انار بۇلت \ شينجياڭ گازەتىنىڭ ٴتىلشىسى جىڭ جو 4 ـ ايدىڭ 12 ـ كۇنى ۇرىمجىدەن حابارلايدى. اۆتونوميالى رايوندىق اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىنان ۇعىسۋىمىزشا، بيىل ٴبىرىنشى ماۋسىمدا شينجياڭداعى ٴار دارەجەلى الەۋمەتتىك بايلىق ساۋدا قىزمەتى ورنىقتى ىلگەرىلەپ، 4 ۇلكەن بولىك بويىنشا 4452 مەردىگەرلىك بولىگى ورىندالىپ، ساۋدا سوماسى 54 ميلليارد 610 ميلليون يۋان بولعان. رايون دارەجەلى 4 ۇلكەن بولىكتىڭ ساۋدا سانى 431، ساۋدا سوماسى 19 ميلليارد 521 ميلليون يۋان بولعان، جالپى بارىستى ەلەكترونداندىرۋ سالىستىرماسى %80كە جەتكەن.
اۆتونوميالى رايوننىڭ ٴوز دارەجەسىندەگى ساۋدا سىندى 4 ۇلكەن بولىكتىڭ ىشىندە قۇرىلىس ينجەنەريا نىسانى 240، ساۋدا سوماسى 16 ميلليارد 521 ميلليون يۋان بولعان؛ ۇكىمەت ساتىپ العانى 45، ساۋدا سوماسى 238 ميلليون يۋان بولعان؛ كەن اشۋ ۇقىعىن باسەكەمەن وتكەرمەلەۋ نىسانى 10، كەلىسىلگەن ساۋدا سوماسى 2 ميلليارد 588 ميلليون يۋان بولعان؛ مەملەكەت مەنشىگىندەگى مال ـ مۇلىك ۇقىعى ساۋدا نىسانى 136، كەلىسىلگەن ساۋدا سوماسى 174 ميلليون يۋان بولعان.
بيىل جىل باسىنان بەرى اۆتونوميالى رايوندىق اكىمشىلىك ىستەر قىزمەت وتەۋى جانە الەۋمەتتىك بايلىق ساۋدا ورتالىعى «اۆتونوميالى رايوننىڭ شارۋاشىلىق ـ ساۋدا ورتاسىن ساپالىلاندىرىپ، دەڭگەيىن جوعارىلاتۋدى اتقارۋداعى 3 جىلدىق ارەكەت جوباسىن (2025 _ 2022 ـ جىل)» دايەكتىلەندىرىپ، تياناقتاندىرىپ، بۇكىل ەل بويىنشا ٴبىر تۇتاس ٴىرى بازار قۇرۋ تالابىنا تۋرالانىپ، ٴتۇرلى الەۋمەتتىك بايلىق ساۋدا قىزمەتىن تىڭعىلىقتى ىلگەرىلەتىپ، جىلدىق ساۋدا مىندەتىن جاپپاي جوعارى ونىمدىلىكپەن ورىنداۋعا نەگىز قالادى.
ينجەنەريالىق قۇرىلىسقا مەردىگەر شاقىرۋ، مەردىگەر بولۋ قىزمەتى ويداعىداي ىستەلىپ، كەلەلى ينجەنەريالىق قۇرىلىس نىساندارىنىڭ الاڭعا كىرۋ ساۋداسى قامتاماسىزداندىرىلدى. G30 ليانيۇنگاڭ _ قورعاس جوعارى قارقىندى تاس جولىنىڭ قۇمىلدان تۇيىققا دەيىنگى بولىگىن جاڭالاپ، كەڭەيتىپ سالۋ ينجەنەرياسى، G30 ليانيۇنگاڭ _ قورعاس جوعارى قارقىندى تاس جولىنىڭ شيڭشيڭشيادان قۇمىلعا دەيىنگى بولىگىن جاڭالاپ، كەڭەيتىپ سالۋ ينجەنەرياسى، سانجى حۇيزۋ اۆتونوميالى وبلىسى فۋكاڭ قالاسىنىڭ سۋ باستاپ باقشاعا كىرگىزۋ نىسانى سياقتى ٴبىر توپ كەلەلى نىسانداردا ىركەس ـ تىركەس ٴساتتى ساۋدا جاسالدى؛ سونىمەن بىرگە، حالىق تۇرمىسى ينجەنەرياسى قۇرىلىسىنا بەلسەنە قىزمەت وتەپ، گانچۋانپۋ پويەز ۆوگزالىنىڭ جاڭادان سالىنعان سايكەستى قۇرىلعىلارعا پايدالانىلاتىن ٴۇي ينجەنەرياسى، اقسۋ اۋماعى 2024 ـ جىلعى جول بەتىن قالپىنا كەلتىرۋ، اسىراۋ ـ كۇتىمدەۋ ينجەنەرياسى سياقتى ٴبىر توپ كەلەلى حالىق تۇرمىسى ينجەنەرياسىنا مەردىگەر شاقىرۋ ٴساتتى ورىندالدى.
كەن ۇقىعىن وتكەرمەلەۋ قىزمەتى ويداعىداي ىستەلدى. ٴبىرىنشى ماۋسىمدا بۇل ورتالىق اۆتونوميالى رايوندىق جاراتىلىستىق بايلىق مەڭگەرمەسىنىڭ تاپسىرۋىمەن حىجيڭ اۋدانى تەكەداۋانشى تەمىر كوپ مەتالدى كەنىن (2 ـ رايون) جاپپاي تەكسەرۋ سياقتى اۆتونوميالى رايوننىڭ كۋالىك بەرۋ ۇقىق شەگى بويىنشا 22 كەن بارلاۋ ۇقىعىن 3 توپقا ٴبولىپ اشىق ماڭدايشالىق اسىپ وتكەرمەلەدى، كەن تۇرلەرى التىن كەنى، تەمىر كەنى، مىس كەنى، كومىر كەنى سياقتىلاردى قامتىدى؛ جاراتىلىستىق بايلىق مينيسترلىگىنىڭ تاپسىرۋىمەن حوتان اۋدانى تيانشۇيحاي ليتي كەنىن بارلاۋ، نيە اۋدانى حۋاڭياڭليڭ 1 ـ رايونى 1 ـ ٴنومىرلى سۇرمە كەنىن بارلاۋ سياقتى 9 جاراتىلىستىق بايلىق مينيسترلىگىنىڭ كۋالىك بەرۋ ۇقىق شەگى بويىنشا كەن بارلاۋ ۇقىعىن اشىق ماڭدايشالىق اسىپ وتكەرمەلەدى.
رايوننىڭ ٴوز دارەجەسىندەگى ۇكىمەتتىك ساتىپ الۋ قىزمەتى ويداعىداي ىستەلدى. ٴبىرىنشى ماۋسىمدا بۇل ورتالىق جيىنى 1611 ساتۋشى ساۋداگەردى تىركەۋگە الۋدى، 250 مىڭ 858 تاۋاردى سورەگە شىعارۋدى بەكىتتى، ٴتۇيىندى قىزمەت وتەۋ كەلىسىمىنەن 2269ىن بەكىتتى. اۆتونوميالى رايوننىڭ ٴوز دارەجەسىندەگى اكىمشىلىك ٴىسورىندارىنىڭ ساتىپ الۋ سوماسى از، سانى كوپ، رەت سانى ٴجيى بولعان ۇكىمەتتىك ساتىپ الۋ نىساندارىن تۇگەلدەي ينتەرنەتتەگى ەرەن بازارلاردان تىكەلەي ساتىپ الۋعا بولاتىن بولىپ، ۇكىمەتتىك ساتىپ الۋ ٴتارتىبى ىقشامدالدى. بۇل ورتالىق ۇستەل كومپيۋتەر، الىپ جۇرۋگە قولايلى كومپيۋتەر جۇلگەلىك كەلىسىمىن جيناۋ حابارلاندىرۋىن جاريالادى، اۆتونوميالى رايونداعى مەجە ەسەپ ورىندارى شينجياڭ ۇكىمەتتىك ساتىپ الۋ بۇلت تۇعىرى جۇلگەلىك كەلىسىم سارايىندا تىكەلەي تاپسىرىس بەرۋىنە بولادى، بۇل شاعىن سومالى ۇساق ـ تۇيەك ساتىلىمىنداعى ونىمدىلىكتى بارىنشا جوعارىلاتتى.
ٴدارى ـ دارمەكتى شوعىرلى ساتىپ الۋ قىزمەتى ويداعىداي ىستەلدى. ٴبىرىنشى ماۋسىمدا بۇل ورتالىق 1 ـ توپتاعى ٴدارى ـ دارمەك پەن 1 ـ توپتاعى ەمدەۋگە جۇمسالاتىن ماتەريالداردى ياڭگۋاڭ ينتەرنەتكە ٴىلۋ قىزمەتىن ورىستەتىپ، ٴدارى ـ دارمەككە قاتىستى كۇدىكتەن ارىلتۋ بويىنشا 547سىن، ەمدەۋگە جۇمسالاتىن ماتەريالدارعا قاتىستى كۇدىكتەن ارىلتۋ بويىنشا 28 مىڭ 711ىن ٴبىر جاقتى ەتىپ، ينتەرنەتكە شىعارىلعان ٴدارى ـ دارمەك ونىمدەرى 1146، ەمدەۋگە جۇمسالاتىن ماتەريال ونىمدەرى 108 مىڭ 809 بولدى؛ سونىمەن بىرگە ٴدارى ـ دارمەك باعاسى جانە ساتىپ الۋ سەنىمدىلىك، سەنىمسىزدىك دارەجەسىن باعالاۋ شاراسىن قولدانۋ قىزمەتى ويداعىداي ىستەلدى.
كەلەسى قادامدا بۇل ورتالىق الەۋمەتتىك بايلىق ساۋدا تۇعىرىن بىرىكتىرۋ، ورتاق يگىلىكتەنۋ دەڭگەيىن ۇزدىكسىز جوعارىلاتىپ، الەۋمەتتىك بايلىق ساۋدا بازارىنىڭ شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، جوعارى ٴونىمدى جۇيەلى، ٴادىل باسەكەلى، تولىق اشىق جوعارى ولشەمدى الەۋمەتتىك بايلىق ساۋدا بازارى جۇيەسىن كۇش سالا قالىپتاستىرادى.
