ەركىن تۇنياز ٴۇرىمجى قالاسىندا ساۋدا، تۇتىنۋ قىزمەتىنە تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
ىقپالدى اناعۇرلىم كەڭەيتۋ، بازاردى اناعۇرلىم جانداندىرۋ، تۇتىنۋدى اناعۇرلىم مولايتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 17 ـ كۇنى ۇرىمجىدەن حابارلايدى. 3 ـ ايدىڭ 17 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴۇرىمجى قالاسىندا ساۋدا، تۇتىنۋ قىزمەتىنە تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: مەملەكەتتىك ەكى ٴماجىلىستىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، سەنىمدى ونان ارى سەرپىلتىپ، ىشكى سۇرانىستى كەڭەيتۋ، تۇتىنۋدى جەبەۋ ساياساتىنىڭ ناقتى، ەگجەي ـ تەگجەيلى تياناقتانۋىن ۇزدىكسىز ىلگەرىلەتىپ، تۇتىنۋدىڭ جاڭا ارتۋ تۇيىندەرىن بەلسەنە جەتىلدىرىپ، ىقپالدى اناعۇرلىم كەڭەيتۋ، بازاردى اناعۇرلىم جانداندىرۋ، تۇتىنۋدى اناعۇرلىم مولايتۋ كەرەك.
شينجياڭ حالىقارالىق ٴماجىلىس ـ كورمە ورتالىعىندا 2024 ـ جىلعى شينجياڭ ”15 ـ ناۋرىز“ حالىقارالىق اۆتوكولىك كورمەسى وتكىزىلۋدە، كورمە الاڭىندا ادامدار ٴيىن تىرەسەدى. ”ساتىلىم سوماسى قانشا بولدى؟ جاڭا ەنەرگيالى اۆتوكولىكتەردىڭ ساتىلۋ مولشەرى قانداي“؟ ەركىن تۇنياز تۇرلىشە ماركاداعى كورمە تەكشەلەرىنە كەلىپ، جاڭا اۆتوكولىك تۇرلەرىن كورىپ، كاسىپورىن جاۋاپتىلارىمەن اۆتوكولىك كاسىبىنىڭ الدىڭعى لەكتىك عىلىم ـ تەحنيكاسى، دامۋ بەتالىسى، سونداي ـ اق ساتىلۋ جاعدايى، تۇتىنۋدى جەبەۋ شارالارى سياقتىلار جونىندە اڭگىمەلەستى. ول اۆتوكولىك كورمەسىن ۇيىمداستىرىپ وتكىزۋشى ورىنعا ٴتۇرلى قىزمەت وتەۋ قىزمەتىن ويداعىداي ىستەپ، جايلى ورتا جاراتىپ، قالىڭ قالا تۇرعىندارىنىڭ الاڭسىز ارالاۋىنا، اۆتوكولىك ساتىپ الۋىنا مۇمكىندىك جاساۋدى تاپسىردى. ەركىن تۇنياز بىلاي دەپ باسا دارىپتەدى: اۆتوكولىك تۇتىنۋىن ورنىقتىرۋ تۇتىنۋدى جەبەۋدە، ارتۋدى ورنىقتىرۋدا ماڭىزدى رول اتقارادى، ساۋدا تۇتىنۋىن جەبەيتىن ٴتۇرلى ساياساتتاردان ويداعىداي، تولىق پايدالانىپ، جاڭا ەنەرگيالى اۆتوكولىك تۇتىنۋىنا قولداۋ كورسەتىپ، شينجياڭنىڭ ”15 ـ ناۋرىز“ حالىقارالىق اۆتوكولىك كورمەسىن ويداعىداي وتكىزىپ، ىقپال كۇش اسەرىن زورايتىپ، اۆتوكولىك تۇتىنۋىنىڭ كومەسكى كۇشىن ونان ارى شىعارۋ كەرەك.
يۋەميڭلوۋ تولايىم ساتۋ بازارىندا ەركىن تۇنياز بازار جاۋاپتىلارىمەن جانە ساۋداگەرلەرمەن بەتپە ـ بەت پىكىر اۋىستىرىپ، الارماندار مولشەرى، ساتىلۋ سوماسى، باعا تولقۋى، زات ەنگىزۋ ارناسى سياقتىلاردى ەگجەي ـ تەگجەيلى سۇراپ ۇعىسىپ، ساۋداگەرلەردىڭ پىكىرىنە، تالابىنا سول جەردىڭ وزىندە جاۋاپ قايتاردى. ول بىلاي دەپ باسا دارىپتەدى: تولايىم ساتۋ بازارى ٴوندىرىس پەن تۇتىنۋدى تۇتاستىرادى، ول وسى زامانعى ساۋدا اينالىم جۇيەسىندەگى شەشۋشى بۋىن. بازار ورتاسى، جول، ٴورت ٴسوندىرۋ، ورتتەن ساقتانۋ قۇرىلعىلارى سياقتىلاردىڭ دارەجەسىن جوعارىلاتىپ، جاڭالاپ، ورتاسى ساپالى، قىزمەت وتەۋى تاماشا ٴبىر توپ ۇلگى كورسەتۋ سيپاتتى تولايىم ساتۋ بازارىن قۇرۋ كەرەك. نازاردى ازىق ـ تۇلىك حاۋىپسىزدىگى، ٴونىم ساپاسى سياقتى سالالارعا شوعىرلاندىرىپ، بازاردى باقىلاۋ ـ باسقارۋدى جانە تۇتىنۋشىلاردىڭ ۇقىق ـ مۇددەسىن قورعاۋدى كۇشەيتىپ، الاڭسىز، جايلى تۇتىنۋ ورتاسىن قالىپتاستىرۋ كەرەك. ٴوندىرىس حاۋىپسىزدىگى جاۋاپكەرشىلىگىن ناقتىلاندىرىپ، حاۋىپسىزدىك شىرعالاڭىنىڭ تۋىلۋىنان باتىل ساقتانۋ كەرەك. 1 ـ شىلدە جياڭيۋ زاۆودى ۋنيۆەرسال زات ساتىپ الۋ ورتالىعىندا، مەيمەي MM زات ساتىپ الۋ ورتالىعىندا ەركىن تۇنياز سەزىنۋ ۇلگىسىندەگى تۇتىنۋ، ساۋدا، مادەنيەت، ساياحاتتى توعىستىرۋ، ٴدامدى تاعامدار ماركاسىنىڭ دامۋى سياقتى جاعدايلاردى سول جەردىڭ وزىندە ۇعىستى. ول مىنالاردى باسا دارىپتەدى: تۇتىنۋدىڭ جاڭا بەتالىسىن يگەرىپ، جاڭا كاسىپ كۇيىن، جاڭا ۇلگىنى، جاڭا جاعدايدى جەدەل جەتىلدىرىپ، بۇقارانىڭ كوپ نەگىزدى، دارالىق تۇتىنۋ قاجەتىن قاناعاتتاندىرىپ، قىزمەت وتەۋ تانىمىن كۇشەيتىپ، اناعۇرلىم ويداعىداي تۇتىنۋ كەشىرمەلەرى ارقىلى ٴار ۇلت بۇقاراسىنىڭ تۇرمىس ساپاسىن جوعارىلاتۋعا جەتەكشىلىك ەتۋ كەرەك.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: مەملەكەتتىڭ زور كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ارەكەتىن ىلگەرىلەتۋ ساياساتتىق ورايىن مىقتى يگەرىپ، رايونىمىزدىڭ ٴىس جۇزىندىك جاعدايىمەن ۇشتاستىرىپ، ٴتۇرلى ٴوندىرىس جابدىقتارىن، قىزمەت وتەۋ جابدىقتارىن جاڭالاۋدى جانە تەحنيكالىق جاڭالاۋدى ىلگەرىلەتىپ، اۆتوكولىك، ٴۇي ەلەكتر جابدىقتارى سياقتى ٴداستۇرلى تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋعا دەم بەرىپ، شىدامدى تۇتىنۋ بۇيىمدارىنىڭ كونەسىن جاڭاسىنا اۋىستىرۋدى ىلگەرىلەتۋ كەرەك. تاسىمال قۇرىلىمىن اناعۇرلىم ساپالىلاندىرىپ، بوگەتتى تۇيىندەردى، توسقاۋىل تۇيىندەردى ىركىلىسسىزدەندىرىپ، زات اينالىمىنىڭ وزىندىك قۇنىن تومەندەتىپ، تۇتىنۋ سەنىمىن بارىنشا سەرپىلتىپ، تولايىم ساتۋ، بولشەك ساتۋ، جاتىن ورىن جانە اس ـ سۋ سياقتى ٴتۇيىندى سالالارداعى كاسىپورىنداردىڭ جەدەل دامۋىن قولداۋ كەرەك.
ٴبىر تۇتاس جوسپارلاۋدى كۇشەيتىپ، باي مازمۇندى تۇتىنۋدى جەبەۋ قيمىلىن ۇيىمداستىرىپ جانە ورىستەتىپ، ادام اينالىمى، زات اينالىمى، ينفورماتسيا اينالىمى، قارجى اينالىمىن ونان ارى جانداندىرۋ كەرەك. بازاردى باقىلاۋ ـ باسقارۋدى كۇشەيتىپ، بازار ٴتارتىبىن قورعاپ، زاڭسىز تيجارات ارەكەتتەرىن رەتكە سالىپ، تۇتىنۋشىلاردىڭ زاڭدى ۇقىق ـ مۇددەسىن شىنايى قامتاماسىز ەتۋ كەرەك. قاتىستى تاراۋلار كاسىپورىنداردىڭ قيىنشىلىقتارىن، تىلەك ـ تالاپتارىن شەشۋىنە شىنايى كومەكتەسىپ، كاسىپورىندارعا تيىمدىلىك جاساۋ، كاسىپورىندارعا كومەكتەسۋ شارالارىن تياناقتاندىرىپ، كاسىپورىندارعا اناعۇرلىم ساپالى دامۋ ورتاسىن ازىرلەۋى كەرەك.
