− الدىڭعى 3 ماۋسىمدا شينجياڭنىڭ ەكونوميكالىق ساندى مالىمەتىنە تالداۋ جاساۋ (6)
□ انار بۇلت \ شينجياڭ گازەتىنىڭ ءتىلشىسى ۋاڭ يۇڭفي
قوعامدىق قارجى قۇراۋ كولەمى ساقتالۋ مولشەرىنىڭ ارتۋ قارقىنى بۇكىل ەلدىڭ ورتاشا دەڭگەيىنەن جوعارى بولدى؛ حالىق اقشاسىنىڭ، شەتەل اقشاسىنىڭ قارىز اقشا قالدىعى 3 تريلليون يۋاننان استى؛ كاسىپورىنداردىڭ (ءىسورىندارى) ورتا، ۇزاق مەزگىلدىك قارىز اقشاسى مەن كاسىپورىنداردىڭ قىسقا مەرزىمدىك قارىز اقشاسىندا قايتا ورلەۋ اۋقىمى كورىلدى... بۇل جۇڭگو حالىق بانكەسى شينجياڭ ۇيعۇر اۆتونوميالى رايوندىق بولىمشە بانكەسىنىڭ اشقان 2023 - جىلعى 3 ماۋسىمداعى شينجياڭنىڭ فينانس اينالىم جاعدايى جونىندەگى اقپار جاريالاۋ ماجىلىسىندە جاريالانعان ينفورماتسيا. وسى ساندى مالىمەتتەر اۆتونوميالى رايونداعى كاسىپورىنداردىڭ شينجياڭ ەكونوميكاسىنىڭ بولاشاعىنان زور ءۇمىت كۇتەتىندىگىن، شينجياڭ ەكونوميكاسىنىڭ كەلەشەگى جونىندە سەنىمىنىڭ ءتىپتى دە كامىل ەكەندىگىن بىلدىرەدى.
سەنىمدى قارىز اقشانىڭ جالپى كولەمى ورنىقتى ارتۋدى ساقتادى
”بيىل جىل باسىنان بەرى، بانكەمىز ورنىقتى اقشا ساياساتىن دالمە - ءدال، پارمەندى اتقاردى، كوپ ءتۇرلى اقشا ساياسات قۇرالىن جان - جاقتى ىسكە قوسىپ، فينانس قۇرىلىمدارىنىڭ قارىز بەرۋ تەبىنىن ارتتىرۋىنا جەتەكشىلىك ەتىپ، شينجياڭنىڭ ناقتى تۇلعالىق ەكونوميكاسىنىڭ دامۋىنا كۇشتى، پارمەندى فينانستىق تىرەك ازىرلەدى“، - دەدى جۇڭگو حالىق بانكەسى شينجياڭ ۇيعۇر اۆتونوميالى رايوندىق بولىمشە بانكەسى تەكسەرۋ ساناعى باسقارماسىنىڭ ورىنباسار باستىعى پاڭ شيۋپيڭ.
اقشا ساياسات قۇرالى سۇيمەنىنەن سىرت، اۆتونوميالى رايوننىڭ 9 بانكە قۇرىلىمىمەن ستراتەگيالىق سەلبەستىكتى تەرەڭدەتۋى دە ماڭىزدى جەبەۋ رولىن اتقاردى.
2022 - جىلدان بەرى، ونەركاسىپ - ساۋدا بانكەسى، اۋىل شارۋاشىلىعى بانكەسى، جۇڭگو بانكەسى، قۇرىلىس بانكەسى، قاتىناس بانكەسى، پوچتا امانات بانكەسى سىندى 6 مەملەكەت مەنشىگىندەگى ۇلكەن بانكە جانە مەملەكەتتىك وركەندەتۋ بانكەسى، اۋىل شارۋاشىلىعىن دامىتۋ بانكەسى، يمپورت - ەكسپورت بانكەسى سياقتى 3 ساياساتتىق سيپات العان بانكەنىڭ ءبارى اۆتونوميالى رايونمەن ستراتەگيالىق سەلبەستىك كەلىسىمىن جاساسىپ، ”14 - بەسجىلدىق“ كەزىندە، از دەگەندە، 3 تريلليون 770 ميلليارد يۋاندىق ماقساتتى سەنىمدىلىك قارجى كەلىسىمىنە قول قويدى.
بيىل جىل باسىنان بەرى، اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى 9 بانكەنىڭ شينجياڭداعى ءىس جۇرگىزۋشى بانكەلەرىمەن ءتۇيىلىسىپ، بايلانىس ورناتىپ، تۇتاس جىلداعى تياناقتاندىرۋ نىساناسى مەن ماۋسىمدىق ىلگەرىلەتۋ نساناسىن ايقىنداپ، اي سايىن ورنالاستىرىپ قۋزاپ، ماۋسىم سايىن بايلانىس ورناتىپ ءتۇيىلىستىرىپ، ۋاق - ۋاق كەڭەس وتكىزىپ، ءتۇرلى كەلىسىم مازمۇندارىنىڭ تياناقتانۋىن، ەگجەي - تەگجەيلىلەنۋىن ىلگەرىلەتتى.
”ءىس جۇزىندىك جاعدايدان قاراعاندا، فينانس قۇرىلىمدارىمەن كەلىسىمگە قول قويعاندارىنىڭ ءبارى ستراتەگيالىق سەلبەستىك مازمۇندارىن ارقاۋ ەتىپ، بەلسەندى تۇردە پارىقتى قولداۋ ساياساتىن شىعاردى، جالپىلىق ونىمدىلىگى ءبىرشاما جاقسى بولدى“، - دەدى اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى فينانستى دامىتۋ باسقارماسىنىڭ باستىعى لۇي چىندۇڭ.
الدىڭعى 3 ماۋسىمدا اۆتونوميالى رايونمەن ستراتەگيالىق سەلبەستىك كەلىسىمىنە قول قويىسقان 9 بانكە شينجياڭعا جالپى ءبىر تريلليون 100 ميلليارد يۋان قارىز اقشا بەردى.
”سەنىمدى قارىزدىڭ جالپى مولشەرىن ارتتىرۋمەن قاتار، بانكەمىز فينانس قۇرىلىمدارىن ءوسىمدى رەتتەۋ - تىزگىندەۋ جانە ءوسىمنىڭ بازارلانۋ رەفورماسىنىڭ ءتۇرلى شارالارىن مۇقيات تياناقتاندىرۋعا جەتەكتەدى. 10 - ايدىڭ سوڭىنا دەيىن، فينانس قۇرىلىمدارىنىڭ ءبىر جىلدىق جانە 5 جىلدان جوعارى قارىز اقشانىڭ بازاردا مالىمدەلگەن ءوسىمى (LPR) جەكە - جەكە ％45. 3 جانە ％2. 4 بولىپ، بازارداعى تۇلعالىق ءوسىمدى ونان ارى تومەندەتتى“، - دەدى پاڭ شيۋپيڭ.
ءتۇيىندى سالالاردىڭ قارجى قۇراۋ سۇرانىسىن كوزدەدى
اۆتونوميالى رايوننىڭ ەكونوميكالىق قۇرىلىسىنداعى ءتۇيىندى سالالار، ءالسىز بۋىندار، جاڭالىق اشۋ ارقىلى دەم بەرۋ سياقتى جاقتارىنداعى قارجى قۇراۋ سۇرانىسىمەن تىعىز ۇشتاستىرىپ، بيىل جىل باسىنان بەرى، جۇڭگو حالىق بانكەسى شينجياڭ ۇيعۇر اۆتونوميالى رايوندىق بولىمشە بانكەسى، مەملەكەتتىك فينانس باقىلاۋ - باسقارۋ باس مەكەمەسىنىڭ شينجياڭ باقىلاۋ - باسقارۋ مەكەمەسى سياقتىلار قاراستى وڭىردەگى بانكە كاسىپتەرىن، فينانس قۇرىلىمدارىن سەنىمدى قارىز قۇرىلىمىن ونان ارى ساپالىلاندىرۋعا بەلسەنە جەتەكتەپ، فينانستىق دالمە - ءدال قىزمەت وتەۋدى كۇشەيتىپ، سەنىمدى قارىزدىڭ قولداۋ تەبىنىن ارتتىردى.
نازاردى اۆتونوميالى رايوننىڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىنا شوعىرلاندىرعان شينجياڭنىڭ فينانس كاسىبى قولداۋ جانە قامتاماسىز ەتۋ تەبىنىن ارتتىردى.
مەملەكەتتىك فينانس باقىلاۋ - باسقارۋ باس مەكەمەسى شينجياڭ باقىلاۋ - باسقارۋ مەكەمەسىنىڭ ساناق ساندى مالىمەتىندە كورسەتىلۋىنشە، بيىل 8 - ايدىڭ سوڭىنا دەيىن، بانكە قۇرىلىمدارى قولداعان ”ءبىر پورت، ەكى رايون، بەس ۇلكەن ورتالىقتىڭ“ كەستە ءىشى - سىرتىنداعى قۇراعان قارجى قالدىعى 363 ميلليارد 980 ميلليون يۋان بولىپ، 2020 - جىلدىڭ اياعىنداعىدان ％32. 49 ارتقان.
اۆتونوميالى رايوننىڭ ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالا جۇيەسىن جەدەل تۇلعالاۋ جونىندەگى قىزمەت تالابىن ونان ارى دايەكتىلەندىرۋ، تياناقتاندىرۋ ءۇشىن، قاراستى وڭىردەگى بانكە قۇرىلىمدارى اۆتونوميالى رايوننىڭ ءتۇيىندى كاسىپ سالالارىنا باعىتتالعان قولداۋ تەبىنىن ۇزدىكسىز ارتتىردى.
مەملەكەتتىك فينانس باقىلاۋ - باسقارۋ باس مەكەمەسى شينجياڭ باقىلاۋ - باسقارۋ مەكەمەسىنىڭ ساناق ساندى مالىمەتىندە كورسەتىلۋىنشە، بيىل 7 - ايدىڭ سوڭىنا دەيىن، بانكە قۇرىلىمدارى قولداعان اۆتونوميالى رايوننىڭ ”8 ءىرى كاسىپ سالاسى شوعىرىنىڭ“ كەستە ءىشى - سىرتىنداعى قۇراعان قارجى قالدىعى 692 ميلليارد 476 ميلليون يۋان بولعان.
وڭتۇستىك شينجياڭ ءوڭىرى دە فينانس كاسىبىنىڭ ءتۇيىندى سۇيەمەلدەۋ باعىتى بولىپ، قارىز اقشا سوماسى تەز ارتتى. جۇڭگو حالىق بانكەسى شينجياڭ ۇيعۇر اۆتونوميالى رايوندىق بولىمشە بانكەسىنىڭ ساندى مالىمەتىندە كورسەتىلۋىنشە، 9 - ايدىڭ سوڭىندا وڭتۇستىك شينجياڭ ءوڭىرىنىڭ قارىز اقشا قالدىعى سايكەس مەزگىلدەگىدەن ％8. 12 ارتىپ، بۇكىل شينجياڭداعى ءتۇرلى قارىز اقشانىڭ ورتاشا ارتۋ قارقىنىنان 5. 3 پايىز جوعارى بولعان.
”بانكە كاسىبى، فينانس قۇرىلىمدارى جاساۋ كاسىبىنە سەنىمدى قارىز اقشا بەرۋ تەبىنىن ۇزدىكسىز ارتتىردى، جابدىق جاڭالاۋ، وزگەرتۋ بويىنشا تاعى قارىز الۋ سياقتى ساياساتتاردى تياناقتاندىردى، شينجياڭنىڭ جاساۋ كاسىبىنىڭ قارىز اقشاسى ءۇرتىس ءبىرشاما تەز ارتتى“. پاڭ شيۋپيڭ بىلاي دەدى: 9 - ايدىڭ سوڭىندا تۇتاس شينجياڭداعى جاساۋ كاسىبىنىڭ قارىز اقشا قالدىعى 298 ميلليارد 120 ميلليون يۋان بولىپ، سايكەس مەزگىلدەگىدەن ％9. 18 ارتىپ، تۇتاس شينجياڭداعى ءتۇرلى قارىز اقشانىڭ ورتاشا ارتۋ قارقىنىنان 6. 9 پايىز جوعارى بولدى.
جاسىل قارىز اقشا جوعارى قارقىندى ارتۋدى ساقتادى. 1 - ايدان 9 - ايعا دەيىن، شينجياڭ بويىنشا جالپى تاراتقان كومىر قىشقىل گازىن از شىعارۋدى قولداۋ قۇرالى 48 ميلليارد 930 ميلليون يۋان بولدى. 9 - ايدىڭ سوڭىندا شينجياڭنىڭ جاسىل قارىز اقشا قالدىعى 435 ميلليارد 620 ميلليون يۋان بولىپ، سايكەس مەزگىلدەگىدەن ％3. 27 ارتتى. ”شينجياڭدا جاسىل قارىز اقشا نەگىزىنەن جەل ەلەكتر، فوتو ەلەكتر سياقتى جاڭا ەنەرگيا سالاسىنا قوسىلدى. قارىز اقشانىڭ زور مولشەردە ارتۋى شينجياڭنىڭ جاڭا ەنەرگيا كاسىپ سالاسىنىڭ قارقىندى دامىعاندىعىن اڭعارتادى، بۇل شينجياڭنىڭ بايلىق باسىمدىعىن ەكونوميكالىق باسىمدىققا تەز وزگەرتۋىنە ءتيىمدى“، - دەدى شينجياڭ قازىنا - ەكونوميكا داشۋەسى فينانس شۋەيۋانىنىڭ بۇرىنعى دوتسەنتى سۋ نيڭ.
ورتا، ۇزاق مەرزىمدىك قارىز اقشانىڭ جاڭادان ارتقان سوماسى ءبىرشاما كوپ بولدى
الدىڭعى 3 ماۋسىمدا كاسىپورىنداردىڭ (ءىسورىندارى) ورتا، ۇزاق مەرزىمدىك قارىز اقشاسى جاڭادان 178 ميلليارد 470 ميلليون يۋان ارتىپ، سايكەس مەزگىلدەگىدەن 48 ميلليارد 880 ميلليون يۋان جوعارىلادى.
كاسىپورىنداردىڭ قىسقا مەرزىمدىك قارىز اقشاسىندا دا ارتۋ جاعدايى بايقالدى. 9 - ايدىڭ سوڭىندا تۇتاس شينجياڭداعى كاسىپورىنداردىڭ قىسقا مەرزىمدىك قارىز اقشا قالدىعى 523 ميلليارد 330 ميلليون يۋان بولىپ، سايكەس مەزگىلدەگىدەن ％6. 8 ارتىپ، ارتۋ قارقىنى الدىڭعى ايداعىدان 5. 0 پايىز جوعارى بولدى، ارتۋ قارقىنى بيىل 5 - ايدان باستاپ ءۇرتىس 4 اي قايتا ورلەدى.
”كاسىپورىنداردىڭ (ءىسورىندارى) قارىز اقشاسىنىڭ، اسىرەسە، ورتا، ۇزاق مەرزىمدىك قارىز اقشاسىنىڭ جاڭادان ارتقان سوماسى ءبىرشاما كوپ بولىپ، قارجى قوسۋدى ورنىقتىرۋعا جانە ونەركاسىپ ەكونوميكاسىنىڭ ارتۋىنا ءبىرشاما جەتكىلىكتى قارجىلىق قولداۋ ازىرلەدى“، - دەدى پاڭ شيۋپيڭ.
سۋ نيڭ بىلاي دەپ قارادى: كاسىپورىنداردىڭ قىسقا مەرزىمدىك قارىز اقشاسىنىڭ ارتۋى شينجياڭداعى ناقتى تۇلعالىق كاسىپورىنداردىڭ شينجياڭ ەكونوميكاسىنىڭ بولاشاعىنان زور ءۇمىت كۇتەتىندىگىن، سەنىمى مەن قارجى قوسۋ نيەتىنىڭ ارتقاندىعىن بىلدىرەدى.
شاعىن، ۇساق كاسىپورىندارعا جاپپاي ءتيىمدى فينانستىق قىزمەت وتەۋ ساپاسى مەن ونىمدىلىگى ۇزدىكسىز ارتتى. 9 - ايدىڭ سوڭىندا شينجياڭنىڭ شاعىن، ۇساق كاسىپورىندارعا جاپپاي تيىمدىلىك جاساۋ بويىنشا بەرگەن قارىز اقشاسىنىڭ قالدىعى 206 ميلليارد 180 ميلليون يۋان بولىپ، سايكەس مەزگىلدەگىدەن ％9. 26 ارتتى. ”بۇل شاعىن، ۇساق كاسىپورىنداردىڭ بىرتىندەپ جاندانىپ كەلە جاتقاندىعىن تۇسىندىرەدى، سونداي - اق شينجياڭ ەكونوميكاسىنىڭ دامۋىنا جالىندى كۇش سيلاپ، ءتىپتى دە كوپ جۇمىستانۋ ورايىن جاراتادى. بۇدان سىرت، شاعىن، ۇساق كاسىپورىنداردىڭ كوبى شينجياڭنىڭ جەرگىلىكتى ەرەكشەلىككە يە كاسىپ سالاسىمەن اينالىسادى، شاعىن، ۇساق كاسىپورىنداردىڭ گۇلدەنىپ - كوركەيۋى شينجياڭنىڭ ەرەكشە كاسىپ سالاسىنىڭ دامۋىن ىلگەرىلەتەدى“، - دەدى سۋ نيڭ.
فينانستىڭ نەگىزدىك قۇرىلعىلار قۇرىلىسىنا قولداۋ تەبىنى ۇزدىكسىز ارتتى. 9 - ايدىڭ سوڭىندا تۇتاس شينجياڭنىڭ نەگىزدىك قۇرىلعىلار قۇرىلىسىنىڭ قارىز اقشا قالدىعى 802 ميلليارد 170 ميلليون يۋان بولىپ، سايكەس مەزگىلدەگىدەن ％4. 15 ارتتى. ”نەگىزدىك قۇرىلعىلار قۇرىلىسىنداعى قارىز اقشانىڭ ارتۋى شينجياڭنىڭ نەگىزدىك قۇرىلعىلار قۇرىلىسىنا قارجى قوسۋ تەبىنىنىڭ ارتىپ كەلە جاتقاندىعىن تۇسىندىرەدى، بۇل شينجياڭنىڭ ەكونوميكاسىنىڭ دامۋىنا تاماشا تىرەكتىك شارت - جاعداي ازىرلەيدى“، - دەدى سۋ نيڭ.
