ٴبىر رەتكى قىزمەتكەر قابىلداۋ جينالىسىنان شينجياڭنىڭ دارىندىلاردى ەنگىزۋدەگى كۇشتى ماگنيت ورىسىنە نازار
□ انار بۇلت \ شينجياڭ گازەتىنىڭ ٴتىلشىسى جاۋ چۇنحۋا
3 ـ ايدىڭ 23 ـ كۇنى، سەنبى. سەبەزگىلەگەن جاۋىننان ٴۇرىمجىنىڭ اۋا تەمپەراتۋراسى ٴسال تومەندەگەن بولسا دا، چۇڭچيڭ پوچتا ـ تەلەگراف داشۋەسى جۇمساق بولشەك ينجەنەريا كاسىبىنەن وقۋ بىتىرگەن ما جيالى الدەقاشان بۋىنىپ ـ ٴتۇيىنىپ، كەشە كەشتە دايىنداپ قويعان قىسقاشا ٴومىربايانىن تاعى ٴبىر تەكسەرگەننەن كەيىن، نىسانالى جەرى شينجياڭ حالىقارالىق ٴماجىلىس ـ كورمە ورتالىعىنا تارتتى.
وسى كۇنى اۆتونوميالى رايوننىڭ 2024 ـ جىلعى جوعارى مەكتەپ بىتىرگەن وقۋشىلاردان كوكتەم ماۋسىمىنداعى قىزمەتكەر قابىلداۋ جينالىسى جانە ”كاسىپ ارقىلى بولاشاققا باستاۋ“ بويىنشا بۇكىل ەلدەگى ٴىرى، ورتا قالالاردى ارالاپ قىزمەتكەر قابىلداۋ شينجياڭ بەكەتى قيمىلى (نەگىزگى جينالىس الاڭى) شينجياڭ حالىقارالىق ٴماجىلىس ـ كورمە ورتالىعىندا وتكىزىلدى. ادام ىستەتۋشى 604 ورىن 18 مىڭنان استام جۇمىس ورنىن ازىرلەدى... بۇل ما جيالىنىڭ مەديادان كۇنى بۇرىن ۇققان ينفورماتسياسى، ٴبىراق سول كۇنى 26 مىڭنان استام جۇمىس ىزدەۋشىنىڭ دە ٴوزى سياقتى وزىنە لايىق جۇمىس ورنىن تابۋ ماقساتىندا ەكەندىگى وعان بەيمالىم ەدى.
جۇمىستانۋداعى ٴتۇيىندى قاۋىمنىڭ ٴبىرى رەتىندە، جوعارى مەكتەپ بىتىرگەن وقۋشىلار سياقتى جاستار قاۋىمىنىڭ جۇمىستانۋى سانسىز شاعىن وتباسىنىڭ بەرەكەسىنە، گۇلدەنىپ ـ كوركەيۋىنە بايلانىستى. ٴتىلشى ادام قايشالىسقان قىزمەتكەر قابىلداۋ جينالىسىندا دابىرلاعان، دۋماندى كورمە ورىندارىن ارالاعاندا، ەستىگەنى، كورگەنى _ جاستاردىڭ جالىندى بەينەسى، كاسىپورىننىڭ دامۋ بولاشاعىنا دەگەن سەنىمى، سونداي ـ اق بارعان سايىن ىڭعايلى بولىپ بارا جاتقان جۇمىستانۋ قىزمەت وتەۋى؛ بۇدان سەزىنگەنى _ شينجياڭ ورايىنىڭ جۇمىستانۋ بازارىندا تاراتقان كۇشتى ماگنيت ٴورىسى.
ورايدى مىقتى يگەرىپ دارىندىلاردى باۋرادى
دارىندىلاردىڭ ساپاسى _ جۇمىستانۋ قىزمەتىنىڭ جان تامىرى. مەملەكەت مەنشىگىندەگى 134 كاسىپورىن، ٴىرى، ورتا تيپتەگى 389 حالىقتىق كاسىپورىن، 81 ٴىسورىن، بۇلاردىڭ ٴبارى جۇمىس ىزدەگەندەردى وزىنە باۋرايتىن التىن ماڭدايشالىق ەكەندىگى ٴشۇباسىز. ال قاتىستى كاسىپ سالاسىنىڭ دامۋى جۇمىستانۋ ”كولشىگىنىڭ“ سيىمدىلىعىنا تىكە قاتىستى.
”سەگىز ٴىرى كاسىپ سالاسى شوعىرىنىڭ“ دامۋ ورنالاسىمىن ۇزدىكسىز جەدەل ىلگەرىلەتتى، ەركىن ساۋدا سىناق رايونىن جوعارى ولشەممەن قۇردى، ”ٴبىر بەلدەۋ، ٴبىر جول“ وزەكتى رايونى قۇرىلىسىن جەدەلدەتتى... سوڭعى جىلدارى شينجياڭ جوعارى ساپالى دامۋدى تەز قارقىنمەن، ورنىقتى قاداممەن ىلگەرىلەتتى، مۇنىڭ جۇمىستانۋ بازارىنداعى بەينەسى _ ٴارقايسى كاسىپتىڭ، ٴارقايسى سالانىڭ سۇرانىسى اناعۇرلىم كۇشەيدى، دارىندىلاردى ساتىلى باۋلۋعا اناعۇرلىم ٴمان بەرىلدى، جۇمىس ىزدەۋشىلەردىڭ ورايى دا اناعۇرلىم مولايدى.
”ساباقتاستار، ٴبىزدىڭ كوكتەمگى قىزمەتكەر قابىلداۋىمىز كەلەر ايدا باستالادى، ’مەملەكەت ەنەرگيا ٴۇنى‘ ۋيشين الەۋمەتتىك نومىرىنە نازار اۋدارىپ، قاتىستى ينفورماتسيالاردى دەر كەزىندە ۇعىسىڭىزدار!“ مەملەكەت مەنشىگىندەگى كاسىپورىنداردىڭ كورمە اۋماعىنا جاقىنداعاندا، مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ كورمە ورنىنداعى قىزمەتكەردىڭ كورمە ورنىن قاۋمالاپ قورشاپ العان قىزمەت ىزدەۋشىلەرگە داۋىستاي سويلەگەنى ەستىلدى، ادامداردىڭ اراسىندا قولىن سوزىپ، قىسقاشا ٴومىربايانىن قارسى جاقتىڭ قولىنا ۇستاتىپ جاتقاندار كوپ بولدى.
”2024 ـ جىلدان 2026 ـ جىلعا دەيىن ورتالىق كاسىپورىندارى شينجياڭدا 133 نىسانعا قارجى قوسۋدى جوسپارلاپ وتىر، بۇعان ساياتىن قارجى سوماسى 700 ميلليارد يۋانعا جۋىق، بىزگە قاتىستى ٴتۇرلى نىساندار ارت ـ ارتىنان تياناقتاندىرىلاتىندىقتان، قىرۋار دارىندىنىڭ قۇرىلىسقا ات سالىسۋىن شۇعىل قاجەت ەتەمىز، بيىل 1000نان استام ادام قابىلدايمىز“. مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى ۇيىمداستىرۋ، كادرلار ىستەرى ٴبولىمىنىڭ مەڭگەرۋشىسى دىڭ جيان بىلاي دەدى: كەشەندى ەنەرگيا كاسىپورنى رەتىندە، قىزمەت ورنىمىز كوبىندە قۇبا تۇزدە، ٴشول دالادا، اسقار تاۋلاردىڭ قويناۋىندا بولادى، كاسىپتىك ساپادان تىس، جۇمىس ىزدەۋشىلەردىڭ ىجداعاتتىلىقپەن ٴىس تىندىرىپ، شارۋاشىلىق قۇرۋ رۋحىن تىپتەن قاجەت ەتەدى، كاسىپورنىمىز دا جەكە ادامنىڭ جەتىلۋىنە تۇعىر ازىرلەۋگە بار كۇشىن سالادى“.
ادامدار قايشالىسقان كورمە ورىندارى اراسىندا شينجياڭ ۋيليدى ەنەرگيا شەكتى سەرىكتەستىگى ادام كۇشى بايلىعى ٴبولىمىنىڭ جاۋاپتىسى جۇمىس ىزدەۋشىلەردىڭ سۇراۋىنا ٴبىر ـ بىردەن جاۋاپ قايتارۋدا، قاسىنداعى ۇستەلدىڭ ۇستىندە نەشە ونداعان قىسقاشا ٴومىربايان ٴۇيىلىپ تۇر.
”اۆتونوميالى رايوننىڭ ’سەگىز ٴىرى كاسىپ سالاسى شوعىرىنىڭ‘ دامۋ ورنالاسىمىن زور كۇشپەن ىلگەرىلەتۋىنىڭ ارقاسىندا، كاسىپورنىمىز جاڭا دامۋ ورايى مەزگىلىن كۇتىپ الدى“. وسى جاۋاپتى ادام تانىستىرىپ بىلاي دەدى: كاسىپورنىمىزدىڭ ٴۇرىمجى گانچۋانپۋ ەكونوميكالىق، تەحنيكالىق اشۋ رايونىنداعى ٴوندىرىس جەلىسى ورناتىلىپ بولدى، قىرۋار دارىندىنىڭ ٴارقايسى جۇمىس ورنىنا ورنالاسىپ، كاسىپورىننىڭ دامۋىن ىلگەرىلەتۋى قاجەت بولىپ تۇر، ”تەك تاباندىلىقپەن ىستەسە بولعانى، وقۋ ماعلۇماتىنا قويىلاتىن شەكتەمەنى تومەندەتۋىمىزگە بولادى، جوعارى مەكتەپ بىتىرگەن وقۋشىلاردىڭ كاسىپورىننىڭ قۇرىلىسىنا ات سالىسۋىن قارسى الامىز“.
دامۋ كەڭىستىگى دارىندىلاردى باۋراۋدىڭ ”ۇتىمدى قارۋى“ بولدى
قىزمەتكەر قابىلداۋ جينالىسىنىڭ كىرە بەرىسىندەگى كوزگە وڭاي تۇسەتىن جەرگە ”سەگىز ٴىرى كاسىپ سالاسى جانە ەركىن ساۋدا سىناق رايونىنداعى كاسىپورىنداردىڭ كورمە اۋماعى“، ”مەملەكەت مەنشىگىندەگى كاسىپورىنداردىڭ كورمە اۋماعى“ سياقتى جازۋلار جازىلعان، اۋماققا بولگەن وراسان ۇلكەن كورمە تاقتالارى، سونداي ـ اق بۇلار ازىرلەگەن جۇمىس ورىندارى قۇندىلىعىمەن جۇمىس ىزدەۋشىلەردى ايالداپ قاتىستى ينفورماتسيالاردى ۇعىسۋعا باۋرادى.
سەگىز ٴىرى كاسىپ سالاسى جانە ەركىن ساۋدا سىناق رايونىنداعى كاسىپورىنداردىڭ كورمە اۋماعىندا شينجياڭ چي ـ ان جاڭالىق اشۋ ونەركاسىپ ينتەرنەت حاۋىپسىزدىگى شەكتى سەرىكتەستىگىنىڭ باس ديرەكتورى ياڭ شىڭ كورمە ورنىندا بۇگىنگى تۇڭعىش جۇمىس ىزدەۋشى _ چۇڭچيڭ پوچتا ـ تەلەگراق داشۋەسىنەن وقۋ بىتىرگەن ما جيالىنى كۇتىپ الدى.
ما جيالىنىڭ كومپيۋتەر جۇمساق بولشەگىن جانە تەحنيكاسىن قولدانۋعا جەتىك ەكەندىگىن ۇعىسقان سوڭ، ياڭ شىڭ ونىڭ قىسقاشا ٴومىربايانىن الىپ قالدى ٴارى ما جيالىعا ەكىلىكتى جايمالاپ، سەرىكتەستىكتىڭ سايتىنا نازار اۋدارۋدى قاداعالاپ، سوڭىنان بەتپە ـ بەت اڭگىمەلەسۋگە ۋادەلەستى.
”مەكتەپ بىتىرۋدەن بۇرىن مەن مەكتەپتە وتكەن قىزمەتكەر قابىلداۋعا دا قاتىناستىم، الايدا باسەكە ەرەكشە قيان ـ كەسكى، كوپتەگەن جۇمىس ورنىنىڭ بىزگە قالدىرعان دامۋ كەڭىستىگى دە شامالى“. ما جيالى بىلاي دەدى: سىرتتا ٴبىلىم قۋىپ جۇرسەم دە، شينجياڭنىڭ دامۋىنا ەرەكشە نازار اۋدارىپ كەلدىم، ”قازىر شينجياڭ ’سەگىز ٴىرى كاسىپ سالاسى شوعىرىن‘ زور كۇشپەن دامىتۋدا، ال مىنا كاسىپورىن نەگىزىنەن شينجياڭنىڭ ەلەكترىن سىرتقا جەتكىزەتىن كاسىپورىن، ەنەرگيا حيميا ونەركاسىپ كاسىپورنى سياقتىلارعا ينتەرنەت حاۋىپسىزدىگى جانە حاۋىپ ـ قاتەردى ساراپتاۋ سياقتى قىزمەتتەردى وتەيدى، قازىر ٴدال ولاردىڭ دارىندىلارعا ٴزارۋ كەزى، ەگەر جۇمىسقا ٴساتتى قابىلدانسام، دامۋ كەڭىستىگىم، ٴسوز جوق، ەرەكشە كەڭ بولادى“.
”مەكتەپ اۋلاسىنان ەندى عانا اتتاپ شىقتىم، كاسىپورىننىڭ ماعان قانداي دامۋ كەڭىستىگىن ازىرلەي الاتىندىعىنا، بەلگىلى دارەجەدە تاجىريبە توپتاپ، كاسىپتىك قابىلەتىمدى جوعارىلاتۋىما مۇمكىندىك جاساي الاتىن ـ المايتىنىنا اناعۇرلىم كوڭىل بولەمىن“. شينجياڭ حۇي ـ ىر اۋىل شارۋاشىلىعى توبى شەكتى جارنا سەرىكتەستىگىنىڭ كورمە ورنىندا سانجى شۋەيۋانىنان بيىل وقۋ بىتىرەتىن نۇرجۇلدىز جاپار ٴوز سۇراۋىن قويدى.
”دارىندىلاردى دايىنداۋ قارقىنى، ٴسوز جوق، كاسىپورىننىڭ دامۋ قارقىنىنان تەز بولۋ كەرەك“. وسى سەرىكتەستىك ادام كۇشى بايلىعى ٴبولىمىنىڭ كادرلار ىستەرىن باسقارۋشىسى جاڭ لۋلۋ نۇرجۇلدىز كوڭىل بولگەن سۇراۋعا جاۋاپ قايتاردى. ونىڭ تانىستىرۋىنشا، بيىل حۇي ـ ىر اۋىل شارۋاشىلىعى توبىنىڭ كاسىپورىن داشۋەسى ىسكە قوسىلىپتى، جاڭا قىزمەتكەر جۇمىسقا ورنالاسقاننان كەيىن، ساۋدا، قازىنا ـ ەكونوميكا، زەرتتەۋ ـ اشۋ، باسقارۋ سياقتى ۇقساماعان جۇمىس ورنى بويىنشا، 7 كۇن دە 9 كۇن جالپىلىق باۋلۋعا قاتىناسادى، باعالاۋ اياقتاعاننان كەيىن، جۇمىسقا ورنالاسۋ جەتەكشىسى 90 كۇن ۋاقىتپەن ”بىرگە ٴبىر“ بويىنشا جەتەكشىلىك ەتەدى، كاسىپتىك تەحنيك بولعاننان كەيىن، ”ۇستاز شاكىرتتى جەتەكتەۋ“ ۇلگىسىمەن ٴبىر جىل سەرىك بولادى، وسىلايشا جاڭادان جۇمىسقا ورنالاسقان قىزمەتكەرلەرگە كەڭ جەتىلۋ كەڭىستىگىن ازىرلەيدى.
ويداعىداي قىزمەت وتەۋ جۇمىستانۋدى جەبەۋدىڭ ”كاتاليزاتورى“ بولدى
مەملەكەت مەنشىگىندەگى كاسىپورىنداردىڭ كورمە اۋماعىندا شينجياڭ شىفان داشۋەسىنىڭ مەكتەپكە دەيىنگى تاربيە كاسىبىنەن بيىل وقۋ بىتىرەتىن ميھىرگۇل ازەز كورمە ورنىنا كەلىسىمەن ـ اق، كورمە ورنىنداعى قىزمەتكەر قابىلداۋعا جاۋاپتى قىزمەتكەرمەن تانىستارشا اڭگىمەلەسە كەتتى.
3 كۇننىڭ الدىندا ادام كۇشى بايلىعى جانە قوعامدىق قامتاماسىزداندىرۋ تاراۋى جاريالاعان قىزمەتكەر قابىلداۋ جينالىسىنىڭ تىزىمدەلىپ تىركەلۋ ەكىلىگىن جايمالاعان ميھىرگۇل ٴوز كاسىبى مەن جۇمىستانۋ تىلەگىن تولتىرعاننان كەيىن، جۇيە جولداعان بىرنەشە جۇمىس ورنى ينفورماتسياسىن تاپسىرىپ الدى.
”وسىدان بۇرىن ينتەرنەت جەلىسىندە وسى ورىنداردىڭ نەگىزگى جاعدايىن ۇعىستىم، وسى رەت ينتەرنەت جەلىسىنەن تىس وتكەن قىزمەتكەر قابىلداۋ جينالىسىنا قاتىناسۋداعى ماقساتىم ولارمەن بەتپە ـ بەت اڭگىمەلەسۋ“، ـ دەدى ميھىرگۇل.
”قامداۋ ـ قاجەتسىنۋ ينفورماتسياسىنىڭ ساي كەلۋ ونىمدىلىگى جۇمىستانۋعا ىقپال جاسايتىن ماڭىزدى فاكتور“. اۆتونوميالى رايوندىق الەۋمەتتىك جۇمىستانۋعا قىزمەت وتەۋ ورتالىعى جوعارى مەكتەپ بىتىرگەن وقۋشىلارعا جۇمىستانۋ بويىنشا قىزمەت وتەۋ ٴبولىمىنىڭ جاۋاپتىسى حوۋ شين تانىستىرىپ بىلاي دەدى: وسى رەتكى قىزمەتكەر قابىلداۋ قيمىلىنىڭ دالمە ـ دالدىگىن جوعارىلاتۋ ٴۇشىن بيىل ادام كۇشى بايلىعى جانە قوعامدىق قامتاماسىزداندىرۋ تاراۋى تۇڭعىش رەت قاعازسىز قىزمەتكەر قابىلداۋدى سىناق ەتىپ، سالالاپ شىققان جۇمىس ورنى ينفورماتسياسىن الدىن الا جوعارى مەكتەپتەردە جاريالاپ، جوعارى مەكتەپ بىتىرگەن وقۋشىلار تىركەلگەننەن كەيىن، جۇيە ۇلكەن ساندى مالىمەتكە تالداۋ جاساپ، جوعارى مەكتەپ بىتىرگەن وقۋشىلاردىڭ جۇمىستانۋ تىلەگى بويىنشا ولارعا 3تە 5 جۇمىس ورنىن تانىستىرىپ، دالمە ـ ٴدال قىزمەتكەر قابىلداۋدى، جوعارى ٴونىمدى قىزمەت وتەۋدى جۇزەگە اسىرادى.
قىزمەتكە قابىلداۋ جينالىسىندا مەملەكەت مەنشىگىندەگى كاسىپورىندار، ٴىسورىندار، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان كاسىپورىندار ازىرلەگەن جۇمىس ورىندارى ادامداردى باۋراعاننان سىرت، جينالىس الاڭىنىڭ ورتاسىنا ورنالاستىرىلعان قىسقاشا ٴومىربايانعا تۇجىرىم جاساۋ اۋماعىندا دا ادام باسىپ تۇردى.
”امالياتتىق تاجىريبەڭ تىم قىسقا جازىلىپتى، امالياتتان وتكىزۋ ارقىلى قانداي قابىلەتتەرىڭ جوعارىلاعانىن كورنەكتىلەندىرۋىڭ كەرەك“، ”ٴوزىڭدى باعالاعاندا، ٴسوزسىز، ىستەمەك بولعان قىزمەتىڭمەن تىعىز بايلانىستىرىپ، وسى جاقتارداعى ارتىقشىلىعىڭدى جانە قابىلەتىڭدى كورنەكتىلەندىرۋىڭ كەرەك“... كاسىپورىننىڭ ٴبىرتۇلعالانعان دارىندى تاربيەلەۋ جونىنەن اقىل ـ كەڭەس بەرۋ مامانى، جوعارى دارەجەلى كاسىپ جەتەكشىسى ليۋ فىڭيۋە شينجياڭ شىفان داشۋەسىنەن بيىل وقۋ بىتىرەتىن وقۋشى گى رىنلاننىڭ قىسقاشا ٴومىربايانىن قولىنا الىپ، وعان قىسقاشا ٴومىرباياندى جازۋ ٴادىسىن ەگجەي ـ تەگجەيلى ٴتۇسىندىردى.
”قىسقاشا ٴومىربايان قوعامعا كىرگەننەن كەيىنگى ٴبىرىنشى تانىسقىڭ، ٴسوزسىز، ەلدەن وزگەشە بولعان ٴوزىڭدى تانىستىرۋىڭ كەرەك“. ليۋ فىڭيۋە بىلاي دەدى: قىسقاشا ٴومىربايان ۇلگىسىنىڭ كوبى ينتەرنەت جەلىسىنەن تۇسىرىلگەن، تولتىرۋ بارىسىندا ەگەر جۇمىس ىزدەۋشىنىڭ جەكە ەرەكشەلىگى كورنەكتىلەنبەسە، وڭاي ”باسىلىپ“ قالۋى مۇمكىن، جۇمىس ىزدەۋشى ويىنداعىداي جۇمىس تاپپاق بولسا، الدىمەن قىسقاشا ٴومىرباياندى جاساۋعا باسا ٴمان بەرۋ كەرەك.
گى رىنلان قىسقاشا ٴومىربايان جونىندەگى كەڭەستى تىڭداعاننان كەيىن، كوپ وي الدى، ”بۇرىن مەكتەپتە جۇمىستانۋعا جەتەكشىلىك ەتۋ ساباعىنا قاتىناسقاندا، وقىتۋشىمىز دا قىسقاشا ٴومىرباياندى قالاي جازۋدى ايتقان ەدى، ٴبىراق ادام وتە كوپ بولعاندىقتان، بىردەن جەتەكشىلىك ەتە المادى. قىزمەتكەر قابىلداۋ جينالىسىندا قىسقاشا ٴومىرباياندى قالاي جازۋدى ۇيرەنىپ، شىنىمەن، تابىستى بولدىم“.
وسى رەتكى قىزمەتكەر قابىلداۋ قيمىلىندا تۇڭعىش رەت 30 جوعارى مەكتەپتىڭ ٴتۇرلى ادام ىستەتۋشى ورىنعا مەكتەپ بىتىرگەن وقۋشىلاردى تانىستىرۋ قىزمەت وتەۋى دە ورنالاستىرىلدى. سول كۇنى ساعات 12دە قىزمەتكەر قابىلداۋ جينالىسى ۋاقىتىنىڭ جارتىسى وتپەي ـ اق، تارىم داشۋەسىنىڭ 32 وقىتۋشىسىنان ۇيىمداسقان ”ەڭ كۇشتى كومەكشى قوسىن“ 300دەن استام وقۋشىنىڭ قىسقاشا ٴومىربايانىن جانە 400دەن استام مەكتەپتەگى قىزمەتكەر قابىلداۋ جينالىسىنا ۇسىنىس ەتۋ حاتىن كاسىپورىنداردىڭ، ٴىسورىنداردىڭ كورمە ورنىنا جەتكىزدى.
”كاسىپورىندارمەن ىرىقتىلىقپەن بايلانىس ورناتقاننان كەيىن، ٴبىز تاعى كاسىپورىنداردى ارالاۋدى، جۇمىس ورىندارىن كوبەيتۋدى قوسا ورىستەتىپ، وقۋشىلار ٴۇشىن الدىمەن وتكەلدى مىقتى يگەرەمىز، سونىمەن بىرگە كاسىپورىنداردى مەكتەپكە كەلىپ قىزمەتكەر قابىلداۋ قيمىلىن ورىستەتۋگە ۇسىنىس ەتەمىز“، ـ دەدى تارىم داشۋەسىنىڭ وقۋشى قابىلداۋ، جۇمىستانۋ باسقارماسىنىڭ باستىعى حۋ سۇڭلين.
