جاڭا داۋىردەگى ءتارتىپ تەكسەرۋ، باقىلاۋ - تەكسەرۋ جۇيەسىندەگى ۇزدىك تيپتەردىڭ ىزگى ىستەرىنەن بايانداما جاساۋ جينالىسى ۇرىمجىدە وتكىزىلدى

جاڭا داۋىردەگى ءتارتىپ تەكسەرۋ، باقىلاۋ - تەكسەرۋ جۇيەسىندەگى ۇزدىك تيپتەردىڭ ىزگى ىستەرىنەن بايانداما جاساۋ جينالىسى ۇرىمجىدە وتكىزىلدى

　　ما شيڭرۇي بايانداما جاساۋ ۇيىرمەسىندەگىلەرمەن كەزدەستى

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، جاڭ لەي 11 - ايدىڭ 13 - كۇنى ۇرىمجىدەن حابارلايدى. 11 - ايدىڭ 13 - كۇنى تۇستەن بۇرىن جاڭا داۋىردەگى ءتارتىپ تەكسەرۋ، باقىلاۋ - تەكسەرۋ جۇيەسىندەگى ۇزدىك تيپتەردىڭ ىزگى ىستەرىنەن بايانداما جاساۋ جينالىسى ۇرىمجىدە وتكىزىلدى.

　　اۆتونوميالى رايوندىق پارتكومنىڭ شۋجيى ما شيڭرۇي 11 - ايدىڭ 12 - كۇنى تۇستەن كەيىن بايانداما جاساۋ ۇيىرمەسىندەگىلەرمەن كەزدەستى. ما شيڭرۇي اۆتونوميالى رايوندىق پارتكوم مەن ۇكىمەت اتىنان بايانداما جاساۋ ۇيىرمەسىندەگىلەردىڭ كەلگەندىگىن قارسى الدى. ول بىلاي دەدى: جوۋ يىڭ، ۋي گوچۋان، لي شيا، لي جىجۇن جولداستاردى ۋاكىل ەتكەن ءتارتىپ تەكسەرۋ، باقىلاۋ - تەكسەرۋ جۇيەسىندەگى ۇزدىك تيپتەر ءىس جۇزىندىك ارەكەتتەرىمەن جاڭا داۋىردەگى ءتارتىپ تەكسەرۋ، باقىلاۋ - تەكسەرۋ كادرلارىنىڭ ادال، باتىل، قالتقىسىز بولىپ، تايسالماي، العان بەتىنەن قايتپاي پارتيا مەن حالىقتىڭ ادال قورعاۋشىسى بولعان قۇرىش قوسىندىق جاۋاپكەرشىلىك ارقالاۋى مەن قۇرىش قوسىندىق وبرازىن ايگىلەپ، بىزگە ونەگە جانە ۇلگى ورناتتى. بۇكىل رايونداعى ءتارتىپ تەكسەرۋ، باقىلاۋ - تەكسەرۋ كادرلارى باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيەگە قاتىناسۋدى، تاربيەلەۋدى، رەتتەۋدى وراي ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ۇلگىلەردىڭ ىزگى ىستەرىنەن ەكپىندەي ىلگەرىلەيتىن شىنايى كۇش - قۋات الىپ، اۋەلگى ماقساتتى، بورىشتى ەستە بەرىك ساقتاپ، سەنىمدى، نانىمدى بەكەمدەپ، پارتياعا ادال بولىپ، ەرلىكپەن اۋىر جۇك ارقالاپ، باتىلدىقپەن قاتاڭ شايقاس جۇرگىزىپ، شەبەرلىكپەن كۇرەس جاساپ، قابىلەتىن، ونەرىن ۇزدىكسىز كۇشەيتىپ، قىزمەت ستيلىندە بۇرىلىس جاساپ، پاكتىك تومەنگى شەگىن بەرىك ساقتاپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا اقىل - پاراسات جانە كۇش - قۋات ارناۋى كەرەك.

　　بايانداما جاساۋ جينالىسىندا شاڭحاي قالالىق ءتارتىپ تەكسەرۋ كوميتەتىندەگى، باقىلاۋ - تەكسەرۋ كوميتەتىندەگى ءتارتىپ تەكسەرۋ، باقىلاۋ - تەكسەرۋ كادرلارىن باقىلاۋ كەڭسەسىنىڭ مەڭگەرۋشىسى جوۋ يىڭ، سىچۋان ولكەسى گانزى زاڭزۋ اۆتونوميالى وبلىسى دىرۇڭ اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى ۋي گوچۋان، انحۇي ولكەسى شۋانچىڭ قالاسى جيشي اۋدانى جيڭجوۋ اۋىلدىق ءتارتىپ تەكسەرۋ كوميتەتىنىڭ بۇرىنعى شۋجيى لي شيانىڭ ىزگى ىستەرىنەن لەكسيا جاساۋشى باۋ لۋ، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتىنىڭ شۇعىل جاعدايعا توتەپ بەرۋدى باسقارۋ مينيسترلىگىندە تۇراتىن ءتارتىپ تەكسەرۋ، باقىلاۋ - تەكسەرۋ گرۋپپاسى 1 - كەڭسەسىنىڭ مەڭگەرۋشىسى لي جىجۇن سياقتى بايانداما جاساۋ ۇيىرمەسىنىڭ 4 مۇشەسى قاراپايىم ءتىل، اسەرلى ىستەر ارقىلى جاڭا داۋىردەگى ءتارتىپ تەكسەرۋ، باقىلاۋ - تەكسەرۋ كادرلارىنىڭ ادال، كىرشىكسىز بولعان، جاۋاپكەرشىلىك ارقالايتىن، شەبەرلىكپەن كۇرەس جاساۋعا باتىل ۇزدىك ىزگى ىستەرى مەن اسەرلى حيكايالارىن ءار تۇرعىدان باياندادى. وسى ۇزدىك تيپتەردىڭ اراسىندا شىرىكتەسۋشىلەرمەن ۇزاق ۋاقىت بەتپە - بەت بەلدەسكەن تەرگەۋشى، تەكسەرۋشى ”الماس سەمسەرلەر“ بار، ”وتتەگى جەتىسپەسە دە، رۋحى قايتپايتىن“ قارلى ءۇستىرت ساياسي ەكولوگياسىنىڭ ”ورمان قورعاۋشىلارى“ دا بار، نەگىزگى ساتىنىڭ ءبىرىنشى شەبىندە جانقيارلىقپەن شايقاس جاساپ، قىمباتتى ءومىرىن ارناعان ءداۋىر ونەگەلەرى بار، جىبەرىلگەن ورىندا باقىلاۋ قىزمەت جاۋاپكەرشىلىگىن اتقارۋدى تياناق ەتە وتىرىپ، بەرىك ومىرتقانى، قۇرىش يىقتى شىڭداپ، ناعىز قابىلەت جەتىلدىرگەن ادال قورعاۋشىلار دا بار. بايانداما جاساۋ جينالىسى جينالىسقا قاتىناسقاندارمەن كۇشتى ۇندەستىك تۋدىرىپ، جينالىس الاڭىندا كوپ رەت قىزۋ شاپالاق ءۇنى كوتەرىلدى.

　　تيان شياڭلي كەزدەسۋگە قاتىناستى ءارى بايانداما جاساۋ جينالىسىن باسقاردى. جياڭ شينجۇن كەزدەسۋگە جانە بايانداما جاساۋ جينالىسىنا قاتىناستى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى 8 - قۋزاۋ - جەتەكشىلىك ەتۋ گرۋپپاسىنىڭ باستىعى تيان يە جانە قۋزاۋ - جەتەكشىلىك ەتۋ گرۋپپاسىنىڭ بارلىق مۇشەلەرى، اۆتونوميالى رايونداعى 7200دەن استام ءتارتىپ تەكسەرۋ، باقىلاۋ - تەكسەرۋ كادرى بايانداما جاساۋ جينالىسىنا قاتىناستى. بايانداما جاساۋ جينالىسى بەينە ەكران فورماسىندا وتكىزىلىپ، ايماق، وبلىس، قالالاردىڭ، اۋدان، قالا، رايونداردىڭ جانە بيڭتۋاننىڭ ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگاندارىندا، ءارقايسى شى، قالادا بولىمشە جينالىس الاڭى ورنالاستىرىلدى.