ۋاكىل ۋ ۋىنشيۋ:
بۇقارانىڭ قايرات ـ جىگەرىنىڭ تاسقىنداپ، كۇندەرىنىڭ ۇمىتكە تولى بولۋىنا مۇمكىندىك جاسايمىن
انار بۇلت \ شينجياڭ گازەتىنىڭ ٴتىلشىسى باي سۋجۇن
مەملەكەتتىك ەكى ماجىلىسكە قاتىناسقاننان كەيىن، مەملەكەتتىك حالىق قۇرىلتايىنىڭ ۋاكىلى، جىڭ اۋدانى تولى قالاشىعى ىجلىنمودۇن قىستاعى پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى ۋ ۋىنشيۋ ٴار كۇنى ايرىقشا قاربالاس بولدى. ول اتىز باسىنا بارىپ، كاسىپورىنداردى ارالاپ، الەۋمەتتىك اۋماقتارعا بارىپ، دامىل تاپپاي ٴار ۇلت بۇقاراسىنا مەملەكەتتىك ەكى ٴماجىلىس رۋحىن ۇگىتتەدى.
ۋ ۋىنشيۋ ۇكىمەت قىزمەتىنەن بايانداماداعى اۋىل ـ قىستاقتى گۇلدەندىرۋگە قاتىستى مازمۇنداردى ۇعىنىقتى سوزدەرگە اينالدىرىپ، قىستاقتىڭ ٴىس جۇزىندىگىمەن ۇشتاستىرىپ، كادرلاردى ٴوزى ۇلگى بولىپ، ۇلگىلىك، باستاماشىلدىق رولىن باتىلدىقپەن ساۋلەلەندىرىپ، جەرگىلىكتى جاعدايعا قاراي حالىق تۇرمىسىنداعى ناقتى ىستەردى مىقتى يگەرىپ، بۇقارانىڭ قالتاسىنىڭ قامپايۋىنا مۇمكىندىك جاساۋعا جۇمىلدىردى.
”مەن نەگىزگى ساتى ۋاكىلىمىن، شارۋالاردىڭ جۇرەك ٴۇنىن ٴتىپتى دە تۇسىنەمىن، كادرلار وتباسىلارىن كوبىرەك ارالاپ، بۇقارانىڭ ۇسىنىس ـ پىكىرىن كوپ ۇعىسىپ، كوپ تىڭداعاندا عانا بۇقارانىڭ قاجەتى مەن تىلەگىن شىنايى ۇعىسىپ، ولاردىڭ ’اۋىل شارۋاشىلىعى قۋاتتى بولۋ، اۋىل ـ قىستاق كورىكتى بولۋ، شارۋالار اۋقاتتى بولۋ‘ نىساناسىن جۇزەگە اسىرۋىنا كومەكتەسە الادى“. 3 ـ ايدىڭ 15 ـ كۇنى ۋ ۋىنشيۋ جىڭ اۋدانى تولى قالاشىعى يۇڭجيحۋ قىستاعىنا كەلىپ، ٴار ۇلت بۇقاراسىنا مەملەكەتتىك ەكى ٴماجىلىس رۋحىن ۇگىتتەدى، ول ”اۋىل ـ قىستاقتى جاپپاي گۇلدەندىرۋ“، ”حالىق تۇرمىسىن قامتاماسىز ەتۋ جانە جاقسارتۋ“، ”جاڭاشا وندىرگىش كۇش“ سياقتى مازمۇندار جونىندە سول جەردىڭ وزىندە تۇسىنىك جاسادى.
ۋ ۋىنشيۋ جىڭ اۋدانى تولى قالاشىعى داجۋاڭزى وڭتۇستىك قىستاعىنداعى جانە وشاقباي باتىس قىستاعىنداعى الاقات اتىزىنا كەلىپ، قىستاق تۇرعىندارىنا اۋىل شارۋاشىلىعىنا قاتىستى ەڭ جاڭا ساياساتتاردى ٴتۇسىندىردى. ول اڭگىمە ايتۋ تاسىلىمەن كوسىلە اڭگىمەلەپ، ۇكىمەت قىزمەتىنەن بايانداماداعى ”اۋىل شارۋاشىلىعى، اۋىل ـ قىستاق، شارۋالار قىزمەتىن قاجىماي ـ تالماي مىقتى يگەرىپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋگە“ قاتىستى مازمۇنداردى اشالاپ ٴتۇسىندىرىپ، قىستاق پارتيا ياچەيكا شۋجيىمەن، اۋىل شارۋاشىلىعى تەحنيگىمەن، اقالات ەگەتىن ديقاندارمەن اقتارىلا اڭگىمەلەستى.
قىستاق تۇرعىندارى قىزۋ ىنتامەن بىرىنەن كەيىن ٴبىرى سويلەپ، جاپا ـ تارماعاي وزدەرىنىڭ ويلارىن ورتاعا سالدى، ”ماڭايىمىزداعى 2 قىستاق تا الاقات ەگەدى، سىزدەردىڭ قىستاق ماقتا ەكسە، قايتكەندە وسى ەكى كاسىپ سالاسىن توعىستىرىپ، شارۋالاردى تەڭ تيىمدىلىككە كەنەلدىرۋگە بولادى دەگەن سۇراۋ كادرلاردىڭ كوبىرەك وي جۇگىرتۋىنە تۋرا كەلەدى“، ـ دەدى تولى قالاشىعى داجۋاڭزى وڭتۇستىك قىستاعى پارتيا ياچەيكاسىنىڭ ورىنباسار شۋجيى جاڭ ۋيكاڭ.
ونىڭ ٴسوزى اياقتاسىمەن، ۋ ۋىنشيۋ دەرەۋ تولىقتاپ بىلاي دەدى: ”بيىل ٴبىز قىستاق تۇرعىندارىنىڭ ماقتا ەگەتىن جەرىن اينالىمعا سالىپ جانە بىرىكتىرىپ، ولارعا كومەكتەسىپ سۋلياۋ جارعاق پەن تىڭايتقىش باعاسىن بارىنشا ارزانداتىپ، وزىندىك قۇندى ۇنەمدەپ، ٴونىم مولشەرىن ارتتىرۋىمىز كەرەك، سونىمەن بىرگە قىستاق تۇرعىندار كوميتەتىنىڭ ماڭىنان بىرنەشە ’الاقات داپانجي‘ شارۋالار شاتتىعى ساياجايىن كوبەيتۋىمىز كەرەك. وسىلايشا قىستاقتارىڭىزدىڭ الاقاتىن ٴبىزدىڭ قىستاققا ساتىپ بەرسەڭىزدەر، قىستاقتار اراسىندا ادەبيەت ـ كوركەمونەر كوڭىل اشۋ قيمىلدارىن كوبىرەك ۇيىمداستىرساق، ٴوزارا تيىمدىلىك جەتكىزىپ، تەڭ پايداعا كەنەلۋگە بولادى“.
ۋ ۋىنشيۋدىڭ ويلارى كوپشىلىكتىڭ قۇپتاۋىنا يە بولدى.
3 ـ ايدىڭ 16 ـ كۇنى ۋ ۋىنشيۋ تاعى تولى قالاشىعى قىزىلجار قىستاعىنداعى شينجياڭ فىڭحۇي شۇنيۋان اۋىل شارۋاشىلىق عىلىم ـ تەحنيكاسى شەكتى جاۋاپكەرشىلىك سەرىكتەستىگىنە كەلىپ، كاسىپورىننىڭ اۋىل شارۋاشىلىعىنا پايدالانىلاتىن سۋلياۋ جارعاقتى ٴوندىرۋ، پايدالانۋ، قايتا جيناپ الۋ جانە قولدانۋ جاعدايىن ۇعىستى. بىلتىر ول مەملەكەتتىك ەكى ماجىلىستە جاراقسىز، كونە سۋلياۋ جارعاقتى قايتا جيناپ الۋ جۇمىسىن اۋىل شارۋاشىلىق ماشينالارىن ساتىپ الۋ قوسىمشا قاراجاتى جۇمىس كولەمىنە ەنگىزۋدى ۇسىنىس ەتكەن، ۇسىنىسى قابىلدانىپ، قاتىستى شارۋالارعا تيىمدىلىك جاساۋ ساياساتتارى نەگىزگى ساتىدا جالپىلاستىرىلدى. بيىل ول تاعى جاراقسىز، كونە سۋلياۋ جارعاقتى قايتا جيناپ الىپ جالپىلىق پايدالانۋدى سۇيەمەلدەۋ ۇسىنىسىن ورتاعا قويدى.
3 ـ ايدىڭ 17 ـ كۇنى جىڭ اۋدانى تولى قالاشىعى ىجلىنمودۇن قىستاعىنداعى جاۋ شي ـ ۋىننىڭ وتباسى ۋ ۋىنشيۋدىڭ ۇگىت لەكسيا ساباقحاناسىنا اينالدى، ول مەملەكەتتىك ەكى ماجىلىستەگى شارۋالارعا تيىمدىلىك جاساۋ ساياساتتارىن بولىكتەر بويىنشا قىستاق تۇرعىندارىنا اڭگىمەلەپ بەردى.
”ۋاكىل ۋ ۋىنشيۋدىڭ سوزدەرى يۋمورلى، تارتىمدى ەكەن، مىسالى، ەمدەۋ قوسىمشا قاراجاتى، كوپ تولدەيتىن قوي ٴوسىرۋ، ماقتانىڭ جوعارى ٴتۇسىمدى تۇقىمىن جاڭالاۋ سياقتىلاردىڭ ٴبارى ٴبىزدىڭ كىرىسىمىزبەن تىكەلەي بايلانىستى، لەكسيا دەر كەزىندە ٴارى توتەنشە پايدالى بولدى“، ـ دەدى قىستاق تۇرعىنى ۋاڭ ليحۋا.
”حالىق قۇرىلتايى ۋاكىلى رەتىندە، تەك مەملەكەتتىك ەكى ٴماجىلىستىڭ تاماشا ٴۇنىن تاراتىپ عانا قويماي، جاقسى ۇگىتشى بولىپ، ٴماجىلىس رۋحىن قىزمەتتە دە دايەكتىلەندىرىپ، تياناقتاندىرىپ، بۇقارانىڭ قايرات ـ جىگەرىنىڭ تاسقىنداپ، كۇندەرىنىڭ ۇمىتكە تولى بولۋىنا مۇمكىندىك جاسايمىن“، ـ دەدى ۋ ۋىنشيۋ.
