انار بۇلت \ شينجياڭ گازەتىنىڭ ٴتىلشىسى ۋاڭ يۇڭفي
مىڭنان استام ٴتۇرلى جالپىعا ٴتيىمدى فينانس ونىمدەرىن شىعاردى، ٴوسىم مولشەرىن تاريحتاعى ەڭ تومەنگى شەككە ٴتۇسىردى، سوڭعى 5 جىلدا جالپىعا ٴتيىمدى شاعىن، ۇساق كاسىپورىندار قارىز اقشاسىنىڭ قالدىق سوماسىنىڭ جىلدىق ورتاشا ارتۋ قارقىنى %20تەن استى... 4 ـ ايدىڭ 9 ـ كۇنى مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى اشقان شينجياڭنىڭ جالپىعا ٴتيىمدى فينانسىنىڭ جوعارى ساپالى دامۋىن ىلگەرىلەتۋ ماجىلىسىندە وسى كوز تارتارلىق ناتيجە ٴتىزىمى شينجياڭنىڭ جالپىعا ٴتيىمدى فينانسىنىڭ باياندى دامۋدى جۇزەگە اسىرعاندىعىن ايگىلەدى.
2013 ـ جىلى پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە ”جالپىعا ٴتيىمدى فينانستى دامىتۋ“ رەسمي ورتاعا قويىلدى. 10 نەشە جىلدان بەرى، شينجياڭنىڭ جالپىعا ٴتيىمدى فينانسىنىڭ قالدىق سوماسىنىڭ ارتۋ قارقىنى، قارىز اقشا العاندار سانى، ٴونىم ٴتۇرى، نەگىزدىك فينانستىق قىزمەت وتەۋدىڭ قامتۋ مولشەرى سياقتى كوپ ٴتۇرلى كورسەتكىشتەرىندە ورنىقتى ارتۋ جۇزەگە اسىرىلدى.
ٴتورت جوعارى، ەكى تومەن بولۋدى ورىنداپ، كەلەلى ستراتەگياعا قىزمەت وتەدى
بيىل 2 ـ ايدا جۇڭگو اۋىل شارۋاشىلىق بانكەسى ٴۇشتۇرپان اۋداندىق تارماق بانكەسى جۇمىس ٴتارتىبىن ىقشامداپ، بارلىق قارىز اقشا بەرۋ ٴتارتىبىن نەبارى 3 كۇندە ـ اق ورىنداپ، ٴۇشتۇرپان اۋدانى چيڭچۋان اۋىل شارۋاشىلىعىن دامىتۋ شەكتى سەرىكتەستىگىنە 2 ميلليون يۋان قارىز اقشا بەردى. ”ٴبىز قارىز اقشامەن زىعىر ۇرىعى، ماقسارى ۇرىعى سياقتى شيكىزاتتاردى دەر كەزىندە ساتىپ الىپ، ٴوندىرىس قۋاتىن ٴونىمدى ارتتىردىق“، ـ دەدى وسى سەرىكتەستىكتىڭ جاۋاپتىسى.
ساندى مالىمەتتە كورسەتىلۋىنشە، بيىل 2 ـ ايدىڭ سوڭىنا دەيىن، شينجياڭ بانكە كاسىبىنىڭ جالپىعا ٴتيىمدى شاعىن، ۇساق كاسىپورىندار قارىز اقشاسىنىڭ قالدىق سوماسى 212 ميلليارد 222 ميلليون يۋان بولىپ، بيىل جىل باسىنداعىدان %5.66 ارتقان.
شينجياڭنىڭ جالپىعا ٴتيىمدى فينانسىنىڭ 10 نەشە جىلدان بەرگى دامۋدا قول جەتكىزگەن تابىستارىن ”ٴتورت جوعارى، ەكى تومەن“ بولۋدى ورىنداۋ دەپ قورىتىندىلاۋعا بولادى، ياعني بۇكىل شينجياڭنىڭ اۋىل شارۋاشىلىعىنا ساياتىن قارىز اقشاسى، جالپىعا ٴتيىمدى اۋىل شارۋاشىلىعىنا ساياتىن قارىز اقشا قالدىق سوماسى، اۋىل شارۋاشىلىق قامسىزداندىرۋىنا قول قويۋ قامسىزداندىرۋ قاراجاتى، اۋىل شارۋاشىلىق قامسىزداندىرۋىندا بەكىتىلگەن تولەم اقشا تۇگەلدەي تاريحتاعى ەڭ جوعارى دەڭگەيگە جەتتى؛ جاڭادان تاراتىلعان جالپىعا ٴتيىمدى شاعىن، ۇساق كاسىپورىندار قارىز اقشاسىنىڭ، جالپىعا ٴتيىمدى اۋىل شارۋاشىلىعىنا ساياتىن قارىز اقشانىڭ ورتاشا ٴوسىم مولشەرى ۇزدىكسىز تومەندەپ، تاريحتاعى ەڭ تومەنگى شەككە جەتتى.
جالپىعا ٴتيىمدى فينانستىڭ باياندى دامۋى كەدەيلىكتەن ارىلتۋدان قامال الۋ، اۋىل ـ قىستاقتى گۇلدەندىرۋ، استىق حاۋىپسىزدىگى سياقتى كەلەلى ستراتەگيالىق مىندەتتەردىڭ ٴونىمدى تياناقتانۋىن ىلگەرىلەتۋگە تىرەك ازىرلەدى.
كەدەيلىكتەن ارىلتۋدان قامال الۋ مەزگىلىندە بۇكىل شينجياڭدا فينانس ارقىلى كەدەيلەردى دالمە ـ ٴدال سۇيەمەلدەۋگە بەرىلگەن قارىز اقشا كولەمى 2016 ـ جىلداعى 67 ميلليارد 793 ميلليون يۋاننان ارتىپ، 2020 ـ جىلى 142 ميلليارد 968 ميلليون يۋانعا جەتىپ، ارتۋ مولشەرى %110.89كە جەتتى. وتپەلى مەزگىلدەن بەرى، رايونىمىزدىڭ بەكەمدەلىپ دارەجەسى جوعارىلاتىلاتىن اۋدانداردى فينانستىق جاقتان قولداۋ تەبىنى ۇزدىكسىز ارتىپ، 2023 ـ جىلدىڭ سوڭىندا ٴتۇرلى قارىز اقشانىڭ قالدىق سوماسى 274 ميلليارد 600 ميلليون يۋان بولىپ، جىلدىق ورتاشا ارتۋ قارقىنى %15.13 بولدى.
بيىل 1 ـ ايدا ٴۇشتۇرپان اۋدانىندا 7.1 بال جەر سىلكىنگەندە، اقشي اۋدانى قاراشي اۋىلىنداعى باعىمشىلىق ٴىرى وتباسى بايبەك ماكەننىڭ ٴۇيى جانە سيىر، قوي قوراسى تۇرلىشە دارەجەدە بۇلىنگەن ەدى.
تاياۋدا اقشي اۋداندىق اۋىل ـ قىستاق امانات ـ قارىز سەلبەستىك بىرلەسكەن كووپەراتيۆى %3.45 تىك ەڭ ٴتيىمدى ٴوسىم مولشەرىمەن بايبەككە 100 مىڭ يۋان امانات ـ قارىز اقشا تاراتتى. ”وسىنشاما كوپ قارىز اقشا بەرىلەرىن ويلاماپپىن، ونىڭ ۇستىنە ٴوسىم مولشەرى وسىنشاما تومەن ەكەن. ەندى سيىر قورا مەن قوي قورانى جوندەي الاتىن بولدىم، باعىمشىلىقتى دامىتۋدان ٴتىپتى دە ٴۇمىت بار بولدى“، ـ دەدى بايبەك قۋانا.
بايبەكتىڭ سەزىنگەنى سياقتى، فينانس قالىڭ اۋىل ـ قىستاققا ٴوندىرىستى دامىتۋدىڭ، كىرىستى ارتتىرىپ، بايۋدىڭ ٴۇمىت نۇرىن سيلادى. 2023 ـ جىلدىڭ سوڭىنا دەيىن، بۇكىل شينجياڭنىڭ اۋىل شارۋاشىلىعىنا ساياتىن قارىز اقشاسىنىڭ قالدىق سوماسى ٴبىر تريلليون 370 ميلليارد يۋان بولىپ، 10 جىلدىڭ الدىنداعىدان %191.33 ارتتى؛ استىق سالاسىنداعى ٴتۇيىندى قارىز اقشا قالدىق سوماسى 88 ميلليارد 196 ميلليون يۋان بولدى؛ جالپىعا ٴتيىمدى اۋىل شارۋاشىلىعىنا ساياتىن قارىز اقشانىڭ قالدىق سوماسى 189 ميلليارد 432 ميلليون يۋان بولىپ، سوڭعى 3 جىلدا جىلىنا ورتا ەسەپپەن %20.16 ارتتى.
شينجياڭنىڭ قامسىزداندىرۋعا قىزمەت وتەۋدى قامتاماسىز ەتۋ قابىلەتى دە ۇزدىكسىز جوعارىلاۋدا. 2023 ـ جىلدىڭ سوڭىنا دەيىن، سالماقتى اۋرۋعا شالدىققانداردى قامسىزداندىرۋ 22 ميلليوننان استام قالا ـ اۋىل تۇرعىنىن قامتىدى؛ اۋىل شارۋاشىلىق قامسىزداندىرۋى استىق، ماقتا، ماي، قانت، جەمىس ورمانى، ساۋىن سيىر سياقتى ەگىمشىلىك، باعىمشىلىق سالالارىن قامتىپ، 2 ميلليون 700 مىڭنان استام شارۋا وتباسىنا (رەت) قىزمەت وتەپ، حاۋىپ ـ قاتەر جاعىنان 140 ميلليارد يۋاننان استام قامتاماسىز ەتتى.
”جالپىعا ٴتيىمدى فينانستىڭ قىزمەت وتەيتىن وبيەكتىسى _ قوعامدىق شوعىردىڭ باسىم كوپ ساندىسى، جالپىعا ٴتيىمدى فينانستىڭ قارجىلىق قولداۋى اۋىل ـ قىستاق جان سانى، شاعىن، ۇساق كاسىپورىندار، جەكە ساۋدا ـ ونەركاسىپشىلەر سياقتى توپتاردىڭ ىشكى قوزعاۋشى كۇشى مەن دامۋ قابىلەتىن كۇشەيتتى“، ـ دەدى مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى جالپىعا ٴتيىمدى فينانس باسقارماسىنىڭ باستىعى چي شياۋبو.
ساپانى جوعارىلاتىپ، كولەمىن كەڭەيتىپ، قامتۋ اياسىن كەڭەيتتى
جالپىعا ٴتيىمدى فينانستا جالپىعا ٴتيىمدى بولۋ _ تەتىك.
سوڭعى جىلدارى، شينجياڭنىڭ فينانس كاسىبى ”جۇزدەگەن بانكەنىڭ ون مىڭداعان كاسىپورىنعا كىرۋى“ سياقتى قيمىلداردى ۇزدىكسىز ورىستەتتى، ”ۇكىمەت، بانكە، قامسىزداندىرۋ سەرىكتىگى، كەپىلدىك قۇرىلىم سالىستىرمامەن حاۋىپ ـ قاتەردى ارقالاپ، كاسىپورىنعا كەپىل بولۋ“ بويىنشا قارجى قۇراۋدى ٴتۇيىلىستىرۋ جيىنى 1000 رەتتەن استى، سونداي ـ اق ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىندار مەن جاڭاشا اۋىل شارۋاشىلىعى شارۋاشىلىق تۇلعالارىنىڭ تىزىمدىگىن شىعارىپ بەرۋدى بىرگە يگىلىكتەنۋ مەحانيزمىن ورناتتى.
بىلتىر مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى قاتىستى تاراۋلارمەن ٴتۇيىلىسىپ، ٴبىر ميلليون 630 مىڭ جەكە ساۋدا ـ ونەركاسىپشىلەردىڭ تىزىمدىك ينفورماتسياسىنا يە بولىپ، ”قارىز الماعانداردان“ 260 مىڭنان استامىن سارالاپ شىقتى، سونداي ـ اق فينانس قۇرىلىمدارىنا جىبەرىپ، تۇڭعىش رەت قارىز الاتىن 4001 كاسىپورىندى تاۋىپ، تۇڭعىش رەت قارىز الاتىندارعا 6 ميلليارد 212 ميلليون يۋان قارىز اقشا تاراتتى.
شينجياڭ رۇنچىڭ ينفورماتسيا عىلىم ـ تەحنيكا شەكتى سەرىكتەستىگى سارالاۋدا تابىلعان تۇڭعىش رەت قارىز العانداردىڭ ٴبىرى. 3 ـ ايدىڭ 12 ـ كۇنى بۇل سەرىكتەستىك قورا ـ جايدى كەپىلگە قويىپ، اۋىل شارۋاشىلىق بانكەسى ٴۇرىمجى عىلىم ـ تەحنيكادا جاڭالىق اشۋ فينانس تارماق بانكەسىمەن 410 مىڭ يۋاندىق قارىز اقشا الۋ توقتامىن جاساستى، جالپى بارىسى جەلىدە ٴبىتىرىلدى، قارىز اقشا ٴبىتىرۋ ۋاقىتى بۇرىنعى 3 كۇننەن ٴبىر كۇنگە قىسقاردى.
شينجياڭنىڭ فينانس كاسىبى تاعى فينانس قۇرىلىمدارىنىڭ قامتۋ كولەمىن كەڭەيتۋ، ينفورماتسيادان ورتاق يگىلىكتەنۋدى كۇشەيتۋ سياقتىلار ارقىلى فينانستىق قىزمەت وتەۋدىڭ قول جەتىمدىلىگى مەن اسەر ەتۋ مولشەرىن جوعارىلاتتى.
2023 ـ جىلدىڭ سوڭىنا دەيىن، بۇكىل شينجياڭدا اۋدان كولەمىندەگى بانكە تيجارات تور تۇيىندەرى جالپى 2145كە، اۋدان كولەمىندەگى قامسىزداندىرۋ تيجارات تور تۇيىندەرى 1346عا جەتتى؛ اۋىل ـ قالاشىق بانكەسى، قامسىزداندىرۋ بولىمشە، تارماق قۇرىلىمدارى جەكە ـ جەكە 1181گە، 53كە جەتتى.
بۇگىنگى كۇندە، شينجياڭدا اۋدان كولەمىندەگى تيجارات تور تۇيىندەرىمەن جاپپاي قامتۋ جۇزەگە اسىرىلدى، بۇكىل شينجياڭدا نەگىزدىك فينانستىق قىزمەت وتەۋدە قىستاق دارەجەلەر بويىنشا جاپپاي قامتۋ جۇزەگە اسىرىلدى. شەت ـ شالعاي وڭىرلەردەگى بۇقارا ماشينا جابدىقتارى، تور تۇيىندەرى جانە ينتەرنەت جەلىسى سياقتى ارنالار ارقىلى نەگىزدىك فينانستىق قىزمەت وتەۋىنە يە بولدى.
كەپىلگە قويىلاتىن زات كەمشىل بولۋ ماسەلەسىنە مەڭزەس، شاعىن، ۇساق كاسىپورىندار، جەكە ساۋدا ـ ونەركاسىپشىلەر، شارۋا وتباسىلارى، جاڭاشا اۋىل شارۋاشىلىق تيجارات تۇلعالارى، قوسىننان بوساعان اسكەريلەر، قارتتار سياقتى قاۋىمنىڭ فينانس قاجەتىن ارقاۋ ەتىپ، شينجياڭ فينانس كاسىبى سەنىمدىلىك قارىز اقشاسى، زاتىن كەپىلگە قويۋ، جىلجىمايتىن مۇلكىن كەپىلگە قويۋ، تۇتاس ٴتۇر بويىنشا كەپىلدىك ەتۋ سياقتى 1000نان استام فينانس ونىمدەرىن شىعاردى.
ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان كاسىپورىنداردىڭ ەرەكشەلىگىمەن ۇشتاستىرىپ، 2021 ـ جىلى 11 ـ ايدا جۇڭشين بانكەسى ٴۇرىمجى بولىمشە بانكەسى ”عىلىم ـ تەحنيكادا جاڭالىق اشۋ e قارىز اقشاسى“ ونىمدەرىن الدىمەن جولعا قويىپ، جالپى بارىستا ادام كۇشىن ىستەتپەي، ەڭ تەز بولعاندا، 3 مينۋتتا ەسەپ نومىرىنە ٴتۇسىرىپ، جەكەلەي ەڭ كوپ بولعاندا، 10 ميلليون يۋاندىق سەنىمدىلىك سەنىمىنە يە ەتىپ، كاسىپورىننىڭ ەشقانداي كەپىل قويۋىنىڭ قاجەتى قالمادى.
وسى ونىمنەن پايدالانىپ، بيىل 1 ـ ايدا شينجياڭ شينلۇي اليۋمين كاسىبى شەكتى سەرىكتەستىگى 8 ميلليون يۋان قارىز اقشا الدى. ”قارىز اقشا ٴبىزدىڭ كاسىپ سالاسى تىزبەگىن ۇزارتۋىمىزعا جەتكىلىكتى قارجىلاي قولداۋ كورسەتتى“، ـ دەدى وسى سەرىكتەستىكتىڭ باس ديرەكتورى جۋ جينحى، ـ قازىر بانكە قارىزىنىڭ ٴتۇرى بارعان سايىن كوبەيىپ، كاسىپورىننىڭ ٴوندىرىس ٴىس جۇزىندىگىنە اناعۇرلىم ۇيلەستى.
2023 ـ جىلدىڭ سوڭىندا، شينجياڭدا جالپىعا ٴتيىمدى شاعىن، ۇساق كاسىپورىندار قارىز اقشا قالدىق سوماسى 200 ميلليارد 860 ميلليون يۋان بولىپ، سوڭعى 5 جىلدا جىلدىق ورتاشا ارتۋ قارقىنى %21.76 بولدى.
ٴارقايسى بانكەدەن قاراعاندا، ونەركاسىپ ـ ساۋدا بانكەسى شينجياڭ بولىمشە بانكەسىنىڭ سوڭعى 5 جىلدا جالپىعا ٴتيىمدى قارىز اقشاسىنىڭ، قاريدارلارىنىڭ ارتۋ قارقىنى تۇگەلدەي %40تەن اسقان؛ قۇرىلىس بانكەسى شينجياڭ بولىمشە بانكەسى سوڭعى 10 جىلدا جالپىعا ٴتيىمدى شاعىن، ۇساق كاسىپورىن قاريدارلارىنان جيىنى 210 مىڭنان استامىن قولداپ، جالپى 116 ميلليارد يۋان قارىز اقشا تاراتقان؛ اۋىل شارۋاشىلىق بانكەسى 10 جىلدا شينجياڭدا 65 ميلليارد يۋان جالپىعا ٴتيىمدى قارىز اقشا تاراتقان؛ شينجياڭ اۋىل ـ قىستاق امانات ـ قارىز كووپەراتيۆى سوڭعى 10 جىلدا شارۋا وتباسىلارىنا ٴبىر تريلليون 20 ميلليارد يۋان قارىز اقشا تاراتقان.
نازاردى ماڭىزدى تۇيىنگە شوعىرلاندىرىپ، باياندى مەحانيزم ورناتتى
بولاشاققا كوز جىبەرگەندە، بۇقاراعا قايتكەندە جالپىعا ٴتيىمدى، پايدالى، قىمبات بولماعان فينانستىق قىزمەت وتەۋگە بولادى؟
بۇدان بىلاي، مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى شينجياڭنىڭ فينانس كاسىبىنە بەلسەنە جەتەكشىلىك ەتىپ، ”8 ٴىرى كاسىپ سالاسى شوعىرى“، جىبەك جولى ەكونوميكالىق بەلدەۋى وزەكتى رايونى، شينجياڭ ەركىن ساۋدا سىناق رايونى، جاڭاشا وندىرگىش كۇش سياقتى سالالاردى، سونداي ـ اق ورتا، شاعىن، ۇساق كاسىپورىنداردى، اۋىل شارۋاشىلىعىنا ساياتىن سالالاردى، بەكەمدەلىپ دارەجەسى جوعارىلاتىلاتىن اۋدانداردى، ەرەكشە قاۋىم سياقتى ٴالسىز بۋىنداردى ارقاۋ ەتىپ، جالپىعا ٴتيىمدى فينانستىق قولداۋ تەبىنىن ارتتىرادى.
”ٴبىز فينانس قۇرىلىمدارىن جالپىعا ٴتيىمدى شاعىن، ۇساق كاسىپورىندار قارىز اقشاسىنىڭ قالدىق سوماسىنىڭ ارتۋ قارقىنىن، اۋىل شارۋاشىلىعىنا ساياتىن قارىز اقشا قالدىق سوماسىنىڭ ارتۋ قارقىنىن جانە بەكەمدەلىپ دارەجەسى جوعارىلاتىلاتىن 35 اۋداننىڭ قارىز اقشاسىنىڭ قالدىق سوماسىنىڭ ارتۋ قارقىنىن جالپى تۇلعالىق قارىز اقشا قالدىق سوماسىنىڭ ورتاشا ارتۋ قارقىنىنان تومەندەتپەۋگە جەتەكتەيمىز“، ـ دەدى چي شياۋبو.
جالپىعا ٴتيىمدى فينانستىڭ كولەمىن اناعۇرلىم كەڭەيتىپ، مولشەرىن اناعۇرلىم ارتتىرۋ ٴۇشىن، مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى باقىلاۋ ـ باسقارۋ تەبىنىن ۇزدىكسىز ارتتىرىپ، ٴارقايسى بانكەنىڭ ٴار دارەجەلى بولىمشە، تارماق قۇرىلىمدارىن باعالاۋ بارىسىندا جالپىعا ٴتيىمدى فينانستىڭ يەلەيتىن سالماعىن %10تەن اسىرۋدى، اسىرەسە، مەملەكەت مەنشىگىندەگى ٴىرى بانكەلەردىڭ نەگىزگى كۇش قوسىنىندىق رولىن ساۋلەلەندىرىپ، اۋدان وڭىرىندەگى قۇرىلىمداردىڭ امانات پەن قارىز سالىستىرماسىن جوعارىلاتۋدى تالاپ ەتتى.
بيىل مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى قامسىزداندىرۋ سەرىكتەستىگىن جالپىعا ٴتيىمدى فينانستى باعالاۋ جۇيەسىنە ەنگىزىپ، قامسىزداندىرۋ سەرىكتەستىگىنەن جالپىعا ٴتيىمدى فينانس ٴبولىمىن قۇرۋدى ٴارى قاتىستى باعالاۋ كورسەتكىشتەرىن بەلگىلەپ، امانات ـ قارىز، قامسىزداندىرۋ، قازىنا باسقارۋدى قامتىعان ۋنيۆەرسال جالپىعا ٴتيىمدى فينانس جۇيەسىن ونان ارى ورناتۋدى تالاپ ەتتى.
قۇرىلىمدى رەتتەۋ جاعىندا، شينجياڭنىڭ فينانس كاسىبى تاعى شاعىن، ۇساق كاسىپورىنداردىڭ جابدىقتارىن جاڭالاۋ، تەحنيكالىق جاڭالاۋ، نىسانداردى زەرتتەۋ ـ اشۋ سياقتى جاقتارىن ورتا، ۇزاق مەرزىمدى قارىز اقشامەن قولداۋ سەرپىنىن ارتتىرىپ، قارجىمەن قامداۋ مەن ەكونوميكالىق قيمىلداردىڭ ۇيلەسىمدىلىگىن جوعارىلاتادى.
سيفرلاندىرۋ _ جالپىعا ٴتيىمدى فينانستىڭ وزىندىك قۇنىن تومەندەتۋدى، مولشەرىن ارتتىرىپ، كولەمىن كەڭەيتۋدى ىلگەرىلەتۋدىڭ ٴونىمدى ٴتاسىلى. قازىر شينجياڭ بانكە كاسىبى كوپتەگەن تاراۋمەن ساندى مالىمەتتەن ورتاق يگىلىكتەنۋدى جۇزەگە اسىردى، سيفرلاندىرۋ تەحنيكاسى جالپىعا ٴتيىمدى فينانستا كەڭىنەن قولدانىلۋدا.
سالىق تاراۋلارىن الىپ ايتساق، شينجياڭنىڭ فينانس كاسىبى سالىق ىستەرى تاراۋلارىمەن بىرلەسىپ ”بانكە مەن سالىق ىستەرى ٴوزارا ىقپالداسقان“ قيمىلداردى ورىستەتىپ، سالىق ىستەرى ينفورماتسياسىنىڭ دەر كەزىندە ارتقان قۇنىن قارجى قۇراۋ سەنىمدىلىگىنە اينالدىرىپ، ”بۇلتتىق سالىق قارىزى“ سياقتى 50 نەشە ٴتۇرلى بانكە ـ سالىق سەلبەستىك ونىمدەرىن شىعاردى. بيىل 2 ـ ايدىڭ سوڭىنا دەيىن، بانكە ـ سالىق ىقپالداستىق قارىز اقشاسىنىڭ قالدىق سوماسى 23 ميلليارد 153 ميلليون يۋان بولدى.
بىلتىر 3 ـ ايدا جانە بيىل 2 ـ ايدا اۋىل شارۋاشىلىق بانكەسى بيڭتۋان بولىمشە بانكەسى جەكە ـ جەكە ينتەرنەت جەلىسىندە ەكى ٴتۇرلى كىلەڭ امانات ـ قارىز ونىمدەرىن جەلىگە شىعارىپ، قازىر قارىز اقشانىڭ قالدىق سوماسى جەكە ـ جەكە 2 ميلليارد 825 ميلليون يۋان، 33 ميلليون 970 مىڭ يۋان بولدى.
”ۇلكەن ساندى مالىمەت ارقىلى ماقتا ەگۋشىلەردىڭ e قارىز اقشاسى، مال شارۋاشىلىعى e قارىز اقشاسى جالپى بارىسىن جەلىلەندىرۋدى جۇزەگە اسىرىپ، قارىز اقشانىڭ قولايلىلىعى مەن قول جەتىمدىلىگىن بارىنشا جوعارىلاتتى، شارۋا وتباسىلارى ۇيدە وتىرىپ، بىرنەشە مينۋتتا ـ اق قارىز اقشا الۋدى ٴوتىنىش ەتە الادى، بۇل وتە قولايلى بولدى“، ـ دەدى اۋىل شارۋاشىلىق بانكەسى بيڭتۋان بولىمشە بانكەسى اۋىل شارۋاشىلىعى، اۋىل ـ قىستاق، شارۋالار فينانس ٴبولىمىنىڭ مايتالمان ارناۋلى قىزمەتكەرى جۋ شياۋيۇي.
قازىر مەملەكەتتىك فينانستى باقىلاۋ ـ باسقارۋ باس مەكەمەسى شينجياڭ باقىلاۋ ـ باسقارۋ مەكەمەسى اۆتونوميالى رايوندىق سيفرلاندىرىپ دامىتۋ مەكەمەسىمەن، سيفرلى شينجياڭ كاسىپ سالاسىنا قارجى قوسۋ (توبى) شەكتى سەرىكتەستىگىمەن كوپ كەزەك اڭگىمە ٴماجىلىس وتكىزدى. بۇدان بىلاي بۇل مەكەمە تاراۋلاردىڭ ينفورماتسيا جاعىنداعى وقشاۋ ارالىن تالقانداۋعا كۇش سالىپ، تاراۋلاردىڭ ينفورماتسيا ساندى مالىمەتتەرىن بىرىكتىرۋدى ىلگەرىلەتىپ، جالپىعا ٴتيىمدى فينانستىڭ قول جەتىمدىلىگى مەن قولايلىلىعىن ونان ارى جوعارىلاتادى.
