مەرەكە وتكىزىپ، قىزمەت وتەۋدى يگەرىپ، توعىسۋعا ٴمان بەردى
شينجياڭنىڭ جەر ـ جەرى گۇل ماۋسىمىن قارسى الۋعا ساقاداي سايلاندى
□ انار بۇلت \ شينجياڭ گازەتىنىڭ ٴتىلشىسى جاڭ شياۋمي
”ىقىلاستى، دۋماندى، قىزىقتى ەكەن“! 3 ـ ايدىڭ 20 ـ كۇنى ساياحاتشىلاردى ەرتىپ توقسۇن اۋدانىنا گۇل تاماشالاۋعا بارعان سانجى قالاسى چۋليۋشياڭ دالالىق ساياحات كووپەراتيۆى شەكتى سەرىكتەستىگىنىڭ جاۋاپتىسى ما جىميڭ 2024 ـ جىلعى تۇرپاننىڭ ورىك گۇلى ماۋسىمىنىڭ باستالۋ قيمىلىنىڭ ٴدال ۇستىنەن ٴتۇستى. ورىك گۇلى شينجياڭ ىشىندەگى گۇل تاماشالاۋ ساياحاتىنىڭ شىمىلدىعىن اشتى، جەر ـ جەر گۇل ەلەمەنتىن نەگىزگى تاقىرىپ ەتكەن مەرەكەلىك مادەنيەت ـ ساياحات قيمىلدارىن ىركەس ـ تىركەس باستادى. بيىل گۇل تاماشالاۋ ونىمدەرى اناعۇرلىم كوبەيىپ، كاسىپ كۇيى اناعۇرلىم بايۋمەن بىرگە، جەر ـ جەر قىزمەت وتەۋ جاعىندا دا جۇمىس ىستەپ، ۇساق ىستەردەن باستاپ قولعا الىپ، ساياحاتشىلاردىڭ گۇل تاماشالاۋىنا اناعۇرلىم جايلى جاعداي جاسادى.
مەرەكە ـ مەيرامدار ىركەس ـ تىركەس وتكىزىلدى
3 ـ ايدىڭ 20 ـ كۇنى ”شينجياڭداعى تۇڭعىش كوكتەم. گۇل قۇلپىرعان تۇرپان“ 2024 ـ جىلعى تۇرپان ورىك گۇلى ماۋسىمى توقسۇن اۋدانىندا باستالدى. ىلە ـ شالا گاۋچاڭ رايونى مەن ٴپىشان اۋدانىنىڭ بولىمشە الاڭىنداعى قيمىلدار دا ٴۇرتىس وتكىزىلەدى. تۇرپاننىڭ عانا ەمەس، وڭتۇستىك، سولتۇستىك شينجياڭنىڭ گۇل تاماشالاۋ مەرەكەسى، نەگىزگى تاقىرىپتىق مادەنيەت ـ ساياحات قيمىلدارى دا ىركەس ـ تىركەس باستالادى.
”ساياحاتشىلاردىڭ ەكسكۋرسيالاۋى، ساتىپ الۋى ٴۇشىن بيىل جاڭا تۋىندىلاردى ەرتەرەك دايىندادىق“، ـ دەدى 3 ـ ايدىڭ 20 ـ كۇنى كەلپىن اۋدانى يۇىرچي اۋىلى ارا ايماق قىستاعى ورىك گۇلى قىستاعى كورىنىس ٴوڭىرى بەيزاتتىق مادەنيەت مۇرالارى شەبەرحاناسىندا بەيزاتتىق مادەنيەت مۇراسىن جالعاستىرۋشى امەتجان تاڭبالاپ ورنەك ٴتۇسىرىپ جاتىپ. ”كوكتەمدە كەزدەسۋ. اقسۋدا ساياحاتتاۋ“ 2024 ـ جىلعى اقسۋ ايماعىنىڭ 7 ـ كەزەكتى اۋىل ـ قىستاق مادەنيەت ـ دەنە تاربيە، ساياحات مەرەكەسىنىڭ باستالۋ سالتى جانە كەلپىن اۋدانىنىڭ ورىك گۇلى مادەنيەت ـ ساياحات قيمىلى وسى ارادا وتكىزىلەدى.
وسى كوكتەمدە اقسۋ ايماعى گۇلدى ارقاۋ ەتكەن 10نان استام مادەنيەت ـ ساياحات قيمىلىن وتكىزەدى. 3 ـ ايدىڭ سوڭىنان 4 ـ ايعا دەيىن ”گۇل تاماشالاۋدىڭ دەر شاعى، كۇساندا ورىك گۇلىنىڭ حوش ٴيىسى اڭقىدى“، ”ورىك گۇلى ۋادەسى . سۇيىسپەنشىلىك باي اۋدانىندا“، ”ٴۇشتۇرپان كوكتەمى _ جىبەك جولىنداعى بۇلاقتى قالادا ورىك گۇلىنىڭ حوش ٴيسى اڭقىدى“ سياقتى مادەنيەت ـ ساياحات نەگىزگى تاقىرىپتىق قيمىلدارى كۇشار قالاسىندا، باي اۋدانىندا، ٴۇشتۇرپان اۋدانىندا ىركەس ـ تىركەس وتكىزىلەدى. اقسۋ قالاسى، شايار اۋدانى، توقسۋ اۋدانى المۇرت گۇلىن ارقاۋ ەتىپ، ”شايار كوكتەمى + المۇرت گۇلىنىڭ حوش ٴيىسى اڭقىدى“، ”مىڭ جىلدىق حان، تاڭ ىرعاعى، قالادا المۇرت گۇلىنىڭ حوش ٴيىسى اڭقىدى“ سياقتى مادەنيەت ـ ساياحات قيمىلدارىن دا وتكىزەدى.
ىلە قازاق اۆتونوميالى وبلىسىنىڭ بيىلعى گۇل تاماشالاپ ساياحاتتاۋ ونىمدەرى بۇكىلدەي جاڭالانىپ، دارەجەسى جوعارىلاپ، 10 نەشە ٴتۇرلى مادەنيەت ـ ساياحات مەرەكەسىن قۇتتىقتاۋ قيمىلى ىركەس ـ تىركەس وتكىزىلەدى. حوتان اۋدانىنىڭ ”جىبەك جولىندا گۇلدەر قۇلپىرىپ، كوكتەم ماۋسىمىن تاماشالاۋ“ 4 ـ ايدا ۋادەلى ۋاقىتتا باستالادى. 5 ـ اي كىرىسىمەن كەريا اۋدانىنىڭ روزا گۇلى سالت ـ سانا مەرەكەسى، شەريا اۋدانىنىڭ 2024” ـ جىلعى 7 ـ كەزەكتى انار گۇلى ساياحات مەرەكەسى“، ٴشول دالالىق جارىس سياقتىلار دا ساياحاتشىلارمەن جۇزدەسەدى.
قىزمەت وتەۋ اناعۇرلىم قۇنتتى، جانعا جايلى بولدى
بيىل تۇرپاننىڭ جەرگىلىكتى مادەنيەت ـ ساياحات تاراۋلارى ساياحاتشىلارعا قولايلىلىق جاساۋ ٴۇشىن، گۇل تاماشالاۋ كارتاسىن ەگجەي ـ تەگجەيلى جاساپ، رايون، اۋداندار قىزمەت وتەۋدى ارقاۋ ەتە وتىرىپ كۇش سالدى. توقسۇن اۋدانى شيا قالاشىعى نانحۋ قىستاعىن مىسالعا الساق، ورىك گۇلى ماۋسىمى كەزىندە ەسىك بەلەتىن الماۋ، بەيزاتتىق مادەنيەت مۇرالارىن تاماشالاۋ جانە دوڭگەلەكتى ورىندىقتى جالعا بەرۋ سياقتى شارالاردى جانە قىزمەت وتەۋدى العا قويدى.
ما جىميڭ 12 جىلدان بەرى كوكتەمدە تۇرپانعا گۇل تاماشالاۋ ۇيىرمەسىن ٴۇرتىس جىبەرىپ كەلەدى، بيىل ول ساياحات، ويىن تۇرلەرىنىڭ اناعۇرلىم كوپ، قىزمەت وتەۋدىڭ اناعۇرلىم جاقسى ەكەندىگىن ايقىن سەزىندى. ”ادام كوپ، اۆتوكولىك توقتاتۋ قيىن بولعاندىقتان، بيىل ٴاربىر جول اۋزىنا باستايتىن ادام ورنالاستىرىلىپ، ۇلكەن ـ كىشى اۆتوكولىكتەر ٴبولىپ توقتاتىلاتىن بولىپتى، وتە قولايلى ەكەن“. ما جىميڭ بيىلعى تۇرپاننىڭ گۇل تاماشالاۋ ساياحاتىنا ەرەكشە سەنىم ارتىپ وتىر، 3 ـ ايدىڭ 30 ـ كۇنىنە دەيىن ۇيىرمە جىبەرمەكشى.
شينجياڭ كۋكى ساياحاتتىڭ دامۋىن باسقارۋ شەكتى سەرىكتەستىگىنىڭ جاۋاپتىسى جاڭ جۇن 4 ـ ايدىڭ باس شەنىندە تاشقورعان تاجىك اۆتونوميالى اۋدانىنا كەلىپ ورىك گۇلىن سۋرەتكە تۇسىرەتىن ساياحاتشىلاردىڭ دايىندىق جۇمىستارىن ىستەۋدە. بيىل توڭىرەكتەگى اۋىلدار ولارمەن ەرتە بايلانىس جاساپ، جەرگىلىكتى ورىنداعى كاسىپتەن سىرتقى مادەنيەت ويىن ـ ساۋىق اترەتى، مالشىلار سياقتىلاردى سايكەستىردى ٴارى ٴان ـ ٴبي، وتباسىلارىن ارالاۋ، بەيزاتتىق مادەنيەت مۇرالارى كورمەسى سياقتى ارنايى دايىنداۋعا بولاتىن قيمىلداردى ۇسىندى. جاڭ جۇن بىلاي دەدى: ”بۇرىنعى جىلدارى ٴبىز ساياحاتشىلاردى ەرتىپ توڭىرەكتەگى اۋىلدارعا تاۋەكەلمەن بارا سالاتىنبىز، بيىل ەرەكشە قولايلى بولدى“.
فوتو سۋرەت اۋەسكەرى ۋاڭ سۇڭ بۇرىن ىلە قازاق اۆتونوميالى وبلىسىنا گۇلدى سۋرەتكە تۇسىرگەلى بارعاندا، جەرگىلىكتى ورىنداعى فوتو سۋرەت تۇسىرەتىن سەرىكتەرىمەن حابارلاسىپ، كۇندى مولشەرلەپ بارىپ سۋرەتكە تۇسىرەتىن. ”قازىر ۇكىمەت جاق گۇل اشىلاتىن مەجەلى ۋاقىتتى ايتاتىن بولدى، بۇل ٴارى قولايلى، ٴارى دۇرىس“. ول ٴوزىنىڭ 4 ـ ايدىڭ باس شەنىندە ىلەگە بارىپ گۇلدى سۋرەتكە تۇسىرمەكشى ەكەنىن ايتتى.
بيىل ىلە وبلىسىنىڭ مادەنيەت ـ ساياحات تاراۋلارى مەن اۋا رايى تاراۋلارى بىرلەسىپ ”گۇل اشىلۋ مەزگىلىنەن الدىن الا مالىمەت بەردى“، ”گۇل ىزدەۋ كارتاسىن“ جاسادى، بۇل اۋا رايىنان الدىن الا مالىمەت بەرۋ، ساپار جولىن تانىستىرۋ، تاماق، جاتىن ورىن، ساياحات ـ ويىن جوسپارى سياقتىلاردى قامتىپ، ساياحاتشىلاردىڭ گۇلدى تاماشالاي ٴجۇرىپ ىلەنى ساياحاتتاۋىنا قولايلىلىق جاسادى. مۇنان سىرت، ىلە وبلىسى ساياحات كاسىبىمەن، قونالقى كاسىبىمەن، اس ـ سۋ كاسىبىمەن بىرلەسىپ ۇندەۋ جاريالاپ، كاسىپ تەجەمىن كۇشەيتتى.’”ٴوڭىر تولى كورىنىس، ٴتورت ماۋسىمنىڭ ٴبارىن دە ساياحاتتاۋ‘ جاعدايىن قالىپتاستىرىپ، ساياحاتشىلارعا اناعۇرلىم جايلى ساپار ازىرلەۋدى ٴۇمىت ەتەمىز“، ـ دەدى ىلە وبلىستىق مادەنيەت جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى چۇڭ جيڭ.
بايلىقتى بىرىكتىرۋ ٴتىپتى دە ماعىنالى بولدى
ٴار جىلى اشىلاتىن گۇل بىردەي، ٴبىراق گۇل تاماشالاۋ قيمىلى ۇقسامايدى. ”بيىلعى گۇل ماۋسىمىندا تۇرپان 60 نەشە ٴتۇرلى مەرەكەلىك نەگىزگى تاقىرىپتىق قيمىلىن ىركەس ـ تىركەس وتكىزىپ، ساياحاتشىلاردىڭ قاتىسۋىنا مۇمكىندىك جاساپ، سەزىنۋ اسەرىن كۇشەيتەدى“. تۇرپان قالالىق مادەنيەت ـ دەنە تاربيە جانە ساياحات مەكەمەسى ۇگىتتەۋ ـ جالپىلاستىرۋ ٴبولىمىنىڭ جاۋاپتىسى ما لييىڭ بىلاي دەدى: ساياحاتشىلار سالت ـ سانا ٴان ـ ٴبي كونسەرتىن، بەيزاتتىق مادەنيەت مۇرالارى كورمەسىن، حايۋاناتتار تاماشاسىن كورىپ، جاياۋ ٴجۇرۋ جارىسى، باتپىراۋىق جارىسى سياقتىلارعا قاتىناسا الادى.
اقسۋ ايماقتىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى گاۋ فان: ”بيىل اقسۋ ايماعىنىڭ گۇل تاماشالاپ ساياحاتتاۋى اۋىل ـ قىستاق ساياحاتىن، جۇڭحۋانىڭ ٴداستۇرلى مادەنيەت فاكتورلارىن، سالت ـ سانا مادەنيەتىن ورگانيكالى ۇشتاستىرىپ، كوكتەمگى ساياحات بازارىن اناعۇرلىم جانداندىرادى“، ـ دەدى. بيىل اقسۋدىڭ جەر ـ جەرىندەگى گۇل تاماشالاۋ ونىمدەرى جاراتىلىستىق كورىنىس، بەيزاتتىق مادەنيەت مۇرالارى كورمەسى، ٴان ـ ٴبي كونسەرتى، باۋ ـ باقشا سالت ـ ساناسى، اۋىل شارۋاشىلىق ەرەكشە ونىمدەرىن كورمەلەپ ساتۋ، فوتو سۋرەت كورمەسى، الاۋ كەشى سياقتى قيمىلداردى قامتيدى.
حوتان ايماعى ساياحاتشىلاردىڭ پورترەتىن سىزىپ بەردى، گۇل ماۋسىمىندا تاماشا سۋرەتتەردىڭ وڭاي تارتىلۋى، ساياحاتشىلاردىڭ قىسقا كەسكىن جانە سۋرەت ٴتۇسىرىپ ٴبولىسۋدى ۇناتاتىندىعىنا مەڭزەس، مەرەكە ـ مەيرام جانە تاقىرىپتىق قيمىلدار كەزىندە كەسكىنگە تۇسىرەتىن كورىنىستىك فەلياتون، ٴوزارا ىقپالداسىپ قاتىساتىن ادەبيەت ـ كوركەمونەر كونسەرتى سياقتىلاردى ازىرلەدى ٴارى سيلىقتى باسەكەگە شاقىرۋ جارىسىن وتكىزدى. حوتان ايماقتىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى مەديا قۇرىلىمىن باسقارۋ ٴبولىمىنىڭ باستىعى ليۋ جين بىلاي دەدى: ”ساياحاتشىلاردىڭ جاقسى اسەرگە يە بولۋىن جانە ٴبولىسۋىن، ادەمى گۇلدەردى بىرگە تاماشالاپ، كوركەم سۋرەتتەردى ٴتۇسىرۋىن ٴۇمىت ەتەمىز“.
”مەرەكەدەن“ ”ماۋسىمعا“ دەيىن جەر ـ جەر گۇل تاماشالاۋ ۋاقىتىن ۇزدىكسىز ۇزارتتى. باي مازمۇندى گۇل تاماشالاۋ + ٴونىم، كوپ ٴتۇرلى ەلىتۋ، سەزىنۋ قيمىلدارى گۇل تاماشالاۋ ساياحات ونىمدەرىن بارعان سايىن مولايتىپ، كوپ نەگىزدەندىردى، سونداي ـ اق كوپتەگەن جۇيەلى، كولەمدى، باي مازمۇندى كوپ نەگىزدى گۇل تاماشالاۋ ونىمدەرىن قالىپتاستىردى.
اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ باستىعى دۋان يۇيميڭ بىلاي دەدى: ”بيىل ٴبىز جەر ـ جەردىڭ ەرەكشەلىگىمەن، باسىمدىعىمەن ۇشتاستىرىپ، توڭىرەكتەگى جەلى بويىنداعى ساياحات بايلىقتارىن اناعۇرلىم بىرىكتىرىپ، ساياحاتشىلاردىڭ اناعۇرلىم كوپ نەگىزدى جانە تەرەڭ ساياحات قاجەتىن ەسكەرىپ، باستان كەشىرۋ جانە ٴوزارا ىقپالداسۋ مازمۇنىن كوبەيتەمىز“. گۇل تاماشالاۋ ساياحاتى مەن باۋ ـ باقشا كورىنىسى، ەگىس جۇمىستارىن سەزىنۋ، سالت ـ سانا سياقتى كاسىپ كۇيلەرىن توعىستىرىپ، مول گۇل تاماشالاۋ ونىمدەرىن جانە سارا جەلىلەردى ۇسىنىپ، ماركا قالىپتاستىرىپ، ساياحاتشىلاردىڭ گۇل تاماشالاۋ، سەيىل ـ سەرۋەن قۇرۋ قاجەتىن اناعۇرلىم ويداعىداي قاناعاتتاندىرامىز.
