىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ىلگەرىلەتۋدەگى ٴتۇرلى قىزمەتتەر جونىندە ٴتۇيىندى ورنالاستىرۋ جاسالىپ، ۇلتتار ىنتىماعىنىڭ، العاباسارلىعىنىڭ ەكپىندى دابىلى قايراتتانا جاڭعىرتىلدى.
نازار ”شەشۋشى تاقىرىپقا“ شوعىرلاندىرىلىپ، جالپى ماجىلىستە تەرەڭ ستراتەگيالىق تولعانىس قامتىلدى.
جۇڭحۋا ۇلتى ورتاق تۇلعا تانىمىن بەرىك ورناتۋ _ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتتەرىنىڭ نەگىزگى جەلىسى. جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ىلگەرىلەتۋ جۇيەلى قىزمەت، ول ٴار جاققا سايادى، ٴار سالانى قامتيدى.
اۆتونوميالى رايوندىق پارتكوم قايتا ـ قايتا اقىلداسىپ، تالقىلاپ، پىكىر الىپ، جالپى ٴماجىلىستىڭ قاراۋىنا ۇسىنىلعان «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋ جونىندەگى اتقارۋ پىكىرىن» (تومەندە قىسقارتىلىپ «اتقارۋ پىكىرى» دەلىنەدى) قالىپتاستىردى.
شينجياڭ حالىق سارايىندا پارتيا گەربى بيىك ٴىلىنىپ، ايبىندى دا دۋماندى سالتانات لەبى ەستى. بۇكىل شينجياڭنىڭ جەر ـ جەرىنەن كەلگەن ٴماجىلىس ۋاكىلدەرى اسقاق رۋحاني بەينەمەن، كۇشتى بورىشتىلىقپەن، جاۋاپكەرشىلىكپەن ماجىلىسكە قاتىناستى.
كوپشىلىك اۆتونوميالى رايوندىق پارتكوم تۇراقتى كوميتەتىنىڭ قىزمەت بايانداماسىن، جالپى ٴماجىلىستىڭ قاتىستى قارارلارىن مۇقيات تىڭداپ جانە تالقىلاپ، «اتقارۋ پىكىرىن» مۇقيات قاراپ شىعىپ، جالپى ٴماجىلىس جاڭا جورىقتا جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋ جونىندە اتتانىسقا كەلتىرۋ بۇيرىعىن جاريالادى، بۇل جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ ساپارىندا، ٴسوز جوق، بوياۋى قانىق ٴبىر مازمۇن قالدىرادى.
گرۋپپالار تالقىسى كەزىندە ماجىلىسكە قاتىناسقان ۋاكىلدەر اسەرلەرىن اقتارىلا اڭگىمەلەپ، بولاشاقتى جوسپارلاپ، اقىل ـ پاراساتتارى مەن كۇش ـ قۋاتتارىن ارنادى. ٴماجىلىس الاڭىنىڭ بارلىق جەرىنەن ٴبىر نيەتپەن ٴبىر باعىتقا قاراي بىرگە كۇش سالاتىن، سەنىمدى بەكەمدەپ العا باساتىن قويۋ راي بايقالادى.
”جالپى ٴماجىلىس جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن جۇيەلى جوسپارلادى جانە جالپى تۇلعالىق جاقتان ورنالاستىرۋ جاسادى، نەگىزگى تاقىرىبى توتەنشە ايقىن بولدى، بۇل _ اۆتونوميالى رايوندىق پارتكومنىڭ باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن بار كۇشپەن دايەكتىلەندىرۋدەگى، تياناقتاندىرۋداعى ماڭىزدى شاراسى“. اۆتونوميالى رايوندىق پارتكوم پارتيا تاريحىن جانە حۇجات زەرتتەۋ ورنىنىڭ ورىنباسار باستىعى گۋ حۋاشياڭ مىنالاردى ٴبىلدىردى: جالپى ٴماجىلىس شينجياڭنىڭ ٴىس جۇزىندىك جاعدايىمەن تىعىز ۇشتاستىرىپ، اۋقىمدى باعامداپ، ٴتۇرلى شارالاردى بەلگىلەدى، جاڭالىق اشۋ سەرپىنى كۇشتى، اناعۇرلىم پارمەندى، ٴونىمدى بولدى.
”ەرەكشە شابىت الىپ، ايرىقشا جەلپىنىپ، سەنىمىمىز ەسەلەپ ارتتى“. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى ادىل ٴالي تەبىرەنە بىلاي دەدى: جالپى ٴماجىلىس ٴبىزدىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىنىڭ شينجياڭ امالياتىن اناعۇرلىم ناقتى، جاندى، ٴونىمدى تۇردە ىلگەرىلەتۋىمىزگە ايقىن باعدار كورسەتىپ، تالاپتى ايقىندادى.
ستراتەگيالىق جاقتان جوبالاپ، شەشۋشى تۇيىندەردەن باستاپ كىرىستى.
حالىق تۇرمىسىنا تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماتەريالدىق نەگىزىن ۇزدىكسىز بەكەمدەۋ؛ شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ٴار ۇلتتىڭ ورتاق رۋحاني مەكەنىن قۇرۋ؛ وقۋ ـ اعارتۋ ىستەرىنىڭ جوعارى ساپالى دامۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ نەگىزگى شەبىن ۇزدىكسىز كۇشەيتىپ قۇرۋ؛ ادامدى وزەك ەتكەن جاڭاشا قالا ـ قالاشىقتاندىرۋدى جەدەل ىلگەرىلەتىپ، ٴار ۇلت بۇقاراسىنىڭ كەڭ كولەمدە ارالاسۋىن، ىشتەسۋىن، توعىسۋىن جەبەۋ...
ٴتۇرلى شارالار شىندىققا ۇيلەسىمدى، ناقتى بولدى، ٴتۇرلى ورنالاستىرۋلار ادامدى ەكپىندەي ىلگەرىلەۋگە جەبەدى. كوپشىلىك مىنالاردى ٴبىلدىردى: باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن بۇلجىماي دايەكتىلەندىرىپ، تياناقتاندىرىپ، ٴىس جۇزىندىك جاعدايمەن تىعىز ۇشتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى ٴتۇرلى قىزمەتتەرگە سىڭىرەمىز.
اۆتونوميالى رايوندىق پارتكوم بىرلىكساپ ٴبولىمىنىڭ ۇنەمىلىك ىستەرگە جاۋاپتى ورىنباسار باستىعى سۋ شياڭدۇڭ مىنالاردى ٴبىلدىردى: بىرلىكساپ تاراۋلارى جالپى ٴماجىلىستىڭ رۋحىن باستاماشىلدىقپەن ويداعىداي ۇيرەنىپ، ويداعىداي ٴتۇسىنىپ، نەگىزگى جەلى تانىمىن بەرىك ورناتىپ، باستاماشىلدىقپەن سايكەستىرۋ رولىن تولىق ساۋلەلەندىرىپ، جالپى ٴماجىلىستىڭ ٴتۇرلى مىندەتتەرى مەن شارالارىنىڭ تياناقتانىپ، ونىمدىلىك كورسەتۋىن قاز ـ قالپىندا ىلگەرىلەتىپ، جۇڭحۋا ۇلتى ورتاق تۇلعا تانىمىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قۇدىرەتتى كۇش ۇيىستىرادى.
ىلە قازاق اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي مىنالاردى ٴبىلدىردى: جالپى ٴماجىلىستىڭ ٴتۇرلى ورنالاستىرۋلارىن ٴىس جۇزىندىك ارەكەتىمىزبەن دايەكتىلەندىرىپ، تياناقتاندىرىپ، بارلىق ٴتيىمدى ورايدى مىقتى يگەرىپ، بارلىق ٴتيىمدى شارت ـ جاعدايدان پايدالانىپ، بارلىق باسىمدىققا يە بايلىقتان ويداعىداي پايدالانىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرى ارقىلى حالىق تۇرمىسىنا اناعۇرلىم ويداعىداي تيىمدىلىك جاساپ، جۇرت تىلەگىن ۇيىستىرىپ، ٴار ۇلت بۇقاراسىنىڭ تۇرمىسىن اناعۇرلىم باقىتتى، تاماشا ەتەمىز.
مادەنيەتتى شىنايى مويىنداۋ __ ەڭ تەرەڭ قاتپارلى شىنايى مويىنداۋ، ۇلتتار ىنتىماعىنىڭ تامىرى، ۇلتتار تاتۋلىعىنىڭ جانى.
اۆتونوميالى رايوندىق مادەنيەت جانە ساياحات مەڭگەرمەسىنىڭ باستىعى گۇلي ابلەم مىنالاردى ٴبىلدىردى: وسى زامانعى الەۋمەتتىك مادەنيەتكە قىزمەت وتەۋ جۇيەسى قۇرىلىسى، بەيزاتتىق مادەنيەت مۇرالارىن قورعاۋ، جالعاستىرۋ سياقتى قىزمەتتەردى ىلگەرىلەتۋ ارقىلى جۇڭحۋا مادەنيەتىمەن ٴار ۇلت بۇقاراسىنىڭ جان دۇنيەسىن نارلەندىرەمىز. سونىمەن بىرگە كوپ ٴتۇرلى شارا قولدانىپ، ساياحات كاسىبىنىڭ جوعارى ساپالى دامۋىن ىلگەرىلەتىپ، ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەيمىز.
اۆتونوميالى رايوندىق پارتكوم وقۋ ـ اعارتۋ قىزمەت كوميتەتىنىڭ ورىنباسار شۋجيى، اۆتونوميالى رايوندىق وقۋ ـ اعارتۋ مەڭگەرمەسىنىڭ باستىعى زۇلايات سىمايىل مىنالاردى ٴبىلدىردى: بورىشتى، جاۋاپكەرشىلىكتى كۇشەيتىپ، جالپى ٴماجىلىستىڭ رۋحىن ويداعىداي تياناقتاندىرىپ، جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، ”وتان سۇيىسپەنشىلىگى · جۇڭحۋا ساپارى“ شينجياڭ جاستارى مەن ورەندەرىنىڭ وتانشىلدىق ەكسكۋرسيالاۋ، ۇيرەنۋ قيمىلى سياقتىلاردى ورىستەتىپ، بالالارعا وتان ۇلى شاڭىراعىنىڭ مەيىرىن تەرەڭ سەزىندىرەمىز.
كۇش ىنتىماقتان كەلەدى، ناقتى ىستەۋ شۇعىلالى ناتيجە جاراتادى. كوپشىلىك تولىق سەنىممەن مىنالاردى ٴبىلدىردى: شىنايى يگەرىپ، ناقتى ىستەۋ ارىنىمەن جانە قيىندىقتان قامال الۋ باتىلدىعىمەن جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن تىڭعىلىقتى، ويداعىداي ىستەپ، ويدى ٴبىر جەرگە شوعىرلاندىرىپ، كۇشتى ٴبىر جەرگە جۇمساپ، جۇدىرىقتاي جۇمىلىپ، كۇش ـ قۋاتتى ۇيىستىرىپ، ۇلتتار ىنتىماعى، العاباسارلىعى ىستەرىنىڭ تىڭ تاراۋىن بىرگە جازىپ، كورىكتى شينجياڭدى بىرگە قۇرامىز.
