اۆتونوميالى رايوندىق ۇرپاقتارعا كوڭىل ٴبولۋ قىزمەتى كوميتەتىنىڭ قىزمەت ٴماجىلىسى اشىلدى
”5 ٴتۇرلى ساقا جولداستاردىڭ“ رولىن ساۋلەلەندىرىپ، ٴداۋىر جاڭا ادامدارىن باۋلۋ كەرەك
ما شيڭرۇي، ەركىن تۇنياز قاتىستى ۋاكىلدەرگە امانداستى، جاڭ جۋ ماجىلىسكە قاتىناستى ٴارى ٴسوز سويلەدى
انار بۇلت \ شينجياڭ گازەتىنىڭ تىلشىلەرى جاڭ يانفاڭ، ۋاڭ شيڭرۇي 4 ـ ايدىڭ 8 ـ كۇنى ۇرىمجىدەن حابارلايدى. 4 ـ ايدىڭ 8 ـ كۇنى اۆتونوميالى رايوندىق ۇرپاقتارعا كوڭىل ٴبولۋ قىزمەتى كوميتەتىنىڭ قىزمەت ٴماجىلىسى اشىلدى. ٴماجىلىس باس شۋجي شي جينپيڭنىڭ ۇرپاقتارعا كوڭىل ٴبولۋ قىزمەتى جونىندەگى ماڭىزدى نۇسقاۋلارىنىڭ، بەكىتۋلەرىنىڭ جانە مەملەكەتتىك ۇرپاقتارعا كوڭىل ٴبولۋ قىزمەتى كوميتەتى قىزمەت ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «جاڭا داۋىردە ۇرپاقتارعا كوڭىل ٴبولۋ قىزمەتى كوميتەتىنىڭ قىزمەتىن كۇشەيتۋ جونىندەگى پىكىردى» جانە اۆتونوميالى رايوننىڭ اتقارۋ پىكىرىن دايەكتىلەندىرىپ، تياناقتاندىرىپ، قىزمەتتى قورىتىندىلاپ، تاجىريبە اۋىستىرىپ، 2024 ـ جىلعى مىندەتتەردى ورنالاستىرىپ، رايونىمىزدىڭ ۇرپاقتارعا كوڭىل ٴبولۋ قىزمەتى كوميتەتى قىزمەتىنىڭ جوعارى ساپالى دامۋىن ىلگەرىلەتتى.
ماجىلىستەن بۇرىن اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ”5 ٴتۇرلى ساقا جولداستاردىڭ“ جانە ۇرپاقتارعا كوڭىل ٴبولۋ قىزمەتى كوميتەتى قىزمەتكەرلەرىنىڭ ۋاكىلدەرىنە امانداستى.
اۆتونوميالى رايوندىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى جاڭ جۋ ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: وتكەن ٴبىر جىلدا اۆتونوميالى رايوندىق پارتكومنىڭ باسشىلىعىندا، بۇكىل رايونداعى ٴار دارەجەلى ۇرپاقتارعا كوڭىل ٴبولۋ قىزمەتى كوميتەتى نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى كوزدەي مۇقيات مىندەت اتقارىپ، كەلەلى جاعدايعا قىزمەت ەتۋدە ىسكەرلىك كورسەتۋدى، تاربيەلەۋدە، جەتەكتەۋدە ەرەكشەلىك بولۋدى، كوڭىل بولۋدە، قامقورلىق جاساۋدا مەيىرلى بولۋدى، وزىندىك قۇرىلىسى ٴونىمدى بولۋدى ورىنداپ، ۇرپاقتارعا كوڭىل ٴبولۋ قىزمەتىنىڭ تىڭ ىلگەرىلەۋشىلىككە، تىڭ ناتيجەگە قول جەتكىزۋىن جەبەدى.
ٴماجىلىس مىنالاردى باسا دارىپتەدى: شينجياڭ قوعامىنىڭ ورنىقتىلىعى مەن باياندى تىنىشتىعىن جۇزەگە اسىرىپ، جاڭا جورىقتا كورىكتى شينجياڭدى اناعۇرلىم ويداعىداي كوركەيتۋ ٴۇشىن، ٴسوز جوق، جاستار مەن ورەندەردى تاربيەلەۋ، باۋلۋ سىندى نەگىزدى بەكەمدەۋ ينجەنەرياسىن، رۋح سومداۋ ينجەنەرياسىن، ستراتەگيا ينجەنەرياسىن بار كۇشتى سالىپ ويداعىداي يگەرۋ كەرەك. جاڭا داۋىردەگى ۇرپاقتارعا كوڭىل ٴبولۋ قىزمەتىن ويداعىداي ىستەۋدىڭ كەلەلى ماڭىزىن تولىق تانىپ، ”5 ٴتۇرلى ساقا جولداستاردىڭ“ باسىمدىعىن، رولىن تولىق ساۋلەلەندىرىپ، ٴتۇرلى قىزمەتتەردىڭ جوعارى ساپالى دامۋىن ىلگەرىلەتىپ، اناعۇرلىم كوپ احىلاق، اقىل ـ وي، دەنە، ەستەتيكا، ەڭبەك جاقتارىنان جان ـ جاقتى دامىعان سوتسياليزمنىڭ قۇرۋشىلارىن جانە ٴىزباسارلارىن باۋلۋ كەرەك.
ٴماجىلىس مىنالاردى تالاپ ەتتى: ساياسي جاقتان جەتەكتەۋدى كۇشەيتىپ، ساياسي جاۋاپكەرشىلىكتى اناعۇرلىم جوعارى دەڭگەيمەن ارقالاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك. نازاردى ٴمورال ارقىلى ادام تاربيەلەۋگە شوعىرلاندىرىپ، ٴداۋىر جاڭا ادامدارىن اناعۇرلىم زور سەرپىنمەن باۋلىپ، جاستار مەن ورەندەردىڭ ”نەگىز قالاۋ“ ينجەنەرياسىن تىڭعىلىقتى ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى، ”بولاشاققا كوڭىل ٴبولۋ، زاڭ جالپىلاستىرۋدا الدا ٴجۇرۋ“ زاڭمەن باسقارۋ ۇگىت تاربيە قيمىلى سياقتىلاردى ۇزدىكسىز ورىستەتىپ، وتان ٴۇمىتىن اقتاۋ سۇيىسپەنشىلىگىن كۇشەيتىپ، جۇڭحۋا رۋحىن بەرىك سومداپ، زاڭمەن باسقارۋ نەگىزىن نىعايتىپ، ۋايىمنان ارىلتۋ ىستەرىن ويداعىداي ىستەپ، قالىڭ جاستار مەن ورەندەردىڭ ٴومىردىڭ ٴبىرىنشى تۇيمەسىن جاقسى تۇيمەلەۋىنە جەتەكشىلىك ەتۋ جانە كومەكتەسۋ كەرەك. كوورديناتالىق ورىندى ٴدال تاۋىپ، اناعۇرلىم ناقتى شارالارمەن وزەكتى قىزمەتكە، كەلەلى جاعدايعا قىزمەت كورسەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسى ۇگىت تاربيەسىنە، جوعارى ساپالى دامۋدى ىلگەرىلەتۋگە اۋىل ـ قىستاقتى گۇلدەندىرۋ ستراتەگياسىنا قىزمەت كورسەتۋگە كۇشتى شوعىرلاندىرىپ، ”مەن جوعارى ساپالى دامۋعا كەڭەس بەرەمىن“ سياقتى ەرىكتى قىزمەت كورسەتۋ قيمىلدارىن ورىستەتىپ، كورىكتى شينجياڭدى زەيىن ـ زەردەنى، كۇش ـ قۋاتتى شوعىرلاندىرا كوركەيتۋگە تىڭ دا اناعۇرلىم زور ۇلەس قوسۋ كەرەك. وزىندىك قۇرىلىستى كۇشەيتىپ، ساپانى جوعارىلاتىپ، ونىمدىلىكتى ارتتىرۋدى اناعۇرلىم قاتاڭ تالاپپەن ىلگەرىلەتىپ، ۇيىمدىق توردى اقاۋسىزداندىرىپ، قوسىن قۇرىلىسىن كۇشەيتىپ، ۇگىتتىڭ ىقپالىن كەڭەيتىپ، جاستار مەن ورەندەردىڭ اقاۋسىز ەسەيۋىنە بىرگە قامقورلىق جاسايتىن، قىزمەت كورسەتەتىن جالپى تۇلعالىق بىرىككەن كۇش قالىپتاستىرۋ كەرەك.
قايسار ابدۇكەرىم قاتارلىلار ماجىلىسكە قاتىناستى.
