انار بۇلت \ شينجياڭ گازەتىنىڭ ٴتىلشىسى ٴجازيرا نەسىپبەك، ەرىكتى ٴتىلشى حان بيڭ 3 ـ ايدىڭ 17 ـ كۇنى ۇرىمجىدەن حابارلايدى. 3 ـ ايدىڭ 17 ـ كۇنى تۇستەن بۇرىن ياركەن اۋداندىق حالىق ۇكىمەتى مەن بەيجيڭ ي ـ يۋان جاڭا ەنەرگيا عىلىم ـ تەحنيكا شەكتى سەرىكتەستىگى ياركەن اۋدانىندا كەلىسىمگە قول قويۋ سالتىن وتكىزدى، بۇل شينجياڭ ي ـ يۋان اۆتوكولىك كاسىپ سالاسى باقشاسى نىسانىنىڭ 1 ـ مەرزىمدىك ينجەنەرياسىنىڭ ياركەن اۋدانىنا رەسمي ىرگە تەپكەندىگىن كورسەتەدى.
شينجياڭ ي ـ يۋان اۆتوكولىك كاسىپ سالاسى باقشاسى نىسانىنا جالپى 10 ميلليارد يۋاننان استام قارجى قوسىلعان، كولەمدەنگەن اۆتوكولىك زاۆودى مەن سۋتەگى ەنەرگياسى جانە اۆتوكولىك كاسىپ سالاسىن زەرتتەۋ ورنىن مەرزىمگە ٴبولىپ قۇرىپ، شينجياڭدى وزەك ەتكەن، ورتا ازيا، باتىس ازيانى شارپىعان الەمدەنگەن، زەردەلىلەنگەن اۆتوكولىك ٴوندىرۋ، ساتۋ ورتالىعىن قۇرىپ، جۇڭگونىڭ اۆتوكولىكپەن قامداۋ تىزبەگىنىڭ جاپپاي ”سىرتقا شىعۋىن“ ىلگەرىلەتىپ، شينجياڭنىڭ زەردەلىلەنگەن جاڭا ەنەرگيالى اۆتوكولىك كاسىپ سالاسىنىڭ شوعىرلى دامۋىن ىلگەرىلەتەدى.
بەيجيڭ ي ـ يۋان جاڭا ەنەرگيا عىلىم ـ تەحنيكا شەكتى سەرىكتەستىگىنىڭ القا باستىعى لي جيالين بىلاي دەپ تانىستىردى: شينجياڭ ي ـ يۋان اۆتوكولىك كاسىپ سالاسى باقشاسى نىسانى اۆتونوميالى رايوندىق سيفرلاندىرىپ دامىتۋ مەكەمەسىنىڭ، شينجياڭ گازەتى مەكەمەسىنىڭ (توبى)، شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ، ياركەن اۋداندىق حالىق ۇكىمەتىنىڭ بىرگە جەبەۋىندە ياركەنگە ىرگە تەپتى.
سوڭعى جىلدارى شينجياڭنىڭ، اسىرەسە، وڭتۇستىك شينجياڭ ٴوڭىرىنىڭ اۆتوكولىك تۇتىنۋ بازارى ۇزدىكسىز جاندانىپ، شينجياڭ شەكارا وتكەلدەرىنىڭ شارۋاشىلىق ـ ساۋدا ورتاسىن ۇزدىكسىز ساپالىلاندىردى، كەشەندى قورعامالى باجى رايونىنداعى اۆتوكولىك ەكسپورت ەتەتىن كاسىپورىندار سالىقتى الدىن الا قايتارۋ، قامبادا ساقتاۋ اقىسىن كەشىرىم ەتۋ سياقتى ٴتيىمدى ساياساتتاردان يگىلىكتەنىپ، ەلىمىزدە وندىرىلگەن اۆتوكولىكتەردىڭ سىرتقا شىعۋ اياق الىسى اناعۇرلىم ورنىقتى بولدى. 2023 ـ جىلى شينجياڭنىڭ شەكارا وتكەلدەرىنەن 568 مىڭ تاۋار اۆتوكولىك ەكسپورت ەتىلىپ، سايكەس مەزگىلدەگىدەن %407.6 ارتقان، مۇنىڭ ىشىندە ەلىمىزدە وندىرىلگەن 29 اۆتوكولىك ماركاسى بار، نەگىزىنەن رەسەي، وزبەكستان، قازاقستان سياقتى ەلدەرگە ساتىلادى.
قاشقار ايماقتىق پارتكومنىڭ مۇشەسى، ياركەن اۋداندىق پارتكومنىڭ شۋجيى جاڭ يۇنشوۋ بىلاي دەدى: شينجياڭ ي ـ يۋان اۆتوكولىك كاسىپ سالاسى باقشاسى نىسانىنىڭ تياناقتانۋى جەرگىلىكتى ورىننىڭ ونەركاسىپ ٴونىم قۇنىن ونان ارى جوعارىلاتىپ، جەرگىلىكتى ورىننىڭ باجى كىرىسىن ارتتىرادى، بۇل جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، وڭتۇستىك شينجياڭنىڭ جوعارى ساپالى دامۋىن جەبەۋدىڭ ناقتى شاراسى.
”شينجياڭ ي ـ يۋان اۆتوكولىك كاسىپ سالاسى باقشاسى نىسانىنىڭ 1 ـ مەرزىمدىك ينجەنەرياسىنىڭ تياناقتانۋى تەك باستاما عانا، ٴبىز وسىنى وراي ەتىپ، ۇزدىكسىز قارجى قوسىپ، ۇزدىكسىز جاڭالىق اشىپ، زەردەلىلەنگەن جاڭا ەنەرگيالى اۆتوكولىك كاسىپ سالاسىنىڭ دامۋىنا بىرگە كۇش قوسامىز“، ـ دەدى لي جيالين.
