ۋاكىل كۇڭ فيفي:
ٴار ۇلت بۇقاراسىن جاقسى ساياساتتىڭ پايداسىنان يگىلىكتەندىرەمىن
□ انار بۇلت \ شينجياڭ گازەتىنىڭ ٴتىلشىسى بارشا تەگىس
مەملەكەتتىك ەكى ماجىلىسكە قاتىناسقاننان كەيىن، مەملەكەتتىك حالىق قۇرىلتايىنىڭ ۋاكىلى، شاپشال سىبە اۆتونوميالى اۋدانى شاپشال قالاشىعى پارتكومىنىڭ ورىنباسار شۋجيى، قالاشىق باستىعى كۇڭ فيفيدىڭ قىزمەت ورنىنا قايتا ورالعاننان كەيىنگى ٴبىرىنشى ٴىسى قىستاققا جانە كاسىپورىندارعا بارىپ، مەملەكەتتىك ەكى ٴماجىلىستىڭ رۋحىن ۇگىتتەپ، اۋىل ـ قىستاقتى گۇلدەندىرۋدىڭ قۇدىرەتتى بىرىككەن كۇشىن ونان ارى ۇيىستىرىپ، اۋىلىن ٴتىپتى دە كورىكتەندىرىپ، قىستاق تۇرعىندارىن ٴتىپتى دە بايىتۋعا مۇمكىندىك جاساۋ بولدى.
3 ـ ايدىڭ 15 ـ كۇنى شاپشال قالاشىعىنداعى شينجياڭ لانپاي مادەنيەت جاسامپازدىعى كاسىپ سالاسى شەكتى سەرىكتەستىگىنىڭ جيىن زالى دۋمانعا بولەندى، ٴار ۇلت قىزمەتكەرلەرى ٴبىر ارادا باس قوسىپ، ۋاكىل كۇڭ فيفي جاساعان مەملەكەتتىك ەكى ٴماجىلىستىڭ رۋحى جونىندەگى ۇگىت لەكسياسىن مۇقيات تىڭدادى. كۇڭ فيفي قاراپايىم تىلمەن مەملەكەتتىك ەكى ماجىلىسكە قاتىناسۋدان العان اسەرلەرىن اسەرلى سەزىممەن ٴبولىستى، ٴوزىنىڭ ۇكىمەت قىزمەتىنەن بايانداما، اسىرەسە، اۋىل ـ قىستاقتى گۇلدەندىرۋ جونىندەگى تۇسىنىگىن بايىمدادى.
”ۋاكىل كۇڭ فيفي، وسى رەتكى مەملەكەتتىك ەكى ماجىلىستە قانداي قۋانىشتى حابارلار بولدى“؟ ”وسى رەتكى ەكى ماجىلىسكە قاتىناسقاندا قانداي سەزىمدە بولدىڭىز“؟ كوپشىلىك تالاسا ـ تارماسا سۇراۋ قويدى، كۇڭ فيفي ٴبىر ـ بىردەن جاۋاپ بەردى.
”بيىلعى مەملەكەتتىك ەكى ماجىلىستە ۇكىمەت قىزمەتىنەن بايانداما مەيىرگە تولى بولدى، پىكىر ـ ۇسىنىستار، كەڭەستىك جوبا، ۇسىنىس جوبالار باستان ـ اياق نازاردى جوعارى ساپالى دامۋعا جانە حالىق تۇرمىسىنداعى قولامتالى تۇيىندەرگە شوعىرلاندىرىپ، حالىق بۇقاراسىنىڭ تالاپ ـ تىلەگىن شوعىرلى بەينەلەدى. مەديالاردىڭ تىلشىلىگىن قابىلداعاندا، مەن شينجياڭ ۋاكىلدەرىنىڭ، مۇشەلەرىنىڭ وزىنە ـ ٴوزى سەنىمدى، اشىق بەينەسىن سەزىندىم“...
بيىل جىل باسىندا كۇڭ فيفي كاسىپورىندارعا جانە اۋىل ـ قىستاقتارعا سان رەت ىشكەرىلەي بارىپ، سىبە ۇلتىنىڭ كەستەشىلىك كاسىپ سالاسىنىڭ دامۋى جونىندە تەكسەرۋ ـ زەرتتەۋ جۇرگىزدى ٴارى مەملەكەتتىك ەكى ماجىلىستە سىبە ۇلتىنىڭ كەستەشىلىك كاسىپ سالاسى باقشاسىن قۇرۋ جونىندەگى ۇسىنىستى، ياعني قازىرگى كەستەشىلىك بايلىعىن بىرىكتىرىپ، ٴوندىرۋ، ۇيرەنۋ، زەرتتەۋ ٴبىر تۇلعالانعان كەستەشىلىك مادەنيەت اۋىس ـ كۇيىسىن زەرتتەۋ ـ اشۋ ورتالىعىن قۇرىپ، ٴتىپتى دە كوپ ادامدى حالىقتىق ٴداستۇرلى قولونەر تەحنولوگياسىنا مۇراگەرلىك ەتۋگە جانە وندا جاڭالىق اشۋعا باۋراۋدى العا قويدى.
”بيىلعى ۇكىمەت قىزمەتىنەن باياندامادا ’مادەنيەت شارۋاشىلىعىن كۇش سالا دامىتۋ‘، ’بەيزاتتىق مادەنيەت مۇرالارىن قورعاۋدى جانە وعان مۇراگەرلىك ەتۋدى ىلگەرىلەتۋ‘ العا قويىلدى“. كۇڭ فيفي ٴوزىنىڭ مەملەكەتتىك ەكى ماجىلىستە ەستىگەندەرىن، كورگەندەرىن، سەزىنگەندەرىن كوپشىلىكپەن ٴبولىستى. سونىمەن بىرگە مادەنيەت شارۋاشىلىعىن قالاي كۇش سالا دامىتۋ سياقتى مازمۇنداردى ەگجەي ـ تەگجەيلى تالداپ ٴتۇسىندىردى.
”ۋاكىل كۇڭ فيفي بىزگە ەكى ٴماجىلىستىڭ رۋحىن ۇگىتتەدى، اسىرەسە، بەيزاتتىق مادەنيەت مۇرالارىن قورعاۋدى جانە وعان مۇراگەرلىك ەتۋدى ىلگەرىلەتۋدى تىلگە الدى، بۇل بىزگە زور شابىت بەردى. ٴبىز كاسىپورىننىڭ باسىمدىعىن زور كۇشپەن ساۋلەلەندىرىپ، ٴتىپتى دە كوپ قولونەر شەبەرلەرىن باستاپ، ەرەكشەلىككە يە مەملەكەت اعىمىندىق مادەنيەت شارۋاشىلىعىن قالىپتاستىرىپ، ’مادەنيەت ـ ساياحات + كاسىپ سالاسى + شەبەرحانا‘ سىندى توعىسپالى باستان كەشىرۋ تۇتىنۋى ارقىلى ۇلتتىق ٴداستۇرلى مادەنيەتتى قورعاۋدى جانە وعان مۇراگەرلىك ەتۋدى ىلگەرىلەتەمىز“، ـ دەدى شينجياڭ لانپاي مادەنيەت جاسامپازدىعى كاسىپ سالاسى شەكتى سەرىكتەستىگى پارتيا ياچەيكاسىنىڭ شۋجيى، باس ديرەكتور دۇڭ لان.
”مەملەكەتتىك ەكى ٴماجىلىستىڭ رۋحىن ويداعىداي تياناقتاندىرىپ، پارتيا ورتالىق كوميتەتىنىڭ ٴۇنىن اۋىلداستارعا جەتكىزىپ، ولاردىڭ تۇسىنۋىنە، پايدالانۋىنا مۇمكىندىك جاساۋ كەرەك“. كۇڭ فيفي مىنانى ٴبىلدىردى: بۇدان بىلايعى قىزمەتتە بۇقارا قۇمارتا تىڭداپ، قۋانا قابىلدايتىن تاسىلمەن مەملەكەتتىك ەكى ٴماجىلىستىڭ رۋحىن مۇقيات ۇگىتتەپ، نەگىزگى ساتى قىزمەتىنىڭ باسىمدىعىن ساۋلەلەندىرىپ، ۇكىمەت قىزمەتىنەن باياندامادا العا قويىلعان حالىق تۇرمىسى شارالارىن ويداعىداي تياناقتاندىرىپ، ٴار ۇلت بۇقاراسىن جاقسى ساياساتتىڭ پايداسىنان يگىلىكتەندىرەمىن.
