بىرەۋى ارقىلى وزگەسىن تۇسپالداپ، باقىلاۋ - باسقارۋدى كۇشەيتىپ، حاۋىپسىزدىك قورعانىس شەبىن بار كۇشپەن بەكەمدەۋ كەرەك

اۆتونوميالى رايون ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ بويىنشا ايلىق بەينە ەكراندىق ورنالاستىرۋ ءماجىلىسىن اشتى

بىرەۋى ارقىلى وزگەسىن تۇسپالداپ، باقىلاۋ - باسقارۋدى كۇشەيتىپ، حاۋىپسىزدىك قورعانىس شەبىن بار كۇشپەن بەكەمدەۋ كەرەك

　　انار بۇلت \ شينجياڭ گازەتىنىڭ ءتىلشىسى ليۋ شياڭ 11 - ايدىڭ 6 - كۇنى ۇرىمجىدەن حابارلايدى. 11 - ايدىڭ 5 - كۇنى اۆتونوميالى رايون ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ بويىنشا ايلىق بەينە ەكراندىق ورنالاستىرۋ ءماجىلىسىن اشتى. ءماجىلىس باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي دايەكتىلەندىردى، تياناقتاندىردى، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى، سەگىزىنشى، توعىزىنشى جالپى ماجىلىستەرىنىڭ رۋحىن دايەكتىلەندىردى، تياناقتاندىردى، شينجياڭنىڭ جۋىقتاعى ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتى جاعدايىن حابارلاپ، جاعدايعا قايتالاي تالداۋ جاساۋدى كۇشەيتىپ، تەرەڭ ساباق الىپ، بىرەۋى ارقىلى وزگەسىن تۇسپالداپ، باقىلاۋ - باسقارۋدى كۇشەيتىپ، ەلەۋلى شىرعالاڭ كومەسكى كىناراتتارىن ارناۋلى ءبىر - بىرلەپ تەكسەرۋدىڭ، وڭاۋدىڭ 2023 - جىلعى ارەكەتىن ىشكەرىلەي ىلگەرىلەتىپ، ەلەۋلى، ەرەكشە، ءىرى شىرعالاڭ تۋىلۋىنان باتىل ساقتانىپ جانە ونى جويىپ، حاۋىپسىزدىك قورعانىس شەبىن بار كۇشپەن بەكەمدەدى. اۆتونوميالى رايوندىق پارتكومنىڭ ورىنباسار شۋجيى، قازىنا - ەكونوميكا كەڭسەسىنىڭ مەڭگەرۋشىسى جاڭ چۇنلين ماجىلىسكە قاتىناستى ءارى ءسوز سويلەدى.

　　ءماجىلىس مىنالاردى اتاپ كورسەتتى: ءوندىرىس حاۋىپسىزدىگى حالىقتىڭ قۇت - ىرىسىنا جانە ەكونوميكالىق، قوعامدىق دامۋ كەلەلى جاعدايىنا سايادى. جەر - جەر، تاراۋلار ساياسي دەڭگەيدى اناعۇرلىم جوعارىلاتىپ، يدەيالىق تانىمدى تەرەڭدەتىپ، يدەيا مەن ارەكەتتى باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىمەن بىرلىككە كەلتىرىپ، دامۋ مەن حاۋىپسىزدىكتى ءبىر تۇتاس جوسپارلاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ماسەلەنى تۇبىرىنەن شەشۋگە تاباندى بولىپ، ءوندىرىس حاۋىپسىزدىگى جاۋاپكەرشىلىگى مەن شارالارىن تياناقتاندىرىپ، ەگجەي - تەگجەيلىلەندىرىپ، ءوندىرىس حاۋىپسىزدىگى جاعدايىن باتىل، ورنىقتى مەڭگەرۋ كەرەك.

　　ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، باعىتتامالى سيپاتتى رەتتەۋ - تۇزەتۋ شارالارىن قولدانىپ، ءتۇرلى حاۋىپسىزدىك حاۋىپ - قاتەرلەرىن، كومەسكى كىناراتتارىن ءبىر - بىرلەپ باتىل، پارمەندى تەكسەرىپ، وڭاۋ كەرەك. توپتىق ءولىم - ءجىتىم، جارالانۋ شىرعالاڭدارى وڭاي تۋىلاتىن تاس جول قاتىناس سالاسىن ءجىتى قاداعالاپ، ”ادام، اۆتوكولىك، جول، كاسىپورىن“ نەگىزدىك باسقارۋ قىزمەتىن مىقتى يگەرىپ، باقىلاۋ - باسقارۋ جاۋاپكەرشىلىگىن قاتاڭ تياناقتاندىرۋ كەرەك. وتىندىق گاز، وتىندىق كومىر، توك پايدالانۋ حاۋىپسىزدىگىن تەكسەرۋدى كۇشەيتىپ، حاۋىپسىزدىك بويىنشا ساقتانۋ ۇگىت - تاربيەسىن كۇشەيتىپ، بۇقارانىڭ ءوزىن قورعاۋ تانىمىن جوعارىلاتۋ كەرەك. نازاردى ينجەنەريالىق قۇرىلىس سالاسىنا شوعىرلاندىرىپ، قۇرىلىس جۇرگىزۋ ءوندىرىس حاۋىپسىزدىگى بويىنشا وڭاۋ ارەكەتىن ىشكەرىلەي ورىستەتىپ، داعدىلى شارلاپ تەكسەرۋدى كۇشەيتىپ، يكەمدى باقىلاپ، حاۋىپسىزدىكتى تەكسەرىپ، جۇمىس باسىندا حاۋىپسىزدىكتى باسقارۋدى ۇزدىكسىز كۇشەيتۋ كەرەك. كەن سالاسىن ارقاۋ ەتىپ، زاڭ - ەرەجە، ءتۇزىم، عىلىم - تەحنيكالىق جابدىق، ءتۇزىلىس - مەحانيزم سياقتى جاقتاردان شارالار شىعارىپ، حاۋىپسىزدىك حاۋىپ - قاتەرلەرىن جاپپاي، جۇيەلى جونگە سالىپ، كەننىڭ ماندىك حاۋىپسىزدىك دەڭگەيىن جوعارىلاتۋ كەرەك. قاتەرلى حيميالىق بۇيىمدار، ءورت ءسوندىرۋ، ورتتەن ساقتانۋ، جانار گاز، حالىقتىق اۆياتسيا سياقتى ءتۇيىندى كاسىپتەردى، سالالاردى ءجىتى قادالاپ، حاۋىپسىزدىك حاۋىپ - قاتەرلەرىن تۇجىرىمداپ، باسقارىپ - مەڭگەرىپ، ءتۇرلى كومەسكى كىناراتتاردى جاپپاي ءبىر - بىرلەپ تەكسەرىپ، جونگە سالۋ كەرەك.

　　ءماجىلىس مىنالاردى تالاپ ەتتى: جەر - جەر، قاتىستى تاراۋلار ماۋسىم وزگەرىسىنە مەڭزەس، قىسقى ءوندىرىس حاۋىپسىزدىگى ءتۇرلى شارالارىن جاپپاي تياناقتاندىرۋى كەرەك. قىزمەت ستيلىن جاقسارتىپ، مىندەت اتقارىپ، جاۋاپكەرشىلىك وتەۋدى قاتايتىپ، ”ءتورتتى تومەنگە جەتكىزۋمەن“ ۇشتاستىرا وتىرىپ ىشكەرىلەي تەكسەرۋ - زەرتتەۋ جۇرگىزىپ، جۇمىس باسىندا ءىس ءبىتىرىپ، ناقتى ماسەلەلەردى شەشىپ، ءوندىرىس حاۋىپسىزدىگى ءتۇرلى قىزمەتىنىڭ ەگجەي - تەگجەيلىلەنۋىن، تياناقتانۋىن ىلگەرىلەتىپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا مىعىم حاۋىپسىزدىك قامتاماسىزدىعىن ازىرلەۋ كەرەك.

　　ءيۇسۇپجان مامەت ءماجىلىستى باسقاردى، ليۋ سۋشى ماجىلىسكە قاتىناستى.