انار بۇلت \ شينجياڭ گازەتىنىڭ ٴتىلشىسى سۇي يۇنيان
ساقشى قوسىنىنا قوسىلعانىنا 7 جىلدىڭ ٴجۇزى بولعان ”90 ـ جىلداردىڭ تۇلەگى“، ايەل ساقشى لۇي حۇيچىن جاۋىنگەر سەرىكتەرىمەن بىرگە قارلى بورانعا قارسى اتتانىپ، شىلىڭگىر ىستىقتان جاسقانبادى، زاڭمەن باسقارۋ ۇگىتى قىزمەتىندە بولسىن، الدە نەگىزگى ساتى بۇقارالىق قىزمەتىندە بولسىن، ول قاشاندا باتىلدىقپەن وي جۇگىرتىپ، باتىلدىقپەن ىستەپ، باتىلدىقپەن قۇلشىنىپ، جاستىق كوكتەمىمەن قىزمەت ىنتا ـ ىقىلاسىن مازداتىپ، حالىقشىلدىق سۇيىسپەنشىلىگىن كەستەلەدى.
بيىل 32 جاستاعى لۇي حۇيچىن اقسۋ قالالىق قوعام حاۋىپسىزدىگى مەكەمەسى ساياسي باسقارماسىنىڭ ورىنباسار مەڭگەرۋشىسى، قوعام حاۋىپسىزدىگى ۇگىت قىزمەت ورنىندا ونىڭ قولىنان كەلمەيتىنى جوق، جوسپارلاۋ قابىلەتى كۇشتى، سۋرەتكە تارتۋعا، ماقالا جازۋعا شەبەر بولىپ قالماستان، تاعى لەكسيا سويلەۋ جانە كونسەرت جۇرگىزۋ ارتىقشىلىعى دا بار.
”قوعام حاۋىپسىزدىگى ۇگىتىندە ساقشى حيكاياسىن ويداعىداي بايانداپ، وڭ ەنەرگيانى اسقاقتاتىپ، ٴار ۇلت بۇقاراسىنا ويداعىداي قىزمەت وتەۋ كەرەك“. لۇي حۇيچىن ۇنەمى فوتواپپاراتىن كوتەرىپ قاي ـ قاشان دا ەستەلىككە الۋعا دايىن تۇرادى، ونى ٴارقايسى نەگىزگى ساتى ساقشى بولىمشەسىنەن، دەلو ٴبىتىرۋ جۇمىس باسىنان كەزىكتىرە الاسىز، تاباندىلىقپەن ٴبىرىنشى شەپكە ىشكەرىلەي ارالاسۋ _ ونىڭ ستيلى.
2019 ـ جىلى 3 ـ ايدا ۇگىت اياسىن كەڭەيتۋ ٴۇشىن باسشىلاردىڭ قولداۋىمەن لۇي حۇيچىن ۇجىمىنداعىلاردى باستاپ ”تىنىش اقسۋ“ دوۋيىن ٴنومىرىن اشتى، جوبالاۋ، بەينەجازبا ٴتۇسىرۋ، جاساۋدىڭ بارلىعىن ٴوزى ورىندادى. ”ٴبىز ’ايەل ساقشىنىڭ كولىك باسقارۋدى ٴتۇسىندىرۋى‘، ’ايەل ساقشىنىڭ نوپوستى ٴتۇسىندىرۋى‘، ’الەمدە الدامكوستىك ىستەۋگە جول جوق‘ قاتارلى تۇراقتى باعدارلامالار اشتىق، زاڭدى جالپىلاستىرۋدىڭ ناقتى ونىمدىلىگىنە جانە قىزمەت وتەۋ سيپاتىنا ٴمان بەردىك“، ـ دەدى ول.
”تىنىش اقسۋ“ دوۋيىن ٴنومىرى اشىلعاننان بەرى 500دەن استام تۋىندى جاريالانىپ، جانكۇيەرلەرى 130 مىڭ ادامنان استى.
”مەن 20 جاسقا كەلدىم، اتىمدى وزگەرتسەم بولا ما“؟ ”مەن گانسۋلىقپىن، ازاماتتىق كۋالىگىمدى جوعالتىپ الدىم، اقسۋدا تولىقتاپ بىتىرۋىمە بولا ما“؟ 2023 ـ جىلى لۇي حۇيچىن تىكە تاراتۋ ٴنومىرىن جۇرگىزۋدى باستاپ جوبالاپ، ٴارقايسى سالاداعى ايەل ساقشىلارمەن بىرگە قاتىناس حاۋىپسىزدىگى بىلىمدەرى، الدامكوستىككە قارسى تۇرۋ بىلىمدەرى، نوپوس ساياساتى سياقتىلاردى بايانداپ، توراپتاستاردىڭ سۇراۋىنا قالت جىبەرمەي جاۋاپ قايتاردى.
لۇي حۇيچىن تاعى تىكە تاراتۋدى ساقشى كازارماسى مادەنيەت قيمىلى ناق مايدانىنا كوشىرىپ اپاردى. ”ٴبىز ادەبيەت ـ كوركەمونەر ۇگىتى شاعىن بولىمشە اترەتىن قۇرىپ، نەگىزگى ساتى حالىق ساقشىلارىنا ادەبيەت ـ كوركەمونەر نومىرلەرىن جەتكىزىپ، بۇقاراعا پارتيانىڭ جاقسى ساياساتىن جانە زاڭ بىلىمدەرىن ۇگىتتەپ، تىكە تاراتۋ ارقىلى اناعۇرلىم كوپ تور دوستاردىڭ ات سالىسۋىنا مۇمكىندىك جاسادىق“. ول بيىل كوكتەم مەرەكەسى دەمالىسى كەزىندە 10 نەشە الاڭ (رەت) ويىن قويىپ، ۇگىت جۇرگىزگەنىن، تاياۋداعى زاڭ ۇگىتىنىڭ نەگىزگى تاقىرىبى ايەلدەردىڭ ۇقىعىن قورعاۋ زاڭدىق بىلىمدەرى ەكەندىگىن ايتتى.
”اعاي، ٴسىزدىڭ باعىمشىلىقپەن شۇعىلدانىپ كىرىستى ارتتىرۋ ويىڭىز بار ما، جوق؟ بالاڭىز كەپتەردى قاتتى ۇناتادى ەكەن، مەن بارىپ كەپتەر بالاپانىن ساتىپ الۋلارىڭىزعا كومەكتەسسەم بولا ما“؟ 2018 ـ جىلى لۇي حۇيچىن ىرىقتىلىقپەن ٴوتىنىش ەتىپ، اقسۋ قالالىق قوعام حاۋىپسىزدىگى مەكەمەسى كوتەرمەگە العان ايكول قالاشىعى تاشتا قىستاعىندا كەدەيلەردى دالمە ـ ٴدال سۇيەمەلدەۋ قىزمەتىن ورىستەتىپ، قىستاق تۇرعىندارىنىڭ ٴىس جۇزىندىك قيىنشىلىعىن شىن سۇيىسپەنشىلىكپەن شەشىپ، كوپشىلىكتىڭ اۋزىنان تۇسپەيتىن ”حۇيچىنگۇلگە“ اينالدى.
قىستاقتاعى جول شىراقتارىنىڭ بۇزىلۋ ماسەلەسىن شەشۋ ٴۇشىن، لۇي حۇيچىن مەيىر جەتكىزۋ كاسىپورىندارىمەن بايلانىس جاساپ بۇزىلعان 15 جول شىراعىن جوندەۋگە، اۋىستىرۋعا كومەكتەستى؛ اۋىل شارۋاشىلىق ونىمدەرىنىڭ ساتىلۋى قيىن بولۋ ماسەلەسىن شەشۋ ٴۇشىن، ول تاعى حالىق ساقشىلارىن، كومەكشى ساقشىلاردى باستاپ دەمالىس ۋاقىتىنان پايدالانىپ جيناۋعا كومەكتەسىپ، قىستاق تۇرعىندارىنىڭ 10 نەشە توننا ٴجۇزىم، قاربىز سياقتى اۋىل شارۋاشىلىق ونىمدەرىن ساتۋىنا كومەكتەستى.
ۇگىت قىزمەتى بارىسىندا لۇي حۇيچىن ىزدەنىس جاساۋعا ٴمان بەردى، بۇقارالىق قىزمەت بارىسىندا دا كوپتەگەن ٴادىس ـ امالداردى تاۋىپ، اۋىل ـ قىستاقتى گۇلدەندىرۋدى ارقاۋ ەتىپ، اۋقاتتانۋ جولىن قاراستىرىپ، بۇقارانى اۋىل ـ قىستاقتى باسقارۋعا ات سالىسۋعا اتتانىسقا كەلتىردى. وسى بىرنەشە كۇندە ول اقسۋ قالاسى دولان اۋماعىن باسقارۋ كوميتەتى يىرما الەۋمەتتىك اۋماعىندا قاربالاستاپ ٴجۇر، ”ٴبىز حالىق ساقشىلارىن، كومەكشى ساقشىلاردى اتتانىسقا كەلتىرىپ، كىتاپ، زات جىلۋعا اتادىق، الەۋمەتتىك اۋماق ەرىكتىلەر قيمىلىنا بەلسەنە قاتىناسقان بۇقارانىڭ ٴنومىر جيناۋ ارقىلى سيلىق اۋىستىرىپ الۋىنا بولادى“.
قىزمەتتى قىزۋ سۇيەتىن، تۇرمىستى قىزۋ سۇيەتىن لۇي حۇيچىننىڭ ۇنەمى قايراتى تاسقىنداپ تۇرادى، ”حالىق ساقشىسى بولعاندىقتان، جالىنداعان جىگەرىمىزبەن ادالدىقتى ايگىلەۋىمىز كەرەك“، ـ دەدى ول تىلشىگە.
ساقشىلىقپەن شۇعىلدانعاننان بەرى لۇي حۇيچىن ”اۆتونوميالى رايوندىق تاڭداۋلى كوممۋنيستىك جاستار وداعى مۇشەسى“ بولىپ باعالاندى، اقسۋ ايماقتىق قوعام حاۋىپسىزدىگى مەكەمەسى جاعىنان وعان ٴبىر رەت 3 ـ دارەجەلى ەڭبەك جازىلدى، ٴبىر رەت جەكەلىك ماراپاتقا يە بولدى. تاياۋدا ول قوعام حاۋىپسىزدىگى مينيسترلىگى، مەملەكەتتىك ايەلدەر بىرلەستىگى جاعىنان مەملەكەتتىك قوعام حاۋىپسىزدىگى ورگانىنداعى ناتيجەسى كورنەكتى ايەل حالىق ساقشىسى بولىپ باعالاندى.
