انار بۇلت \ شينجياڭ گازەتىنىڭ ءتىلشىسى يىن لۋ 11 - ايدىڭ 8 - كۇنى ۇرىمجىدەن حابارلايدى. 11 - ايدىڭ 8 - كۇنى شينجياڭ اقپارات سالاسى 24 - رەتكى جۇڭگو تىلشىلەر مەرەكەسىن قۇتتىقتاۋ اڭگىمە ءماجىلىسىن وتكىزىپ، 33 - كەزەكتى جۇڭگو اقپارات سيلىعىنىڭ، 33 - كەزەكتى شينجياڭ اقپارات سيلىعىنىڭ يەگەرلەرىن جانە اۆتونوميالى رايوننىڭ 10 ۇزدىك اقپارات قىزمەتكەرىن ماداقتادى، سيلادى.
جىل باسىنان بەرى بۇكىل رايونىمىزداعى قالىڭ اقپارات قىزمەتكەرى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ىشكەرىلەي ۇگىتتەدى، ءتۇسىندىردى، شي جينپيڭ مادەنيەت يدەياسىن ۇگىتتەدى، ءتۇسىندىردى؛ باس شۋجي شي جينپيڭنىڭ اۆتونوميالى رايوننىڭ جانە شينجياڭ ءوندىرىس - قۇرىلىس بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، اۆتونوميالى رايوندىق پارتكومنىڭ وزەكتى قىزمەتىن مىقتاپ ارقاۋ ەتىپ، ءبىر قىدىرۋ جىلۋى، تەرەڭدىگى، بيىكتىگى، تۇرعىسى بار تاڭداۋلى تۋىندىلاردى جاراتىپ جاريالاپ، شينجياڭنىڭ اشىق، سەنىمدى جاڭا بەينەسىن، جاڭا رايىن ايگىلەپ، جاڭا داۋىردەگى شينجياڭ حيكايالارىن كوپ ارنامەن، كوپ تاسىلمەن ويداعىداي باياندادى.
اڭگىمە ماجىلىسىندە ورتالىقتىڭ شينجياڭداعى مەديالارىنىڭ ۋاكىلدەرى، جۇڭگو اقپارات سيلىعى، شينجياڭ اقپارات سيلىعى يەگەرلەرىنىڭ ۋاكىلدەرى، 25 - كەزەكتى ”اۆتونوميالى رايوننىڭ 10 ۇزدىك اقپارات قىزمەتكەرى“ داڭقتى اتاعىنا يە بولعانداردىڭ ۋاكىلدەرى، اقپارات قىزمەتىمەن شۇعىلدانعاندىعىنا 30 جىلدان اسقان بىلىكتى اقپارات قىزمەتكەرى داڭقتى اتاعىنا يە بولعانداردىڭ ۋاكىلدەرى شي جينپيڭ مادەنيەت يدەياسىن ىشكەرىلەي ۇيرەنۋدى، دايەكتىلەندىرۋدى ارقاۋ ەتىپ، وزدەرىنىڭ ءتول كەشىرمەلەرىنە جانە شىنايى سەزىنۋلەرىنە ۇشتاستىرىپ، جاڭا داۋىردەگى اقپارات ىستەرىنىڭ مىندەتىن، بورىشىن بىرگە تالقىلاپ، پارتيا مەديالارىنىڭ نەگىزگى ارنا، نەگىزگى شەپ، نەگىزگى قوسىن رولىن قالاي تولىق ساۋلەلەندىرۋ جونىندە بۇكپەسىز اڭگىمەلەسىپ، جاڭا داۋىردەگى شينجياڭ حيكايالارىن ويداعىداي بايانداۋ جولدارىن قاراستىردى.
كوپشىلىك مىنالاردى ءبىلدىردى: ساياسي دەڭگەيدى جوعارىلاتىپ، جاڭا بورىش ارقالايمىز. ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ باتىل ورىنداۋ بيىگىندە تۇرىپ، شي جينپيڭ مادەنيەت يدەياسىن جانە پارتيانىڭ اقپارات قوعامدىق پىكىر قىزمەتىنىڭ ”48 ارىپتىك باعىتىن“ سانالى تۇردە قىزمەتتەردىڭ ءار جاقتارىندا جانە تۇتاس بارىسىندا دايەكتىلەندىرىپ، تياناقتاندىرىپ، پارتيانىڭ مەديالاردى باسقارۋىن ناقتاپ تياناقتاندىرىپ، تۋ ۇستاۋ، جۇرت تىلەگىن ۇيىستىرۋ، جاڭا ادام تاربيەلەۋ، مادەنيەتتى وركەندەتۋ، وبراز ايگىلەۋ داڭقتى بورىشىن شىنايى ارقالاپ، نازاردى پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ سىندى وسى ماڭداي الدى ساياسي مىندەتكە شوعىرلاندىرىپ، شي جينپيڭ مادەنيەت يدەياسىن ۇگىتتەۋدى، ءتۇسىندىرۋدى ۇزاق مەزگىلدىك ماڭىزدى مىندەت ەتىپ، جاسامپاز نازاريانىڭ كۇشتى ءتۇسىندىرۋ قابىلەتى، يلاندىرۋ قابىلەتى ارقىلى حالىق بۇقاراسىنىڭ العان بەتىنەن قايتپاي پارتياعا ىلەسۋ سەنىمىن قاۋلاتىپ، شي جينپيڭ مادەنيەت يدەياسىنا سايكەسەتىن اقپارات قاسيەتىن، اقپارات كۇشىن قالىپتاستىرامىز. تۋراشىلدىقتان اينىماي جاڭالىق اشۋعا تاباندى بولىپ، نەگىزگى اۋەندى اسقاقتاتامىز. وزەكتى مىقتاپ ارقاۋ ەتىپ، كەلەلى جاعدايعا قىزمەت وتەپ، ىنتىماقتى، ورنىقتىلىقتى، تالپىنىستى، ۇنامدى ۇگىتتى نەگىز ەتۋ باعدارىنان جازباي، ايشىقتى، مەيىرىمدى، ىنتالى ”قۇبىلىس دەڭگەيلى“ ءبىر قىدىرۋ ۇگىت ونىمدەرىن جاسامپازدىقپەن جاراتىپ، جاڭا داۋىردەگى شينجياڭ حيكايالارىن ءماندى دە ءساندى ويداعىداي اڭگىمەلەپ، شينجياڭنىڭ جوعارى ساپالى دامۋىنىڭ جاڭا تاراۋىن جازۋعا وڭ ەنەرگيا جيناپ، جاڭا ۇلەس قوسامىز. كاسىپتىك جەتىلىمدى ءوسىرىپ، جاڭا ىسكەرلىك كورسەتەمىز. اياعى تەز، كوزى قىراعى، قاعىلەز، قالامى قارىمدى بولۋدى اناعۇرلىم كۇشەيتىپ، وزەككە قىزمەت وتەيتىن، كەلەلى جاعدايعا قىزمەت وتەيتىن، ءداۋىر تىنىسىن يگەرەتىن، حالىقتىڭ جۇرەك ءۇنىن اڭىس ەتەتىن اناعۇرلىم كوپ تاڭداۋلى تۋىندىلاردى جاراتىپ، پارتيانىڭ دارىپتەمەسىن جاڭا داۋىردەگى ەڭ كۇشتى ۇنگە اينالدىرامىز.
