ۋاكىل ما يانان:
مال شارۋاشىلىعىن گۇلدەندىرۋ ٴۇشىن ايانباي قۇلشىنامىن
□ انار بۇلت \ شينجياڭ گازەتىنىڭ ٴتىلشىسى فان چيۇڭيان
”ۇكىمەت قىزمەتىنەن بايانداماداعى جۇرەكتى جىلىتار حالىق تۇرمىسىنداعى ٴجىتى قاداعالانىپ وتىرعان ىستەر ٴبىزدى جەلپىندىردى.“ 3 ـ ايدىڭ 17 ـ كۇنى سانجى حۇيزۋ اۆتونوميالى وبلىستىق اۋىل شارۋاشىلىعى، اۋىل ـ قىستاق مەكەمەسىندە مەملەكەتتىك حالىق قۇرىلتايى ۋاكىلى، سانجى وبلىسى اۋىل شارۋاشىلىعى ونىمدەرى ساپا حاۋىپسىزدىگى ورتالىعىنىڭ مال شيپاگەرى ما يانان ەكى ٴماجىلىستىڭ رۋحى جونىندە ۇگىت لەكسيا جاسادى، تۇتاس وبلىستاعى اۋىل شارۋاشىلىعى، اۋىل ـ قىستاق جانە اۋىل ـ قىستاقتى گۇلدەندىرۋ جۇيەسىندەگى 130 كادر لەكسيا تىڭدادى.
ما يانان ۇعىنىقتى سوزدەرمەن ٴوزىنىڭ مەملەكەتتىك ەكى ٴماجىلىس كەزىندەگى كورگەن ـ بىلگەندەرىن، سەزىنگەندەرىن ٴبولىستى. سول كۇنى ونىڭ مەملەكەتتىك ەكى ٴماجىلىس رۋحىن ەكىنشى رەت ۇگىتتەۋى بولاتىن، ول: حالىق قۇرىلتايى ۋاكىلى ەكى ٴماجىلىس رۋحى ”تۇقىمىن“ تاراتۋشى، ”تۇقىمدى“ ٴاربىر بۇقارانىڭ ماڭىنا جەتكىزىپ، تياناقتانىپ تامىر تارتىپ، گۇل اشىپ، جەمىس بەرۋىنە مۇمكىندىك جاساۋ كەرەك، ـ دەدى.
مەملەكەتتى قۇدىرەتتەندىرۋدە الدىمەن، ٴسوز جوق، اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيگەندە عانا، مەملەكەت قۇدىرەتتەنەدى، حالىقتىڭ تاماشا تۇرمىس قاجەتىن قاناعاتتاندىرۋ، جوعارى ساپالى دامۋدى جۇزەگە اسىرۋ، مەملەكەت حاۋىپسىزدىگىنىڭ نەگىزىن بەكەمدەۋ سياقتىلاردىڭ بارلىعى دا اۋىل شارۋاشىلىعىنىڭ دامۋىنان ايرىلا المايدى.
اۋىل شارۋاشىلىعى، اۋىل ـ قىستاق سالاسىنىڭ ۋاكىلى رەتىندە ما يانان اۋىل شارۋاشىلىعىنىڭ، اۋىل ـ قىستاقتىڭ جوعارى ساپالى دامۋىنا اناعۇرلىم كوپ نازار اۋدارادى ٴارى ارقالاعان جاۋاپكەرشىلىگى مەن بورىشىن دا تەرەڭ سەزىنەدى، بولاشاقتاعى مىندەتىنىڭ اۋىر، جولىنىڭ ۇزاق ەكەندىگىن دە ابدەن بىلەدى.
”مال شارۋاشىلىعىن گۇلدەندىرۋ ارەكەتىن مىقتاپ ارقاۋ ەتىپ، ٴسۇت شارۋاشىلىعىن الدىمەن دامىتۋ، سويىس سيىر، سويىس قوي ىستەرىن جەدەل دامىتىپ، شوشقا، ٴۇي قۇستارى كاسىبىن بەكەمدەۋ، دارەجەسىن جوعارىلاتۋ جالپى تۇلعالىق وي جەلىسىنە تاباندى بولىپ، ايانباي قۇلشىنۋ كەرەك“. ما يانان مىنالاردى ٴبىلدىردى: بازانى ورنىقتىرۋدى، ماركانى جەبەۋدى، سىرتقا ساتۋدى كەڭەيتۋدى توڭىرەكتەي وتىرىپ، ولقىلىقتاردى تولىقتاپ، ٴسۇت شارۋاشىلىعىنىڭ جالپىلىق باسەكەلىك قۋاتىن جاپپاي جوعارىلاتىپ، سانجى وبلىسىن ”التىن ٴسۇت ورتالىعى“ ەتىپ تۇلعالاۋدى نىسانا ەتىپ، ەلەۋلى حايۋاناتتار ىندەتىنەن ساقتانۋ ـ تىزگىندەۋ قىزمەتىن ويداعىداي ىستەۋدى تۇتقا ەتىپ، مال شارۋاشىلىعىنىڭ جوعارى ساپالى دامۋىن جەدەل ىلگەرىلەتۋ كەرەك.
ما يانان الداعى قۇلشىنىس بەتالىسىن بىلاي جوسپارلادى: ۇيرەنۋدى كۇشەيتىپ، مىندەت اتقارۋ ”نەگىزىن“ كوبەيتىپ، وزىندىك ٴبىلىم قۇرىلىمىن، مىندەت اتقارۋ ونەرىن ۋاكىلدەردىڭ مىندەت اتقارۋى مەن ٴوز قىزمەتىنىڭ جاڭا مىندەت، جاڭا تالاپتارىنا ۇيلەستىرۋگە مۇمكىندىك جاساۋ؛ بۇقارامەن تىعىز بايلانىس جاساپ، مىندەت اتقارۋدىڭ ”ەتەنە بولۋىن“ ويداعىداي جالعاستىرىپ، كاسىپتىك ەرەكشەلىكتى تولىق ساۋلەلەندىرىپ، كاسىپ سالاسىنداعى ماماندارمەن بىرگە نەگىزگى ساتىعا، ەگىن، مال شارۋاشىلىعى وڭىرلەرىنە، ەگىنشى ـ مالشى وتباسىلارىنا ىشكەرىلەي بارىپ، بۇقارانىڭ ٴۇنىن تىڭداپ، سويىس سيىردى، سويىس قويدى كوبەيتىپ ٴوسىرۋ، مولشەرىن ارتتىرۋ، ساپاسىن ارتتىرىپ، ونىمدىلىگىن جوعارىلاتۋ، ەلەۋلى حايۋاناتتار ىندەتىنەن ساقتانۋ ـ تىزگىندەۋ سياقتى جاقتاردى توڭىرەكتەي تەكسەرۋ ـ زەرتتەۋ جۇرگىزۋ؛ مىندەت اتقارۋ ”باتىلدىعىن“ بەلسەنە ىرىقتىلىقپەن جوعارىلاتىپ، وتباسىلارىن كەڭىنەن ارالاۋ، بۇقارانىڭ پىكىرىن الۋ، جيناۋ ارقىلى تەكسەرۋ ـ زەرتتەۋ بايانداماسى مەن كەڭەستىك جوبا ۇسىنىسىن مۇقيات جازىپ، شەشىم قابىلداۋ ورگاندارى مەن حالىق بۇقاراسىن تۇتاستىراتىن كوپىرلىك، دانەكەرلىك رولدى تولىق ساۋلەلەندىرۋ. ماسەلەنى جانە جەتەرسىزدىكتەردى شەبەرلىكپەن بايقاپ، ۇسىنىس ـ پىكىردىڭ زاڭدىق سيپاتىن، جالپى جاعدايلىق سيپاتىن جانە بۇقارالىق سيپاتىن بەينەلەپ، شىنايى تۇردە حالىق اقىل ـ پاراساتىن شوعىرلاندىرىپ، حالىق تىلەگىن اڭىس ەتۋ.
”نەگىزگى ساتىنىڭ ٴار سالا، ٴار كاسىبىن ىشكەرىلەي ارالاپ، حالىق جاعدايىن ۇعىسىپ، مىندەتتى مۇقيات اتقارىپ، ماڭايىمىزداعى ٴاربىر كىشكەنە ٴىستى ويداعىداي ىستەپ، كىشكەنە جەڭىستەردەن ۇلكەن جەڭىستەر تۋدىرۋ كەرەك“. ما يانان ٴىس جۇزىندىك ارەكەتى ارقىلى جۇڭگو ۇلگىسىندەگى وسىزاماندانعان اۋىل شارۋاشىلىعىندا قۋاتتى ەل قۇرۋعا بارلىق كۇش ـ قۋاتىن قوساتىندىعىن ايتتى.
”ايرىقشا جەلپىنىپ، تەرەڭ شابىت الدىق“. ۇگىتتى تىڭداپ بولعاننان كەيىن، كوپشىلىك جابال مىنالاردى ٴبىلدىردى: عىلىم ـ تەحنيكادا جاڭالىق اشۋ سەرپىنىن ارتتىرىپ، جاڭاشا وندىرگىش كۇشتەردىڭ اۋىل شارۋاشىلىعى، اۋىل ـ قىستاق سالاسىنداعى قولدانىلۋىن كۇشەيتىپ، جاۋاپكەرشىلىكتى ناقتىلاندىرىپ قايراتتانا ىستەپ، كوركەم جوبانى جاندى امالياتقا اينالدىرۋعا قۇلشىنۋ كەرەك.
