اۆتونوميالى رايوندىق دەنساۋلىق ساقتاۋ، سالاماتتىق كوميتەتى «حابارلاندىرۋ» باسىپ تاراتىپ
بۇكىل رايوننىڭ دەنساۋلىق ساقتاۋ، سالاماتتىق جۇيەسىندە ماينۇر نيازدان ۇيرەنۋ قيمىلىن ورىستەتتى
انار بۇلت \ شينجياڭ گازەتىنىڭ ءتىلشىسى سۋ لۋپيڭ 11 - ايدىڭ 14 - كۇنى ۇرىمجىدەن حابارلايدى. جۋىقتا اۆتونوميالى رايوندىق دەنساۋلىق ساقتاۋ، سالاماتتىق كوميتەتى «حابارلاندىرۋ» باسىپ تاراتىپ، بۇكىل رايوننىڭ دەنساۋلىق ساقتاۋ، سالاماتتىق جۇيەسىندە ماينۇر نيازدان ۇيرەنۋ قيمىلىن ورىستەتىپ، بۇكىل رايوننىڭ دەنساۋلىق ساقتاۋ، سالاماتتىق جۇيەسىندەگى قالىڭ كادرلاردى، جۇمىسشى - قىزمەتكەرلەردى قىزمەت ورنىن تياناق ەتىپ، ۇلەس قوسۋعا پەيىل بولىپ، دەنساۋلىق ساقتاۋ، سالاماتتىق ىستەرىنىڭ جوعارى ساپالى دامۋىن بار كۇشپەن ىلگەرىلەتۋگە ىنتالاندىردى.
وسى 2 كۇندە شينحۋا سايتى، حالىق سايتى سياقتى مەملەكەت دارەجەلى مەديالار تۇعىرى، انار بۇلت كليەنتى، «شينجياڭ گازەتى»، شينجياڭ راديو - تەلەۆيزيا ستانسياسى سياقتى اۆتونوميالى رايون دارەجەلى مەديالار تۇعىرلارى، سونداي - اق ەۆروپا چياۋمين سالاسىنداعى ەڭ ىقپالدى مەديالاردىڭ ءبىرى − «ەۆروپا چياۋميندەر گازەتى»، پاكيستاننىڭ نەگىزگى اعىم اقپارات اگەنتتىگى − حۋليان اقپارات اگەنتتىگى اقپارات سايتى سياقتى شەتەلدەگى مەديالار تۇعىرلارى ارقىلى كوپ تىلدە، جالپى مەديادا، كوپ تۇرعىدان حابارلانىپ، اۆتونوميالى رايوندىق حالىق شيپاحاناسىنىڭ اعا شيپاگەرى، پروفەسسور، مەملەكەتتىك كەڭەستىڭ ەرەكشە ۇستەمە قاراجاتىنان يگىلىكتەنەتىن مامان ماينۇر نيازدىڭ حيكاياسى ەل ءىشى - سىرتىنا تەگىس تارالدى.
وتكەن عاسىردىڭ 90 - جىلدارىنان بەرى ماينۇر نياز ۇجىم باستاپ، ناشار ورتا مەن ءتۇرلى قيىنشىلىقتاردى جەڭىپ، وڭتۇستىك شينجياڭدى ىشكەرىلەي ارالاپ، جاتىر موينى راگىنا اداقتاپ تەكسەرۋ جۇرگىزىپ، جاتىر موينى راگىن جيىنى 60 مىڭنان استام ادام (رەت) اداقتاپ تەكسەرىپ، 300 مىڭعا جۋىق ادامدى (رەت) وراي سيپاتتى اداقتاپ تەكسەرىپ، تۇڭعىش رەت شينجياڭنىڭ جاتىر مويىن راگى ساندى مالىمەت قويماسىن قۇردى. جەلىلەس عىلمي زەرتتەۋ، عىلىم - تەحنيكادا جاڭالىق اشۋ، جەتىستىكتەردى قولدانۋ، جالپىلاستىرۋ سياقتى جاقتاردا تىڭ تابىستارعا قول جەتكىزىپ، ەكى نىساندا اۆتونوميالى رايوننىڭ عىلىم - تەحنيكا العاباسارلىعى سيلىعىنىڭ 1 - دارەجەلى سيلىعىن، ەكى نىساندا 3 - دارەجەلى سيلىعىن ەنشىلەدى، اۆتونوميالى رايوننىڭ 2022 - جىلدىق عىلىم - تەحنيكا سيلىعىنىڭ كورنەكتى ۇلەس قوسۋ سيلىعىنا يە بولىپ، بۇكىل شينجياڭداعى ايەلدەر اۋرۋى ءبولىمى كلينيكالىق قىزمەتىنىڭ جوعارى ساپالى دامۋىنا، عىلىم - تەحنيكادا قامال الۋ جاعىنا كورنەكتى ۇلەس قوستى.
«بۇكىل رايوننىڭ دەنساۋلىق ساقتاۋ، سالاماتتىق جۇيەسىندە ماينۇر نيازدىڭ ىزگى ىستەرىن ۇيرەنۋ، ۇگىتتەۋ جونىندەگى حابارلاندىرۋدا» مىنالار تالاپ ەتىلدى: بۇكىل رايوننىڭ دەنساۋلىق ساقتاۋ، سالاماتتىق جۇيەسى وسى رەتكى ۇيرەنۋ قيمىلىن پارتيا 20 - قۇرىلتايىنىڭ رۋحىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرىپ، ماينۇر نياز جولداستىڭ ىزگى ىستەرىن نەگىزگى تاقىرىپتىق تاربيەنىڭ جاندى وقۋلىعى ەتىپ، ارناۋلى تاقىرىپتا ۇيرەنۋ، شوعىرلى زەرتتەۋ - تالقىلاۋ، اڭگىمە وتكىزۋ، اۋىس - كۇيىس جاساۋ، ۇگىتتەۋ، ۇگىت لەكسيا جاساۋ سياقتى تاسىلدەر ارقىلى ماينۇر نيازدىڭ پارتياعا ادال، سەنىمى بەرىك ساياسي قاسيەتىن؛ باس ماقساتتى ەستە بەرىك ساقتاپ، ناۋقاستارمەن تىلەكتەس بولاتىن شيپاگەرلىك سۇيىسپەنشىلىگىن؛ سالاماتتىقتى قورعايتىن، ۇلەس قوسۋعا پەيىل اسقاق رۋحىن؛ شوگەلدىكپەن ۇيرەنىپ، شىنايى اتقاراتىن، بيىك شىڭعا ەرلىكپەن شىعاتىن قىزمەت ستيلىن زور كۇشپەن ۇگىتتەۋ، اسقاقتاتۋ كەرەك. وزات تيپتەردىڭ رۋحاني اسەرىن شىنايى ساۋلەلەندىرىپ، بۇكىل رايوننىڭ دەنساۋلىق ساقتاۋ، سالاماتتىق جۇيەسىندەگى پارتيا مۇشەلەرىن، كادرلاردى، قالىڭ ەمدەۋ قىزمەتكەرلەرىن وزات تيپتەردى ۇلگى ەتىپ، سەنىمدى بەكەمدەپ، جاۋاپكەرشىلىك ارقالاپ، ناقتى ىستەپ، كاسىپتى قادىرلەپ، ۇلەس قوسىپ، سالاماتتى شينجياڭ قۇرىلىسىن جاپپاي ىلگەرىلەتۋگە، دەنساۋلىق ساقتاۋ، سالاماتتىق ىستەرىنىڭ جوعارى ساپالى دامۋىن جۇزەگە اسىرۋعا تىڭ دا اناعۇرلىم زور ۇلەس قوسۋعا ونان ارى ىنتالاندىرۋ جانە جەتەكتەۋ كەرەك.
