ما شيڭرۇي، لي گويىڭ ءسوز سويلەدى، ەركىن تۇنياز قاتىناستى
2023 - جىلعى سۋ يگىلىگى جاعىندا شينجياڭعا كومەكتەسۋ قىزمەت ءماجىلىسى 11 - ايدىڭ 5 - كۇنى قۇلجا قالاسىندا اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، سۋ يگىلىگى مينيسترلىگى پارتيا باسشىلىق گرۋپپاسىنىڭ شۋجيى، مينيستر لي گويىڭ ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 5 - كۇنى قۇلجادان حابارلايدى. 2023 - جىلعى سۋ يگىلىگى جاعىندا شينجياڭعا كومەكتەسۋ قىزمەت ءماجىلىسى 11 - ايدىڭ 5 - كۇنى قۇلجا قالاسىندا اشىلدى، ءماجىلىس باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىردى، تياناقتاندىردى، پارتيا ورتالىق كوميتەتىنىڭ جاڭا داۋىردە شينجياڭعا باعىتتامالى كومەكتەسۋ قىزمەتىن تەرەڭدەتۋ جونىندەگى شەشىمدەرىن، ورنالاستىرۋلارىن جانە 9 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋلارىن، تالاپتارىن دايەكتىلەندىردى، تياناقتاندىردى، سۋ يگىلىگى جاعىندا شينجياڭعا كومەكتەسۋ ءتۇيىندى قىزمەتىن ىشكەرىلەي اقىلداستى، جوسپارلادى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، سۋ يگىلىگى مينيسترلىگى پارتيا باسشىلىق گرۋپپاسىنىڭ شۋجيى، مينيستر لي گويىڭ ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى.
ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە ءار ۇلت كادرلارى مەن بۇقاراسى اتىنان سۋ يگىلىگى مينيسترلىگىنىڭ، شينجياڭعا كومەكتەسكەن ولكە، قالالاردىڭ شينجياڭعا زور كۇشپەن قولداۋ كورسەتىپ، قالتقىسىز كومەكتەسىپ كەلگەندىگىنە العىس ايتتى. ول بىلاي دەدى: باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا، سۋ يگىلىگى مينيسترلىگى جانە شينجياڭعا كومەكتەسكەن ولكە، قالالار شينجياڭعا كومەكتەسۋ قىزمەتىن كەلەلى ساياسي مىندەت ەتىپ، قارجىنى، نىساندى، تەحنيكانى، دارىندىنى تولىق ءبىر تۇتاس جوسپارلاپ، سۋ يگىلىگى جاعىندا شينجياڭعا كومەكتەسۋ قىزمەتىنىڭ ساپاسىن، ونىمدىلىگىن جاپپاي جوعارىلاتىپ، شينجياڭنىڭ سۋ يگىلىگى ىستەرىنىڭ دامۋىن پارمەندى ىلگەرىلەتتى. شينجياڭ سۋ يگىلىگى قىزمەتىن جۇيەلى جوسپارلاپ ىلگەرىلەتىپ، سۋ بايلىعىن ءبىر تۇتاس جوسپارلاپ باسقارۋدى جانە شوعىرلى، ۇنەمدى پايدالانۋدى ۇزدىكسىز كۇشەيتىپ، سۋ بايلىعىن باسقارۋدىڭ ۇتىمسىز ۇلگىدەن ەگجەي - تەگجەيلىلەنۋگە، عىلميلانۋعا بۇرىلىس جاساۋدا بەلسەندى ونىمدىلىككە قول جەتكىزۋىن ىلگەرىلەتتى. ءبىز باس شۋجي شي جينپيڭنىڭ سۋدى تىزگىندەۋ جونىندەگى ماڭىزدى بايىمداۋىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، سۋ بايلىعىنىڭ شينجياڭنىڭ جوعارى ساپالى دامۋىنداعى ماڭىزدىلىق سيپاتىن، كوكەي تەستىلىك سيپاتىن، نەگىزدىك سيپاتىن، ۇزاق بولاشاقتىق سيپاتىن ونان ارى ىشكەرىلەي تانىپ، شينجياڭعا باعىتتامالى كومەكتەسۋ باسىمدىعىنان ويداعىداي پايدالانىپ، سۋ ۇنەمدەۋ، سۋ ساقتاۋ، سۋ جەتكىزۋ، سۋ مولايتۋ قىزمەتىن تىڭعىلىقتى ويداعىداي ىستەپ، ەكونوميكانىڭ، قوعامنىڭ جوعارى ساپالى دامۋىن پارمەندى قامتاماسىز ەتەمىز. سۋ تىزگىندەۋ، سۋ باسقارۋ ءتۇزىمىن، مەحانيزمىن اقاۋسىزداندىرىپ، سۋ بايلىعىن شوعىرلى ءبىر تۇتاس باسقارۋدى جالپى بەتتىك كۇشەيتىپ، شوعىرلى، بىرلىككە كەلگەن، سايكەستى، جوعارى ءونىمدى سۋ بايلىعىن باسقارۋ جۇيەسىن كەمەلدەندىرىپ، سۋ بايلىعىن ەگجەي - تەگجەيلى، ولشەمدى، زاڭمەن جونگە سالۋ بويىنشا باسقارۋ دەڭگەيىن ۇزدىكسىز جوعارىلاتامىز. سۋ بايلىعىنان كەشەندى پايدالانۋ ونىمدىلىگىن جوعارىلاتىپ، شوعىرلاندىرۋعا، ۇنەمدەۋگە، ويداعىداي پايدالانۋ مەن جەتكىلىكتى پايدالانۋدى ۇشتاستىرۋعا تاباندى بولىپ، اۋىل شارۋاشىلىعىندا، ونەركاسىپتە جوعارى ونىمدىلىكپەن سۋ ۇنەمدەۋدى بار كۇشپەن جالپىلاستىرىپ، سۋ مولايتۋ قىزمەتىن عىلمي جولمەن ويداعىداي ىستەپ، جەر بەتى سۋ بايلىعىنان تولىق، ويداعىداي پايدالانىپ، جەر استى سۋىن شەكتەن تىس اشۋدى كەشەندى جونگە سالۋدى تەرەڭدەتەمىز. كەلەلى سۋ يگىلىگى ينجەنەريا قۇرىلىسىن كۇشەيتىپ، شينجياڭ سۋ تورىنىڭ نەگىزگى قاڭقاسى مەن ۇلكەن كۇرە تامىرىن جەدەل قالىپتاستىرىپ، سالىنىپ بىتكەن ينجەنەريانى باسقارۋ، ىسكە قوسۋ دەڭگەيىن جوعارىلاتىپ، سۋ بايلىعىن ساپالى ۇلەستىرۋ، جەتكىزۋ، ىركۋ قابىلەتىن ۇزدىكسىز جوعارىلاتامىز. سايكەستى جونگە سالۋ دەڭگەيىن جوعارىلاتىپ، وزەن، كول باستىقتارى ءتۇزىمىن جاپپاي تياناقتاندىرىپ، بيڭتۋان مەن جەرگىلىكتى ورىندى ءبىر تۇلعالاندىرۋعا تاباندى بولىپ، سۋ بايلىعىن، سۋ ورتاسىن، سۋ ەكولوگياسىن جونگە سالۋدى ءبىر تۇتاس جوسپارلاپ، كورىكتى شينجياڭ قۇرۋعا پارمەندى قامتاماسىزدىق ازىرلەيمىز.
لي گويىڭ بىلاي دەپ اتاپ كورسەتتى: ”14 - بەسجىلدىقتان“ بەرى سۋ يگىلىگى مينيسترلىگى جاڭا داۋىردەگى پارتيانىڭ شينجياڭدى باسقارۋ جالپى جوباسىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايونمەن جانە بيڭتۋانمەن بىرگە، نازاردى شينجياڭنىڭ سۋ يگىلىگىن دامىتۋدىڭ ءتۇيىندى قىزمەتتەرىنە جانە كورنەكتى ماسەلەلەرىنە شوعىرلاندىرىپ، دالمە - ءدال كۇش سالىپ، نىسان جاعىندا شينجياڭعا كومەكتەسۋ، تەحنيكا جاعىندا شينجياڭعا كومەكتەسۋ، دارىندىلار جاعىندا شينجياڭعا كومەكتەسۋ سياقتى قىزمەتتەردى تىڭعىلىقتى ىلگەرىلەتىپ، ماڭىزدى كەزەڭدىك سيپاتتى ىلگەرىلەۋشىلىك پەن ونىمدىلىككە قول جەتكىزدى. شينجياڭ قىزمەتىنىڭ وزگەشە ماڭىزدىلىق سيپاتىن جەتە يگەرىپ، اناعۇرلىم جوعارى ساياسي دەڭگەيدە تۇرىپ سۋ يگىلىگى جاعىندا شينجياڭعا كومەكتەسۋ قىزمەتىن ويداعىداي ىستەپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، نۇسقاۋلارىنىڭ رۋحىن جانە ”سۋ ۇنەمدەۋدى ماڭداي الدى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ“ سىندى سۋدى تىزگىندەۋ وي جەلىسىن ىشكەرىلەي ۇيرەنىپ، دايەكتىلەندىرىپ، ”14 - بەسجىلدىق“ جوباداعى نىسانانى، مىندەتتى كوزدە ۇستاپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، حالىق تۇرمىسىن جاقسارتۋدى، ەل تىلەگىن ۇيىستىرۋدى شىعار ءتۇيىن جانە تابان تىرەر تياناق ەتىپ، شينجياڭنىڭ سۋ يگىلىگىنىڭ جوعارى ساپالى دامۋىن ىلگەرىلەتۋدى ماڭداي الدى مىندەت ەتىپ، سۋ يگىلىگى جاعىندا شينجياڭعا كومەكتەسۋ قىزمەت تەبىنىن اناعۇرلىم ارتتىرىپ، كوز الداعى قيىندىقتى شەشىپ قالماستان، ۇزاق بولاشاقتىق شارا جوسپارلاپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى ىلگەرىلەتۋگە سۋ يگىلىگى جاعىندا ۇلەس قوسۋ كەرەك. سۋ ۇنەمدەۋدى، ونىمدىلىكتى ارتتىرۋدى ىشكەرىلەي ىلگەرىلەتىپ، سۋ ۇنەمدەۋ ءتۇزىمىن، ساياساتىن ورناتىپ، اقاۋسىزداندىرىپ، سۋ ۇنەمدەۋدىڭ كەشەندى شاراسىن ويداعىداي جۇرگىزىپ، سۋ بايلىعىن ۇنەمدەۋ، شوعىرلى پايدالانۋ قابىلەتى مەن دەڭگەيىن كۇش سالا جوعارىلاتۋ كەرەك. شينجياڭنىڭ سۋ تورىن جەدەل قۇرىپ، سۋ بايلىعىن ۇلەستىرۋ جۇلگەسىن ساپالىلاندىرىپ، ەكونوميكالىق، قوعامدىق ورنالاسىم مەن سۋ بايلىعىنىڭ كوتەرىمدىلىك قۋاتىن سايكەستىرۋدى جۇزەگە اسىرۋ كەرەك. سيفرلى قوس سۋ يگىلىگى جۇيەسىن قۇرۋدى جەدەلدەتىپ، اعار سۋ بايلىعىن باسقارۋ ءتۇزىلىسىن، مەحانيزمىن كەمەلدەندىرىپ، سۋ بايلىعىنىڭ تۇتىنۋشىعا دەيىنگى جالپى تىزبەكتى، سۋ ىركەتىن، سۋ جەتكىزەتىن، سۋ ۇلەستىرەتىن جالپى بارىستىق سۋ بايلىعىن ۇلەستىرۋ جۇيەسىن ورناتۋ، اقاۋسىزداندىرۋ كەرەك. شەگە قاعۋ رۋحىمەن ءتۇيىندى مىندەتتەردىڭ تياناقتانۋىن ويداعىداي يگەرىپ، مەحانيزمدى اقاۋسىزداندىرىپ، جاۋاپكەرشىلىكتى قاتايتىپ، بىرىككەن كۇشتى ارتتىرىپ، ءبىر تۇتاس جوسپارلاپ سايكەستىرۋدى كۇشەيتىپ، قاداعالاپ ونىمدىلىگىن قۋزاستىرۋدى كۇشەيتىپ، سۋ يگىلىگى جاعىندا شينجياڭعا كومەككە كەلگەن كادرلاردىڭ رولىن تولىق ساۋلەلەندىرىپ، جوبانىڭ، نىسانانىڭ، مىندەتتىڭ جالپى بەتتىك ناقتى تياناقتانۋىنا شىنايى كەپىلدىك ەتۋ كەرەك.
سۋ يگىلىگى مينيسترلىگى جوبا - جوسپار مەكەمەسىنىڭ، اۆتونوميالى رايوندىق سۋ يگىلىگى مەڭگەرمەسىنىڭ، بيڭتۋان سۋ يگىلىگى مەكەمەسىنىڭ جاۋاپتى جولداستارى سۋ يگىلىگى جاعىندا شينجياڭعا كومەكتەسۋ قىزمەتىنىڭ جاعدايىنان جانە اۆتونوميالى رايوننىڭ، بيڭتۋاننىڭ سۋ يگىلىگىنىڭ جوعارى ساپالى دامۋىن ىلگەرىلەتۋ جاعدايىنان جەكە - جەكە مالىمەت بەردى. سۋ يگىلىگى مينيسترلىگى اۋىل - قىستاق سۋ يگىلىگى، سۋ ەلەكتر مەكەمەسىنىڭ، چاڭجياڭ سۋ يگىلىگى كوميتەتىنىڭ، حۋاڭحى سۋ يگىلىگى كوميتەتىنىڭ، سۋ يگىلىگى، سۋ ەلەكتر جوسپارلاۋ - جوبالاۋ باس اكادەمياسىنىڭ، جۇڭگو سۋ يگىلىگى، سۋ ەلەكتر عىلمي زەرتتەۋ اكادەمياسىنىڭ قاتىستى جاۋاپتى جولداستارى پىكىر اۋىستىرىپ، ءسوز سويلەدى.
سۋ يگىلىگى مينيسترلىگىنىڭ ورىنباسار مينيسترى چىن مين ءماجىلىستى باسقاردى. سۋ يگىلىگى مينيسترلىگى چاڭجياڭ سۋ يگىلىگى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى ليۋ دۇڭشۇن، حۋاڭحى سۋ يگىلىگى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى زۋ لەيميڭ، سۋ يگىلىگى مينيسترلىگىنىڭ قاتىستى تاراۋلارىنداعى، توتە قاراستى ورىنداردىڭ جاۋاپتى جولداستارى ماجىلىسكە قاتىناستى.
چىن ۋيجۇن، قادەن كابەن، ءماردان مۇحيت، ليۋ شينجيان، ياڭ شيۋلي، اۆتونوميالى رايوننىڭ جانە بيڭتۋاننىڭ سۋ يگىلىگى تاراۋلارىنىڭ، قاتىستى ايماق، وبلىس، قالالاردىڭ جانە شى - قالالاردىڭ، قاتىستى كاسىپورىنداردىڭ جاۋاپتى جولداستارى ماجىلىسكە قاتىناستى.
