ناقتى شارالار ارقىلى حالىقتىق شارۋاشىلىقتىڭ زورايۋىن، ساپالىلانۋىن، كۇشەيۋىن ىلگەرىلەتەمىز
− تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسى حالىقتىق كاسىپورىنداردى ءورىس اشا جاڭالىق جاراتۋعا ىنتالاندىردى
انار بۇلت \ شينجياڭ گازەتىنىڭ تىلشىلەرى
تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسى اشىلىپ، جاڭا جورىقتا حالىقتىق شارۋاشىلىقتى جوعارى ساپالى دامىتۋ ۇلى جوسپارىن بىرگە اقىلداسىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن ىلگەرىلەتۋگە ءتىپتى دە پارمەندى ساياساتتىق تىرەك ازىرلەدى، ءارقايسى ايماق، وبلىس، قالالاردىڭ قاتىستى تاراۋلارىنداعى كادرلار جانە حالىقتىق كاسىپورىنشىلار ايرىقشا جەلپىنىپ، جىگەر - قايراتتارى ەسەلەپ ارتىپ، جابال مىنانى ءبىلدىردى: ”مەملەكەتتىڭ زور ءىسىن“ ەستە بەرىك ساقتاپ، ورايدى مىقتى يگەرىپ، قولايلى جاعدايدان پايدالانىپ العا ىلگەرىلەپ، ءورىس اشا جاڭالىق جاراتىپ، ناقتى شارالار ارقىلى حالىقتىق شارۋاشىلىقتىڭ زورايۋىن، ساپالىلانۋىن، كۇشەيۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ءتىپتى دە زور ۇلەس قوسامىز.
قىزمەت وتەۋدى ساپالىلاندىرىپ، حالىقتىق شارۋاشىلىقتىڭ ”تولقىن جارا ىلگەرىلەۋىنە“ كۇش ۇستەيمىز
تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسى مىنانى العا قويدى: حالىقتىق كاسىپورىنداردى جانە حالىقتىق كاسىپورىنشىلاردى شىن مانىندە ءوز ادامىمىزداي كورىپ، ءار دارەجەلى پارتكومدار، ۇكىمەتتەر حالىقتىق شارۋاشىلىقتىڭ دامۋىن جەبەۋ جاۋاپكەرشىلىگىن باتىل تياناقتاندىرىپ، تانىمدى جوعارىلاتىپ، يدەيانى ازات ەتىپ، العا ءوتىپ قىزمەت وتەپ، ىرىقتىلىقپەن ىسكەرلىك كورسەتىپ، كاسىپورىندارعا كومەكتەسۋ، كاسىپورىندارعا تيىمدىلىك جاساۋ ساياسات - شارالارىنىڭ ناقتىلانىپ، تياناقتانۋىن مىقتى يگەرىپ، حالىقتىق كاسىپورىنداردىڭ قيىنشىلىعىن، ماسەلەسىن دەر كەزىندە شەشۋىنە كومەكتەسۋى كەرەك.
”وسى رەتكى جينالىس ءبىزدىڭ حالىقتىق كاسىپورىندارعا قىزمەت وتەۋ قىزمەتىن جاقسى ىستەۋىمىزگە ايقىن باعىت نۇسقادى“. 11 - ايدىڭ 11 - كۇنى حوتان ايماقتىق ونەركاسىپ جانە ينفورماتسيالاندىرۋ مەكەمەسى كاسىپورىن ءبولىمىنىڭ باستىعى شيۇڭ ۋي مىنالاردى ءبىلدىردى: كەلەسى قادامدا، حوتان ايماقتىق ونەركاسىپ جانە ينفورماتسيالاندىرۋ مەكەمەسى پارتيانىڭ باسشىلىعىن حالىقتىق شارۋاشىلىق قىزمەتىنىڭ جالپى بارىسىندا، ءار جاعىندا تياناقتاندىرۋعا تاباندى بولىپ، نازاردى حالىقتىق شارۋاشىلىقتىڭ دامۋىنداعى قيىن ءتۇيىندى، بوگەتتى ءتۇيىندى ماسەلەلەرگە شوعىرلاندىرىپ، حالىقتىق شارۋاشىلىقتىڭ دامۋىنداعى ءتۇيىندى سالالار مەن شەشۋشى بۋىنداردى ءجىتى قاداعالاپ، شارۋاشىلىق قۇرۋعا، جاڭالىق جاراتۋعا قولداۋ كورسەتۋ، قارجى قۇراۋ بويىنشا قىزمەت وتەۋ، كاسىپ سالاسىنىڭ دەڭگەيىن جوعارىلاتۋ سياقتى جاقتارعا مىقتاپ كۇش سالىپ، حالىقتىق شارۋاشىلىقتىڭ دامۋىنا اناعۇرلىم قىزمەت وتەپ، حالىقتىق شارۋاشىلىقتىڭ زورايۋىن، كۇشەيۋىن ىلگەرىلەتىپ، حوتان ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىنا ءتىپتى دە كوپ ومىرشەڭدىك كۇش ۇستەيدى.
11 - ايدىڭ 11 - كۇنى تۇستەن بۇرىن قۇمىل جوعارى، جاڭا تەحنيكالىق كاسىپ سالاسىن اشۋ رايونىندا چيڭديان ەنەرگيا توبى چيڭديان فوتوۆولت شەكتى جاۋاپكەرشىلىك سەرىكتەستىگى قارجى قوسىپ سالعان فوتوۆولتتىق كرەمني نەگىزدى ۇلگى كورسەتۋ كاسىپ سالاسى باقشا نىسانى جابدىقتاردى سىناقتان وتكىزۋ كەزەڭىنە ءوتتى. اتالعان نىسانعا 4 ميلليارد يۋان قارجى قوسىلدى، باستى ءونىمى جالاڭ كريستالدى كرەمني تاياقشاسى جانە N تيپتى كرەمني جاپىراقشاسى. نىسان ءونىم مولشەرىنە جەتكەننەن كەيىن، جىلىنا 7 ميلليارد 600 ميلليون يۋان كىرىس كىرگىزىپ، 1400دەن استام ادامدى جۇمىستاندىرۋعا جەتەكتەيدى.
”سەرىكتەستىك قۇمىلعا ىرگە تەپكەن ءبىر جىلدان استام ۋاقىتتان بەرى، قالالىق پارتكومنىڭ، قالالىق ۇكىمەتتىڭ جانە قاتىستى تاراۋلاردىڭ قامقورلىعى مەن كومەكتەسۋىنە يە بولدى. الدىڭعى مەرزىمدىك جوبا جاساۋ، چەرتوجدى تەكسەرىپ بەكىتۋ سياقتى بارىستاردا قاتىستى تاراۋلار بىزگە جاسىل ارنا اشتى، تاعى زاۆود رايونىنا ارناۋلى ادام جىبەرىپ، ۇستىندە جەتەكشىلىك ەتىپ، ماسەلەلەردى شەشىپ، ءبىزدىڭ بار ىنتامىزبەن قۇرىلىستى يگەرۋىمىزگە مۇمكىندىك جاسادى“. چيڭديان فوتوۆولت شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى شياڭ چىڭكاي بىلاي دەدى: تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسىنىڭ اشىلۋى كاسىپورىنداردىڭ جوعارى ساپالى دامۋدى جۇزەگە اسىرۋ سەنىمى مەن بەكىمىن ونان ارى نىعايتا ءتۇستى.
باسىمدىقتى تەرەڭ اشىپ، حالىقتىق شارۋاشىلىقتىڭ ”تولىقسىپ جايقالۋىنا“ ءنار بەرەمىز
حالىقتىق كاسىپورىنداردىڭ ”قالامشادان“ ”ءزاۋلىم بايتەرەككە“ اينالۋى توپىراقتىڭ قۇنارلاندىرۋىنان، جاۋىننىڭ نارلەندىرۋىنەن ايرىلا المايدى.
”تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسىنىڭ اشىلۋى ورتاق تانىمدى اناعۇرلىم ۇيىستىرىپ، تۇتاس رايوننىڭ حالىقتىق شارۋاشىلىعىنىڭ اقاۋسىز دامۋىن پارمەندى ىلگەرىلەتەتىن بولادى“. قاشقار ايماقتىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى لي چياڭ مىنالاردى ءبىلدىردى: كەلەسى قادامدا، شينجياڭ ەركىن ساۋدا سىناق رايونى قاشقار اۋماعىنىڭ قۇرىلۋى سىندى كەلەلى ورايدى مىقتاپ يگەرىپ، اۆتونوميالى رايوننىڭ ”8 ءىرى كاسىپ سالاسى شوعىرىن“، ”ءبىر بەلدەۋ، ءبىر جول“ وزەكتى رايونى قۇرىلىسىن ارقاۋ ەتىپ، ءوز جەرىمىزدىڭ كاسىپ سالاسىنىڭ قازىرگى جاعدايىن، بايلىق قاسيەتىن، وڭىرلىك ورىن باسىمدىعىن جانە يقۋات ورنىن تياناق ەتىپ، قالىڭ حالىقتىق كاسىپورىنداردى شينجياڭنىڭ بايلىقتى اشۋىنا، پايدالانۋىنا جانە ءتۇيىندى نىساندارعا قارجى قوسۋ قۇرىلىسىنا بەلسەنە ات سالىسۋعا باستاپ، توڭىرەكتەگى ەلدەرمەن ەكونوميكا - ساۋدا اۋىس - كۇيىسىن، سەلبەستىگىن كۇشەيتىپ، وسىزاماندانعان كاسىپ سالاسى جۇيەسىن قۇرىپ، ازيا - ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن تۇلعالاۋدا ءتىپتى دە زور رول ساۋلەلەندىرەمىز.
سوڭعى جىلداردان بەرى، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىنىڭ قۇرىلۋىنا ساي، تارباعاتاي ايماعى جاڭا ومىرشەڭدىك كۇشىن ايگىلەدى. تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسىنىڭ اشىلۋى جەرگىلىكتى ورىننىڭ حالىقتىق شارۋاشىلىقتىڭ جوعارى ساپالى دامۋىن قالاي ىلگەرىلەتۋىنە ايقىن باعىت نۇسقادى. تارباعاتاي ايماقتىق پارتكوم بىرلىكساپ ءبولىمىنىڭ ورىنباسار باستىعى، ايماقتىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى ەركىن مىنالاردى ءبىلدىردى: بۇدان كەيىن تارباعاتاي ايماعى ”3 ءىرى ەكونوميكالىق بولىكتى“ دامىتۋ جۇلگەسىن ۇزدىكسىز ساپالىلاندىرىپ، تىرەكتىك رول اتقاراتىن ءبىرسىپىرا باستاماشى كاسىپورىنداردى باۋلىپ، باسىمدىققا يە كاسىپ سالاسىن زورايتادى، كۇشەيتەدى. دارىندىلار ارقىلى تارباعاتايدى قۇدىرەتتەندىرۋ ستراتەگياسىن بار كۇشپەن ىلگەرىلەتىپ، سىرتقا جىبەرىپ تاربيەلەۋ، ۇسىنىس ەتىپ اكەلىپ لەكسيا سويلەتۋ، بازاردان قابىلداۋ، جەرگىلىكتى ورىندا كۋرس اشۋ، قىزمەتكە ورنالاسۋدان ىلگەرى باۋلۋ سياقتى ىشتەن ەنگىزۋ، سىرتپەن بايلانىس جاساۋ ارناسى ارقىلى ءبىر توپ تاڭداۋلى كاسىپورىنشىلار قوسىنى مەن باسقارۋدى بىلەتىن، تيجاراتقا شەبەر تيجاراتشىلار قوسىنىن بار كۇشپەن تۇلعالايدى.
قوس باعىتتا كۇش سالىپ، حالىقتىق شارۋاشىلىقتىڭ ”سانى مەن ساپاسىنىڭ بىردەي جوعارىلاۋىن“ ىلگەرىلەتەمىز
حالىقتىق شارۋاشىلىقتىڭ ”سانى مەن ساپاسىنىڭ بىردەي جوعارىلاۋىن“ ىلگەرىلەتۋ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جۇزەگە اسىرۋ ۇكىمەت پەن كاسىپورىننىڭ ءبىر نيەتتە، قوس باعىتتا كۇش سالۋىن قاجەت ەتەدى.
بيىل جىل باسىنان بەرى، سانجى حۇيزۋ اۆتونوميالى وبلىسى حالىقتىق شارۋاشىلىققا قىزمەت وتەۋ شارالارىندا جاڭالىق اشىپ، ساۋداعا ىڭعايلى، ساۋداعا ءتيىمدى ساياساتتىق ورتانى، تەز ءارى ءونىمدى قارجى قۇراۋ ورتاسىن، جوعارى ساپالى دامۋدىڭ شارۋاشىلىق ورتاسىن، ءادىل دە جاريا زاڭمەن باسقارۋ ورتاسىن كۇش سالا تۇلعالاپ، حالىقتىق شارۋاشىلىقتىڭ جوعارى ساپالى دامۋىن بار كۇشپەن ىلگەرىلەتتى. تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسىنىڭ اشىلۋى شينجياڭ حۇي - ىر اۋىل شارۋاشىلىعى توبى جارنا شەكتى سەرىكتەستىگىنىڭ ”اۋىل شارۋاشىلىعى ءوندىرىسىن ءتىپتى دە زەردەلىلەندىرۋ، ءتىپتى دە جوعارى ءونىمدى ەتۋ، ءتىپتى دە باياندى ەتۋ“ بورىش، مىندەتىندەگى سەنىمىن اناعۇرلىم نىعايتا ءتۇستى.
”ءبىز حالىقتىق كاسىپورىنداردىڭ ەكونوميكالىق، قوعامدىق دامۋداعى ماڭىزدى رولىن ونان ارى ساۋلەلەندىرىپ، پارتيا مەن مەملەكەتتىڭ ۇندەۋىنە بەلسەنە ءۇن قوسىپ، كاسىپورىن قىزمەتكەرلەرىن ءورىس اشا جاڭالىق جاراتۋعا جەتەكتەپ، كاسىپورىننىڭ باياندى دامۋىن جۇزەگە اسىرۋمەن بىرگە، اۋىل شارۋاشىلىعىنىڭ جاسىل دامۋى مەن اۋىل شارۋاشىلىعى ءوندىرىسىنىڭ وزىندىك قۇندى ۇنەمدەپ، ونىمدىلىكتى ارتتىرۋىن ۇزدىكسىز ىلگەرىلەتىپ، اۋىل - قىستاق ەكونوميكاسىنىڭ دامۋى مەن ديقانداردىڭ كىرىستى ارتتىرىپ، بايۋىنا كۇش ۇستەيمىز“، - دەدى شينجياڭ حۇي - ىر اۋىل شارۋاشىلىعى توبى جارنا شەكتى سەرىكتەستىگىنىڭ باسالقاسى لي باۋچياڭ.
11 - ايدىڭ 11 - كۇنى اقسۋ ساۋدا - ساتتىق زات اينالىمى كاسىپ سالاسى باقشاسىنداعى شينجياڭ يگەر ازىق - تۇلىك شەكتى سەرىكتەستىگىندە سەرىكتەستىكتىڭ باس ديرەكتورى لي لينشيا ءبىر جاعىنان، ءوندىرىس جەلىسىندەگى ازىق - تۇلىكتىڭ ساپاسىن قاتاڭ مەڭگەرسە، ەندى ءبىر جاعىنان، جاقىندا وتكىزىلەتىن اقسۋ قالاسىنىڭ ءدامدى تاعامدار جارىسىندا ءوز ونەرىن كوپكە قالاي تانىتۋدى جوسپارلاپ جاتتى.
20 نەشە جىلدىڭ الدىندا، لي لينشيا اقسۋ قالاسىنا كەلىپ كىشكەنە شەبەرحانادان باستاپ كىرىسىپ، بۇگىنگى كۇندە قاقتالعان ازىق - تۇلىك، لەزدىك توڭازىتىلعان ازىق - تۇلىك، جەمىس شىرىنى سۋسىنى سياقتى ونىمدەردى كولەمدى وندىرەتىن حالىقتىق كاسىپورىن بولىپ دامىدى، ءوزى دە جەرگىلىكتى ورىنداعى تاڭداۋلى كاسىپورىنشىعا اينالدى. ”تۇتاس رايوننىڭ حالىقتىق شارۋاشىلىقتى جوعارى ساپالى دامىتۋ جينالىسىنىڭ اشىلۋى مەنى توتەنشە جىگەرىلەندىردى. شارۋاشىلىق قۇرعان 20 نەشە جىلدان بەرى، پارتيا مەن ۇكىمەتتىڭ حالىقتىق كاسىپورىنشىلاردى باستان - اياق ءوز ادامىنداي كورگەنىن تەرەڭ سەزىندىم، بۇل ءبىز حالىقتىق كاسىپورىنداردىڭ ەڭ كۇشتى سۇيەنىشى. مەن كاسىپورىننىڭ بولاشاقتاعى دامۋىنا نىق سەنىمدەمىن ءارى ۇزدىكسىز ءورىس اشا جاڭالىق جاراتىپ، شينجياڭ سىندى قارجى قوسىپ، شارۋاشىلىقتى گۇلدەندىرەتىن وسىناۋ ىرىستى توپىراقتا ۇزدىكسىز دامىپ زورايامىن“، - دەدى لي لينشيا.
