اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋ ٴماجىلىسى جانە 2024 ـ جىلعى اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) كوكتەمگى وقۋ ماۋسىمىنداعى وقۋ باستاۋ سالتى وتكىزىلدى
پارتيا مەكتەبىنىڭ اۋەلگى ماقساتىنان باستان ـ اياق جازباي، وزەكتى قىزمەتكە، كەلەلى جاعدايعا سانالى قىزمەت وتەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا پارمەندى كادر ـ دارىندىلار تىرەگىن ازىرلەۋ كەرەك
ما شيڭرۇي ٴسوز سويلەدى
ەركىن تۇنياز، ٴزۇمىرات وبۇل، نۇرلان ٴابىلماجىن، لي يفي، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 21 ـ كۇنى ۇرىمجىدەن حابارلايدى. اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋ ٴماجىلىسى جانە 2024 ـ جىلعى اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) كوكتەمگى وقۋ ماۋسىمىنداعى وقۋ باستاۋ سالتى 3 ـ ايدىڭ 21 ـ كۇنى تۇستەن بۇرىن وتكىزىلدى، اۆتونوميالى رايوندىق پارتكومنىڭ شۋجيى ما شيڭرۇي باسقاردى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ پارتيا مەكتەبى ىستەرىنىڭ دامۋى جانە جاس كادرلاردى باۋلۋ جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، پارتيا مەكتەبى پارتيانىكى بولۋدى پارتيا مەكتەبى قىزمەتىنە باستان ـ اياق ساباقتاستىرۋعا تاباندى بولىپ، ”پارتيا ٴۇشىن دارىندى تاربيەلەۋ، پارتيا ٴۇشىن اقىل ـ كەڭەس بەرۋ“ اۋەلگى ماقساتىنان جازباي، پارتيا مەن مەملەكەت قىزمەتى كەلەلى جاعدايىنا سانالى قىزمەت وتەپ، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىمەن تىعىز بايلانىستىرىپ، جاڭا جورىقتا كورىكتى شينجياڭ قۇرۋدا جاۋاپكەرشىلىك ارقالاۋدى، ىسكەرلىك كورسەتۋدى ارقاۋ ەتىپ، ۇلتتى گۇلدەندىرۋ اۋىر مىندەتىن ارقالاي الاتىن جوعارى ساپالى، ماماندانعان ٴار ۇلت كادرلار قوسىنىن زور كۇشپەن جەتىلدىرىپ، شينجياڭنىڭ جوعارى ساپالى دامۋىن ىلگەرىلەتۋ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ ٴۇشىن پارمەندى كادر ـ دارىندىلار تىرەگىن ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) مەكتەپ باستىعى (شۋەيۋان باستىعى) جاڭ جۋ ماجىلىسكە قاتىناستى.
اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋ ماجىلىسىندە جۇڭگو قوعامدىق عىلىمدار اكادەمياسى ەتنولوگيا جانە ادامزات ٴىلىمىن زەرتتەۋ ورنىنىڭ باستىعى ۋاڭ يانجۇڭ ”جۇڭحۋا ۇلتى ورتاق تۇلعا تانىمىن بەرىك ورناتۋ“ نەگىزگى تاقىرىبىن ارقاۋ ەتىپ ساباق سويلەپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ تاريحي استارى جانە كەلەلى ٴمانى، جۇڭحۋا ۇلتى ورتاق تۇلعا تانىمىن بەرىك ورناتۋداعى كەلەلى قاتىناستارى دالمە ـ ٴدال يگەرۋ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ٴتۇيىندى مىندەتتەرىن مۇقيات ويداعىداي تياناقتاندىرۋ سياقتى جاقتاردان ىشكەرىلەي تۇسىنىك جاسادى.
ٴتۇسىندىرۋدى تىڭداعاننان كەيىن، ما شيڭرۇي بىلاي دەدى: جۇڭحۋا ۇلتى ورتاق تۇلعا تانىمىن بەرىك ورناتۋ _ باس شۋجي شي جينپيڭنىڭ ”ەكى كەلەلى جاعدايدى“ كوزدە ۇستاپ، جۇڭحۋا ۇلتى ورتاق تۇلعاسىنىڭ دامۋ اۋقىمىنا سايكەسە وتىرىپ ورتاعا قويعان كەلەلى ٴتول جاسامپازدىق تۇجىرىمى، جاڭا داۋىردەگى پارتيانىڭ ۇلت قىزمەتى مەن ۇلتتار وڭىرلەرىنىڭ ٴتۇرلى قىزمەتتەرىنىڭ العا باسۋ بەتالىسىن ايقىن كورسەتتى. شينجياڭ جونىنەن العاندا، جۇڭحۋا ۇلتى ورتاق تۇلعا تانىمىن بەرىك ورناتۋ ەرەكشە ماڭىزدى مانگە يە. باس شۋجي شي جينپيڭنىڭ ۇلت قىزمەتىن كۇشەيتۋ جانە ونى جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، باس شۋجيدىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋدىڭ شينجياڭ امالياتىن تىڭعىلىقتى ىلگەرىلەتىپ، ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ، ەكولوگيالىق وركەنيەت قۇرىلىسىنىڭ جانە پارتيا قۇرىلىسىنىڭ جالپى بارىسىنا ساباقتاستىرىپ، ٴار ۇلت كادر ـ بۇقاراسىن جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا ىنتىماقتاستىرۋ، جەتەكتەۋ كەرەك.
ما شيڭرۇي بىلاي دەپ اتاپ كورسەتتى: پارتيانىڭ 18 ـ قۇرىلتايىنان بەرى باس شۋجي شي جينپيڭ پارتيا مەكتەبى ىستەرىنىڭ دامۋى جانە جاس كادرلاردى باۋلۋ قىزمەتى جونىندە ٴبىر قىدىرۋ ماڭىزدى بايىمداۋ جاساپ، جاڭا داۋىردە پارتيا مەكتەبى ىستەرىنىڭ دامۋىن ىلگەرىلەتۋگە، ۇلكەن ىسكە جارامدى جاس كادرلاردى باۋلىپ جەتىلدىرۋگە ٴتۇبىرلى بويسۇنۋ ولشەمىن ازىرلەدى. ٴبىز ”ەكىنى تۇراقتاندىرۋدى“ باتىل قولداۋ،”ەكىنى قورعاۋدى“ باتىل ورىنداۋ ساياسي بيىگىنەن باس شۋجي شي جينپيڭنىڭ ماڭىزدى بايىمداۋلارىنىڭ عىلمي ٴمانى مەن مايەكتى مازمۇنىن جەتە ٴتۇسىنىپ، پارتيا مەكتەبىن ويداعىداي جۇرگىزۋدى، ويداعىداي باسقارۋدى، ويداعىداي قۇرۋدى ماڭىزدى ساياسي جاۋاپكەرشىلىك ەتۋگە تاباندى بولىپ، شينجياڭ ەرەكشەلىگىنە يە بىرەگەي ولكە، اۆتونوميالى رايون دارەجەلى پارتيا مەكتەبىن قۇرىپ شىعۋعا قۇلشىنىپ، شينجياڭنىڭ وسىزامانداندىرۋ قۇرىلىسى قاجەتىنە ۇيلەسەتىن، ادال، كىرشىكسىز، جاۋاپكەرشىلىك ارقالايتىن جوعارى ساپالى، ماماندانعان ٴار ۇلت كادرلار قوسىنىن ۇزدىكسىز باۋلىپ، جەتىلدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم ويداعىداي قىزمەت وتەۋىمىز جانە ونى قامتاماسىز ەتۋىمىز كەرەك.
ما شيڭرۇي بىلاي دەپ باسا دارىپتەدى: كەزەكتە شينجياڭ جوعارى ساپالى دامۋدىڭ ماڭىزدى ستراتەگيالىق وراي مەزگىلىن قارسى الىپ وتىر، بۇل پارتيا مۇشەلەرى مەن كادرلاردىڭ قابىلەت ـ ساپاسىنا اناعۇرلىم جوعارى تالاپ قويدى. تۇتاس رايونداعى ٴار دارەجەلى پارتيالى كادرلار، اسىرەسە، جاس كادرلار باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ”بەس سانالى“ ماڭىزدى تالابىن باتىل امالياتتا ايگىلەپ، قابىلەت ـ ونەرىن جاپپاي جوعارىلاتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ باتىل اتقارۋشىلارى، ارەكەت جاساۋشىلارى، ىسكەرلەرى بولۋعا ۇمتىلۋى كەرەك. يدەيالىق جاقتا شىڭدالۋدى كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋعا بۇلجىماي تاباندى بولىپ، ونىڭ دۇنيەگە كوزقاراسى مەن ادىستەمەسىن جانە وعان سىڭىرىلگەن تۇرعىنى، كوزقاراستى، ٴادىستى جاپپاي يگەرىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتۋى كەرەك. ساياسي جاقتا شىڭدالۋدى كۇشەيتىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن شينجياڭ قىزمەتىن تارازىلايتىن ماڭىزدى ولشەم ەتىپ، جەتەرسىزدىكتى ۇدايى تەكسەرىپ تاۋىپ، اۋىتقۋدى تۇزەپ، قىزمەتتى جاقسارتىپ، شينجياڭ قىزمەتىنىڭ دۇرىس ساياسي بەتالىستى باستان ـ اياق ساقتاۋىنا شىنايى كەپىلدىك ەتۋى كەرەك. حالىقتىق تۇرعىدا مىقتى تۇرىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن تەرەڭ تانىپ، حالىقتى وزەك ەتكەن دامۋ يدەياسىن بەرىك ورناتىپ، دۇرىس ناتيجە كوزقاراسىن امالياتتا ايگىلەپ، جۇمىستاندىرۋ، وقۋ ـ اعارتۋ، ەمدەۋ، قوعامدىق قامتاماسىزداندىرۋ سياقتى جاقتارداعى ولقىلىقتاردى جەدەل تولىقتاپ، دامۋ جەتىستىگىنىڭ اناعۇرلىم ويداعىداي حالىق تۇرمىسىنا تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتۋى كەرەك. اسقاق جىگەرمەن ەكپىندەي ىلگەرىلەپ، يدەيانى ازات ەتىپ، شىندىقتى ٴىس جۇزىنەن ىزدەپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاۋ قابىلەت ـ دەڭگەيىن ۇزدىكسىز جوعارىلاتىپ، باياندى تىنىشتىققا ىقپال كورسەتكەن تەرەڭ قاتپارلى قايشىلىقتار مەن جوعارى ساپالى دامۋعا تۇساۋ بولىپ وتىرعان كورنەكتى بوگەتتەردى ٴۇرتىس شەشىپ، شينجياڭ قىزمەتىنىڭ جاڭا جاعدايىن اشۋى كەرەك. جۇرەكتىلىكپەن وزىنە ـ ٴوزى توڭكەرىس جاساپ، پارتيانىڭ ساياسي ٴتارتىبى مەن ساياسي قاعيداسىنا قاتاڭ بويسۇنىپ، ۇقىقتى ٴادىل ىستەتۋدى، ۇقىقتى زاڭ بويىنشا ىستەتۋدى، ۇقىقتى حالىق ٴۇشىن ىستەتۋدى، ۇقىقتى پاك، كىرشىكسىز ىستەتۋدى شىنايى ورىنداپ، تاباندىلىقپەن ”ٴتورت بۇرىس ستيلدى“ تۇزەتىپ، جاڭا سالت ورناتىپ، فورماشىلدىقتى، تورەشىلدىكتى باتىل تيىپ، كوممۋنيستەردىڭ پاك، كىرشىكسىز بولۋ قاسيەتىن ماڭگى ساقتاۋى كەرەك.
ما شيڭرۇي بىلاي دەپ باسا دارىپتەدى: تۇتاس رايونداعى ٴار دارەجەلى پارتيا مەكتەپتەرى ”مەملەكەتتىڭ زور ٴىسىن“ كوكەيدە ساقتاپ، پارتيانىڭ ۇلى جوسپارىن ەستە بەرىك ساقتاپ، پارتيا مەكتەبى ىستەرىنىڭ شينجياڭنىڭ جوعارى ساپالى دامۋىمەن تەڭ قادامدا بولۋىن، ٴبىر باعىتتا كۇش سالۋىن ىلگەرىلەتۋ كەرەك. وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، جاڭا داۋىردەگى جول ـ جوسىن كورسەتۋ، وقۋ ـ ٴبىلىم ۇيرەتۋ، كۇدىك ـ كۇماندى شەشۋ قىزمەتىن ويداعىداي ىستەپ، ٴار دارەجەلى كادرلاردىڭ قابىلەت ـ ونەرىن كۇش سالا جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىمەن تىعىز بايلانىستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ارقاۋ ەتە وتىرىپ كەلەلى تاقىرىپتاردا زەرتتەۋ ورىستەتىپ، بەلسەنە ٴۇن قاتىپ، دۇرىس ٴۇن قاتىپ، پارتيانىڭ يدەولوگيا قىزمەتى سىندى ماڭىزدى الدىڭعى شەبىن ويداعىداي قورعاۋى كەرەك. مەكتەپتى قاتاڭ باسقارۋعا، مەكتەپتى ساپالى قۇرۋعا تاباندى بولىپ، وقىتۋشىلاردىڭ ساياسي ولشەمىن، كۋرسانتتاردى باسقارۋ ولشەمىن قاتايتىپ، وقىتۋ ساپاسىن جوعارىلاتۋ سىندى وزەكتى، عىلمي زەرتتەۋ ساپاسىن جوعارىلاتۋ سىندى نەگىزدى، دارىندىلار قوسىنى سىندى تەتىكتى ويداعىداي يگەرىپ، وقىتۋ جۇرگىزۋ، مەكتەپ باسقارۋ دەڭگەيىن ۇزدىكسىز جوعارىلاتۋ كەرەك. پارتيانىڭ جالپى بەتتىك باسشىلىعىن كۇشەيتۋدە ٴار دارەجەلى پارتكومدار، اسىرەسە، ”ٴبىرىنشى باسشىلار“ پارتيا مەكتەبى قىزمەتىن يگەرۋدەگى ساياسي جاۋاپكەرشىلىكتى شىنايى ارقالاۋى كەرەك، ٴار دارەجەلى پارتكومدار مەن ۇكىمەتتەر، قاتىستى فۋنكتسيالىق تاراۋلار پارتيا مەكتەبى قىزمەتىن قولداۋ تەبىنىن ارتتىرىپ، ٴىس جۇزىندىك ارەكەتتەرىمەن شينجياڭنىڭ پارتيا مەكتەبى قىزمەتىنىڭ جاڭا جاعدايىن اشۋى كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، اۆتونوميالى رايوندىق سوت مەكەمەسىنىڭ، پروكۋراتۋرانىڭ نەگىزگى جاۋاپتى جولداستارى، اۆتونوميالى رايوننىڭ قاتىستى تاراۋلارى مەن ورىندارىنداعى نەگىزگى جاۋاپتى جولداستار، اۆتونوميالى رايوندىق پارتكوم پارتيا مەكتەبىنىڭ (اكىلىشمىك شۋەيۋانى) باۋلۋ كۋرسىنداعى ٴبىر ٴبولىم كۋرسانتتار نەگىزگى ٴماجىلىس الاڭىندا ماجىلىسكە قاتىناستى. اۆتونوميالى رايوندىق پارتكوم ورگانىنىڭ ٴماجىلىس ورتالىعىندا جانە ايماق، وبلىس، قالالاردا، اۋدان، قالا، رايونداردا، بيڭتۋان ورگانىندا جانە شى ـ قالالاردا، تۋان ـ الاڭداردا بولىمشە ٴماجىلىس الاڭى ورنالاستىرىلدى.
ماجىلىستەن كەيىن، ما شيڭرۇي، ەركىن تۇنياز قاتارلى اۆتونوميالى رايوننىڭ باسشىلارى اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) جاڭا مەكتەپ اۋماعىندا تەكسەرۋ ـ زەرتتەۋ جۇرگىزىپ، كەشەندى وقىتۋ عيماراتى، وقىتۋدى زەرتتەۋ ورنى، كۋرسانتتار كلاسى جانە جاتاق، اسحانا سياقتىلاردى ارالاپ كورىپ، مەكتەپ جوباسى، ورنالاسىم قۇرىلىسى، وقۋ ـ وقىتۋ ورنالاستىرۋى، ۇيرەنۋ، تۇرمىس شارت ـ جاعدايى سياقتى احۋالدارىن ىشكەرىلەي ۇعىستى. ما شيڭرۇي بىلاي دەپ باسا دارىپتەدى: جوعارى ساپالى وقۋ جۇرگىزۋگە، جوعارى دەڭگەيدە وقىتۋعا، جوعارى ولشەمدى باسقارۋعا تاباندى بولىپ، زەرتتەۋ، شەشىپ ٴتۇسىندىرۋدىڭ تەرەڭدىگى مەن كەڭدىگىن ٴۇرتىس ۇلعايتىپ، ٴپان قۇرىلىسىن كۇشەيتىپ، باۋلۋ تاسىلىندە جاڭالىق اشىپ، تاماشا ۇيرەنۋ ستيلىن اسقاقتاتىپ، پارتيا مەكتەبى وقىتۋىنىڭ ساياسي دەڭگەيىن، ساياسات دەڭگەيىن، ٴىلمي دەڭگەيىن، كاسىپتىك دەڭگەيىن ۇزدىكسىز كۇشەيتىپ، كادرلاردى تاربيەلەيتىن، باۋليتىن نەگىزگى شەپ رولىن شىنايى ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.
