انار بۇلت \ شينجياڭ گازەتىنىڭ ءتىلشىسى جاڭ يۇنمەي 11 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسى اشقان ”اۆتونوميالى رايوندىق ساياسي كەڭەستىڭ 2023 - جىلعى ءتۇيىندى ۇسىنىس جوبالارىنىڭ ءبىتىرىلۋ جاعدايى“ جونىندەگى اقپار جاريالاۋ ماجىلىسىنەن ۇعىسۋىمىزشا، بيىل اۆتونوميالى رايوندىق ساياسي كەڭەس تۇراقتاندىرعان 15 ءتۇيىندى ۇسىنىس جوبا تۇگەلدەي قۋزالىپ بىتىرىلگەن جانە جاۋاپ قايتارىلعان، ۇسىنىس جوبا قويۋشىلار ءبىتىرىلۋ ناتيجەسىنە دەرلىك رازى ەكەندىكتەرىن بىلدىرگەن.
اۆتونوميالى رايوندىق ساياسي كەڭەس 13 - كەزەكتى كوميتەتىنىڭ 1 - ماجىلىسىنەن بەرى، اۆتونوميالى رايوندىق ساياسي كەڭەس مۇشەلەرى اۆتونوميالى رايوندىق پارتكوم مەن ۇكىمەتتىڭ وزەكتى قىزمەتىن ارقاۋ ەتىپ، جيىنى 624 ۇسىنىس جوبا تاپسىرعان ءارى تەكسەرۋ ارقىلى ەستەلىككە الىنىپ بىتىرۋگە تاپسىرىلعان. اۆتونوميالى رايوندىق ساياسي كەڭەس قاتىستى ءتۇزىم جانە قىزمەت ءتارتىبى بويىنشا، بۇلاردىڭ اراسىنان 15 ءتۇيىندى ۇسىنىس جوبانى تاڭداپ تۇراقتاندىردى، بۇلاردى جەكە - جەكە اۆتونوميالى رايوندىق پارتيا مەن ۇكىمەت باسشىلارى بىتىرۋگە قۋزاۋشىلىق ەتتى، قاتىستى تاراۋلار ناقتى ۇستىنە الىپ ءبىتىردى.
اۆتونوميالى رايوندىق ساياسي كەڭەس ۇسىنىس جوبا كوميتەتىنىڭ مەڭگەرۋشىسى لي چى بىلاي دەپ تانىستىردى: 15 ءتۇيىندى ۇسىنىس جوبا ەكونوميكالىق قۇرىلىسقا قاتىستى 4 جوبانى، ساياسي قۇرىلىسقا قاتىستى 5 جوبانى، مادەنيەت قۇرىلىسىنا قاتىستى 3 جوبانى، قوعامدىق قۇرىلىسقا قاتىستى 2 جوبانى، ەكولوگيالىق وركەنيەت قۇرىلىسىنا قاتىستى ءبىر جوبانى قامتيدى، مازمۇنى جۇڭحۋا ۇلتى ورتاق تۇلعا تانىمىن بەرىك ورناتۋ، ۇلتتار ىنتىماعى، العاباسارلىعى بويىنشا وزات ورىن قۇرۋدى كۇشەيتۋ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ، دارىندىلار جاعىندا قۋاتتى رايون قۇرۋ ستراتەگياسىن اتقارۋ، نەگىزگى ساتىنى باسقارۋدىڭ زاڭمەن باسقارىلۋ دەڭگەيىن جوعارىلاتۋ، جاڭا ەنەرگيا كاسىپ سالاسىنىڭ جوعارى ساپالى دامۋىن ىلگەرىلەتۋ سياقتىلارعا سايادى.
ۇسىنىس جوبالاردى ءبىتىرۋ قىزمەتىن كۇشەيتۋ ءۇشىن، اۆتونوميالى رايوندىق ساياسي كەڭەس ءار جىلى بارلىق ۇسىنىس جوبانىڭ اراسىنان ءبىرقانشا ءتۇيىندى ۇسىنىس جوبانى تاڭداپ بىتىرۋگە قۋزاۋشىلىق ەتىپ، ءتۇيىن ارقىلى اۋماقتى جەتەكتەپ، ۇسىنىس جوبا قىزمەتىنىڭ جالپى تۇلعالىق ساپاسىنىڭ جوعارىلاۋىن جەبەيدى. جاسامپازدىق سيپاتتى تۇزىمدىك ورنالاستىرۋ رەتىندە، 2022 - جىلى 1 - ايدا اشىلعان اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنەن باستاپ، ءتۇيىندى ۇسىنىس جوبالاردى اۆتونوميالى رايوننىڭ پارتيا مەن ۇكىمەت نەگىزگى باسشىلارى، ساياسي كەڭەس ءتوراعاسى، پارتكومنىڭ ورىنباسار شۋجيلەرى، سونداي - اق پارتكومنىڭ تۇراقتى مۇشەلەرى جەكە - جەكە بىتىرۋگە قۋزاۋشىلىق ەتەتىن بولدى.
بيىل اۆتونوميالى رايوندىق ساياسي كەڭەس ”پارتيا مەن ۇكىمەت باسشىلارى ءتۇيىندى ۇسىنىس جوبالاردى بىتىرۋگە باستاماشىلدىقپەن قۋزاۋشىلىق ەتۋ“ مىندەت اتقارۋ ماركاسىن دەن قويا تۇلعالادى، ءتۇيىندى ۇسىنىس جوبالاردى بىتىرۋگە قۋزاۋشىلىق ەتۋ قىزمەتى ەرتە باستالىپ، تەز ارەكەتتەنىپ، بىتىرۋگە قۋزاۋشىلىق ەتەتىن باسشىلار جوبانى وزدەرى ورنالاستىردى، جاسادى، ۇستىنە الىپ بىتىرەتىن مەكەمە - ورىندار سايكەسە بىرلەسىپ قيمىلداپ، ارناۋلى ءبىتىرىپ، قۋزاۋشىلىق ەتىپ ءبىتىرۋ قىزمەتى ولشەمدى دە ءتارتىپتى بولدى.
”اۆتونوميالى رايوننىڭ پارتيا مەن ۇكىمەت باسشىلارىنىڭ ءتۇيىندى ۇسىنىس جوبالاردى بىتىرۋگە باستاماشىلدىقپەن قۋزاۋشىلىق ەتۋى ساياسي كەڭەس مۇشەلەرىن جوعارى ساپالى ۇسىنىس جوبا تاپسىرۋعا جەتەكتەۋ، ۇسىنىس جوبانى ۇستىنە الىپ بىتىرەتىن مەكەمە - ورىنداردىڭ ءبىتىرۋ ونىمدىلىگىن كۇشەيتۋىن جەبەۋ، ەكونوميكانىڭ، قوعامنىڭ گۇلدەنۋىن، دامۋىن دەمەۋ سياقتى جاقتاردا بەلسەندى رول اتقاردى“. لي چى مىنالاردى ءبىلدىردى: الدا ءتۇيىندى ۇسىنىس جوبا بەرۋگە ۇيىمداستىرۋدى، باۋلۋدى كۇشەيتىپ، جاسامپازدىق سيپاتتى وسى ءتۇزىمدى ۇزدىكسىز كەمەلدەندىرىپ، ۇسىنىس جوبانىڭ باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى وزگەشە رولىن اناعۇرلىم ويداعىداي ساۋلەلەندىرىپ، ءتۇيىندى ۇسىنىس جوبالاردىڭ ەرەكشە، ءونىمدى بىتىرىلۋىنە كۇش سالامىز.
