انار بۇلت \ شينجياڭ گازەتىنىڭ ءتىلشىسى گو ليڭ 11 - ايدىڭ 8 - كۇنى ۇرىمجىدەن حابارلايدى. باس شۋجي شي جينپيڭنىڭ تۋ تاپسىرعاندا بەرگەن ءتالىمىنىڭ رۋحىن ۇيرەنۋ، دايەكتىلەندىرۋدىڭ 5 جىلدىعى جانە ”119“ ورتتەن ساقتانۋ ۇگىت ايى قيمىلىنىڭ باستالۋ سالتى 11 - ايدىڭ 8 - كۇنى ءۇرىمجى قالاسىندا وتكىزىلدى، جەر - جەر قاتىستى قيمىلداردى تەڭ جۇرگىزدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، ورتتەن ساقتانۋ حاۋىپسىزدىك كوميتەتىنىڭ مەڭگەرۋشىسى ءيۇسۇپجان مامەت قيمىلعا قاتىناستى ءارى ارناۋ ءسوز سويلەدى. ول بىلاي دەدى: سوڭعى جىلدارى اۆتونوميالى رايوندىق پارتكومنىڭ پارمەندى باسشىلىعىندا، تۇتاس رايونداعى ءورت ءسوندىرۋ، قۇتقارۋ - كومەكتەسۋ قوسىنى باس شۋجي شي جينپيڭنىڭ شۇعىل جاعدايعا توتەپ بەرۋدى باسقارۋ جونىندەگى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، ”حالىقتى بارىنەن جوعارى قويۋ، ءومىردى بارىنەن جوعارى قويۋ“ ۇستانىمىن مۇقيات امالياتتا ايگىلەپ، ورتتەن ساقتانۋ زاڭىن، زاڭ ەرەجەلەرىن ىشكەرىلەي ۇگىتتەپ، دايەكتىلەندىرىپ، ورتتەن ساقتانۋ حاۋىپسىزدىك جاۋاپكەرشىلىك ءتۇزىمىن تياناقتاندىرۋدى زور كۇشپەن ىلگەرىلەتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ جالپىلىق قۋاتىن جالپى بەتتىك جوعارىلاتىپ، ءتۇرلى اپاتتاردى، شىرعالاڭداردى عىلمي جولمەن، جوعارى ونىمدىلىكپەن ءبىر جاقتى ەتىپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ جاراسىمدىلىعىن، ورنىقتىلىعىن بار كۇشپەن قورعادى. جاڭا جاعداي، جاڭا مىندەت الدىندا، جەر - جەر، تاراۋلار، ورىندار باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ساياسي سانالىلىقتى، يدەيالىق سانالىلىقتى، ارەكەت سانالىلىعىن ونان ارى كۇشەيتىپ، دامۋ مەن حاۋىپسىزدىكتى ءتىپتى دە جاقسى ءبىر تۇتاس جوسپارلاپ، قاراستى ورىن جاۋاپكەرشىلىگىن، كاسىپ سالاسىنىڭ باقىلاۋ - باسقارۋ جاۋاپكەرشىلىگىن، كاسىپورىنداردىڭ تۇلعالىق جاۋاپكەرشىلىگىن باتىل تياناقتاندىرىپ، ءتۇرلى حاۋىپ - قاتەرلەردەن ساقتانۋ - تىزگىندەۋ شارالارىن كۇش سالا تياناقتاندىرىپ، ورتتەن ساقتانۋ حاۋىپسىزدىك جاعدايىن باتىل ورنىقتىرىپ، ءىس جۇزىندىك ارەكەت ارقىلى تۇتاس رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا كۇش ۇستەۋ كەرەك.
قيمىلدا ”حالىققا مالىمەت بەرۋ“ نەگىزگى تاقىرىپتىق ادەبيەت - كوركەمونەر كونسەرتى، ءورت ءسوندىرۋ اۆتوكولىكتەرى، جابدىقتارى كورمەسى، بيىك عيماراتتاعى ءورت اپاتىنان قۇتقارۋ، ءورت ءوشىرۋ، قۇتقارۋ - كومەكتەسۋ مانەۆرى، حيميا ونەركاسىپتىك ءورت ءسوندىرۋ، قۇتقارۋ - كومەكتەسۋ مانەۆرى سياقتى بۋىندار ورنالاستىرىلىپ، شينجياڭ ءورت ءسوندىرۋ، قۇتقارۋ - كومەكتەسۋ قوسىنىنىڭ سايكەسە شايقاس جۇرگىزۋ جانە قوعامنىڭ بىرلەسىپ ارەكەتتەنۋ دەڭگەيى جالپى بەتتىك سىننان وتكىزىلدى.
