انار بۇلت \ شينجياڭ گازەتىنىڭ ٴتىلشىسى حي حۇڭۋي 4 ـ ايدىڭ 12 ـ كۇنى شاڭحايدان حابارلايدى. 4 ـ ايدىڭ 12 ـ كۇنى اۆتونوميالى رايوندىق حالىق ۇكىمەتى ۇيىمداستىرعان، اۆتونوميالى رايوندىق ساۋدا ىستەرى مەڭگەرمەسى مىندەتىنە الىپ وتكىزگەن 2024 ـ جىلعى ”شينجياڭعا كەلىپ شارۋاشىلىق قۇرۋدى قارسى الامىز · شينجياڭ كاسىپ سالاسى سەلبەستىگى بويىنشا ساۋداگەر شاقىرۋ، تانىستىرۋ جينالىسى“ شاڭحايدا وتكىزىلدى، سول جەردىڭ وزىندە 20 نىسان بويىنشا كەلىسىمگە قول قويىلدى، كەلىسىم سوماسى 8 ميلليارد 429 ميلليون يۋانعا جەتىپ، ەنەرگيا، توقىماشىلىق، جاڭا ماتەريال سياقتى كوپ ٴتۇرلى ەرەكشە باسىمدىققا يە سالالارعا سايادى.
وسى رەتكى تانىستىرۋ جينالىسى بيىلعى شينجياڭ ۇكىمەت ۋاكىلدەر ۇيىرمەسىنىڭ تۇڭعىش رەتكى كەڭ كولەمدى سىرتقا شىعىپ ساۋداگەر شاقىرۋى ەسەپتەلەدى. باستىسى، شاڭحاي، جىجياڭ، جياڭسۋ، انحۇي قاتارلى چاڭجياڭ اتىراۋى وڭىرىنەن كەلگەن ەل ىشىندەگى 100دەن استام كاسىپورىن جينالىسقا قاتىناستى. اۆتونوميالى رايوندىق ساۋدا ىستەرى مەڭگەرمەسى، اۆتونوميالى رايوندىق دامۋ جانە رەفورما كوميتەتى، سونداي ـ اق ٴۇرىمجى قالاسى، ىلە قازاق اۆتونوميالى وبلىسى، قارامايلى قالاسى، سانجى حۇيزۋ اۆتونوميالى وبلىسى، اقسۋ ايماعى، حوتان ايماعى سىندى 6 ايماق، وبلىس، قالا سول جەردە تانىستىرىپ، ٴتۇيىندى تۇردە شينجياڭنىڭ ”سەگىز ٴىرى كاسىپ سالاسى شوعىرى“ قۇرىلىسى، جۇڭگو (شينجياڭ) ەركىن ساۋدا سىناق رايونى قۇرىلىسى جانە جەر ـ جەردىڭ بايلىق ارتىقشىلىعى، ەنەرگيا باسىمدىعى سياقتىلاردى تانىستىردى. جينالىستا تاعى 8 ـ كەزەكتى جۇڭگو _ ازيا _ ەۆروپا كورمەسى تانىستىرىلدى ٴارى جيىنالىسقا قاتىناسقان قوناقتار ۇسىنىس ەتىلدى.
تانىستىرۋ جينالىسىندا شاڭحاي ي ـ شين شارۋاشىلىق توبى شەكتى جاۋاپكەرشىلىك سەرىكتەستىگى ٴۇرىمجى قالاسى سايباق رايوندىق حالىق ۇكىمەتىمەن 500 ميلليون يۋاندىق نىسان توقتامىنا قول قويىستى، اتالعان كاسىپورىننىڭ ٴۇرىمجى قالاسىندا جاڭادان سالعان ساۋدا ىستەرى ۋنيۆەرسال عيماراتى سەرىكتەستىكتىڭ شينجياڭ وڭىرىندەگى باس شتابى سانالادى. ”وسى بىرنەشە جىلدا شينجياڭدا ىرگە تەپكەن نىسانداردىڭ دامۋ اۋقىمى توتەنشە جاقسى بولۋى ٴبىزدىڭ شينجياڭعا قارجى قوسۋ بەكىمىمىز بەن سەنىمىمىزدى كۇشەيتتى“. وسى سەرىكتەستىكتىڭ ورىنباسار باس جوراسى ۋاڭ رۇييۇي بىلاي دەپ تانىستىردى: كاسىپورىننىڭ باستى تيجارات اۋماعى مەتال قورىتۋ جانە جابدىق جاساۋ، الداعى 5 _ 3 جىلدا شينجياڭعا قارجى قوسۋ سەرپىنىن زورايتىپ، شينجياڭنىڭ وڭىرلىك ورىن باسىمدىعىنا سۇيەنىپ ورتا ازيا بازارىن بەلسەنە اشامىز.
لۇڭكوۋ قالاسى نانسۇن جەمىس باعى جەمىس شارۋاشىلىعى شەكتى سەرىكتەستىگىنىڭ باسالقاسى شاۋ گاڭنىڭ الما ەگىمشىلىگى جانە جىنتىكتەي وڭدەۋ سالاسىندا زەرتتەۋمەن شۇعىلدانعانىنا 30 جىلدان استى، باعباندار نازارىنداعى جەمىس شارۋاشىلىعىنىڭ اتويشىسى، اسىلىندە شينجياڭدا قارجى قوسۋدى ويلاپ جۇرگەن ول وسى رەت بەلسەنە تىزىمدەلىپ جينالىسقا قاتىناستى. ”شينجياڭنىڭ كۇن نۇرى بايلىعى مول، المانىڭ ساپالى ٴوندىرىس ٴوڭىرى سانالادى“. شاۋ گاڭ بىلاي دەدى: كاسىپورىن قازىر المانى جىنتىكتەي وڭدەۋدىڭ تۇتاس كاسىپ سالاسى تىزبەگىنىڭ جۇمىس جۇرگىزۋىن الدەقاشان جۇزەگە اسىردى، شينجياڭدا زاۆود قۇرىپ، شينجياڭنىڭ جەمىس ـ جيدەگىن جىنتىكتەي وڭدەۋدى اناعۇرلىم ويداعىداي جۇزەگە اسىرۋدى ٴارى شينجياڭنىڭ وڭىرلىك ورىن باسىمدىعىنا سۇيەنىپ ەل ٴىشى، حالىقارا سىندى ەكى ۇلكەن بازاردى اشۋدى ٴۇمىت ەتەمىن.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ٴبىرىنشى دارەجەلى شارلاۋشى جۋ حىشياڭ مىنالاردى ٴبىلدىردى: وسى رەتكى تانىستىرۋ جينالىسى شينجياڭ ەركىن ساۋدا سىناق رايونىنىڭ جانە اۆتونوميالى رايوننىڭ ٴتۇيىندى كاسىپ سالالارىنىڭ ساۋداگەر شاقىرىپ قارجى ەنگىزۋ سەرپىنىن كۇشەيتتى، وسىنداي ٴتاسىل ارقىلى بۇكىل ەلدىڭ جەر ـ جەرىندەگى كاسىپورىنداردىڭ شينجياڭنىڭ بايلىق باسىمدىعىن جانە كاسىپ سالاسىنىڭ دامۋ جاعدايىن تۇسىنۋىنە مۇمكىندىك جاساپ، اناعۇرلىم كوپ كاسىپورىنداردى شينجياڭعا كەلىپ قارجى قوسۋعا، دامۋعا باۋراۋدى ٴۇمىت ەتەمىز.
