− كيپر ەڭبەكشى حالىق العاباسار پارتياسى ورتالىق كوميتەتى ساياسي بيۋروسىنىڭ مۇشەسى، ەكونوميكاعا جاۋاپتى شۋجيى نيكوس يوونۋمەن سۇحبات
□ انار بۇلت \ شينجياڭ گازەتىنىڭ ءتىلشىسى جاڭ يانفاڭ
”كۇلىمدەگەن جۇزدەردەن شينجياڭداعى ءار ۇلت حالقىنىڭ توتەنشە باقىتتى تۇرمىس كەشىرىپ جاتقاندىعىن سەزىنۋگە بولادى“، - دەدى 11 - ايدىڭ 8 - كۇنى جۇڭگونىڭ شينجياڭىندا ساپاردا جۇرگەن كيپر ەڭبەكشى حالىق العاباسار پارتياسى ورتالىق كوميتەتى ساياسي بيۋروسىنىڭ مۇشەسى، ەكونوميكاعا جاۋاپتى شۋجيى نيكوس يوونۋ انار بۇلت \ شينجياڭ گازەتىنىڭ تىلشىسىنە بەرگەن ارناۋلى سۇحباتىندا.
ۇرىمجىدە، تۇرپاندا ەكسكۋرسيالاۋ، ساپارلاۋ كەزىندە شينجياڭ مۇراجايىنا، كارىزگە، شينجياڭ حالىقارالىق ۇلكەن بازارىنا بارىپ، شينجياڭنىڭ تاريحىن، مادەنيەتىن، جەرگىلىكتى حالىقتىڭ ءوندىرىسىن، تۇرمىسىن ۇعىستى... شينجياڭداعى 3 كۇندىك ساپارىندا نيكوس يوونۋ جۇڭگو شينجياڭىنىڭ ەكونوميكاسىنىڭ، قوعامىنىڭ قارىشتاپ دامىعان تاماشا جاعدايى مەن شينجياڭ حالقىنىڭ قىزۋ مەرەيلى مەيماندوستىعىن تىكەلەي سەزىندى. ول بىلاي دەدى: سوڭعى جىلدارى ورتالىق ۇكىمەت پەن شينجياڭعا كومەكتەسكەن ولكە، قالالاردىڭ زور كۇشپەن قولداۋىندا، شينجياڭنىڭ ەكونوميكالىق، قوعامدىق دامۋ دەڭگەيى ۇزدىكسىز جوعارىلادى، مۇنى شىن جۇرەكتەن قۇتتىقتايمىن.
”كيپر مەن جۇڭگو شينجياڭىنىڭ مادەنيەت، كوركەمونەر، اس - سۋ سياقتى جاقتارىندا كوپتەگەن ۇقساستىقتار بار“. نيكوس يوونۋ بىلاي دەدى: ەكى جاقتىڭ دا باعالى تاريحي جانە مادەنيەت مۇراسى بار. كيپر كورىكتى ارال مەملەكەتى، شينجياڭ دا توتەنشە كورىكتى جەر، ەكى جاقتىڭ مادەنيەت - ساياحات، ەكونوميكا - ساۋدا سياقتى سالالارداعى اۋىس - كۇيىسىنىڭ، سەلبەستىگىنىڭ بولاشاعى جارقىن. ”ءبىز كيپر ساياحاتشىلارىن شينجياڭعا كەلۋگە ىنتالاندىرامىز، شينجياڭ ساياحاتشىلارىنىڭ كيپرگە بارىپ ساياحاتتاۋىن دا قارسى الامىز“.
ساپار كەزىندە نيكوس يوونۋ تاعى تۇرپان ءجۇزىم شارابى زاۆودىن ەكسكۋرسيالاپ، شينجياڭنىڭ ءجۇزىم شارابى كاسىپ سالاسىنىڭ دامۋ جاعدايىن ۇعىستى.
شينجياڭ بۇكىل جەر شارىندا ءجۇزىم شارابىن اشىتاتىن التىن ەگىمشىلىك بەلدەۋىنە ورنالاسقان، ەلىمىزدەگى ءجۇزىمدى ەڭ ەرتە ەككەن وڭىرلەردىڭ جانە ءجۇزىم شارابى شىققان جەرلەردىڭ ءبىرى. سوڭعى جىلدارى شينجياڭ ”8 ءىرى كاسىپ سالاسى شوعىرى“ قۇرىلىسىن جەدەل ىلگەرىلەتىپ، ءبىر قىدىرۋ ساياسات - شارالاردى اقىلداسىپ شىعارىپ، ءجۇزىم شارابى ەرەكشە كاسىپ سالاسىن بەلسەنە جەتىلدىردى جانە زورايتتى.
”كيپر دە ءجۇزىم شارابىن وندىرەدى جانە ەكسپورت ەتەدى، ەكى جاقتىڭ ءجۇزىم شارابىن اشىتۋ تەحنيكاسى سياقتى جاقتاردا اۋىس - كۇيىستى، سەلبەستىكتى تەرەڭدەتۋىنە بولادى“. نيكوس يوونۋ بىلاي دەدى: كيپر ۋاكىلدەر ۇيىرمەسىن ۇيىمداستىرىپ، 8 - كەزەكتى جۇڭگو − ازيا − ەۆروپا كورمەسىنە قاتىناسىپ، جۇڭگو شينجياڭىمەن ءتۇرلى سالاداعى اۋىس - كۇيىستى، سەلبەستىكتى ونان ارى ىلگەرىلەتۋدى جوسپارلاپ وتىر.
نيكوس يوونۋ بىلاي دەدى: ءىشىنارا باتىس مەديالارىنىڭ حابارىنداعى شينجياڭ وبيەكتيۆ شىندىقپەن ۇيلەسپەگەن، مۇنىڭ ساياسي ماقساتتان شىققاندىعى داۋسىز. شينجياڭعا كەلىپ، وسى ارانىڭ دامۋ وزگەرىستەرىن ءوز كوزىمەن كورۋ شىنايى شينجياڭدى ءتۇسىنۋ جونىنەن ايرىقشا ماڭىزدى. ”قايتىپ بارعاننان كەيىن، شينجياڭدا ارناۋلى ساپاردا بولاتىن ءبىر ۋاكىلدەر ۇيىرمەسىن ۇيىمداستىرامىن ءارى ءبىر ماقالا جازىپ، گازەت جانە جاڭا مەديالار ارقىلى ءتىپتى دە كوپ اداممەن شينجياڭداعى كورگەن - بىلگەندەرىمدى بولىسەمىن“.
