ٴۇرىمجى حالىقارالىق اۋەجايى شەكارا وتكەلىندە
الدىڭعى 2 ايدا شەكارادان كىرگەن ـ شىققان جولاۋشى سايكەس مەزگىلدەگىدەن %614.03 ارتتى
انار بۇلت \ شينجياڭ گازەتىنىڭ ٴتىلشىسى ۋاڭ نا، ەرىكتى ٴتىلشى جاڭ جىنجىن 3 ـ ايدىڭ 18 ـ كۇنى ۇرىمجىدەن حابارلايدى. شينجياڭ شەكارادان كىرۋ ـ شىعۋ شەكارالىق قورعانىس تەكسەرۋ باس پۋنكتى ٴۇرىمجى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىنەن ۇعىسۋىمىزشا، ۆيزا كەشىرىم ەتىلگەن ”دوستار شەڭبەرىنىڭ“ كەڭەيۋى سياقتى كوپتەگەن ٴتيىمدى، ابزال ساياساتتاردىڭ قاباتتاسۋىنان بيىل الدىڭعى 2 ايدا ٴۇرىمجى حالىقارالىق اۋەجايى شەكارا وتكەلى ارقىلى شەكارادان كىرگەن ـ شىققان جولاۋشى 66 مىڭ 448گە (رەت) جەتىپ، سايكەس مەزگىلدەگىدەن %614.03 ارتقان.
ساناققا قاراعاندا، 1 ـ، 2 ـ ايلاردا ٴۇرىمجى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتى جيىنى 721 ۇشاقتىڭ (رەت) شەكارادان كىرىپ ـ شىعۋىن قامتاماسىز ەتكەن، بۇل سايكەس مەزگىلدەگىدەن %521.55 ارتىپ، تاريحتاعى ەڭ جوعارى دەڭگەيدى جاراتقان. شەكارادان كىرۋ جۇمىسىنان قاراعاندا، ساۋدا ىستەرىمەن شۇعىلداناتىن شەكارادان كىرگەن شەتەلدىك جولاۋشىلاردىڭ سانى ٴبىرشاما كوپ بولۋدان سىرت، جۇڭگوعا ساياحاتتاي كەلگەن شەتەلدىك جولاۋشى سانىنىڭ يەلەگەن سالىستىرماسى دا ٴبىرشاما زور بولعان. 3 ـ ايدىڭ 13 ـ كۇنىنە دەيىن، بيىل ٴۇرىمجى حالىقارالىق اۋەجايى شەكارا وتكەلى ارقىلى شەكارادان كىرگەن شەتەلدىك جولاۋشى سانى 18 مىڭعا (رەت) جەتكەن، مۇنىڭ ىشىندە جۇڭگوعا ساۋدا ىستەرىمەن كەلگەندەر مەن ساياحاتتاي كەلگەندەر جەكە ـ جەكە %42تى جانە %26تى يەلەگەن.
ىركىلىسسىزدىكتى قامتاماسىز ەتۋ، بارىس ـ كەلىستى جەبەۋ ٴۇشىن، بيىل جىل باسىنان بەرى ٴۇرىمجى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتى شەكارادان شىققان ـ كىرگەن جولاۋشىلارعا سول جەردىڭ وزىندە ساياسات ۇگىت لەكسياسىن جاساۋ، كەدەننەن وتۋگە جەتەكشىلىك ەتۋ، ۆيزانى كەشىرىم ەتۋ ساياساتى جونىندە كەڭەس بەرۋ ـ ٴتۇسىندىرۋ، شەكارادان كىرۋ كارتچكاسىن تولتىرۋعا جەتەكشىلىك ەتۋ سياقتى قىزمەتتەردى وتەپ، شەتەلدىك جولاۋشىلاردىڭ ۆيزانى كەشىرىم ەتۋ سياقتى شەكارادان كىرۋ ـ شىعۋ ساياساتى تالاپتارىن اناعۇرلىم تەز بىلۋىنە كومەكتەسىپ، كەزەكشىلىك مىندەت وتەۋ ورنىندا كەستە تولتىرۋ، تەكسەرۋدى كۇتۋ جانە كەدەننەن ٴوتۋ ۋاقىتىن قىسقارتىپ، كەدەننەن ٴوتۋ ونىمدىلىگىن اناعۇرلىم جوعارىلاتتى. سونىمەن بىرگە ”ٴبىر بەلدەۋ، ٴبىر جول“ ارناۋلى وتكەلىن قۇرىپ، ”ٴبىر بەلدەۋ، ٴبىر جول“ قۇرىلىسى ٴتۇيىندى نىسانىنداعى حالىقارالىق كەزەكشى ۇشاقتاردىڭ، قىزمەتكەرلەردىڭ كەدەننەن جىلدام ٴوتۋىن جۇزەگە اسىردى.
مۇنان سىرت، ٴۇرىمجى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتى شەكارا وتكەلى بىرلەسىپ تەكسەرۋ ورىندارىمەن بىرلەسىپ ٴۇرىمجى حالىقارالىق اۋەجايى جىبەك جولى اۋە پورتى شەكارا وتكەلى قىزمەت وتەۋ اترەتىن قۇرىپ، شەكارا اتتاعان قۇتقارۋ ـ كومەكتەسۋ شۇعىل دايىندىق جوباسى مەن ەرەكشە ساياحاتشىلاردىڭ كەدەننەن وتۋىنە قولايلىلىق جاساۋ مەحانيزمىن ٴۇرتىس ساپالىلاندىرىپ، كەدەننەن وتۋدە قولايلىلىق جاساۋدى ”مۇلدە كەشەۋىلدەتپەۋدى“، ٴومىردى قۇتقارۋدا ـ كومەكتەسۋدە ”مۇلدە كۇتىپ وتىرماۋدى“ جۇزەگە اسىردى.
