شينجياڭ پارتيا، ۇكىمەت ۋاكىلدەر ۇيىرمەسى سىچۋان ولكەسىنە بارىپ ۇيرەنۋدە، تەكسەرۋدە بولدى
سىچۋان مەن شينجياڭنىڭ باسىمدىقتار ارقىلى ءوزارا تولىقتاۋىن، سايكەسىپ بىرلەسە ارەكەتتەنۋىن ٴۇرتىس تەرەڭدەتىپ، جاڭا داۋىردە باتىس بولىكتى قاۋىرت اشۋ بارىسىندا ورايدى ٴبولىسىپ، تەڭ يگىلىككە كەنەلىپ دامۋ كەرەك
ما شيڭرۇي، ۋاڭ شياۋحۇي، حۋاڭ چياڭ، ەركىن تۇنياز، تيان شياڭلي، لي يفي، شى شياۋلين قيمىلعا قاتىناستى
4 ـ ايدىڭ 7 ـ كۇنى شينجياڭ پارتيا، ۇكىمەت ۋاكىلدەر ۇيىرمەسى سىچۋان ولكەسىنە بارىپ ۇيرەنۋدە، تەكسەرۋدە بولدى. سۋرەتتە: اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، سىچۋان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ۋاڭ شياۋحۇي، سىچۋان ولكەلىك پارتكومنىڭ ورىنباسار شۋجيى، ولكە باستىعى حۋاڭ چياڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاتارلىلار مەملەكەتتىك ەلەكتر تورى شەكتى سەرىكتەستىگىنىڭ سىچۋان ولكەلىك ەلەكتر سەرىكتەستىگىنە بارىپ، ەنەرگيانى اشۋ، پايدالانۋ، ەلەكترمەن قامداۋدى قامتاماسىز ەتۋ جاعدايى جانە ەكى جاقتىڭ كەلەلى سەلبەستىك نىساندارىنىڭ اياق الىسى جونىندە تەكسەرۋ جۇرگىزۋدە.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 7 ـ كۇنى چىڭدۋدان حابارلايدى. شينجياڭ پارتيا، ۇكىمەت ۋاكىلدەر ۇيىرمەسى 4 ـ ايدىڭ 7 ـ كۇنى سىچۋان ولكەسىنە بارىپ ۇيرەنۋدە، تەكسەرۋدە بولدى، ەكى ولكە، اۆتونوميالى رايون چىڭدۋدا قىزمەت ىستەستىگى اڭگىمە ٴماجىلىسىن وتكىزىپ، باس شۋجي شي جينپيڭنىڭ شينجياڭ جانە سىچۋان قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، جوعارى ساپالى دامۋ سىندى ماڭداي الدى مىندەتتى كوزدەي وتىرىپ ىشكەرىلەي كەڭەسىپ، تاجىريبە اۋىستىرىپ، ەكى ولكە، اۆتونوميالى رايوننىڭ جاڭا داۋىردە باتىس بولىكتى قاۋىرت اشۋ بارىسىندا ستراتەگيالىق ٴتۇيىلىسۋدى جانە دامۋدا بىرلەسىپ ارەكەتتەنۋدى تەرەڭدەتىپ، باسىمدىقتار ارقىلى ٴوزارا تولىقتاۋدى جانە سەلبەسىپ تەڭ يگىلىككە كەنەلۋدى كۇشەيتىپ، باتىس بولىك وڭىرلەرىنىڭ جوعارى ساپالى دامۋىمەن قول ۇستاسا توعىسىپ، مەملەكەتتىڭ ستراتەگيالىق جالپى جاعدايىنا قىزمەت وتەۋگە تىڭ دا اناعۇرلىم زور ۇلەس قوسۋىن ىلگەرىلەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، سىچۋان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ۋاڭ شياۋحۇي، سىچۋان ولكەلىك پارتكومنىڭ ورىنباسار شۋجيى، ولكە باستىعى حۋاڭ چياڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، سىچۋان ولكەلىك ساياسي كەڭەستىڭ ٴتوراعاسى تيان شياڭلي، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، سىچۋان ولكەلىك پارتكومنىڭ ورىنباسار شۋجيى، چىڭدۋ قالالىق پارتكومنىڭ شۋجيى شى شياۋلين قيمىلعا قاتىناستى.
سىچۋانداعى كەزىندە شينجياڭ پارتيا، ۇكىمەت ۋاكىلدەر ۇيىرمەسى مەملەكەتتىك ەلەكتر تورى شەكتى سەرىكتەستىگى سىچۋان ولكەلىك ەلەكتر سەرىكتەستىگىنە بارىپ، ەنەرگيانى اشۋ، پايدالانۋ، ەلەكترمەن قامداۋدى قامتاماسىز ەتۋ جاعدايى جانە ەكى جاقتىڭ كەلەلى سەلبەستىك نىساندارىنىڭ اياق الىسى جونىندە تەكسەرۋ جۇرگىزدى؛ اۆياتسيا ونەركاسىپ توبى شەكتى سەرىكتەستىگىنىڭ چىڭدۋ ۇشاق ونەركاسىپ توبىندا كاسىپ سالاسىنىڭ دامۋى جانە عىلىم ـ تەحنيكادا جاڭالىق اشۋ جاعىنداعى قىزمەت جەتىستىكتەرى جونىندە تەكسەرۋ جۇرگىزدى؛ تيانفۋ جاڭا رايونىنىڭ جوبا زالىنا بارىپ، قالانىڭ جوبا قۇرىلىسى جانە چىڭدۋ _ چۇڭچيڭ ٴوڭىرىنىڭ قوس قالا ەكونوميكالىق شەڭبەر قۇرىلىسى تاجىريبەلەرى جونىندە پىكىر اۋىستىردى، ۇلگى الدى. ۋاكىلدەر ۇيىرمەسى تاعى مەملەكەت اسقىن ەسەپتەۋ چىڭدۋ ورتالىعىنا دا بارىپ، ”شىعىستىڭ ساندى مالىمەتتەرىن باتىستا ەسەپتەۋ“ قۇرىلىسىن ىلگەرىلەتۋ، ەسەپتەۋ قۋاتىنا سۇيەنىپ كاسىپ سالاسىنىڭ دامۋىنا قۋات ۇستەۋ سياقتى قىزمەتتەر جونىندە تەكسەرۋ جۇرگىزىپ، پىكىر اۋىستىردى.
سول كۇنى تۇستەن كەيىن شينجياڭ ۇيعۇر اۆتونوميالى رايونى جانە شينجياڭ ٴوندىرىس ـ قۇرىلىس بيڭتۋانى · سىچۋان ولكەسى قىزمەت ىستەستىگى اڭگىمە ٴماجىلىسى چىڭدۋدا اشىلدى. ما شيڭرۇي بىلاي دەدى: باس شۋجي شي جينپيڭ باتىس بولىك وڭىرلەرىنىڭ دامۋىنا ايرىقشا ٴمان بەرىپ وتىر. وسى رەت شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ سىچۋانعا كەلۋى، باستىسى، باس شۋجي مەن پارتيا ورتالىق كوميتەتىنىڭ ستراتەگيالىق ورنالاستىرۋلارىن تياناقتاندىرىپ، ەكى ولكە، اۆتونوميالى رايوننىڭ جاڭا داۋىردە باتىس بولىكتى قاۋىرت اشۋ بارىسىندا ٴوزارا پايدا جەتكىزۋ سەلبەستىگىن تەرەڭدەتىپ، جاڭا دامۋ ارناسىنا بىرگە قىزمەت وتەۋدى جانە توعىسۋدى ارقاۋ ەتە وتىرىپ ناقتى ىستەر جونىندە اۋىس ـ كۇيىس جاساۋدى، تاجىريبە ۇيرەنۋدى ماقسات ەتكەن. مەن اۆتونوميالى رايوندىق پارتكوم، ۇكىمەت جانە بيڭتۋان اتىنان سىچۋان ولكەسىنىڭ ۇزاق ۋاقىتتان بەرى شينجياڭعا كوڭىل بولگەندىگىنە، قولداۋ كورسەتكەندىگىنە العىس ايتامىن. سىچۋان _ باتىس بولىك وڭىرلەرىنىڭ جوعارى ساپالى دامۋىنداعى كوشباسشى، تاياۋ جىلداردان بەرى پارتيا ورتالىق كوميتەتى جۇكتەگەن ”ەكى بيىك، ەكى بازا، ەكى قالتقى“ ٴداۋىر بورىشىن باتىل ارقالاپ، چىڭدۋ _ چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىن بار كۇشپەن ىلگەرىلەتىپ، جوعارى ساپالى دامۋدى بۇلجىماي ىلگەرىلەتىپ، جاڭا داۋىردەگى سىچۋاندى باسقارۋ، سىچۋاندى گۇلدەندىرۋ جاڭا جاعدايىن اشتى، ٴبىز سىچۋاننىڭ بايتاق دالاسىنان گۇلدەنە تۇسكەن دامۋ لەبىن شىنايى سەزىندىك. شينجياڭ باس شۋجيدىڭ شينجياڭدى كوزدەن كەشىرگەندە، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى سوزدەرىنىڭ رۋحىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەت جالپى جاعدايىنداعى ستراتەگيالىق ورنىن كوزدەپ جاۋاپكەرشىلىك ارقالاپ، ىسكەرلىك كورسەتىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ تىڭ تابىستارعا ۇزدىكسىز قول جەتكىزدى، جوعارى ساپالى دامۋ جاعدايى تاماشا، سىچۋان مەن شينجياڭنىڭ سەلبەستىكتى تەرەڭدەتۋ بولاشاعى جارقىن، كومەسكى كۇشى زور. ەكى ولكە، اۆتونوميالى رايوننىڭ ٴوز باسىمدىقتارىنا سۇيەنىپ، ستراتەگيالىق ٴتۇيىلىسۋدى كۇشەيتىپ، باتىس بولىكتى قاۋىرت اشۋدا جاڭا ارنانى جەدەل قالىپتاستىرۋعا، جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم ويداعىداي قىزمەت وتەۋگە بىرگە دەم بەرۋىن ٴۇمىت ەتەمىن. ەنەرگيا سەلبەستىگىن تەرەڭدەتىپ، ”شينجياڭنىڭ كومىرىن سىچۋانعا ەنگىزۋ“، ”شينجياڭنىڭ ەلەكترىن سىچۋانعا ەنگىزۋ“ سياقتى قىزمەتتەردى بەكەمدەپ جانە ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ كەرەك. كاسىپ سالاسى ىستەستىگىن كۇشەيتىپ، سىچۋاننىڭ باسىمدىققا يە كاسىپ سالاسى مەن شينجياڭنىڭ ”سەگىز ٴىرى كاسىپ سالاسى شوعىرىنىڭ“ ىقپالداسا دامۋىن جەبەپ، كاسىپورىنداردىڭ قارجى قوسۋىن، سەلبەستىك جاساسۋىن كۇشەيتىپ، اناعۇرلىم كوپ نىساننىڭ تياناقتانۋىن، اتقارىلۋىن ىلگەرىلەتۋ كەرەك. عىلىم ـ تەحنيكالىق اۋىس ـ كۇيىستى كۇشەيتىپ، سىچۋاننىڭ عىلىم ـ تەحنيكادا جاڭالىق اشۋ باسىمدىعىن ساۋلەلەندىرىپ، شينجياڭنىڭ ورتا ازيانى بەتكە العان وڭىرلىك عىلىم ـ تەحنيكادا جاڭالىق اشۋ ورتالىعىن تۇلعالاۋىنا دەم بەرىپ، كەيىن دامۋ باسىمدىعىن جەتىلدىرۋ كەرەك. ەسىك اشۋ كەڭىستىگىن كەڭەيتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋعا قول ۇستاسا توعىسىپ، ورتا ازيا سياقتى توڭىرەكتەگى ەلدەر بازارىن بىرگە اشىپ، مەملەكەتتىڭ باتىسقا ەسىك اشۋ جاڭا بيىگىن كۇش بىرىكتىرە قۇرۋ كەرەك.
ۋاڭ شياۋحۇي سىچۋان ولكەلىك پارتكوم، ولكەلىك ۇكىمەت اتىنان شينجياڭ پارتيا، ۇكىمەت ۋاكىلدەر ۇيىرمەسىنىڭ سىچۋانعا كەلىپ تەكسەرۋ جۇرگىزگەندىگىن قارسى الاتىندىعىن ٴبىلدىردى، اۆتونوميالى رايوننىڭ جانە بيڭتۋاننىڭ ۇزاق ۋاقىتتان بەرى سىچۋانعا قولداۋ كورسەتكەندىگىنە، كومەكتەسكەندىگىنە العىس ايتتى. ول بىلاي دەدى: سىچۋان مەن شينجياڭنىڭ ۇزاق تاريحي قاينارى بار، اسىرەسە، پارتيا 18 ـ قۇرىلتايىنان بەرى ەكى جەردىڭ بايلانىسى اناعۇرلىم جيىلەپ، سەلبەستىگى اناعۇرلىم كەڭەيىپ، ونىمدىلىگى اناعۇرلىم كورنەكتىلەنىپ، ەكى جاقتىڭ سەلبەستىگىن اناعۇرلىم تەرەڭدەتۋگە مىعىم نەگىز قالاندى. بىلتىر 7 ـ ايدا باس شۋجي شي جينپيڭ اراعا ٴبىر جىل سالىپ سىچۋانعا تاعى ٴبىر رەت كەلىپ كوزدەن كەشىردى، جەتەكشىلىك ەتتى ٴارى ماڭىزدى ٴسوز سويلەدى، ٴارى ستراتەگيالىق جانە جالپى جاعداي بيىگىنەن سوتسياليستىك وسىزاماندانعان سىچۋاندى جاپپاي قۇرۋ ٴۇشىن جاعداي باعامداپ باعدار بەلگىلەدى، ٴارى سىچۋاننىڭ ەسىك اشۋدى، سەلبەستىكتى كەڭەيتۋىنە، ٴارقايسى وڭىرمەن سايكەستى دامۋدى جەبەۋىنە ايقىن العا باسۋ بەتالىسىن كورسەتتى. بۇل رەت شينجياڭ پارتيا، ۇكىمەت ۋاكىلدەر ۇيىرمەسى سىچۋانعا كەلىپ تاجىريبە تانىستىرىپ، ۇلگى كورسەتتى، كوپتەگەن تاماشا تاجىريبەلەرى، تاماشا ادىستەرى ٴبىزدىڭ ۇيرەنۋىمىزگە تاتيدى. ەكى جاقتىڭ وسى رەتكى ستراتەگيالىق سەلبەستىك كەلىسىمىنە قول قويىلۋىن وراي ەتىپ، باسىمدىقتار ارقىلى ٴوزارا تولىقتاۋدى تەرەڭدەتىپ، بىرگە دامۋدى جەبەپ، جاڭا داۋىردەگى سىچۋان _ شينجياڭ سەلبەستىگىنىڭ جاڭا جاعدايىن ۇزدىكسىز اشىپ، مەملەكەتتىڭ دامۋ كەلەلى جاعدايىنا اناعۇرلىم ويداعىداي قىزمەت وتەۋىن ٴۇمىت ەتەمىن. ەنەرگيا جاعىندا ٴوزارا كومەكتەسۋدى، بىرگە قامتاماسىز ەتۋدى كۇشەيتىپ، ”شينجياڭنىڭ ەلەكترىن سىچۋانعا ەنگىزۋ“، ”شينجياڭنىڭ كومىرىن سىچۋانعا ەنگىزۋ“ كولەمىن اناعۇرلىم كەڭەيتىپ، تازا ەنەرگيا اشۋ، پايدالانۋ سەلبەستىگىن تەرەڭدەتىپ، مەملەكەتتىڭ ماڭىزدى ەنەرگيا قامتاماسىزدىعى بازاسىن بىرگە قۇرۋ كەرەك. كاسىپ سالاسىنىڭ سەلبەسۋىن تۇلعالاندىرۋدى كۇشەيتىپ، ەكى جەر اراسىندا عىلىم ـ تەحنيكا جەتىستىكتەرىن قوس باعىتتا جەتىلدىرۋدى، كادەگە جاراتۋدى، كاسىپ سالالاندىرۋدى ىلگەرىلەتىپ، جاڭاشا وندىرگىش كۇشتەردى بىرگە جەتىلدىرۋ، دامىتۋ كەرەك. اۋىل شارۋاشىلىعى اۋىس ـ كۇيىسىن، سەلبەستىگىن كۇشەيتىپ، شينجياڭنىڭ جانە سىچۋاننىڭ ەرەكشە اۋىل شارۋاشىلىق ونىمدەرىنىڭ توعىسا دامۋىن قول ۇستاسا ىلگەرىلەتىپ، مەملەكەتتىڭ استىق حاۋىپسىزدىگىن بىرگە قامتاماسىز ەتۋ كەرەك. شەكارا بويى مەن ىشكى قۇرلىقتىڭ بىرلەسىپ ارەكەتتەنۋىن كۇشەيتىپ، قاتىناس نەگىزدىك قۇرىلعىلارىنىڭ ۇلاسۋىن، تۇتاسۋىن كۇشەيتىپ، ٴتۇيىندى مەملەكەتتەر مەن وڭىرلەرگە بەت العان ساۋدالىق جيناۋ ـ تاراتۋ ورنىن قۇرىپ، اناعۇرلىم جوعارى دەڭگەيدەگى ەسىك اشۋدى، سەلبەستىكتى بىرگە جەبەۋ كەرەك. الەۋمەتتىك قىزمەت وتەۋ جاعىندا بىرگە قۇرۋدى، ٴبولىسۋدى كۇشەيتىپ، جوعارى جيىلىكتى ۇكىمەت ىستەرى ىستەرىن ولكە اتتاپ ٴبىر تۇتاس ٴبىتىرۋ جاعىنداعى ۇشتاستىرۋدى ٴبىر تۇتاس جوسپارلاپ ويداعىداي ىستەپ، مادەنيەت ـ ساياحات سەلبەستىگىن اناعۇرلىم تەرەڭدەتىپ، حالىق تۇرمىسى قۇت ـ ىرىسى دەڭگەيىن بىرگە جوعارىلاتىپ، ەكى جەردەگى حالىقتىڭ تاماشا تۇرمىس جونىندەگى تىڭ تىلەگىن اناعۇرلىم ويداعىداي قاناعاتتاندىرۋ كەرەك.
ماجىلىستە حۋاڭ چياڭ سىچۋان ولكەسىنىڭ ەكونوميكالىق، قوعامدىق دامۋ جاعدايىن تانىستىردى. ەركىن تۇنياز، لي يفي جەكە ـ جەكە اۆتونوميالى رايوننىڭ جانە بيڭتۋاننىڭ ەكونوميكالىق، قوعامدىق دامۋ جاعدايىن تانىستىردى. اۆتونوميالى رايوندىق حالىق ۇكىمەتى، شينجياڭ ٴوندىرىس ـ قۇرىلىس بيڭتۋانى جەكە ـ جەكە سىچۋان ولكەلىك حالىق ۇكىمەتىمەن ستراتەگيالىق سەلبەستىك جۇلگەلىك كەلىسىمىنە قول قويدى.
سىچۋان ولكەسىنىڭ باسشىلارىنان لياۋ جيانيۇي، چىن ۋي، پۋبۇ دۇنجۋ، جين لەي، جىڭ لي، جىڭ بەي، زو يۇڭشياڭ، چىڭدۋ قالاسىنىڭ باسشىلارىنان ۋاڭ فىڭچاۋ، دۇڭفاڭ ەلەكتر توبىنىڭ القا باستىعى يۇي پەيگىن قاتىستى قيمىلدارعا قاتىناستى.
تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، قادەن كابەن، شۋە بين، قايسار ابدۇكەرىم، حا زىڭيوۋ، ياڭ شيۋلي قيمىلدارعا قاتىناستى.
