اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى
ورتالىقتىڭ شينجياڭعا باعىتتامالى كومەكتەسۋ قىزمەتى جونىندەگى ورنالاستىرۋلارىن دايەكتىلەندىرۋدى اقىلداستى، اۆتونوميالى رايونعا قاراستى مەملەكەت مەنشىگىندەگى كاسىپورىندارعا قاتىستى ىنتالاندىرۋ ـ تەجەۋ مەحانيزمىن كەمەلدەندىرۋ جونىندەگى قىزمەتتەردى اقىلداستى، ورنالاستىردى
ما شيڭرۇي ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 21 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 3 ـ ايدىڭ 21 ـ كۇنى تۇستەن كەيىن ٴماجىلىس اشىپ، باس شۋجي شي جينپيڭنىڭ حۋناندا قىزمەت تەكسەرگەندە جانە جاڭا داۋىردە ورتا بولىك وڭىرلەردىڭ ەڭسە كوتەرۋىن ىلگەرىلەتۋ اڭگىمە ٴماجىلىسىن باسقارىپ اشقاندا سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى، ورتالىقتىڭ جاڭا داۋىردە شينجياڭعا باعىتتامالى كومەكتەسۋ قىزمەتىن جوعارى ساپالى ورىستەتۋ جونىندەگى ورنالاستىرۋلارىن دايەكتىلەندىرۋدى اقىلداستى، اۆتونوميالى رايونعا قاراستى مەملەكەت مەنشىگىندەگى كاسىپورىندارعا قاتىستى ىنتالاندىرۋ ـ تەجەۋ مەحانيزمىن اناعۇرلىم كەمەلدەندىرۋ جونىندەگى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى باسا دارىپتەدى: شينجياڭنىڭ ٴىس جۇزىندىك جاعدايىمەن تىعىز ۇشتاستىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جوعارى ساپالى دامۋ سىندى جاڭا ٴداۋىردىڭ وسى بۇلجىماس قاعيداسىن اناعۇرلىم تەرەڭ يگەرىپ، ”بەس ۇلكەن ستراتەگيالىق ورىندى“ كوزدەي وتىرىپ شىنايى يگەرىپ، ناقتى ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن كۇش سالا ىلگەرىلەتۋ كەرەك. بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، ”سەگىز ٴىرى كاسىپ سالاسى شوعىرىن“ جوعارى ساپالى قۇرىپ، جاڭا ساپالى وندىرگىش كۇشتەردى جەرگىلىكتى جاعدايعا قاراي جەتىلدىرىپ، دامىتىپ، وسىزاماندانعان كاسىپ سالاسى جۇيەسىن جەدەل قۇرىپ، مەملەكەتتىڭ ەنەرگيا جانە شەشۋشى كەن بايلىقتارى حاۋىپسىزدىگىن قامتاماسىز ەتۋ؛ حالىقارا جانە ەل ٴىشى سىندى ەكى بازاردان، ەكى تۇردەگى بايلىقتان اناعۇرلىم ويداعىداي پايدالانىپ، جىبەك جولى ەكونوميكالىق بەلدەۋى وزەكتى رايونى، شينجياڭ ەركىن ساۋدا سىناق رايونى قۇرىلىسىنىڭ ساپاسى مەن ونىمدىلىگىن جاپپاي جوعارىلاتىپ، ورتا ازيا سياقتى توڭىرەكتەگى ەلدەرمەن تەرەڭ قاتپارلى سەلبەستىكتى ٴۇرتىس كەڭەيتىپ، شىعىس بولىكتەگى، ورتا بولىكتەگى ولكە، رايوندارمەن ستراتەگيالىق ىستەستىكتى كۇشەيتىپ، ”شينجياڭنىڭ ەلەكترىن سىرتقا جەتكىزۋ“، كاسىپ سالاسىنىڭ ويىسۋىن قابىلداۋ سياقتى قىزمەتتەردى جۇيەلى جوبالاپ ىلگەرىلەتىپ، جاڭا دامۋ ارناسىنا بەلسەنە قىزمەت وتەۋ جانە ونىمەن توعىسۋ؛ اۋىل شارۋاشىلىعى، اۋىل ـ قىستاق، شارۋالار قىزمەتىن تىڭعىلىقتى ويداعىداي ىستەپ، نازاردى تۇتاس جىلدىق استىق ٴونىمىن ارتتىرۋ نىساناسىنا شوعىرلاندىرىپ، كوكتەمگى ەگىس دايىندىعىن بار كۇشپەن ويداعىداي ۇيىمداستىرىپ، اۋىل شارۋاشىلىعى ٴوندىرىس فاكتورىمەن قامتاماسىز ەتۋدى كۇشەيتىپ، اۋىل ـ قىستاقتى گۇلدەندىرۋ ٴتۇيىندى مىندەتىن تياناقتاندىرىپ، قالا مەن اۋىلدىڭ توعىسپالى دامۋىن ىلگەرىلەتۋ كەرەك. پارتيا ورتالىق كوميتەتىنىڭ نەگىزگى ساتىنىڭ اۋىرتپالىعىن جەڭىلدەتۋ جونىندەگى ورنالاستىرۋلارىن، تالاپتارىن قاتاڭ تياناقتاندىرىپ، ٴار دارەجەلى پارتيا مۇشەلەرىن، كادرلاردى دۇرىس ناتيجە كوزقاراسىن بەرىك ورناتۋعا جەتەكتەپ، فورماشىلدىقتى، تورەشىلدىكتى باتىل تۇزەتىپ، حۇجات باستىلىقتى، ٴماجىلىس باستىلىقتى تۇزەتىپ، وڭاپ، قىزمەتكەرلەردى سۇرىپتاپ، ۇكىمەت قۇرىلىمدارىن ىقشامداۋدى ىلگەرىلەتىپ، نەگىزگى ساتى كادرلارىنىڭ اناعۇرلىم كوپ ۋاقىتىن جانە زەيىن ـ زەردەسىن دامۋدى ىلگەرىلەتۋگە، بۇقاراعا قىزمەت وتەۋگە جۇمساۋىنا مۇمكىندىك جاساۋ كەرەك.
ٴماجىلىس مىنالاردى باسا دارىپتەدى: جەر ـ جەر، تاراۋلار باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ جاڭا داۋىردە شينجياڭعا باعىتتامالى كومەكتەسۋ قىزمەتىن جوعارى ساپالى ورىستەتۋ جونىندەگى ستراتەگيالىق ورنالاستىرۋىن مۇقيات دايەكتىلەندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، جاڭا جاعدايدى، جاڭا مىندەتتەردى جاپپاي يگەرىپ، شينجياڭعا جاپپاي كومەكتەسۋ، شينجياڭعا دالمە ـ ٴدال كومەكتەسۋ، شينجياڭعا ۇزاق ۋاقىت كومەكتەسۋ تالابىمەن تىعىز بايلانىستىرىپ، كاسىپ سالاسى ارقىلى شينجياڭعا كومەكتەسۋ، شينجياڭدى مادەنيەتپەن نارلەندىرۋ، كادر ـ دارىندىلار اۋىس ـ كۇيىسى، ۇلتتاردىڭ ارالاسۋى، ىشتەسۋى، توعىسۋى سياقتى قىزمەتتەردى ٴۇرتىس تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، شينجياڭعا باعىتتامالى كومەكتەسۋدىڭ اناعۇرلىم زور تابىستارعا قول جەتكىزۋىن ىلگەرىلەتۋى كەرەك. ٴار دارەجەلى پارتكومدار مەن ۇكىمەتتەر شينجياڭعا كومەكتەسۋ قىزمەتىن ماڭىزدى كەڭەستىك كۇن تارتىپكە ەنگىزىپ، ورايدى يگەرىپ، ىرىقتىلىقپەن بايلانىس جاساپ، بەلسەنە ىسكەرلىك كورسەتىپ، شينجياڭعا كومەكتەسەتىن ٴتۇرلى بايلىقتار مەن كۇشتەردى ٴبىر تۇتاس جوسپارلاپ، شينجياڭعا كومەكتەسەتىن ولكە، قالالارمەن كاسىپ سالاسى، ەكونوميكا ـ ساۋدا سەلبەستىگىن كۇشەيتىپ، كەلەلى نىسانداردى دالمە ـ ٴدال ورنالاستىرىپ ىلگەرىلەتىپ، شينجياڭعا كومەككە كەلگەن كادر ـ دارىندىلاردىڭ رولىن تولىق ساۋلەلەندىرىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىندە ۇزدىكسىز جاڭا جاعداي اشۋدى ىلگەرىلەتۋى كەرەك.
ٴماجىلىس ىنتالاندىرۋ ـ تەجەۋ مەحانيزمىن اناعۇرلىم كەمەلدەندىرىپ، اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ جوعارى ساپالى دامۋىنا اناعۇرلىم ويداعىداي تىرەك بولۋعا قاتىستى پىكىردى اقىلداسىپ، تالقىلاپ، مىنالاردى باسا دارىپتەدى: مەملەكەت مەنشىگىندەگى كاسىپورىنداردىڭ شينجياڭنىڭ جوعارى ساپالى دامۋىن ىلگەرىلەتۋدەگى ماڭىزدى رولىن جەتە تانىپ، ىنتالاندىرۋ ـ تەجەۋ مەحانيزمىن كەمەلدەندىرۋدى تۇتقا ەتىپ، ماسەلەنى باعدار ەتۋدى كۇشەيتىپ، مەملەكەت مەنشىگىندەگى كاسىپورىنداردىڭ پارتيا قۇرىلىسىن كۇشەيتۋ، باسشىلىق القاسىن كۇشەيتىپ قۇرۋ، عىلمي شەشىم جاساۋدى جۇزەگە اسىرۋ، ادامدى دۇرىس تاڭداۋ، دۇرىس ىستەتۋ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرۋ، باقىلاۋ ونىمدىلىگىن جوعارىلاتۋ سياقتىلاردى ارقاۋ ەتىپ، رەفورما جاساۋدى، جاڭالىق اشۋدى ٴۇرتىس تەرەڭدەتىپ، شينجياڭداعى مەملەكەت مەنشىگىندەگى مال ـ مۇلىكتىڭ، مەملەكەت مەنشىگىندەگى كاسىپورىنداردىڭ جوعارى ساپالى دامۋىنداعى بوگەتتەر مەن تەجەمدەردى كۇش سالا شەشىپ، اۆتونوميالى رايونعا قاراستى مەملەكەت مەنشىگىندەگى كاسىپورىنداردى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، ”سەگىز ٴىرى كاسىپ سالاسى شوعىرى“ سياقتى ەرەكشەلىككە، باسىمدىققا يە كاسىپ سالاسىن ارقاۋ ەتىپ، كۇش ـ قۋاتتى ۇيىستىرا مامانداندىرىپ، ساپالىلاندىرىپ، الۋەتتەندىرىپ، زورايتىپ، شينجياڭنىڭ وسىزاماندانعان كاسىپ سالاسى جۇيەسىن جەدەل ورناتىپ، جوعارى ساپالى دامۋدى جۇزەگە اسىرۋىندا ”تىرەكتىك“ رولىن شىن مانىندە ساۋلەلەندىرۋىنە، رەفورما، دامۋ، ورنىقتىلىق جالپى جاعدايىنا اناعۇرلىم ويداعىداي قىزمەت وتەۋىنە جەتەكتەۋ جانە جەبەۋ كەرەك.
