مەملەكەت حاۋىپسىزدىگى قورعانىس شەبىن بىرگە قۇرايىق

مەملەكەت حاۋىپسىزدىگى قورعانىس شەبىن بىرگە قۇرايىق

_ رايونىمىز جالپى حالىقتىق مەملەكەت حاۋىپسىزدىگى تاربيەسى كۇنى ۇگىت قيمىلىن كەڭ كولەمدە ورىستەتتى

 شينجياڭ گازەتى انار بۇلت \ شينجياڭ گازەتىنىڭ ٴتىلشىسى سۇي يۇنيان

　　بيىل باس شۋجي شي جينپيڭنىڭ جالپى تۇلعالىق مەملەكەت حاۋىپسىزدىگى كوزقاراسىن العا قويعاندىعىنىڭ 10 جىلدىعى، 4 ـ ايدىڭ 15 ـ كۇنى 9 ـ رەتكى جالپى حالىقتىق مەملەكەت حاۋىپسىزدىگى تاربيەسى كۇنى. بىرنەشە كۇننەن بەرى، رايونىمىزداعى جەر ـ جەر، تاراۋلار ”جالپى تۇلعالىق مەملەكەت حاۋىپسىزدىگى كوزقاراسى · جاڭالىق اشۋ ارقىلى جەتەكشىلىك ەتۋدىڭ 10 جىلدىعى“ نەگىزگى تاقىرىبىن تىعىز ارقاۋ ەتىپ، ينتەرنەت جەلىسىندە جانە ينتەرنەت جەلىسىنەن تىسقارى ٴتۇرلى فورما ارقىلى ۇگىت تاربيە قيمىلىن ورىستەتىپ، جالپى تۇلعالىق مەملەكەت حاۋىپسىزدىگى كوزقاراسىنىڭ جۇرت جۇرەگىنە تەرەڭ ۇيالاۋىن، تەرەڭ تامىر تارتۋىن ونان ارى ىلگەرىلەتىپ، مەملەكەت حاۋىپسىزدىگىنىڭ قورعانىس شەبىن بىرگە قۇردى.

　　اۆتونوميالى رايوندىق پارتكومنىڭ شينجياڭدى زاڭمەن باسقارۋ كەڭسەسى، اۆتونوميالى رايوندىق ٴادىليا مەڭگەرمەسى جۇڭگو قوعامدىق عىلىمدار اكادەمياسى زاڭ عىلىمىن زەرتتەۋ ورنىمەن، جۇڭگو دەموكراتيالىق زاڭ ـ ٴتۇزىم باسپاسىمەن، «زاڭمەن باسقارىلاتىن ٴداۋىر» جۋرنالىمەن بىرلەسىپ، مامانداردى ۇسىنىس ەتىپ، ”بارلىق ادام مەملەكەت حاۋىپسىزدىگىنىڭ قورعاۋشىسى بولۋعا تالپىنۋ“ اتىنداعى مەملەكەت حاۋىپسىزدىگى تاربيەسى الەۋمەتتىك يگىلىك ساباعىن جاسادى. ساباق 4 ـ ايدىڭ 10 ـ كۇنىنەن باستاپ ينتەرنەت جەلىسىندە ٴۇرتىس 10 كۇن تاراتىلادى.

　　4 ـ ايدىڭ 7 ـ كۇنى گۇما اۋدانى ناۋابات تاجىك اۋىلىندا جالپى تۇلعالىق مەملەكەت حاۋىپسىزدىگى كوزقاراسى، شەكارا حاۋىپسىزدىگى سياقتى زاڭ، زاڭ ەرەجەنى ۇگىتتەۋ قيمىلى جاندى ورىستەتىلدى.

　　”شەكارانى ويداعىداي قورعاۋ ٴاربىر ازاماتتىڭ بورىشى، ەگەر كۇماندى جاعداي بايقالسا، دەر كەزىندە 12339عا تەلەفون جالعاپ مالىمدەيمىن“، ـ دەدى مالشى اسىمگۇل مامۇت.

　　”ٴبىز مال باعا ٴجۇرىپ، شەكارانى شارلاپ، شەكارانى قورعايمىز، تەك ٴبارىمىز بىرگە ات سالىسىپ، ٴبىر نيەتپەن سەلبەسسەك بولعانى، وتاننىڭ قاقپاسى، ٴسوز جوق، حاۋىپسىز بولادى“، ـ دەدى مالشى قايسار مامەت.

　　”كوپشىلىكتىڭ مەملەكەت حاۋىپسىزدىگى تاربيەسى جولاۋشى تاسىمال ارناۋلى جەلىسىنە وتىرۋىن قارسى الامىز، بەينە ەكران كورۋ، ەكىلىكتى جايمالاۋ سياقتى تاسىلدەر ارقىلى مەملەكەت حاۋىپسىزدىگى بىلىمدەرىن تۇسىنۋلەرىڭىزگە بولادى.“4 ـ ايدىڭ 1 ـ كۇنى ٴۇشتۇرپان اۋدانى مەملەكەت حاۋىپسىزدىگى تاربيەسى جولاۋشى تاسىمال ارناۋلى جەلىسىن اشتى، 5 جەلىدەگى 6 اۆتوكولىكتىڭ 6 شوفەرى مەملەكەت حاۋىپسىزدىگى ۇگىتشىسى بولىپ، جولاۋشىلارعا مەملەكەت حاۋىپسىزدىگى بىلىمدەرىن ۇگىتتەدى. ٴۇشتۇرپان اۋداندىق قاتىناس ـ تاسىمال مەكەمەسىنىڭ ورىنباسار باستىعى شيڭ يۇن مىنالاردى ٴبىلدىردى: سوڭعى مەزگىلدە اۋدان كولەمىندەگى بارلىق الەۋمەتتىك اۆتوبۋزدا، جولاۋشى تاسىمال اۆتوكولىكتەرىندە جانە كىرە كولىكتەرىندە تۇگەلدەي مەملەكەت حاۋىپسىزدىگى ۇراندارىن قويۋ، مەملەكەت حاۋىپسىزدىگى ۇگىت جارياناماسىن جاپسىرۋ سياقتى فورمالار ارقىلى مەملەكەت حاۋىپسىزدىگى بىلىمدەرى ۇگىتتەلەدى.

　　4 ـ ايدىڭ 13 ـ كۇنى ٴۇرىمجى قالالىق قوعام حاۋىپسىزدىگى مەكەمەسى سايباق رايوندىق بولىمشە مەكەمەسى حۇڭمياۋزى ساقشى بولىمشەسى قاراستى اۋماقتاعى كوپتەگەن الەۋمەتتىك اۋماقتا ’”گوفىڭ‘ زاڭمەن باسقارۋ ساباقحاناسى“ زاڭمەن باسقارۋ ۇگىت تاربيە قيمىلىن ٴبىر ۋاقىتتا جۇرگىزدى. حالىق ساقشىلارى تيپتىك دەلو مىسالدارىمەن ۇشتاستىرىپ، دەلو ارقىلى زاڭدى ٴتۇسىندىرىپ، مەملەكەت حاۋىپسىزدىگى زاڭى، ينتەرنەت حاۋىپسىزدىگى زاڭى، تىڭشىلىققا قارسى تۇرۋ زاڭى سياقتى زاڭ بىلىمدەرىن جالپىلاستىردى ٴارى بۇقارامەن ٴوزارا ىقپالداسىپ، پىكىر اۋىستىرىپ، قاراستى اۋماقتاعى ٴار ۇلت بۇقاراسىن ”مەملەكەتتىڭ تۇتاستىعى مەن ۇلتتار ىنتىماعىن قورعاۋ _ مەملەكەتتىڭ حاۋىپسىزدىگىن قورعاۋ“ كوزقاراسىن ورناتۋىنا جەتەكشىلىك ەتتى.

　　4 ـ ايدىڭ 7 ـ كۇنى ىلە قازاق اۆتونوميالى وبلىسى (قۇلجا قالاسى) جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسىنىڭ ماڭدايشالىعىن اشۋ سالتى جانە ” 15ـ ٴساۋىر“ جالپى حالىقتىق مەملەكەت حاۋىپسىزدىگى تاربيەسى كۇنى ناق مايدان ۇگىت تاربيە قيمىلى قۇلجا قالالىق حالىق باقشاسىندا وتكىزىلدى. باقشانىڭ كەز كەلگەن جەرىنەن مەملەكەت حاۋىپسىزدىگى تاربيەسى بىلىمدەرىنە قاتىستى كورمە تاقتالارىن، كەرمە تۋلاردى كورۋگە بولادى، ىلە وبلىسى مەملەكەت حاۋىپسىزدىگى تاربيەسىن باقشا قۇرىلىسىمەن توعىستىرىپ، جاسىلداندىرىلعان كورىنىس، سەيىل ـ سەرۋەن ٴدالىزى، مادەنيەت الاڭى سياقتى بىرگە قۇرۋ بايلىعىنا سۇيەنىپ، جالپى تۇلعالىق مەملەكەت حاۋىپسىزدىگى كوزقاراسىنىڭ مازمۇنىن سۋرەتى مەن ٴسوزىن قاتار بەرۋ فورماسىمەن بەينەلەپ، ٴار ۇلت بۇقاراسىنىڭ قارسى الۋىنا يە بولدى.

　　4 ـ ايدىڭ 13 ـ كۇنى اقسۋ قالالىق توعىسپالى مەديا ورتالىعى ”كىشكەنتاي تىلشىلەردى“ اقسۋ قالالىق قوعام حاۋىپسىزدىگى مەكەمەسىنە بارىپ، ساقشى كازارماسىن ارالاۋ قيمىلىن ورىستەتۋگە ۇيىمداستىردى. بالالار ساقشى كازارماسى مادەنيەتىن سەزىنۋ، ساقشى كازارماسىنىڭ تۇرمىسىن سەزىنۋ، حاۋىپسىزدىك ساقتىق بىلىمدەرىن ٴتۇسىنۋ ارقىلى دۇرىس زاڭمەن باسقارۋ جانە حاۋىپسىزدىك تانىمىن ورناتىپ، مەملەكەت حاۋىپسىزدىگىنە زالال جەتكىزەتىن ارەكەتتەردى پارىقتاۋ قابىلەتىن جوعارىلاتتى.