انار بۇلت \ شينجياڭ گازەتىنىڭ ٴتىلشىسى جاڭ يۇنمەي 4 ـ ايدىڭ 10 ـ كۇنى ۇرىمجىدەن حابارلايدى. تاياۋداعى 3 جىلدان بەرى شينجياڭداعى ورتا، شاعىن كاسىپورىنداردىڭ جوعارى مەكتەپ بىتىرگەن وقۋشىلاردى قابىلداۋ سانى جىل سايىن ارتتى.
بيىل شينجياڭدا جوعارى مەكتەپتەردەن (بيڭتۋان قامتىلمايدى) وقۋ بىتىرەتىن وقۋشىلار كولەمى مەجەمەن 173 مىڭ ادام بولىپ، جۇمىستاندىرۋداعى جالپى مولشەر قىسىمى اناعۇرلىم ارتتى. جۇمىستاندىرۋ ساياساتىنان جەتكىلىكتى، ويداعىداي پايدالانىپ، الەۋمەتتىك تاراۋلاردىڭ جۇمىستاندىرۋعا باۋراۋ قابىلەتىن جوعارىلاتۋمەن بىرگە، شينجياڭ الداعى جەردە بازارلانعان، قوعامدانعان جۇمىستاندىرۋ ارناسىن ۇزدىكسىز كەڭەيتىپ، ورتا، شاعىن كاسىپورىنداردىڭ جوعارى مەكتەپتەردەن وقۋ تاۋىسقان اناعۇرلىم كوپ وقۋشىلاردى جۇمىستانۋعا باۋراۋىنا مۇمكىندىك جاسايدى.
مۇنىڭ ىشىندە اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردى جەتىلدىرۋ تەبىنىن ارتتىرىپ، اۆتونوميالى رايوندىق وقۋ ـ اعارتۋ مەڭگەرمەسى سياقتى تاراۋلارمەن بىرلەسىپ كوپ ٴتۇرلى فورمادا مەكتەپتەردە قىزمەتكەر قابىلداۋ قيمىلىن ورىستەتەدى، جوعارى مەكتەپتەرگە ساپالى ورتا، شاعىن كاسىپورىنداردى، اسىرەسە، جەرگىلىكتى ورىنداعى ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردى تانىستىرادى؛ اۆتونوميالى رايوندىق ساۋدا ـ ونەركاسىپشىلەر بىرلەستىگى حالىقتىق كاسىپورىنداردىڭ جۇمىس ورنى كومەسكى كۇشىن بار كۇشپەن اشىپ، ٴتۇرلى جۇمىستاندىرۋدى جەبەۋ قيمىلدارىن وتكىزىپ، حالىقتىق كاسىپورىنداردىڭ اناعۇرلىم كوپ جۇمىستاندىرۋ جۇمىس ورنىن اشۋىنا، كەڭەيتۋىنە جەتەكشىلىك ەتىپ، جوعارى مەكتەپتەردەن وقۋ تاۋىسقان وقۋشىلاردى اناعۇرلىم زور تەبىنمەن قابىلدايدى؛ اۆتونوميالى رايوندىق ساۋدا ىستەرى مەڭگەرمەسى قاراستىلىعىنداعى كاسىپتىك قوعامداردى، شينجياڭدا تۇراتىن ساۋدا قوعامدارىن جانە ساۋدا كاسىپورىندارىن كەڭ كولەمدە جۇمىلدىرىپ، جوعارى مەكتەپتەردەن وقۋ تاۋىسقان وقۋشىلاردى بەتكە الا وتىرىپ جۇمىستاندىرۋ جۇمىس ورنىن اشىپ، قوعام، ساۋدا قوعامى جانە كاسىپورىنداردىڭ جۇمىس ورنىن ورنىقتىرىپ، جۇمىستاندىرۋ قابىلەتىن ارتتىرادى؛ اۆتونوميالى رايوندىق وقۋ ـ اعارتۋ مەڭگەرمەسى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جوعارى مەكتەپتەردىڭ مەكتەپ باسقارۋ ەرەكشەلىگى، باسىمدىققا يە كاسىپتەرى، سونداي ـ اق جاڭادان اشقان كاسىپتەرى سياقتى ەرەكشەلىكتەرىنە مەڭزەس جوعارى مەكتەپتەرمەن بىرلەسىپ ۇيىمداسىپ، ”كاسىپورىنداردى ارالاپ احۋال ۇعىسىپ جۇمىس ورنىن كەڭەيتۋ، جۇمىستاندىرۋدى جەبەۋ ارناۋلى ارەكەتىن“ ورىستەتىپ، جۇمىستاندىرۋ ارناسىن كەڭەيتەدى؛ جەر ـ جەردەگى جوعارى مەكتەپتەر مەكتەپ ـ كاسىپورىن سەلبەستىگى سياقتىلاردان پايدالانىپ، قول ۇستاسا جۇمىستاندىرۋدى جەبەۋ بويىنشا دالمە ـ ٴدال قىزمەت وتەۋدى ىشكەرىلەي ورىستەتىپ، ٴتۇيىندى كاسىپورىندارمەن، باقشا رايوندارىمەن جانە ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىندارمەن ٴتۇيىلىسۋدى كۇشەيتىپ، بازارلانعان، قوعامدانعان جۇمىستاندىرۋ ارناسىن بار كۇشپەن اشىپ، جۇمىس ورنى قاينارىن كەڭەيتىپ، دارىندىلار قامداۋ ـ قاجەتسىنۋىن ٴتۇيىلىستىرۋ تۇعىرىن دالمە ـ ٴدال ورناتادى. سونىمەن بىرگە، جوعارى مەكتەپتەر مەكتەپتە قىزمەتكەر قابىلداۋ نەگىزگى ارناسىنىڭ رولىن تولىق ساۋلەلەندىرىپ، ”10 مىڭ كاسىپورىن مەكتەپكە كىرۋ“ جوسپارىن اتقارۋدى ىلگەرىلەتىپ، مەكتەپتە قىزمەتكەر قابىلداۋ قيمىلىنىڭ ٴىس جۇزىندىك ونىمدىلىگىن جوعارىلاتادى.
