حۋايروۋ تاجىريبەحاناسى شينجياڭ بازاسى كادرلارىنىڭ مىندەتكە تاعايىندالعاندىعى جاريالاندى
ما شيڭرۇي ٴسوز سويلەدى، ەركىن تۇنياز باسقاردى، لي يفي، حى جۇڭيوۋ، جاڭ جۋ قاتىناستى
4 ـ ايدىڭ 8 ـ كۇنى شينجياڭنىڭ مۇناي، گاز كاسىپ سالاسىنىڭ دامۋىن عىلىم ـ تەحنيكامەن دەمەۋ جونىندەگى اكادەميكتەر بايانداما ٴماجىلىسى جانە حۋايروۋ تاجىريبەحاناسى شينجياڭ بازاسى (شينجياڭ اكادەمياسى) كادرلارىنىڭ مىندەتكە تاعايىندالعاندىعىن جاريالاۋ ٴماجىلىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 8 ـ كۇنى ۇرىمجىدەن حابارلايدى. 4 ـ ايدىڭ 8 ـ كۇنى تۇستەن كەيىن، اۆتونوميالى رايون ۇرىمجىدە ٴماجىلىس وتكىزىپ، حۋايروۋ تاجىريبەحاناسى شينجياڭ بازاسى (شينجياڭ اكادەمياسى) كادرلارىنىڭ مىندەتكە تاعايىندالعاندىعىن جاريالادى، سونداي ـ اق ەكى اكادەميانىڭ كوپتەگەن اكادەميكتەرى ۇسىنىس بويىنشا ”شينجياڭنىڭ مۇناي، گاز كاسىپ سالاسىنىڭ دامۋىنا عىلىم ـ تەحنيكامەن تىرەك بولۋ“ جونىندە پىكىر اۋىستىرىپ بايانداما جاساپ، شينجياڭنىڭ بايلىق باسىمدىعىن، كومەسكى كۇشىن ۇزدىكسىز ساۋلەلەندىرۋ، مۇناي، گاز كاسىپ سالاسىن جەتىلدىرۋدى، زورايتۋدى جەدەلدەتۋ جونىندە سىندارلى اقىل ـ كەڭەس بەرىپ، شينجياڭنىڭ مەملەكەتتىڭ ەنەرگيا حاۋىپسىزدىگىنە اناعۇرلىم ويداعىداي قىزمەت ەتۋىنە، قامتاماسىز ەتۋىنە دەم بەرىپ، ٴوڭىردىڭ جوعارى ساپالى دامۋىن جەدەل ىلگەرىلەتەتىندىكتەرىن ٴبىلدىردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴار ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى جاڭ جۋ ماجىلىسكە قاتىناستى، سونداي ـ اق حۋايروۋ تاجىريبەحاناسى پارتكومىنىڭ ورىنباسار شۋجيى، قوسىمشا ٴتارتىپ تەكسەرۋ كوميتەتىنىڭ شۋجيى ۋاڭ ليمەن بىرگە شينجياڭ بازاسى (شينجياڭ اكادەمياسى) كادرلارىن مىندەتكە تاعايىنداۋ حۇجاتىن وقىدى. شينجياڭ بازاسىنداعى (شينجياڭ اكادەمياسى) جاۋاپتى جولداستار پوزيتسيا ٴبىلدىرىپ ٴسوز سويلەدى.
ەكى اكادەميانىڭ اكادەميكتەرىنەن يۋان شى ـ ي، سۇن حۋانچۋان، شۇي چۇنميڭ، حۋاڭ ۋيحى، زوۋ ساينىڭ، شيە حىپيڭ، سۇن جينشىڭ، جاۋ ۋىنجى، حاۋ فاڭ، لي گىنشىڭ، جاڭ شۇيچاڭ، ليۋ حى، پىڭ سۋپيڭ، سۇن لۇڭدى ىلگەرىندى ـ كەيىندى پىكىر اۋىستىرىپ بايانداما جاساپ، مەملەكەتتىڭ مۇناي، گاز ەنەرگياسىمەن قامداۋدىڭ قازىرگى احۋالى، شينجياڭنىڭ مۇناي، گاز كاسىپ سالاسى دامۋىنىڭ باسىمدىعى مەن بولاشاعى جونىندە ىشكەرىلەي تالداۋ جاساپ بىلاي دەپ قارادى: شينجياڭ ەلىمىزدىڭ مۇناي، گازىنىڭ ستراتەگيالىق ارناسى، بۇكىل ەلدىڭ مۇنايدى ورنىقتىرىپ، گازدى مولايتۋىنىڭ نەگىزگى قوسىنى، مەملەكەتتىڭ ەنەرگيا حاۋىپسىزدىگىن قامتاماسىزداندىرۋ، ەنەرگيا كاسىپ سالاسىنىڭ دامۋىن جەبەۋدە ماڭىزدى ورىنعا يە. كوپشىلىك وزدەرىنىڭ ماماندىق سالاسىمەن ۇشتاستىرىپ، مۇناي، گاز بارلاۋ، اشۋ جونىندەگى قاتىستى تەحنيكالار جانە ينجەنەريالار جونىندە تۇسىنىك جاسادى، سونداي ـ اق شينجياڭنىڭ مۇناي، گازىنىڭ قورىن مولايتىپ، ٴونىمىن جوعارىلاتۋ تەبىنىن ارتتىرۋ، ەنەرگيانىڭ تومەن كومىر قىشقىل گازدى، زەردەلى دامۋىن جەبەۋ، حۋايروۋ تاجىريبەحاناسى شينجياڭ بازاسىنىڭ رولىن ساۋلەلەندىرۋ، تەرەڭ قاباتتاعى مۇناي، گازدا جاڭالىق اشۋ بازاسىن تۇلعالاۋ، شينجياڭنىڭ كومىر قاباتى گازى بايلىعىن اشۋدى، پايدالانۋدى كۇشەيتۋ، سيفرلى، زەردەلى مۇناي، گاز ويپاتتارىن قالىپتاستىرۋ سياقتىلار جونىندە ناقتى ۇسىنىستار قويدى.
جۇڭگو مۇناي ـ تابيعي گاز توبىنىڭ ورىنباسار باس ديرەكتورى جاڭ داۋۋي، جۇڭگو ينجەنەريا اكادەمياسىنىڭ اكادەميگى، حۋايروۋ تاجىريبەحاناسىنىڭ مەڭگەرۋشىسى تاڭ گۋاڭفۋ جەكە ـ جەكە ٴسوز سويلەپ مىنالاردى ٴبىلدىردى: حۋايروۋ تاجىريبەحاناسى شينجياڭ بازاسىن قۇرۋ باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن دايەكتىلەندىرىپ، مۇناي، گاز سالاسىنداعى مەملەكەتتىڭ ستراتەگيالىق عىلىم ـ تەحنيكا كۇشىن تۇلعالاپ، مەملەكەتتىڭ ەنەرگيا حاۋىپسىزدىگىن قامتاماسىزداندىرۋداعى ماڭىزدى شاراسى. شينجياڭ بازاسى ماڭدايشالىق اسىپ قۇرىلعاننان بەرى ٴبىر قىدىرۋ قىزمەتتەر ورىستەتىپ، تىڭ دامۋ كەزەڭىنە ٴوتتى. حۋايروۋ تاجىريبەحاناسى شينجياڭ بازاسىن ٴۇش جاق بىرگە قۇرۋدىڭ جۇلگەلىك كەلىسىمىن تياناقتاندىرىپ، بازانىڭ ورىن تۇراقتاندىرۋىن ٴدال تاۋىپ، حۋايروۋ تاجىريبەحاناسى مەن جۇڭگو مۇناي ـ تابيعي گاز توبىنىڭ باسىمدىعىن تولىق ساۋلەلەندىرىپ، نازاردى اسا تەرەڭ قاباتتاعى مۇناي، گازدى بارلاۋ، اشۋ سياقتى ٴتۇيىندى مىندەتتەرگە شوعىرلاندىرىپ عىلىم ـ تەحنيكادان قامال الۋدى ىلگەرىلەتىپ، عىلمي زەرتتەۋ جەتىستىكتەرىن جەدەل كادەگە جاراتىپ، مەملەكەتتىڭ ەنەرگيامەن قامداۋعا كەپىلدىك ەتۋ كەلەلى جاعدايى مەن شينجياڭنىڭ جوعارى ساپالى دامۋىنا اناعۇرلىم ويداعىداي قىزمەت وتەيدى.
ما شيڭرۇي سوزىندە حۋايروۋ تاجىريبەحاناسىنىڭ، جۇڭگو مۇنايىنىڭ جانە ٴارقايسى اكادەميك ـ مامانداردىڭ شينجياڭنىڭ عىلىم ـ تەحنيكادا جاڭالىق اشۋ قىزمەتىنە جانە مۇناي، گاز كاسىپ سالاسىنىڭ دامۋىنا قولداۋ كورسەتىپ، كومەك بەرگەندىگىنە العىس ايتتى. ول بىلاي دەپ باسا دارىپتەدى: شينجياڭ مەملەكەتتىڭ ەنەرگيا حاۋىپسىزدىگىن قامتاماسىزداندىرۋ سىندى كەلەلى ساياسي جاۋاپكەرشىلىك ارقالاپ وتىر، حۋايروۋ تاجىريبەحاناسى شينجياڭ بازاسىنىڭ رولى ماڭىزدى، بولاشاعى جارقىن. ”مەملەكەتتىڭ زور ٴىسىن“ كوكەيدە ساقتاپ، حۋايروۋ تاجىريبەحاناسى شينجياڭ بازاسىن قۇرۋدىڭ ساياسي ٴمانىن، ستراتەگيالىق ٴمانىن، ەكونوميكالىق ٴمانىن، عىلىم ـ تەحنيكالىق ٴمانىن تەرەڭ تانىپ، باس شۋجي شي جينپيڭ جانە پارتيا ورتالىق كوميتەتى شينجياڭعا بەلگىلەپ بەرگەن ەرەكشە ماڭىزدى ستراتەگيالىق ورىندى كوزدەپ، شىن مانىندە بەتالىستى ٴدال تاۋىپ، باسىمدىقتى ساۋلەلەندىرىپ، بەلسەنە ىسكەرلىك كورسەتىپ، شينجياڭنىڭ مۇناي، گاز سالاسىنداعى عىلىم ـ تەحنيكادا جاڭالىق اشۋ جاڭا قوزعالتقىشىن تۇلعالاۋ كەرەك. نازاردى ٴتۇيىندى مىندەتكە شوعىرلاندىرىپ، مۇناي، گاز بايلىعىن ”بارلاۋ“ جانە ”اشۋ“ سىندى ەكى ٴتۇيىندى تىعىز توڭىرەكتەي وتىرىپ ٴىس تىندىرىپ، شينجياڭنىڭ مۇناي، گازىنىڭ قورىن مولايتىپ، ٴونىمىن جوعارىلاتۋدا تىڭ تابىسقا جەتۋدى جەدەل ىلگەرىلەتىپ، مەملەكەتتىڭ ەنەرگيا ستراتەگياسىنا قىزمەت وتەۋگە اناعۇرلىم كوپ شينجياڭ ۇلەسىن قوسۋ كەرەك. عىلىم ـ تەحنيكادا جاڭالىق اشۋدىڭ باستاۋ، جەتەكشىلىك ەتۋ رولىن شىن مانىندە ساۋلەلەندىرىپ، شينجياڭنىڭ مۇناي، گاز ٴوندىرۋ، وڭدەۋ كاسىپ سالاسى شوعىرىن جەدەل دامىتىپ، زورايتىپ، شينجياڭ ەرەكشەلىگىن جانە باسىمدىعىن ايگىلەيتىن وسىزاماندانعان كاسىپ سالاسى جۇيەسىن قۇرۋعا دەم بەرىپ، كاسىپ سالاسىنىڭ جوعارى ساپالى دامۋى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا دەم بەرۋ كەرەك.
چىن ۋيجۇن، قادەن كابەن، شۋە بين، قايسار ابدۇكەرىم، شۇي شيان ـ ي، جين جىجىن، حۋايروۋ تاجىريبەحاناسىنداعى جانە شينجياڭ بازاسىنداعى، جۇڭگو مۇناي ـ تابيعي گاز توبىنداعى قاتىستى قىزمەتكەرلەر، اۆتونوميالى رايوننىڭ جانە بيڭتۋاننىڭ قاتىستى ورىندارىنىڭ، ورتالىقتىڭ شينجياڭدا تۇراتىن قاتىستى ورىندارىنىڭ جانە كاسىپورىندارىنىڭ ۋاكىلدەرى، ت. ب ماجىلىسكە قاتىناستى.
