انار بۇلت \ شينجياڭ گازەتىنىڭ ءتىلشىسى يۇي جياڭيان 11 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان ”اۆتونوميالى رايون تۇتىنۋ كومەسكى قۋاتىن ىشكەرىلەي اشىپ، كوپ ءتۇرلى شارانى قاتار قولدانىپ، تۇتىنۋدىڭ جەدەل جاقسارۋىن جەبەۋ“ جونىندەگى اقپار جاريالاۋ ماجىلىسىنەن ۇعىسۋىمىزشا، 1 - ايدان 9 - ايعا دەيىن شينجياڭنىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 276 ميلليارد 356 ميلليون يۋانعا جەتىپ، سايكەس مەزگىلدەگىدەن ％9. 12 ارتقان، ارتۋ قارقىنى 1 - ايدان 8 - ايعا دەيىنگىدەن 5. 3 پايىز تەزدەپ، بۇكىل ەلدەگىدەن 1. 6 پايىز جوعارى بولعان.
تۇتىنۋ كومەسكى قۋاتىن ىشكەرىلەي اشىپ، تۇتىنۋدىڭ جەدەل جاقسارۋىن جەبەدى. بيىل جىل باسىنان بەرى اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق ساۋدا ىستەرى مەڭگەرمەسى «2023 - جىلعى اۆتونوميالى رايوننىڭ تۇتىنۋدى قالپىنا كەلتىرۋ، ۇلعايتۋ قىزمەتىن اتقارۋ جوباسىن» بىرلەسىپ شىعارىپ، تۇتىنۋدى جەبەۋدىڭ 20 ءتۇرلى شاراسىن العا قويىپ، اۆتوكولىك، تۇرعىن ءۇي، ساياحات جانە قارتتاردى كۇتىمدەۋگە قىزمەت وتەۋ سياقتى ءتۇيىندى سالالارداعى تۇتىنۋدى قولداپ، تۇتىنۋدىڭ جەدەل قالپىنا كەلۋىن ىلگەرىلەتتى. اۆتونوميالى رايوندىق ساۋدا ىستەرى مەڭگەرمەسى قاتىستى تاراۋلارعا باستاماشى بولىپ، «شينجياڭ ۇيعۇر اۆتونوميالى رايونىنىڭ جاسىل، زەردەلى ءۇي ەلەكتر جابدىقتارىن تۇتىنۋدى جەبەۋدى اتقارۋ جوباسىن» شىعارىپ، وتباسى تۇتىنۋىنىڭ كومەسكى كۇشىن جارىققا شىعاردى.
سونىمەن بىرگە ايماق، وبلىس، قالالار ءىس جۇزىندىك جاعدايمەن ۇشتاستىرىپ، تۇتىنۋدى جەبەيتىن ءتۇرلى ساياسات - شارالاردى شىعارىپ، ۇكىمەت تۇتىنۋ بەلەتىن تاراتۋ، ساۋدا - اينالىم كاسىپورىندارىنا سيلىق، قوسىمشا قاراجات بەرۋ سياقتى فورمالار ارقىلى تۇتىنۋ بازارىنىڭ سەنىمىن بار كۇشپەن سەرپىلتتى. ءۇشىنشى جاق تولەۋ تۇعىرىنىڭ تولىقسىز ساناعىنا قاراعاندا، جىل باسىنان بەرى ءۇرىمجى قالاسى، ىلە قازاق اۆتونوميالى وبلىسى، اقسۋ ايماعى، قارامايلى قالاسى، سانجى حۇيزۋ اۆتونوميالى وبلىسى سياقتى جەرلەر تاراتقان تۇتىنۋ بەلەتىنىڭ جالپى سوماسى 110 ميلليون يۋان بولىپ، بۇعان جيىنى 2 ميلليون 300 مىڭ ادام (رەت)، 20 مىڭعا جۋىق ساۋداگەر قاتىناسىپ، 2 ميلليارد 100 ميلليون يۋاننان استام تۇتىنۋدى تىكەلەي جەبەدى.
”الدىڭعى 9 ايدا اۆتوموبيل مەن اس - سۋ سالاسىندا تۇتىنۋ جەدەل قالپىنا كەلىپ، مۇناي جانە ودان وندىرىلگەن ونىمدەردىڭ ارتۋ قارقىنى قايتا ورلەپ، ءۇي ەلەكتر جابدىقتارى تۇرلەرىنىڭ تومەندەۋ مولشەرى ازايىپ، ينتەرنەتتىك تۇتىنۋ ۇزدىكسىز ءبىرشاما تەز ارتتى“، - دەدى اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ.
ساندى مالىمەتتەردە كورسەتىلۋىنشە، الدىڭعى 3 ماۋسىمدا شينجياڭدا شەكتى سومادان جوعارى اۆتوكولىك تۇرلەرىنىڭ جۇزەگە اسىرعان بولشەك ساتىلۋ سوماسى 48 ميلليارد 51 ميلليون يۋان بولىپ، سايكەس مەزگىلدەگىدەن ％5. 25 ارتىپ، ارتۋ قارقىنى 1 - ايدان 6 - ايعا دەيىنگىدەن 20.7 پايىز تەزدەگەن؛ جۇزەگە اسىرعان اس - سۋ كىرىسى 36 ميلليارد 520 ميلليون يۋان بولىپ، سايكەس مەزگىلدەگىدەن ％13 ارتىپ، ارتۋ قارقىنى 1 - ايدان 6 - ايعا دەيىنگىدەن 9. 5 پايىز تەزدەگەن؛ شەكتى سومادان جوعارى مۇناي جانە ودان وندىرىلگەن ونىمدەردىڭ جۇزەگە اسىرعان بولشەك ساتىلۋ سوماسى 33 ميلليارد 625 ميلليون يۋان بولىپ، سايكەس مەزگىلدەگىدەن ％6 ارتقان، ارتۋ قارقىنى 1 - ايدان 6 - ايعا دەيىنگىدەن 9. 4 پايىز تەزدەگەن. ءۇشىنشى جاقتىڭ ۇلكەن ساندى مالىمەت ساناعىنا نەگىزدەلگەندە، الدىڭعى 3 ماۋسىمدا بۇكىل شينجياڭدا ينتەرنەتتە بولشەك ساتىلۋ سوماسى 48 ميلليارد 69 ميلليون يۋان بولىپ، سايكەس مەزگىلدەگىدەن ％04. 19 ارتقان؛ اۋىل شارۋاشىلىق ونىمدەرىنىڭ ينتەرنەتتە بولشەك ساتىلۋ سوماسى 13 ميلليارد 941 ميلليون يۋان بولىپ، سايكەس مەزگىلدەگىدەن ％45. 17 ارتقان.
تۇتىنۋ تۇعىرى دانەكەرىنىڭ دەڭگەيىن جوعارىلاتىپ، تۇتىنۋ شارت - جاعدايىن جاقسارتتى. بيىل شينجياڭ قالالارداعى 15 مينۋتتىق حالىققا قولايلى تۇرمىس شەڭبەرى قۇرىلىسىن، كەشكى ەكونوميكادان ۇلگى كورسەتۋ اۋماعىن بەلگىلەۋ قىزمەتىن ىلگەرىلەتتى؛ شينجياڭداعى تۇڭعىش توپتاعى ”كونە ايگىلى ماركا كاسىپورىنداردىڭ“ ءوتىنىش بەرىپ باعالاۋىن ۇيىمداستىرىپ، ورىستەتتى؛ ولقىلىقتاردى تولىقتاپ، اۋدان ورتالىعىنىڭ ساۋدا جۇيەسى قۇرىلىسىن كەمەلدەندىردى.
”مادەنيەت - ساياحات تۇتىنۋىنىڭ قوزعاۋشى قۋاتىن ارتتىرىپ، مادەنيەت - ساياحات تۇتىنۋ قاجەتىن جەدەل جارىققا شىعارۋ كەرەك“. اۆتونوميالى رايوندىق مادەنيەت جانە ساياحات مەڭگەرمەسىنىڭ 2 - دارەجەلى شارلاۋشىسى ۋاڭ جيە بىلاي دەدى: بيىل شينجياڭ مۋزيكا فەستيۋالى، سىرا مەرەكەسى سياقتى ءتۇرلى مادەنيەت جانە ساياحات قيمىلدارىن وتكىزدى، سونداي - اق 17 - كەزەكتى شينجياڭ قىسقى ساياحات كاسىپ سالاسى ساۋدا كورمەسى سياقتى ءبىر قىدىرۋ ايگىلى ماركا قيمىلدارىن وتكىزەدى.
