انار بۇلت \ شينجياڭ گازەتىنىڭ ءتىلشىسى حي حۇڭۋي 11 - ايدىڭ 6 - كۇنى شاڭحايدان حابارلايدى. 11 - ايدىڭ 6 - كۇنى 6 - كەزەكتى جۇڭگو حالىقارالىق يمپورت كورمەسىندە ساۋدا ىستەرى مينيسترلىگى ۇيىمداستىرعان ”قارجى قوسۋدىڭ جۇڭگو جىلى“ ەركىن ساۋدا سىناق رايوندارى ارناۋلى قارجى قوسۋدى جەبەۋ قيمىلى وتكىزىلدى، ەندى عانا ماڭدايشالىق اشىپ قۇرىلعان جۇڭگو (شينجياڭ) ەركىن ساۋدا سىناق رايونى قيمىل ۇستىندە بەينەكەسكىن تانىستىرۋىن جاسادى.
2013 - جىلى 9 - ايدا شاڭحاي ەركىن ساۋدا سىناق رايونى رەسمي قۇرىلعاننان بەرى، جۇڭگونىڭ ەركىن ساۋدا سىناق رايونى قۇرىلىسى 10 جىلدى باستان وتكەردى. 10 - ايدىڭ 31 - كۇنى «جۇڭگو (شينجياڭ) ەركىن ساۋدا سىناق رايونىنىڭ جالپى تۇلعالىق جوباسى» جاريالانىپ، جۇڭگو (شينجياڭ) ەركىن ساۋدا سىناق رايونى بەكىتىلىپ قۇرىلىپ، ەلىمىزدىڭ ەركىن ساۋدا سىناق رايونى 22گە كوبەيدى، بۇل جۇڭگونىڭ سىرتقا اشىلعان قاقپاسىنىڭ بارعان سايىن ايقارا اشىلعاندىعىن كورسەتەدى.
باتىس سولتۇستىك شەكارا بويى وڭىرىندەگى تۇڭعىش ەركىن ساۋدا سىناق رايونى رەتىندە، شينجياڭ ۋاقىتتان ۇتىمدى پايدالانىپ، قۇرىلىستى جاپپاي باستاپ، ءار جاقتىڭ نازارىن اۋدارۋمەن بىرگە، ءبىر قىدىرۋ ماندىك سيپاتتى قىزمەتتەردى جەدەل ىلگەرىلەتتى.
”شينجياڭ ەركىن ساۋدا سىناق رايونى قۇرىلعاننان كەيىن، ەل ءىشى - سىرتىنداعى قىرۋار ساۋداگەرلەر قورعاسقا بارىپ، قارجى قوسۋ جونىندە تەكسەرۋ جۇرگىزدى“. قورعاس قالالىق پارتكومنىڭ ورىنباسار شۋجيى، ۋاقىتشا قالا باستىعى پي لۇيپيڭ: شينجياڭ ەركىن ساۋدا سىناق رايونى ماڭدايشالىق اشقاننان بەرى، قورعاس اۋماعىندا 30 نەشە كاسىپورىن تىزىمدەلىپ، تىركەۋگە الدىردى، - دەپ تانىستىرۋ جاسادى.
يمپورت كورمەسى تۇعىرىنان ويداعىداي پايدالانۋ ءۇشىن، قورعاس ەل ءىشى - سىرتىنداعى 9 كاسىپورىنمەن كەڭەس وتكىزۋگە الدىن الا كەلىستى، بۇل ەلەكتروندى ينفورماتسيا، جابدىق جاساۋ، جاڭا ەنەرگيا، جاڭا ماتەريال سياقتى كاسىپتەردى قامتيدى.
”باتىسقا ەسىك اشۋدىڭ الدىڭعى شەپ رولىن اناعۇرلىم ويداعىداي ساۋلەلەندىرۋدى ءۇمىت ەتەمىن“. پي لۇيپيڭ بىلاي دەدى: شينجياڭ ەركىن ساۋدا سىناق رايونىنىڭ بەكىتىلۋى قورعاسقا اناعۇرلىم كوپ دەربەس ىزدەنىس جاساۋ، دەربەس رەفورما جاساۋ، دەربەس جاڭالىق اشۋ ورايىن الا كەلدى، قورعاس الداعى جەردە وڭىرلىك ورىن باسىمدىعىنا سۇيەنىپ، تۇزىمدە جاڭالىق اشۋدى جانە امالياتتا ىزدەنىس جاساۋدى ارتتىرىپ، ارنا ەكونوميكاسىن زورايتىپ، ساۋدا - زات اينالىمىن جانداندىرىپ، كاسىپ سالاسى شوعىرىن كۇشەيتىپ، فينانىستىق قىزمەت وتەۋدى ساپالىلاندىرىپ، شەكارا اتتاعان ەكونوميكا - ساۋدا، قارجى قوسۋ سەلبەستىگىنىڭ جاڭا ۇلگىسىن قۇلشىنا تۇلعالايدى.
شينجياڭنىڭ دالالىق ەكولوگيا ساياحاتى، جاھانگەزدىك سياقتى بازارىنىڭ كوركەيۋىنە ىلەسە، شينجياڭنىڭ دالالىق بازارى بارعان سايىن دامىپ، دالالىق ونىمدەر ايگىلى ماركاسى ديكانۇڭنىڭ شينجياڭداعى تۇتاس تۇلعالىق ساتىلۋ جاعدايى جاقسارىپ، بيىل دالالىق ونىمدەردىڭ تۇرلەرى سايكەس مەزگىلدەگىدەن ％27 ارتتى.
ديكانۇڭ جۇڭگو الەۋمەتتىك ىستەر باس باقىلاۋشىسى جاۋ جيە مىنالاردى ءبىلدىردى: شينجياڭ ەركىن ساۋدا سىناق رايونىنىڭ ىرگە تەبۋى تۇتىنۋ ۇلگىسى مەن قىزمەت وتەۋ ۇلگىسىندە جاڭالىق اشۋعا اناعۇرلىم كەڭ ءورىس اشتى، كاسىپورىن الداعى جەردە شينجياڭ بازارىنداعى ستراتەگيالىق ورنالاسىمىن ۇزدىكسىز كەڭەيتەدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان مىنالاردى ءبىلدىردى: شينجياڭ الداعى جەردە ەركىن ساۋدا سىناق رايونى قۇرىلىسىن وراي ەتىپ، ۇكىمەتتىڭ باسقارۋ، قىزمەت وتەۋ قۋاتىن جوعارىلاتۋ، قارجى قوسۋدىڭ ەركىن بولۋ، قولايلى بولۋ دەڭگەيىن جوعارىلاتۋ، عىلىم - تەحنيكادا جاڭالىق اشۋعا قىزمەت وتەۋ قابىلەتى مەن سەلبەستىك دەڭگەيىن جوعارىلاتۋ، زاڭمەن باسقارۋدى قامتاماسىز ەتۋ دەڭگەيىن جوعارىلاتۋ سياقتى جاقتارعا كۇش سالىپ، بۋىندارى اناعۇرلىم از، ءتارتىبى اناعۇرلىم تەز، وزىندىك قۇنى اناعۇرلىم تومەن، ساياساتتارى اناعۇرلىم ساپالى، قىزمەت وتەۋى اناعۇرلىم جاقسى بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، ءتۇرلى تيجارات تۇلعالارىنىڭ قارجى قوسىپ، شارۋاشىلىق قۇرۋىنا تاماشا ورتا جاراتىپ، بازاردىڭ ومىرشەڭدىك كۇشىن جاپپاي قاۋلاتىپ، ەركىن ساۋدا سىناق رايونى قۇرىلىسىن جوعارى ولشەممەن، جوعارى ساپامەن ىلگەرىلەتەدى.
