26 تاراۋدىڭ ساندى مالىمەتىن توپتادى، جيناۋ ونىمدىلىگى %80 جوعارىلادى
”ٴبىر كەستە“ نەگىزگى ساتىنىڭ ەندىگارى ”كەستەگە بايلانىپ قالماۋىنا“ مۇمكىندىك جاسادى
انار بۇلت \ شينجياڭ گازەتىنىڭ ٴتىلشىسى كاڭ حاۋيان 4 ـ ايدىڭ 7 ـ كۇنى قارامايلىدان حابارلايدى. 4 جىل رەفورما جاساۋ، تۇيىندە سىناق ەتۋ ارقىلى قارامايلى قالاسىنىڭ نەگىزگى ساتىنى باسقارۋداعى ”ٴبىر كەستە“ ينفورماتسيا باسقارۋ جۇيەسى بۇكىل شينجياڭداعى 10 ايماق، وبلىس، قالادا ٴساتتى جالپىلاستىرىلىپ، نەگىزگى ساتىنىڭ ”مالىمەت كەستەسى كوپ بولۋ“ ماسەلەسى ٴونىمدى شەشىلىپ، نەگىزگى ساتى قىزمەتىندە ”كەستەگە بايلانىپ قالۋدان” “بۇقارانى نەگىز ەتۋگە“ قاراي بۇرىلىس جاساۋ جۇزەگە اسىرىلدى.
”بيىل ٴبىز ’ٴبىر كەستە‘ ينفورماتسيا باسقارۋ جۇيەسىن ۇزدىكسىز ساپالىلاندىرىپ، جاپپاي دارەجەسىن جوعارىلاتىپ، بۇلتتىق تەرمينالدا ورنالاستىرۋ، قول تەلەفون تەرمينالى قامتۋ سياقتى جاڭا يقۋاتتاردى ٴتۇيىندى تۇردە جۇزەگە اسىردىق.“ 4 ـ ايدىڭ 1 ـ كۇنى قارامايلى قالالىق پارتكوم ۇيىمداستىرۋ ٴبولىمىنىڭ ٴبولىم ىستەرى مۇشەسى باي جيە تانىستىرىپ بىلاي دەدى: بۇرىن ”ٴبىر كەستە“ ينفورماتسيا باسقارۋ جۇيەسىن بۇكىل شينجياڭعا جالپىلاستىرۋ، ورنالاستىرۋ بارىسىندا سىناق ٴتۇيىنى ەتىلگەن اۋدان، قالالاردىڭ سەرۆەر سياقتى قاتتى بولشەكتەردى ساتىپ الۋى قاجەت بولىپ، ونىمدىلىگى تومەن بولىپ قانا قالماستان، وزىندىك قۇنى دا جوعارى بولدى.
وسى سەبەپتى قارامايلى قالاسى بۇلتتىق ەسەپتەۋ بايلىق باسىمدىعىنان پايدالانىپ، ”ٴبىر كەستە“ ينفورماتسيا باسقارۋ جۇيەسىن اۆتونوميالى رايوننىڭ اكىمشىلىك ىستەر بۇلتىندا ورنالاستىرۋ، ۇيلەستىرۋ قىزمەتىن ورىندادى. قازىر سىناق ٴتۇيىنى ەتىلگەن اۋدان، قالالار بۇلتتىق تەرمينال ارقىلى ساندى مالىمەتتەردى ساقتاۋدى، ينفورماتسيالاردى الىپ پايدالانۋدى جۇزەگە اسىرىپ، ورنالاستىرۋ ونىمدىلىگىن بارىنشا جوعارىلاتىپ، جەر ـ جەردىڭ قۇرۋ جانە اينالىمعا سالۋ، كۇتۋ وزىندىك قۇنىن تومەندەتتى.
ٴار ماۋسىمنىڭ سوڭى نەگىزگى ساتى مالىمەت كەستەسىن جولداۋدىڭ قاربالاس مەزگىلى، ال قارامايلى قالاسى قارامايلى رايونى يىڭبين ٴمالىسى يادياننا الەۋمەتتىك اۋماعى پارتكومىنىڭ شۋجيى يۋان جيڭ مۇنى جەتىك مەڭگەردى، ”ٴبىر جول ساقتاپ كىرگىزگەننەن كەيىن، ٴتۇرلى ينفورماتسيالار ارتقى تۇعىر ارقىلى كوپتەگەن تۇعىرعا ٴبولىنىپ تاراتىلىپ، قىزمەت مولشەرىن بارىنشا جەڭىلدەتتى“.
يۋان جيڭ بىلاي دەپ تانىستىردى: جىل سوڭىندا، ماۋسىم سوڭىندا مالىمەت كەستەسىن جولداۋدان سىرت، وسى الەۋمەتتىك اۋماققا قاراستى اۋماقتا 8000نان استام تۇرعىن بار، ورتا ەسەپپەن ٴار كۇنى 20 نەشە تۇرعىنعا جىلجىمالى جان سانى، جاسى ۇلعايعاندارعا قوسىمشا قاراجات بەرۋ، ەڭبەك قامتاماسىزداندىرۋى سياقتى كاسىپتەردى ٴبىتىرىپ بەرەمىز، ”ٴبىر كەستە“ ينفورماتسيا باسقارۋ جۇيەسىن پايدالانعاننان كەيىن، ٴارقايسى تۇعىردا ينفورماتسيانى اۆتوماتتى ساقتاۋدى، رەتتەپ الۋدى جۇزەگە اسىرىپ، كوپ تۇعىر ارقىلى ٴبىر ـ بىردەن ينفورماتسيا كىرگىزۋدىڭ قاجەتى قالمادى، مۇنىمەن نەگىزگى ساتى قىزمەتكەرلەرىنىڭ ”قول ـ اياعى“ تولىق جەڭىلدەنىپ، نەگىزگى ساتى قىزمەتكەرلەرى اناعۇرلىم كوپ ۋاقىتىن تۇرعىندارعا جوعارى ساپالى قىزمەت وتەۋگە جۇمساي الاتىن بولدى.
2020 ـ جىلى قارامايلى قالاسى بۇكىل ەلدەگى 1 ـ توپتاعى قالا ٴوڭىرى قوعامىن باسقارۋدى وسىزامانداندىرۋ سىناق ٴتۇيىنى قالاسى بولىپ بەلگىلەنىپ، سول جىلى 11 ـ ايدا نەگىزگى ساتىنى باسقارۋداعى ”ٴبىر كەستە“ ينفورماتسيا باسقارۋ جۇيەسى قارامايلى قالاسىندا جاپپاي جالپىلاستىرىلىپ پايدالانىلدى. ”ٴبىر كەستە“ ينفورماتسيا باسقارۋ جۇيەسى ٴتۇرلى ساندى مالىمەت جۇيەسىن جيناقتاۋ، ورگانيكالى بىرىكتىرۋ، اۋىستىرىپ بىرگە يگىلىكتەنۋ ارقىلى 26 تاراۋدىڭ ورتاق يگىلىكتەنەتىن ساندى مالىمەتتەرىن جيناقتاپ، الەۋمەتتىك اۋماقتاردىڭ (قىستاق) ينفورماتسيا جيناۋ مولشەرىن %77 تومەندەتىپ، ينفورماتسيا جيناۋ ونىمدىلىگىن %80 جوعارىلاتتى.
قازىر بۇل جۇيە بۇكىل شينجياڭداعى 10 ايماق، وبلىس، قالادا ٴساتتى جالپىلاستىرىلدى، ونىڭ ۇستىنە كومپيۋتەر، قول تەلەفون APPى، جىلجىمالى تەرمينال شاعىن باعدارلاماسى سياقتى تۇرلىشە تيپتەگى جالعامالاردىڭ بارلىعى جۇيەگە جالعاندى، نەگىزگى ساتى قىزمەتكەرلەرى وتباسىلارىن ارالاپ جاعداي ۇعىسقاندا، ٴبىر قول تەلەفون ارقىلى ينفورماتسيانى سالىستىرۋ، وزگەرىس ەنگىزۋ سياقتى يقۋاتتاردى جۇزەگە اسىرىپ، نەگىزگى ساتى ساندى مالىمەتىنەن ورتاق يگىلىكتەنۋ قيىن بولۋ، قايتالاي ەستەلىككە الۋ، باس باسىنا مالىمدەۋ سياقتى ماسەلەلەردى شىنايى شەشتى.
باي جيە بىلاي دەپ تانىستىردى: قارامايلى قالاسى ”ٴبىر كەستە“ ينفورماتسيا باسقارۋ جۇيەسىنىڭ تەحنيكالىق قۇرىلىمىن، ساندى مالىمەت قامباسى جۇيەسىن جانە نەگىزگى ساتىنى باسقارۋ جابدىق ساندىعىن ۇزدىكسىز كەمەلدەندىرىپ، تاماشا ساندى مالىمەت ارقىلى باسقارۋ ەكولوگياسىن قۇرىپ، نەگىزگى ساتىنىڭ اۋىرتپالىعىن شىن مانىندە جەڭىلدەتەدى.
