انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 8 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 4 ـ ايدىڭ 8 ـ كۇنى تۇستەن بۇرىن ۇرىمجىدە قاتىستى ەلدەردىڭ اقىل ـ پاراسات قويماسى وقىمىستىلارى جانە مەديا قايراتكەرلەرى ۋاكىلدەر ۇيىرمەسىندەگىلەرمەن كەزدەستى.
ما شيڭرۇي بىلاي دەدى: اقىل ـ پاراسات قويماسى وقىمىستىلارى مەن مەديا قايراتكەرلەرى جۇڭگونىڭ شينجياڭىنا ۇزاق ۋاقىت نازار اۋدارىپ كەلەدى، بۇل جولى شينجياڭعا كەلىپ ناقتىلى ورىندا ساپاردا بولۋى، تەكسەرۋ جۇرگىزۋى شينجياڭدى ىشكەرىلەي تۇسىنۋگە اسا پايدالى، مەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان كوپشىلىكتىڭ كەلگەندىگىن قارسى الامىن. ما شيڭرۇي شينجياڭ ٴوڭىرىنىڭ تاريحى، ۇلت، ٴدىن، ەكونوميكالىق، قوعامدىق دامۋى سياقتى جاعدايلارىن تانىستىردى. ول بىلاي دەدى: ٴتوراعا شي جينپيڭ جانە جۇڭگو كوممۋنيستىك پارتياسى ورتالىق كوميتەتى شينجياڭ قىزمەتىنە ايرىقشا ٴمان بەرىپ، بىزگە ەرەكشە كوڭىل ٴبولدى جانە زور كۇشپەن قولداۋ كورسەتتى. شينجياڭ جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ٴتۇرلى قىزمەتتەردى ناقتى ورىستەتىپ، ەكونوميكالىق، قوعامدىق جاقتا وراسان زور وزگەرىستەردىڭ تۋىلۋىن ىلگەرىلەتتى. ٴبىز قوعامدىق كەلەلى جاعدايدىڭ ورنىقتىلىعىن ساقتادىق، كەدەيلىك ماسەلەسىن جاپپاي شەشتىك ٴارى كەدەيلىكتەن ارىلعان حالىقتىڭ كىرىسىن ۇزدىكسىز ارتتىرۋدى ىلگەرىلەتتىك، ۇلتتاردىڭ ارالاسۋىن، ىشتەسۋىن، توعىسۋىن جەبەدىك، ٴدىننىڭ اقاۋسىز دامۋىنا جەتەكشىلىك ەتتىك، ادامدىق ۇقىقتى قامتاماسىزداندىرۋ دەڭگەيىن جان ـ جاقتى جوعارىلاتتىق، اسىرەسە، بايلىق باسىمدىعىن ساۋلەلەندىرىپ، ەرەكشە باسىمدىققا يە كاسىپ سالالارىن كۇش سالا دامىتىپ، دامۋ جەتىستىكتەرىنىڭ حالىق تۇرمىسىنا تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتتىك، شينجياڭداعى ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. امەريكا سياقتى باتىس ەلدەرىندەگى ٴىشىنارا كۇشتەر قيسىنسىز وسەك ـ اياڭ تاراتىپ، جالا جاۋىپ، ”زورلىقپەن ەڭبەككە سالدى“، ”ٴناسىل جويدى“دەگەن سياقتى شىلعي وتىرىكتى ويدان قۇراستىرۋدان تايىنبادى، مۇنىسى شينجياڭدى جۇمىسسىزدىققا جانە كەدەيلىككە كىرىپتار ەتىپ، شينجياڭدى بىلىقتىرۋ ارقىلى جۇڭگونىڭ دامۋىنا تۇساۋ بولۋعا ۇرىنۋدان باسقا دانەڭە ەمەس. كوپشىلىك شينجياڭنىڭ جەر ـ جەرىنە بارىپ ساپاردا بولىپ، اۋىس ـ كۇيىس جاساعاندا، تيانشان الابىندا قوعام جاراسىمدى، ورنىقتى بولعان، ەكونوميكا گۇلدەنىپ ـ كوركەيگەن، دامىعان، حالىق تىنىش ٴومىر، شات ـ شادىمان تىرشىلىك كەشىرگەن ناقتى جاعدايدى ٴوز كوزدەرىمەن كورەتىن بولادى. اقىل ـ پاراسات قويماسى مەن مەديا مەملەكەتتەر اراسىنداعى ساياسات جانە مادەنيەت اۋىس ـ كۇيىسى، قوعامدىق الەۋمەتتىك پىكىرگە جەتەكشىلىك ەتۋ سياقتى جاقتاردا ماڭىزدى رول اتقارۋدا، كوپشىلىكتىڭ وسى ورايدان پايدالانىپ، شينجياڭدا كوبىرەك ايالداۋىن، ارالاپ كورۋىن ٴۇمىت ەتەمىن. شينجياڭنىڭ ەسىگى اشىق، ٴبىز كوپشىلىكتىڭ ەكسكۋرسيادا، ساپاردا بولۋىنا ەڭ زور قولايلىلىق جاراتۋعا پەيىلمىز، سونداي ـ اق كوپشىلىكتىڭ شىنايى اسەرى مەن ۇسىنىس ـ پىكىرلەرىن تىڭداۋعا پەيىلمىز. كوپشىلىكتىڭ وسى رەتكى ساپار ارقىلى ٴتىپتى دە كوپ ادامنىڭ جۇڭگونىڭ شينجياڭى جونىندەگى تانىمى مەن تۇسىنىگىن تەرەڭدەتىپ، شينجياڭمەن اۋىس ـ كۇيىستى، سەلبەستىكتى جەبەۋىن ٴۇمىت ەتەمىز.
كاتار تۇبەگى زەرتتەۋ ورتالىعىنىڭ مەڭگەرۋشىسى ابدۇلموللا، مالايزيا «جاڭا بۇعاز ۋاقىت گازەتىنىڭ» اتقارۋشى باس رەداكتورى سينگ، يران سىرتقى ىستەر مينيسترلىگى ساياسي جانە حالىقارالىق ماسەلەلەردى زەرتتەۋ ورنى ازيا زەرتتەۋ كەڭسەسىنىڭ مەڭگەرۋشىسى گۇليپۋر، يندونەزيا گاچامادا داشۋەسى حالىقارالىق قارىم ـ قاتىناس ٴبولىمىنىڭ مەڭگەرۋشىسى يۇليان توررو، ساۋد ارابياسى «ورتا شىعىس گازەتىنىڭ» اعا ٴتىلشىسى مۇحاممەد ىلگەرىندى ـ كەيىندى لەبىز ٴبىلدىردى. ولار مىنالاردى ٴبىلدىردى: وسى رەت جۇڭگونىڭ شينجياڭىنا كەلىپ ەكسكۋرسيادا، تەكسەرۋدە بولۋداعى ماقساتىمىز دوستىق قارىم ـ قاتىناستى كۇشەيتۋ، سونىمەن بىرگە حالىقاراداعى كەيبىر مەديا حابارلارىنان تۋىنداعان سىڭار جاقتى كوزقاراستان ساقتانىپ، تىكەلەي ارالاسۋ جانە سول جەردىڭ وزىندە كورگەن ـ بىلگەندەرىمىز ارقىلى شينجياڭ جونىندەگى تانىم مەن تۇسىنىكتى تەرەڭدەتۋ. ۋاكىلدەر ۇيىرمەسىنىڭ مۇشەلەرى وسىدان بۇرىن جۇڭگونىڭ شينجياڭى جونىندەگى تانىمى توتەنشە شەكتى بولعاندىقتان، وسى رەتكى تاپتىرماس ورايدى بارىنشا قاستەرلەدى. كوپشىلىك ۇرىمجىدەن وسىزاماندانۋدىڭ قويۋ تىنىسى مەن كوپ نەگىزدى مادەنيەت رايىن سەزىندى، شينجياڭنىڭ ومىرشەڭدىك كۇشكە تولى دامۋ بەينەسىن كوردى، وسى رەتكى شينجياڭعا ساپارلارىنىڭ اناعۇرلىم مول تابىستى بولاتىندىعىنا سەندى. شينجياڭ جۇڭگونىڭ ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن دوستىق سەلبەستىگىندە ماڭىزدى ارنالىق رول اتقارۋدا، وسى رەتكى ساپاردىڭ ٴوزىمىز تۇرعان مەملەكەتتىڭ جۇڭگونىڭ شينجياڭىمەن اناعۇرلىم تىعىز قارىم ـ قاتىناستى دامىتۋىندا رولىن ساۋلەلەندىرۋىن ٴۇمىت ەتەمىز.
چىن ۋيجۇن، ۋاڭ جيانشين، ابدۇرىقىپ ٴتومۇرنياز، سىرتقى ىستەر مينيسترلىگىنىڭ قاتىستى قىزمەتكەرلەرى كەزدەسۋگە قاتىناستى.
تۇركيا، ەگيپەت، اراب بىرىككەن امىرلىگى سياقتى ەلدەردىڭ اقىل ـ پاراسات قويماسى وقىمىستىلارىنىڭ جانە مەديا قايراتكەرلەرىنىڭ ۋاكىلدەرى كەزدەسۋگە قاتىناستى.
