ما شيڭرۇي بۇراتالا موڭعۇل اۆتونوميالى وبلىسىندا جانە بيڭتۋان 5 - شى شۋاڭحى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شينجياڭ ەركىن ساۋدا سىناق رايونى قۇرىلىسى ستراتەگيالىق ورايىن بەلسەنە يگەرىپ، جوعارى دەڭگەيدە ەسىك اشۋدى اناعۇرلىم زور سەرپىنمەن كەڭەيتۋ ارقىلى جوعارى ساپالى دامۋدى ىلگەرىلەتۋ كەرەك
11 - ايدىڭ 5 - كۇنىنەن 6 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي بۇراتالا موڭعۇل اۆتونوميالى وبلىسىندا جانە بيڭتۋان 5 - شى شۋاڭحى قالاسىندا تەكسەرۋ - زەرتتەۋ جۇرگىزدى. سۋرەتتە: 11 - ايدىڭ 5 - كۇنى ما شيڭرۇي 5 - شى شۋاڭحى قالاسىنىڭ كورمە سارايىندا قالا جوباسىن، قۇرىلىسىن جانە ەكونوميكالىق، قوعامدىق دامۋ احۋالىن ەگجەي - تەگجەيلى ۇعىسۋدا.
□ سۋرەتتى ساۋ يگۋاڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ەرىكتى ءتىلشى ساۋ يگۋاڭ 11 - ايدىڭ 6 - كۇنى بۇراتالادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 - ايدىڭ 5 - كۇنىنەن 6 - كۇنىنە دەيىن بۇراتالا موڭعۇل اۆتونوميالى وبلىسىنا جانە بيڭتۋان 5 - شى شۋاڭحى قالاسىنا بارىپ، شەكارا وتكەلى، باقشا رايونىنداعى كاسىپورىندار، جوبالانعان الاڭ - ساراي، مەكتەپ سياقتى جەرلەردى ىشكەرىلەي ارالاپ، باسىمدىقتى اناعۇرلىم جەدەل كادەگە جاراتۋ، كاسىپ سالاسى تىرەگىن اناعۇرلىم كۇشەيتۋ، ەسىك اشۋ دەڭگەيىن اناعۇرلىم جوعارىلاتۋ سياقتى قىزمەتتەر توڭىرەگىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭ ەركىن ساۋدا سىناق رايونى قۇرىلىسى ستراتەگيالىق ورايىن بەلسەنە يگەرىپ، ازيا − ەۆروپا التىن ارناسىن جانە باتىسقا ەسىك اشۋ الدىڭعى شەبىن تۇلعالاۋدى كوزدەپ، ەرەكشە، باسىمدىققا يە كاسىپ سالالارىن جەتىلدىرۋ، زورايتۋ، سىرتقا ەسىك اشۋدىڭ دەڭگەيىن جاپپاي جوعارىلاتۋ ءىرى ءىسىن تىڭعىلىقتى تۇردە ويداعىداي ىستەپ، جوعارى دەڭگەيدە ەسىك اشۋدىڭ، جوعارى ساپالى دامۋدىڭ جاڭا ناتيجەسى ارقىلى كورىكتى شينجياڭ قۇرىلىسىن ارلەي ءتۇسۋ كەرەك.
الاتاۋ قالاسى شينجياڭ وۋيا مىس كاسىبى سەرىكتەستىگىنىڭ مىس وڭدەۋ نىسانى وندىرىسكە قوسىلۋ الدىندا تۇر. ما شيڭرۇي كاسىپورىنعا كەلىپ، نىسان قۇرىلىسى، ءوندىرىس قۋاتى، ءونىم مولشەرى، بازار بولاشاعى سياقتى احۋالداردى ەگجەي - تەگجەيلى ۇعىسىپ، نىساننىڭ ءوندىرىس قۋاتىنا جەتۋىن، ءوندىرىس ونىمدىلىگىنە جەتۋىن جەدەلدەتىپ، وزگەشە وڭىرلىك ورىن باسىمدىعىن تياناق ەتىپ، ەل ءىشى، حالىقارا سىندى ەكى بازاردان، ەكى ءتۇرلى بايلىقتان ويداعىداي پايدالانىپ، كاسىپ سالاسى تىزبەگىن ۇزدىكسىز ۇزارتىپ، ەل ءىشى - سىرتى بازارىن كەڭەيتىپ، وڭىرلىك ەكونوميكانىڭ دامۋىنا اناعۇرلىم ويداعىداي قىزمەت وتەپ، جۇمىستانۋدى، كىرىستى ارتتىرۋدى جەتەكتەۋدى باسا دارىپتەدى؛ قاتىستى جاۋاپتى جولداستارعا ىشكەرىلەي تەكسەرۋ - زەرتتەۋ جۇرگىزىپ، الدا ءجۇرىپ قىزمەت وتەپ، كاسىپورىننىڭ نىسان قۇرىلىسى جانە ءوندىرىس اينالىمى بارىسىنداعى قيىنشىلىقتارىن، ماسەلەلەرىن بەلسەنە شەشۋدى تاپسىردى.
جاڭادان سالىنعان الاتاۋ ساعاسى تاس جول شەكارا وتكەلىنىڭ شوعىرلى تەكسەرۋ ورتالىعى 40 ولشەمدى تەكسەرۋ تۇعىرىن جوبالاپ، يقۋاتتى ساپالىلاندىرۋ، بىرىكتىرۋ ارقىلى ”ءبىر جولدا مالىمدەۋ، ءبىر جولدا تەكسەرۋ، ءبىر جولدا جونەلتۋ“ سىندى ”ءبىر بەكەتتىك“ قىزمەت وتەۋ ازىرلەدى. ما شيڭرۇي ناقتى ورىندا كورىپ ءارى احۋال جونىندەگى تانىستىرۋدى تىڭداپ، شەكارا وتكەلىنىڭ كەدەننەن وتكىزۋ ۇلگىسىندە جاڭالىق اشقان ءتاسىلىن تولىق تۇراقتاندىرىپ، يدەيانى ونان ارى ازات ەتىپ، ۇزدىكتەرگە تۋرالانىپ بەلسەنە ىزدەنىس جاساپ، جۇرەكتىلىكپەن جاڭالىق اشىپ، اناعۇرلىم كوپ كوشىرۋگە، جالپىلاستىرۋعا بولاتىن تاجىريبەلەردى، ادىستەردى قۇلشىنا قالىپتاستىرىپ، شينجياڭنىڭ ”ءبىر بەلدەۋ، ءبىر جول“ وزەكتى رايونى قۇرىلىسىنا ونەگە ازىرلەۋ كەرەكتىگىن باسا دارىپتەدى.
الاتاۋ قالاسى 10 ميلليارد يۋان دارەجەلى استىق - ماي كاسىپ سالاسىن تۇلعالاۋدى ارقاۋ ەتىپ، كەشەندى قورعامالى باجى اۋماعىندا استىق وسى زامانعى زات اينالىمى ورتالىعى نىسانىن قۇرىپ، يمپورت ەتىلگەن استىقتى تيەۋ - ءتۇسىرۋ، اينالىمعا سالۋ ونىمدىلىگىن ءونىمدى جوعارىلاتتى. ما شيڭرۇي نىساننىڭ قۇرىلىس، اينالىم احۋالىن كورىپ، ءبيداي يمپورت ەتۋ، استىقتى سول جەردە وڭدەۋ سياقتىلاردىڭ ونىمدىلىگىنە ىشكەرىلەي تەكسەرۋ - زەرتتەۋ جۇرگىزىپ، شەكارا وتكەلىنىڭ ەرەكشە وڭىرلىك ورىن جانە كەشەندى قورعامالى باجى اۋماعى ساياساتى قاباتتاسقان باسىمدىعىن ويداعىداي ساۋلەلەندىرىپ، جەرگىلىكتى ورىننىڭ استىق ءوندىرىسى مەن استىق يمپورتىن كەڭەيتۋدى ءبىر تۇتاس جوسپارلاپ ويداعىداي ىستەپ، استىقتى قامبادا ساقتاۋ، اينالىمعا سالۋ جانە جىنتىكتەي وڭدەۋ قابىلەتىن زور كۇشپەن جوعارىلاتىپ، استىق - ماي كاسىپ سالاسىن جەدەل زورايتىپ، الۋەتتەندىرىپ، شينجياڭنىڭ ەرەكشە، باسىمدىققا يە كاسىپ سالاسى شوعىرى قۇرىلىسىنا اناعۇرلىم ويداعىداي قىزمەت وتەۋدى باسا دارىپتەدى.
5 - شى شۋاڭحى قالاسىندا ما شيڭرۇي كورمە سارايىنا كىرىپ، قالانىڭ جوبا قۇرىلىسىن جانە ەكونوميكالىق، قوعامدىق دامۋ احۋالىن ەگجەي - تەگجەيلى ۇعىستى، ول بىلاي دەپ باسا دارىپتەدى: وڭىرلىك دامۋ كەلەلى جاعدايىنا بەلسەنە توعىسىپ، بيڭتۋان مەن جەرگىلىكتى ورىننىڭ توعىسپالى دامۋىن تەرەڭدەتىپ، جاڭاشا قالا - قالاشىقتاندىرۋ قۇرىلىسىن عىلمي، ناقتى ىلگەرىلەتىپ، ەكونوميكالىق، قوعامدىق دامۋدى جانە حالىق تۇرمىسىن جاقسارتۋ دەڭگەيىن جوعارىلاتۋدى ۇزدىكسىز جەبەۋ كەرەك. بيڭتۋانعا ءتان تاريحي مادەنيەت بايلىعىنان، قىزىل بايلىقتان ويداعىداي پايدالانىپ، شينجياڭدى مادەنيەتپەن نارلەندىرۋ قىزمەتىن ناقتى، ەگجەي - تەگجەيلى ىستەۋ كەرەك.
ما شيڭرۇي تاعى بۇراتالا كاسىپتىك تەحنيكالىق شۋەيۋانىنىڭ مەكتەپ تاريحى سارايى، قاتىناس شۋەيۋانى سياقتىلارعا بارىپ، مەكتەپتىڭ دامۋى، ءپان قۇرىلىسى، وقۋشىلاردى باۋلۋ سياقتى قىزمەتتەرگە تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: ۇلكەن يدەيا - ساياسي ساباعى قۇرىلىسىن كۇشەيتىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋعا شوعىرلاندىرىپ، مەملەكەتتە ءبىر تۇتاس قولدانىلاتىن ءتىل - جازۋ وقىتۋىن ويداعىداي يگەرىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەسۋىن كۇشەيتىپ، جۇمىستاندىرۋدى بەلسەنە جەبەپ، جوعارى ساپالى دامۋعا اناعۇرلىم كوپ ماماندانعان شەبەر دارىندىلاردى جەتىلدىرىپ بەرۋ كەرەك.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: شينجياڭنىڭ مەملەكەت جالپى جاعدايىنداعى ستراتەگيالىق ورنىن تەرەڭ يگەرىپ، جوعارى ساپالى دامۋ سىندى وسى ماڭداي الدى مىندەتتى مىقتاپ ارقاۋ ەتىپ، ورنىقتىلىقتى يگەرۋ جانە دامۋدى جەبەۋ سىندى ەكى جاقتاعى قىزمەتتى ءبىر تۇتاس جوسپارلاپ ۇشتاستىرۋدى كۇشەيتىپ، شينجياڭ ەركىن ساۋدا سىناق رايونىنىڭ جاپپاي قۇرىلىس باستاۋى سىندى تاريحي ورايدى يگەرىپ، جوعارى دەڭگەيدە ەسىك اشۋدى كۇش سالا كەڭەيتىپ، وسىزاماندانعان كاسىپ سالاسى جۇيەسىن قۇرىپ، حالىقتىڭ قۇت - ىرىسىن قۇلشىنا ارتتىرىپ، جوعارى ساپالى دامۋدىڭ ۇزدىكسىز تىڭ ناتيجەلەرگە قول جەتكىزۋىن ىلگەرىلەتۋ كەرەك. جاپپاي سىرتقا ەسىك اشۋ سىندى جاڭا ارنا قالىپتاستىرىپ، ”ءبىر بەلدەۋ، ءبىر جول“ وزەكتى رايونى قۇرىلىسىن جەدەلدەتىپ، ەركىن ساۋدا سىناق رايونىنىڭ ءارقايسى اۋماقتارىنىڭ ءارقايسى ايماق، وبلىس، قالالارمەن، بيڭتۋاننىڭ ءارقايسى شى، قالالارىمەن سايكەستى بىرلەسە ارەكەتتەنىپ دامۋىن جەبەپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ورتا ازيا سياقتى توڭىرەكتەگى ەلدەرمەن ءوزارا تيىمدىلىك جاساۋ سەلبەستىگىن اناعۇرلىم زور سەرپىنمەن تەرەڭدەتىپ، اناعۇرلىم زور كولەمدى، اناعۇرلىم كەڭ سالالى، اناعۇرلىم تەرەڭ قاتپارلى سىرتقا ەسىك اشۋدىڭ جۇزەگە اسۋىن ىلگەرىلەتۋ كەرەك. ەرەكشە كاسىپ سالاسىن دامىتۋدىڭ جاڭا بيىگىن تۇلعالاپ، بايلىق ارتىقشىلىعىنا، وڭىرلىك ورىن باسىمدىعىنا جانە كاسىپ سالاسى نەگىزىنە سۇيەنىپ، ”8 ءىرى كاسىپ سالاسى شوعىرى“ قۇرىلىسىنا ىشكەرىلەي ات سالىسىپ، ءداستۇرلى باسىمدىققا يە كاسىپ سالالارىن جەدەل زورايتىپ، ستراتەگيالىق جاڭادان گۇلدەنگەن كاسىپ سالالارىن بەلسەنە جەتىلدىرىپ، اناعۇرلىم كوپ تىرەكتى كاسىپ سالالارىن تۇلعالاپ، شينجياڭ ەرەكشەلىگىن جانە باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قالىپتاستىرۋ كەرەك. بيڭتۋان مەن جەرگىلىكتى ورىننىڭ تەرەڭدەي توعىسۋىنىڭ جاڭا باسىمدىعىن سومداپ، تەرەڭدەي توعىسۋعا اناعۇرلىم پايدالى ءتۇزىلىس - مەحانيزمدى كەمەلدەندىرىپ، ورنىقتىلىقتى قورعاۋ، كاسىپ سالاسى ورنالاسىمى، قالا - قالاشىق قۇرىلىسى، ەكولوگيانى قورعاۋ، ۇلتتار ىنتىماعى سياقتى جاقتارداعى قىزمەتتەردى ءبىر تۇلعالى جوسپارلاپ ىلگەرىلەتىپ، تەرەڭدەي كىرىگۋدى، باسىمدىقتارىمەن ءبىرىن - ءبىرى ءوزارا تولىقتاۋدى، ءوزارا جەبەپ، بىرگە العا باسۋدى اناعۇرلىم ويداعىداي جۇزەگە اسىرۋ كەرەك. حالىق تۇرمىسىن قامتاماسىزداندىرۋ، جاقسارتۋ جاڭا جاعدايىن اشىپ، جۇمىستاندىرۋدى الدىمەن ويلاستىرۋدى كۇشەيتىپ، ءتۇيىندى قاۋىمنىڭ جۇمىستانۋىن كوپ ارنامەن جەبەپ، جوعارى ساپالى دامۋ قاجەتىمەن تىعىز بايلانىستىرىپ، كاسىپتىك وقۋ - اعارتۋ، جوعارى وقۋ - اعارتۋ دامۋىنىڭ ساپاسى مەن ونىمدىلىگىن جوعارىلاتىپ، بۇقارانىڭ ءتول مۇددەسىنە ساياتىن حالىق تۇرمىسى ناقتى ىستەرىن تىڭعىلىقتى تۇردە ويداعىداي ىستەپ، دامۋ جەتىستىكتەرىنىڭ اناعۇرلىم ويداعىداي حالىق تۇرمىسىنا تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتۋ كەرەك.
ليۋ شينجيان قاتىستى تەكسەرۋ - زەرتتەۋگە قاتىناستى.
