انار بۇلت \ شينجياڭ گازەتىنىڭ ءتىلشىسى گو چيان 11 - ايدىڭ 13 - كۇنى ۇرىمجىدەن حابارلايدى. 11 - ايدىڭ 12 - كۇنى جۇڭگو (شينجياڭ) ەركىن ساۋدا سىناق رايونى ءۇرىمجى اۋماعى ارناۋلى تاقىرىپتىق لەكسيا وتكىزدى. اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قاتىناستى.
ساۋدا ىستەرى مينيسترلىگى حالىقارالىق ساۋدا - ەكونوميكا سەلبەستىگىن زەرتتەۋ ورنىنىڭ ورىنباسار باستىعى سۇي ۋيجيە ۇسىنىس بويىنشا ارناۋلى تاقىرىپتىق لەكسيا جاسادى. سۇي ۋيجيە ساياساتتىق تالداۋعا جانە نازاريا امالياتىنا ۇشتاستىرا وتىرىپ، ەركىن ساۋدا سىناق رايونى قۇرىلىسىنىڭ كەلەلى ءمانىن تەرەڭ ءتۇسىنۋدى، ەركىن ساۋدا سىناق رايونى قۇرىلىسىنىڭ ماندىك تالابىن يگەرۋدى، ەركىن ساۋدا سىناق رايونىنىڭ دەڭگەيىن ءوسىرۋ ستراتەگياسىن اتقارۋدا كوڭىل بولۋگە ءتيىستى ماسەلەلەردى ايقىنداۋدى، ەركىن ساۋدا سىناق رايونىنىڭ دەڭگەيىن ءوسىرۋ ستراتەگياسىن جوعارى ساپالى اتقارۋداعى قىزمەت ۇسىنىستارى سياقتى جاقتاردى ارقاۋ ەتىپ، ەركىن ساۋدا سىناق رايونىنىڭ دەڭگەيىن ءوسىرۋ ستراتەگياسىن اتقارۋدىڭ ءداۋىر ارتقى كورىنىسى، كەلەلى ءمانى، ءتۇيىندى مىندەتى سياقتىلاردى جۇيەلى، تەرەڭ بايىمداپ، بۇكىل ەلدەگى باسقا دا ۇزدىك ەركىن ساۋدا سىناق رايوندارى قۇرىلىسىنىڭ دامۋىنداعى كەمەلدى تاجىريبەلەرىن تانىستىردى، سونداي - اق ءىس جۇزىندىكپەن تىعىز ۇشتاستىرىپ، ءۇرىمجىنىڭ مەملەكەتتىڭ كەلەلى ستراتەگياسىنا ىرىقتىلىقپەن قىزمەت وتەۋى جانە ونىمەن توعىسۋى، شينجياڭ ەركىن ساۋدا سىناق رايونى ءۇرىمجى اۋماعىنىڭ قۇرىلىسىن ىلگەرىلەتۋى جونىندە باعىتتامالى، سىندارلى پىكىر ايتتى.
3 ساعاتقا تاياۋ لەكسيا سول ورىنداعى پارتيا مۇشەلەرىن، كادرلاردى تەرەڭ اسەرگە بولەدى جانە تاربيەلەدى. كوپشىلىك مىنالاردى ءبىلدىردى: تۇتاس لەكسيانىڭ كوز اياسى كەڭ، مازمۇنى مول، ساندى مالىمەتى كەمەلدى، مىسالى جاندى، ءارى نازاريالىق بيىكتىككە ءارى امالياتتىق تەرەڭدىككە، ءارى ماكرولىق تۇرعىعا ءارى ناقتى تالداۋ جاساۋعا يە بولىپ، جاڭا دامۋ ارناسىنا قىزمەت وتەپ جانە ونىمەن توعىسىپ، جوعارى دەڭگەيدە سىرتقا ەسىك اشۋدى ىلگەرىلەتىپ، تۇزىمدە جاڭالىق اشۋ سىندى وسى وزەكتى مىقتاپ يگەرىپ، شينجياڭ ەركىن ساۋدا سىناق رايونى ءۇرىمجى اۋماعى قۇرىلىسىن جوعارى ولشەمدە، جوعارى ساپادا ىلگەرىلەتۋ جونىنەن جەتەكشىلىك مانگە يە. بۇدان بىلايعى قىزمەت بارىسىندا، يدەيا مەن ارەكەتتى باس شۋجي شي جينپيڭنىڭ ەركىن ساۋدا سىناق رايونى قۇرىلىسى جونىندەگى ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ساياسي دەڭگەيدى جوعارىلاتىپ، بورىش ارقالاۋدى كۇشەيتىپ، قىزمەت تەبىنىن ارتتىرىپ، ەركىن ساۋدا سىناق رايونىنىڭ ءتۇرلى ساياساتتارىنىڭ تياناقتانۋىن جەدەل ىلگەرىلەتەمىز.
بۇل رەتكى لەكسيا جۇڭگو (شينجياڭ) ەركىن ساۋدا سىناق رايونى ءۇرىمجى اۋماعى ارناۋلى تاقىرىپتىق لەكسياسىنىڭ 1 - كەزەگى، وسىدان كەيىنگى كەزدەردە ەل ءىشى ەركىن ساۋدا سىناق رايونىن زەرتتەۋ سالاسىنداعى مامانداردى، وقىمىستىلاردى ارناۋلى تاقىرىپتا ساباق بەرۋگە ۇزدىكسىز ۇسىنىس ەتىپ، مامانداردىڭ اقىل - پاراساتىن شوعىرلاندىرىپ، كادرلاردىڭ قابىلەتىن ءوسىرىپ، شينجياڭ ەركىن ساۋدا سىناق رايونى ءۇرىمجى اۋماعى قۇرىلىسىنا تىرەك ازىرلەيدى.
