تاۋار مولشەرى ارتتى، جولداما دەرەۋ جەتكىزىلىپ، دەرەۋ جونەلتىلدى، كەزەكشى پويەز ٴتورت ماۋسىمدا كەدەرگىسىز قاتىنادى
ٴار جاق شينجياڭعا جەتكىزۋ پوچتا اقىسىن كوتەرۋگە تاعى دا كۇش قوستى
انار بۇلت \ شينجياڭ گازەتىنىڭ ٴتىلشىسى فان چيۇڭيان 4 ـ ايدىڭ 8 ـ كۇنى ۇرىمجىدەن حابارلايدى. تاۋباۋ ”شينجياڭعا جەتكىزۋ پوچتا اقىسىن كوتەرۋ“ ارناسىن شىعارعاننان كەيىن، وتكەرمەلەپ تاسىمالداۋدىڭ كۇشكە يە ۋاقىتى، سوڭىنا دەيىن جەتكىزۋ سياقتى زات تاسىمال بۋىندارىنىڭ دەڭگەيىن جوعارىلاتتى، شوعىرلى تاسىمال قامباسى سول كۇنى زات جەتكىزىپ، سول كۇنى جونەلتتى، جولداما شينجياڭعا جەتكىزىلگەننەن كەيىن، تاۋباۋ جەدەل جەتكىزۋ سەلبەستىك سەرىكتەرىمەن بىرلەسىپ ”ەڭ سوڭعى ٴبىر كيلومەترگە“ دەيىن قىزمەت وتەپ، تۇتىنۋشىلار ٴۇشىن زاتتى قىستاقتارعا دەيىن جەتكىزدى.
ٴار جاقتىڭ بىرگە قۇلشىنۋىندا، شينجياڭعا جەتكىزۋ پوچتا اقىسىن كوتەرۋدىڭ العاشقى ادىمدا ونىمدىلىگى كورىلدى. مەملەكەتتىك پوچتا مەكەمەسىنىڭ قاتىستى جاۋاپتىسى دا مىنانى ٴبىلدىردى: شينجياڭنىڭ ينتەرنەتتەن زات ساتىپ الۋداعى ”پوچتا اقىسىن كوتەرمەۋ، زات جونەلتپەۋ“ ماسەلەسى كورنەكتى جاقساردى. الايدا بۇل سوڭعى كومبە ەمەس، ۇعىسۋىمىزشا، شينجياڭعا جەتكىزۋ پوچتا اقىسىن كوتەرۋدىڭ باياندى بولۋى ٴۇشىن، ٴار جاق ٴالى دە قولداۋ كورسەتىپ قۇلشىنۋدا ەكەن.
تاۋباۋ مىنالاردى ٴبىلدىردى: 3 ـ ايدىڭ 16 ـ كۇنىنەن قازىرگە دەيىن تاۋباۋ تۇعىرى قامداعان پوچتا اقىسى كوتەرىلىپ شينجياڭعا جەتكىزىلگەن تاۋارلاردىڭ مولشەرى 2 ەسە ارتتى، تاۋارلاردىڭ سانى مەن ٴتۇرى ٴالى دە ونان ارى كەڭەيۋدە. شىنتۇڭ جەدەل جەتكىزۋ شينجياڭعا جەتكىزۋ پوچتا اقىسىن كوتەرۋ جوسپارىن بىرلەسىپ العا قويۋشى ٴبىر جاق رەتىندە، جەدەل جەتكىزۋ بارىسىن ۇزدىكسىز كەمەلدەندىرىپ، جولدامالاردىڭ سول كۇنى شوعىرلى تاسىمال قامباسىنا جەتىپ، سول كۇنى جونەلتىلۋىنە شىنايى كەپىلدىك ەتىپ، شينجياڭ تۇتىنۋشىلارىنىڭ تاۋاردى تەز ارادا تاپسىرىپ الۋىنا مۇمكىندىك جاسادى.
زات اينالىمىنىڭ وزىندىك قۇنىن ٴونىمدى تومەندەتۋ ٴۇشىن، شانشي ولكەلىك پوچتا باسقارۋ مەكەمەسى جۇڭگو تەمىر جولى شي ـ ان مەكەمەسى توبى شەكتى سەرىكتەستىگىمەن بىرلەسىپ، X387 كەزەكشى پويەزىن دانەكەر ەتىپ، كوپ جاق بىرلەسكەن جۇردەك پويەز (شي ـ ان _ ٴۇرىمجى) جەدەل جەتكىزۋ ەلەكتروندى ساۋدا كەزەكشى پويەزىن قاتىناتتى. كەزەكشى پويەز ”كۇشكە يە ۋاقىتى تەز، وزىندىك قۇنى تومەن، ٴتورت ماۋسىمدا كەدەرگىسىز، حاۋىپسىز، ورنىقتى بولۋ“ ەرەكشەلىگىن تولىق ساۋلەلەندىرىپ، 3 ـ ايدىڭ 26 ـ كۇنىنەن باستاپ ٴار كۇنى ساعات 9دان 9 مينۋت وتكەندە شي ـ ان حالىقارالىق پورت ۆوگزالىنان جولعا شىعىپ، 38 ساعات مولشەرىندە ٴۇرىمجى سانپيڭ ۆوگزالىنا جەتىپ، تاس جول تاسىمالىنا قاراعاندا 5 ساعات شاماسىندا قىسقارىپ، تاسىمالدىڭ كۇشكە يە ۋاقىتى %12 جوعارىلادى. تەمىر جول كونتينەرلى كەزەكشى پويەزى ارقىلى جەدەل جەتكىزۋ جەدەل جەتكىزۋدىڭ شينجياڭعا كىرۋ ارناسىنىڭ ورنىقتىلىعىن جوعارىلاتىپ، شينجياڭعا جەتكىزۋ پوچتا اقىسىن كوتەرۋگە پارمەندى تىرەك ازىرلەدى.
قازىر جۇڭتۇڭنىڭ شي ـ انداعى شينجياڭ شوعىرلى ساقتاۋ قامباسى نىسانى سالىنىپ بولىپ، ەڭ سوڭعى جۇيەلى سىناق جۇرگىزىلۋدە. جياڭساڭنىڭ يەلەگەن جەر اۋماعى 12 مىڭ شارشى مەتر بولىپ، 4 ـ ايدىڭ سوڭىندا ىسكە قوسىلادى، ىسكە قوسىلعاننان كەيىن ٴۇرىمجى قالاسى، قاشقار ايماعى، قۇمىل قالاسى سياقتى جەرلەردەگى 49 ٴبىرىنشى دارەجەلى توراپ تۇيىنىندە وتكەرمەلەۋ بۋىندارىن ازايتۋ، وتكەرمەلەپ تاسىمالداۋدىڭ كۇشكە يە ۋاقىتىن جوعارىلاتۋ رولىن اتقارادى. مۇنىڭ ىشىندە ٴۇرىمجى نەگىزگى جەلىسىنىڭ ۋاقىت ونىمدىلىگى 39 ساعات ىشىنە قىسقارادى، قاشقار نەگىزگى جەلىسىنىڭ ۋاقىت ونىمدىلىگى 55 ساعات ىشىنە قىسقارىپ، تۇتاس تۇلعالىق تاسىمال ونىمدىلىگى بارىنشا جوعارىلايدى، سونداي ـ اق سوڭىنا دەيىن جەتكىزۋ مەن جەدەل جەتكىزۋدىڭ قىستاققا كىرۋ ۋاقىت ونىمدىلىگى تەزدەيدى.
پوچتا اقىسىن كوتەرۋ، قارقىنىن تەزدەتۋ، قىستاققا جەتكىزۋ شينجياڭنىڭ ٴىشى ـ سىرتىنداعى زات اينالىمى تاسىمالىنىڭ شوعىرلانۋ، كولەمدەنۋ، توراپتانۋ دارەجەسىنىڭ جوعارىلاۋىنىڭ، سونداي ـ اق قاتىستى تاراۋلار، تاۋباۋ سياقتى ەلەكتروندى ساۋدا تۇعىرلارى، جەدەل جەتكىزۋ كاسىپورىندارى سياقتى ٴار جاقتىڭ قۇلشىنۋىنىڭ ارقاسى، بۇل شينجياڭنىڭ ەلەكتروندى ساۋدا جەدەل جەتكىزۋ قىزمەت وتەۋىنىڭ كورنەكتى جاقسارۋىن جەبەدى.
