اۆتونوميالى رايوننىڭ ورمان، جايلىم ورتىنەن ساقتانۋ، ٴورت ٴسوندىرۋ قىزمەتى جونىندەگى تەلەۆيزور ـ تەلەفون ماجىلىسىندە بىلاي دەپ باسا دارىپتەلدى
ورمان، جايلىم ورتىنەن ساقتانۋ، ٴورت ٴسوندىرۋ جاعدايىنىڭ ورنىقتى جاقسارۋىنا شىنايى كەپىلدىك ەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 18 ـ كۇنى ۇرىمجىدەن حابارلايدى. 3 ـ ايدىڭ 18 ـ كۇنى تۇستەن كەيىن اۆتونوميالى رايوننىڭ ورمان، جايلىم ورتىنەن ساقتانۋ، ٴورت ٴسوندىرۋ قىزمەتى جونىندەگى تەلەۆيزور ـ تەلەفون ٴماجىلىسى اشىلدى. ٴماجىلىس باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەندى، دايەكتىلەندىردى، مەملەكەتتىك ورمان، جايلىم ورتىنەن ساقتانۋ، ٴورت ٴسوندىرۋ قىزمەتى جونىندەگى بەينە ەكران ٴماجىلىسىنىڭ رۋحىن دايەكتىلەندىردى، تياناقتاندىردى. اۆتونوميالى رايوندىق پارتكومنىڭ ورنالاستىرۋلارىنا ساي، 2023 ـ جىلعى قىزمەتتەردى قورىتىندىلاپ، قازىرگى رايونىمىزدىڭ ورمان، جايلىم ورتىنەن ساقتانۋ، ٴورت ٴسوندىرۋ جاعدايىنا، ماسەلەلەرىنە تالداۋ جاساپ، بيىلعى ٴتۇيىندى قىزمەتتەردى ورنالاستىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى ٴسوز سويلەدى.
ءماجىلىس مىنالاردى اتاپ كورسەتتى: بىلتىر بۇكىل رايوننىڭ ورمان، جايلىم ٴورت اپاتى جاعدايى جالپى جاقتان ورنىقتى بولدى، ايتسەدە، رايونىمىز كليماتىنىڭ قۋاڭ، جاۋىن ـ شاشىن از ەكەندىگىن، ورمان، جايلىم ورتىنەن ساقتانۋ شەبى ۇزىن، شەشۋشى ورىندار كوپ، شەكارادا ورتتەن ساقتانۋ مىندەتى جاپالى ەكەندىگىن، ورمان، جايلىم ورتىنەن ساقتانۋ، ٴورت ٴسوندىرۋ جاعدايىنىڭ ٴالى دە اۋىر ەكەندىگىن دە جەتە تانۋىمىز كەرەك. جەر ـ جەر، تاراۋلار تومەنگى شەكتە ويلاۋ مەن حاۋىپ ـ قاتەر تانىمىن بەرىك ورناتىپ، ”حاۋىپ ـ قاتەر جانىمىزدا، عيبىرات كوز الدىمىزدا“ دەيتىن سەرگەكتىكتى، ساقتىقتى قاشاندا ساقتاپ، ساقتانۋدى نەگىز ەتۋگە، ساقتانۋ مەن ٴورت ٴسوندىرۋدى ۇشتاستىرۋعا تاباندى بولىپ، ”ٴاردايىم قام جەپ تۇراتىن“ جاۋاپكەرشىلىك سەزىمدى ”بارلىق ىستە كوڭىلدە ەسەپ بولاتىن“ ارەكەت كۇشىنە اينالدىرىپ، بۇكىل رايوننىڭ ورمان، جايلىم ورتىنەن ساقتانۋ، ٴورت ٴسوندىرۋ جاعدايىنىڭ ورنىقتى جاقسارۋىنا شىنايى كەپىلدىك ەتۋى كەرەك.
ٴماجىلىس مىنالاردى باسا دارىپتەدى: «شينجياڭ ۇيعۇر اۆتونوميالى رايونىنىڭ جاڭا جاعدايدا ورمان، جايلىم ورتىنەن ساقتانۋ، ٴورت ٴسوندىرۋ قىزمەتىن جاپپاي كۇشەيتۋ جونىندەگى اتقارۋ جوباسىن» دايەكتىلەندىرىپ، تياناقتاندىرىپ، نازاردى ٴتۇيىندى مىندەتتەرگە شوعىرلاندىرىپ، ورتتەن ساقتانۋ، ٴورت ٴسوندىرۋ قىزمەتىندە جاڭا تابىستارعا قول جەتكىزۋدى تىڭعىلىقتى ىلگەرىلەتۋ كەرەك. عىلمي ساقتاندىرۋدى جانە كەڭەسىپ تۇجىرىمداۋدى كۇشەيتىپ، جەر بەتىندە شارلاپ كۇزەتۋ، جاساندى سەرىكپەن باقىلاۋ ـ ولشەۋ، بەينە ەكراندا باقىلاۋ ـ مەڭگەرۋ، ۇشاق جانە ۇشقىش اپپاراتپەن شارلاپ كۇزەتۋ سياقتى كوپ ٴتۇرلى تاسىلدەردەن جالپىلىق پايدالانىپ، ٴورت جاعدايىن باقىلاۋ ـ تەكسەرۋدىڭ قامتىمى مەن پارىقتاۋدىڭ دالدىگىن جوعارىلاتۋ كەرەك. ورمان، جايلىم ٴورت اپاتى حاۋىپ ـ قاتەرىن جاپپاي تەكسەرۋ جەتىستىكتەرىنەن ويداعىداي پايدالانىپ، كومەسكى كىناراتتاردى ٴبىر ـ بىردەن تەكسەرىپ ـ وڭاۋ مەن دالادا زاڭعا، ەرەجەگە قايشىلىق جاساپ وتتان پايدالانۋدى تەكسەرىپ ٴبىر جاقتى ەتۋ ارناۋلى ارەكەتىن تىڭعىلىقتى ورىستەتىپ، مەملەكەتتىك باقشا، قالا شەتىندەگى تاۋ، ورمان باقشاسى سياقتى ماڭىزدى وڭىرلەردە كومەسكى كىناراتتاردى تور جايۋ فورماسىندا جاپپاي قامتىپ ٴبىر ـ بىردەن تەكسەرۋ ـ وڭاۋ كەرەك. ٴورت حاۋىپ ـ قاتەرى جوعارى ۋاقىت كەزەڭىندە ارالاپ تەكسەرۋدى جيىلەتىپ، دەلو ارقىلى زاڭدى ٴتۇسىندىرۋ، دەلو ارقىلى ساقتاندىرۋ سەرپىنىن ارتتىرىپ، ساقتاندىرۋ، سەسكەندىرۋ رولىن ويداعىداي ساۋلەلەندىرۋ كەرەك.
ٴماجىلىس مىنالاردى تالاپ ەتتى: شۇعىل جاعدايعا توتەپ بەرۋدىڭ دايىندىق جوباسىن كەمەلدەندىرىپ، ناقتى شايقاستىق جاتتىعۋ مەن تەحنيكالىق شەبەرلىككە باۋلۋدى ۇدايىلاندىرا ورىستەتىپ، قولباسشىلىق ەتۋدىڭ، كۇشتەردىڭ، جابدىقتاردىڭ الدىڭعى شەپتە تۇرىپ قورعانىستا بولۋىن ىلگەرىلەتۋ كەرەك. شۇعىل جاعدايعا توتەپ بەرۋ بويىنشا كۇزەتۋدى كۇشەيتىپ، ٴورت جاعدايىن جولداۋ ارناسىن ىركىلىسسىزدەندىرىپ، ادامداردى كوشىرىپ ورنالاستىرۋ جوباسىن ۇيلەسىمدى جاساپ، حاۋىپسىزدىك ەرەجەلەرىنە قاتاڭ بويسۇنۋ كەرەك. ورتتەن ساقتانۋ ۇگىتىن كاسىپورىندارعا، الەۋمەتتىك اۋماقتارعا، وتباسىلارىنا، مەكتەپتەرگە، اۋىل ـ قىستاقتارعا جەتكىزۋدى تىڭعىلىقتى ورىستەتىپ، جالپى حالىقتىڭ ورمان، جايلىم ورتىنەن ساقتانۋ تانىمى مەن ٴوزىن قۇتقارۋ، ٴبىرىن ـ ٴبىرى قۇتقارۋ قابىلەتىن جوعارىلاتۋ كەرەك.
ٴماجىلىس مىنالاردى تالاپ ەتتى: ٴار دارەجەلى پارتكومدار، ۇكىمەتتەر ”پارتكوم مەن ۇكىمەت تەڭ جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك وتەۋ، تەڭ يگەرىپ، بىرگە باسقارۋ، قىزمەتىن وتەمەگەندەردىڭ جاۋاپكەرشىلىگىن قۋزاۋ“ تالابىنا ساي، جاۋاپكەرشىلىكتى ساتىلار بويىنشا قاتايتىپ، ناقتىلاندىرۋى كەرەك. تاراۋلار بىرگە ارەكەتتەنەتىن، كوپ جاق ات سالىساتىن، بيڭتۋان مەن جەرگىلىكتى ورىن سايكەسەتىن، عىلمي، جوعارى ٴونىمدى سايكەستىرۋ مەحانيزمىن كەمەلدەندىرىپ، ٴار بۋىنداعى قىزمەتتەردى تىڭعىلىقتى، ەگجەي ـ تەگجەيلى، قاتاڭ، ناقتى يگەرۋ كەرەك. قۋزاۋ ـ تەكسەرۋدى ۇدايىلاندىرا ورىستەتىپ، شاقىرىپ اڭگىمەلەسىپ ساقتاندىرۋ، اتقارىلۋىن باسى ـ قاسىندا قۋزاپ ٴبىتىرۋ سياقتى تاسىلدەردەن ويداعىداي پايدالانىپ، ماسەلەلەردى، كومەسكى كىناراتتاردى دەر كەزىندە تىڭعىلىقتى رەتتەپ ـ تۇزەتۋگە شىنايى كەپىلدىك ەتۋ كەرەك.
اۆتونوميالى رايوندىق ورمان شارۋشىلىعى جانە جايلىم مەكەمەسىندەگى، اۆتونوميالى رايوندىق اۋا رايى مەكەمەسىندەگى، شينجياڭ ورمان ٴورت ٴسوندىرۋ، ورتتەن ساقتانۋ باس اترەتىندەگى، ىلە قازاق اۆتونوميالى وبلىسىنداعى، بايىنعولين موڭعۇل اۆتونوميالى وبلىسىنداعى، اقسۋ ايماعىنداعى جاۋاپتى جولداستار پىكىر اۋىستىرىپ سوزگە شىقتى.
ٴيۇسۇپجان مامەت ٴماجىلىستى باسقاردى، باتۋ قاتارلىلار ماجىلىسكە قاتىناستى.
