انار بۇلت \ شينجياڭ گازەتىنىڭ ٴتىلشىسى ليۋ ي 4 ـ ايدىڭ 9 ـ كۇنى ۇرىمجىدەن حابارلايدى. شينجياڭ تارىم وزەنى الابىن باسقارۋ مەكەمەسىنەن ۇعىسۋىمىزشا، شينجياڭ بيىل 510 ميلليون تەكشەمەتر تاسقىن سۋىن باستاپ، تارىم وزەنى الابى بويىنداعى توراڭعى ورمانىنا سۋ تولىقتاۋدى جوسپارلاعان.
تانىستىرۋعا قاراعاندا، بيىلعى تاسقىن سۋىن باستاپ سۋ تولىقتاۋ جۇمىسى تارىم وزەنى الابىنىڭ ”ٴتورت قاينار، ٴبىر نەگىزگى اعار“سۋ بايلىعى شارت ـ جاعدايىن تولىق ويلاستىرىپ، تارىم وزەنى الابىنا كەلگەن سۋ مولشەرى سوڭعى 10 جىلداعى ورتاشا سۋ مولشەرىنەن جوعارى بولۋ جاعدايىندا نەگىزگى تاسقىن مەزگىلىندە سۋ باستاۋ ينجەنەرياسى جانە ورمان اراسىنداعى سايكەستى سۋ جەتكىزۋ ينجەنەرياسى سياقتىلار ارقىلى ۇيلەسىمدى ۋاقىتتا، ۇيلەسىمدى مولشەرمەن ”ٴتورت قاينار، ٴبىر نەگىزگى اعار“ توراڭعى ورمانى وڭىرىنە تاسقىن سۋىن باستاپ، سۋ تولىقتايدى ەكەن.
تارىم وزەنى الابىنىڭ ”ٴتورت قاينار، ٴبىر نەگىزگى اعارى“ جەكە ـ جەكە ياركەن وزەنى، اقسۋ وزەنى، حوتان وزەنى، قايدۋ _ كونچى وزەنى سىندى ٴتورت قاينار، سونداي ـ اق وزىندە اعىن سۋ جوق تارىم وزەنى نەگىزگى اعارى. تارىم وزەنى ارناسىنىڭ جاعالاۋىنا ورنالاسقان سان ميلليون مۋ توراڭعى ورمانى _ وڭتۇستىك شينجياڭنىڭ ماڭىزدى ەكولوگيالىق قالتقىسى.
”ۇلكەن وزەنگە كەلگەن تاسقىن سۋدىڭ جاعدايىنا قاراي يكەمدى رەتتەپ، ەكولوگيالىق سۋدان پايدالانۋ سالىستىرماسىن ونان ارى جوعارىلاتامىز“. تارىم وزەنى الابىن باسقارۋ مەكەمەسىنىڭ سۋ مولشەرىن رەتتەۋدى باسقارۋ باسقارماسىنىڭ ورىنباسار باستىعى تان جيڭ بىلاي دەپ تانىستىردى: بيىلعى 510 ميلليون تەكشەمەتر تاسقىن سۋدى باستاپ سۋ تولىقتاۋ جۇمىسى مىندەتىندە ياركەن وزەنى، اقسۋ وزەنى، حوتان وزەنى، قايدۋ _ كونچى وزەنى، تارىم وزەنى نەگىزگى اعارىنىڭ ورتا، جوعارعى اعارى ايىرىم ـ ايىرىم 60 ميلليون تەكشەمەتر، 5 ميلليون تەكشەمەتر، 40 ميلليون تەكشەمەتر، 89 ميلليون تەكشەمەتر، 316 ميلليون تەكشەمەتر سۋدى مىندەتىنە الدى.
2023 ـ جىلى شينجياڭ تاسقىن اپاتى مەن قۋاڭشىلىق اپاتىنان ساقتانۋ جانە تاسقىن سۋ بايلىعىنان پايدالانۋ جۇيەسىن بەلسەنە قۇرىپ، تاسقىن سۋىن بايلىققا اينالدىرىپ پايدالانۋدى كۇشەيتىپ، تۇتاس جىلدا 2 ميلليارد 20 ميلليون تەكشەمەتر تاسقىن سۋ بايلىعىن پايدالانىپ، تاسقىن سۋىنان ”ساقتانا الۋدى، ويداعىداي پايدالانۋدى“ جۇزەگە اسىردى. مۇنىڭ ىشىندە تارىم وزەنى الابىنىڭ ”ٴتورت قاينار، ٴبىر نەگىزگى اعار“ توراڭعى ورمانى وڭىرىنە ٴبىر ميلليارد 103 ميلليون تەكشەمەتر تاسقىن سۋىن باستاپ سۋ تولىقتادى، توراڭعى ورمانىنا تاسقىن سۋىن باستاپ سۋ تولىقتاۋ بويىنشا كولكىتە سۋارۋ كولەمى شامامەن 2 ميلليون 720 مىڭ مۋ بولدى، توراڭعى ورمانىنداعى سۋ تولىقتانعان ٴوڭىردىڭ وسىمدىك جامىلعىسىمەن كومكەرىلۋ مولشەرى %4.3 ارتتى.
بيىل شينجياڭ وندىرىسكە، تۇرمىسقا، ەكولوگياعا پايدالانىلاتىن سۋدى ٴبىر تۇتاس جوسپارلاپ، تاسقىن سۋدى بايلىققا اينالدىرىپ پايدالانۋدى كۇشەيتىپ، كومەسكى كۇشتى اشۋ، ساپاسىن جوعارىلاتۋ، ونىمدىلىگىن ارتتىرۋ جاعىندا كۇش سالىپ، يكەمدى ورنالاستىرىلعان سۋ مولشەرىن ۇلەستىرۋ مەحانيزمى مەن باسقارۋ ٴتۇزىمىن ساپالىلاندىرىپ، كەمەلدەندىرىپ، سۋ يگىلىگى سالاسىنىڭ قىزمەت وتەۋ، قامتاماسىز ەتۋ دەڭگەيىن جاپپاي جوعارىلاتادى.
