انار بۇلت \ شينجياڭ گازەتىنىڭ ءتىلشىسى جاڭ يۇنمەي 11 - ايدىڭ 7 - كۇنى ۇرىمجىدەن حابارلايدى. 11 - ايدىڭ 7 - كۇنى بۇكىل رايوننىڭ ساياسي كەڭەس باس حاتشىلارىنىڭ قىزمەت اۋىس - كۇيىس اڭگىمە ءماجىلىسى ۇرىمجىدە اشىلىپ، ساياسي كەڭەستىڭ مىندەت وتەۋىنە قىزمەت وتەۋدىڭ قىزمەت ەرەكشەلىگى مەن زاڭدىلىق سيپاتتى تانىمىن تەرەڭدەتىپ، ساياسي كەڭەس ورگانى قۇرىلىسىنىڭ ساپاسى مەن ونىمدىلىگىن جاپپاي جوعارىلاتۋ جونىندە پىكىر اۋىستىرىپ، تالقى جۇرگىزىپ، ساياسي كەڭەستىڭ مىندەت وتەۋىنە قىزمەت وتەۋدىڭ، قامتاماسىز ەتۋدىڭ ساپاسىن، ونىمدىلىگىن اناعۇرلىم جوعارىلاتتى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ جاڭا داۋىردەگى كەڭسە قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى اناعۇرلىم جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باستاماشىلدىقپەن ورىنداپ، حالىق ساياسي كەڭەسىنىڭ سيپاتىن، ورنىن مىقتاپ يگەرىپ، پارتيانىڭ باسشىلىعىن ساياسي كەڭەستىڭ بارلىق قىزمەتىنە ساباقتاستىرۋعا تاباندى بولىپ، باستان - اياق ساياسي تۇرعىدان ماسەلەگە قاراۋدى، ءىس ويلاۋدى، قىزمەت ىستەۋدى ورىنداۋ كەرەك. قاجىماي - تالماي شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداپ، پارتياعا ادال بولۋدىڭ يدەيالىق نەگىزىن ۇزدىكسىز بەكەمدەۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، پارتيا مەن مەملەكەت قىزمەتىنىڭ كەلەلى جاعدايىن كوزدە ۇستاپ، ساياسي كەڭەس قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن ءداپ باسىپ تاۋىپ، حالىقپەن كەڭەسۋدى، حالىق ءۇشىن كەڭەسۋدى شىن مانىندە ورىنداۋ كەرەك. يدەيا - ساياسي جاقتان جەتەكشىلىك ەتۋدى كۇشەيتىپ، كەڭ كولەمدە ورتاق تانىم ۇيىستىرىپ، ”تياناقتاندىرۋ، ۇيىستىرۋ“ سىندى ساياسي جاۋاپكەرشىلىكتى شىنايى ارقالاۋ كەرەك. نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قىزمەت تەبىنىن ارتتىرىپ، ساياسي كەڭەس پارتيا باسشىلىق گرۋپپاسى مەن ءتوراعالار ءماجىلىسىنىڭ قىزمەت ورنالاستىرۋلارىن ارقاۋ ەتە وتىرىپ بەلسەنە ءىس تىندىرىپ، رولىن ساۋلەلەندىرۋ كەرەك. سايكەسۋ تانىمىن كۇشەيتىپ، قىزمەت مەحانيزمىن اقاۋسىزداندىرىپ، نەگىزگى ساتى ساياسي كەڭەستەرىنىڭ ”ەكى السىزدىك“ ماسەلەسىن بىرگە شەشۋ كەرەك. قايسار ستيلدى، ىسىلعان قابىلەتتى شىڭداپ، ساياسيدا بەكەم، ساپاسى جوعارى، كاسىپتە ىسىلعان، ستيلى جاقسى ساياسي كەڭەس ورگان كادرلارى قوسىنىن قۇرۋ كەرەك.
