8 ـ كەزەكتى جۇڭگو _ ازيا ـ ەۆروپا كورمەسى 6 ـ ايدىڭ 26 ـ كۇنىنەن 30 ـ كۇنىنە دەيىن وتكىزىلەدى
تۇڭعىش رەت ”مەنشىكتى ستراتەگيالىق سەلبەستىك سەرىگى“ بەلگىلەندى
انار بۇلت \ شينجياڭ گازەتىنىڭ ٴتىلشىسى حي حۇڭۋي 3 ـ ايدىڭ 21 ـ كۇنى ۇرىمجىدەن حابارلايدى. 3 ـ ايدىڭ 20 ـ كۇنى جۇڭگو _ ازيا _ ەۆروپا كورمەسىنىڭ حاتشىلار باسقارماسى شينجياڭ بانكەسى جارنا شەكتى سەرىكتەستىگىمەن 8 ـ كەزەكتى جۇڭگو _ ازيا ـ ەۆروپا كورمەسىندەگى مەنشىكتى ستراتەگيالىق سەلبەستىك سەرىك كەلىسىمىنە قول قويدى، بۇل جۇڭگو _ ازيا _ ەۆروپا كورمەسىندە تۇڭعىش رەت بەلگىلەنگەن ”مەنشىكتى ستراتەگيالىق سەلبەستىك سەرىگى“. سونىمەن بىرگە وسى كەزەكتى كورمە 6 ـ ايدىڭ 26 ـ كۇنىنەن 30 ـ كۇنىنە دەيىن ۇرىمجىدە وتكىزىلەتىندىگى جاريالاندى.
كەلىسىمگە ساي، شينجياڭ بانكەسى 10 ميلليون يۋان كومەك كورسەتىپ، 8 ـ كەزەكتى جۇڭگو _ ازيا _ ەۆروپا كورمەسىنە ٴوزىنىڭ عانا اتىن جازۋ ۇقىعىنا يە بولادى. شينجياڭ بانكەسى پارتكومىنىڭ شۋجيى، القا باستىعى چين چۋانجين مىنانى ٴبىلدىردى: شينجياڭ بانكەسى 8 ـ كەزەكتى جۇڭگو _ ازيا ـ ەۆروپا كورمەسىنە ويداعىداي قولداۋ كورسەتۋدى، ويداعىداي قىزمەت وتەۋدى ماڭىزدى قىزمەت ەتىپ، جوعارى ولشەممەن قىزمەت وتەۋگە، جوعارى دەڭگەيدە كورمە وتكىزۋگە تاباندى بولىپ، قىزمەت ارناۋلى القاسىن ۇيىمداستىرىپ قۇرىپ، قامتاماسىز ەتۋ شارالارىن اشالاپ، جۇڭگو_ ازيا _ ەۆروپا كورمەسىنە جان ـ جاقتى قولداۋ كورسەتىپ، كورمەگە قاتىناساتىن كاسىپورىنداردى اناعۇرلىم قولايلى، جوعارى ٴونىمدى، ساپالى فينانستىق قىزمەت وتەۋمەن قامدايدى. سونىمەن بىرگە بازارلانعان اينالىم ۇلگىسى ارقىلى ەكى جاقتىڭ ايگىلى ماركالارىنىڭ ىقپالىن كەڭەيتىپ، ايگىلى ماركالاردىڭ اتاعىن بىرگە جوعارىلاتىپ، جوعارى ساپالى كورمەنىڭ جاڭا ولشەمىن قول ۇستاسا قالىپتاستىرادى.
جۇڭگو _ ازيا _ ەۆروپا كورمەسى _ ساۋدا ىستەرى مينيسترلىگى، سىرتقى ىستەر مينيسترلىگى، جۇڭگو ساۋدانى جەبەۋ قوعامى جانە اۆتونوميالى رايوندىق حالىق ۇكىمەتى بىرلەسىپ ۇيىمداستىرعان مەملەكەت دارەجەلى، حالىقارالىق، جالپىلىق كورمە، جۇڭگو مەن ازيا _ ەۆروپا ەلدەرىنىڭ جوعارى جىكتەگىلەرىنىڭ ديپلوماتياسىنىڭ ماڭىزدى تۇعىرى، كوپ سالاداعى سەلبەستىكتىڭ ماڭىزدى ارناسى، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدىڭ ماڭىزدى شاراسى، شينجياڭنىڭ تاماشا وبرازىن ايگىلەيتىن ماڭىزدى تەرەزە. قازىرگە دەيىن ازيا _ ەۆروپا كورمەسى 7 كەزەك ٴساتتى وتكىزىلىپ، اتقارعان رولى ۇزدىكسىز كۇشەيىپ، مازمۇنى ۇزدىكسىز بايىپ، شينجياڭنىڭ سىرتقا ەسىك اشۋى مەن جوعارى ساپالى دامۋىن بارىنشا جەدەلدەتىپ، شينجياڭنىڭ ەل ىشىندەگى ولكە، رايون، قالالارمەن جانە توڭىرەكتەگى ەلدەرمەن اۋىس ـ كۇيىسىن، سەلبەستىگىن كۇشەيتتى.
