قاشقاردىڭ سىرتقى ساۋداسى ءساتتى ”سەرپىلىس“ جاسادى

انار بۇلت \ شينجياڭ گازەتىنىڭ ءتىلشىسى سۇڭ ۋيگو

　　11 - ايدىڭ 4 - كۇنى جۇڭشۇن ەلەكتروندى ساۋدا (شينجياڭ) شەكتى سەرىكتەستىگىندە جۇمىسشىلار كونتينەرگە قاربالاس زات تيەۋدە. بۇل زاتتار ەركەشتام شەكارا وتكەلىنەن كەدەننەن ءوتىپ، قىرعىزستاننىڭ وش وبلىسىنا جەتكىزىلەدى.

　　جۇڭشۇن ەلەكتروندى ساۋدا (شينجياڭ) شەكتى سەرىكتەستىگىنىڭ باس ديرەكتورى جاڭ چيدىڭ تەلەفونى دامىلسىز شىرىلدادى. تاياۋدا ول باتىس ازيا وڭىرىنە باراتىن حالىقارالىق جۇك تاسىمال ۇشاعىن ءوتىنىش ەتۋمەن قاربالاس بولدى، بەكىتىلگەننەن كەيىن سەرىكتەستىك شينجياڭنىڭ، اۋەلى، بۇكىل ەلدىڭ زاتتارىن جەر شارىنىڭ كەڭ - بايتاق بازارىنا ساتا الاتىن بولادى.

　　”11 - ايدىڭ 1 - كۇنى جۇڭگو (شينجياڭ) ەركىن ساۋدا سىناق رايونى ماڭدايشالىق اشتى، ءبىز مۇنىڭ قاشقار ايماعىنا اناعۇرلىم شۇعىلالى دامۋ بولاشاعىن اكەلەتىندىگىنە كامىل سەنەمىز“. جاڭ چي ”ءتورت ماۋسىمداعى شينجياڭعا نازاردىڭ“ ”شەكارا وتكەلدەرىنە بارىپ شينجياڭعا كوز جىبەرۋ“ جالپىلىق مەديالار حابارلاۋ توبىنىڭ تىلشىلىگىن قابىلداعاندا بىلاي دەدى: سەرىكتەستىگىمىزدىڭ جۇمىسى بارعان سايىن كەڭەيىپ، قىزمەتكەرلەرى العاشقى 6 ادامنان كوبەيىپ قازىر 100دەن استى.

　　جۇڭشۇن ەلەكتروندى ساۋدا (شينجياڭ) شەكتى سەرىكتەستىگىنىڭ دامۋى، زورايۋى قاشقار ايماعىنىڭ سىرتقى ساۋدا يمپورت - ەكسپورتىنىڭ جەدەل دامۋىنا جاندى تۇسىنىك ۇستەدى.

　　بيىل العاشقى 3 ماۋسىمدا، قاشقار ايماعىنىڭ سىرتقى ساۋدا يمپورت - ەكسپورت جالپى قۇنى 61 ميلليارد يۋاننان اسىپ، سايكەس مەزگىلدەگىدەن ％7. 89 ارتتى، سىرتقى ساۋدا جالپى قۇنى مەن ارتۋ قارقىنى بىردەي بۇكىل شينجياڭ بويىنشا ءبىرىنشى ورىندى يەلەدى؛ قاشقار ايماعىمەن ساۋدا بارىس - كەلىسىن ورىستەتكەن ەلدەر مەن رايوندار 128گە جەتىپ، ”ءبىر بەلدەۋ، ءبىر جولدى“ بىرگە قۇراتىن ەلدەرمەن جاساسقان ساۋدا سالىستىرماسى 90 پايىزدان استى؛ قاشقار كەشەندى قورعامالى باجى اۋماعىنىڭ جالپىلىق قاتارى ۇزاق ۋاقىتتان بەرى بۇكىل شينجياڭ بويىنشا ءبىرىنشى ورىندى يەلەپ، 2020 - جىلعى بۇكىل ەل بويىنشا 125 - ورىننان سەكىرىپ 29 - ورىنعا شىعۋداي ”سەرپىلىستى“ جۇزەگە اسىردى...

　　وسى كوزگە تۇسەر ناتيجەلەر ”ءبىر بەلدەۋ، ءبىر جولدى“ بىرگە قۇرۋدىڭ جانە جۇڭگو (شينجياڭ) ەركىن ساۋدا سىناق رايونى قۇرىلۋىنىڭ شىعىس جەلىنەن پايدالانىپ، قاشقار ايماعى سىرتقى ساۋداسىنىڭ ”ارنا ەكونوميكاسىنان“ ”شەكارا وتكەلى ەكونوميكاسىنا“ قاراي جەدەل بۇرىلىس جاساعاندىعىن ايقىن بەينەلەيدى.

　　قاشقار كەدەنى پارتكومىنىڭ شۋجيى، كەدەن باستىعى ۋاڭ چۋانجيە بىلاي دەدى: ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىلدان بەرى قاشقار ايماعىنىڭ سىرتقى ساۋدا كولەمى ۇزدىكسىز كەڭەيىپ، ”ءبىر بەلدەۋ، ءبىر جولدى“ بىرگە قۇراتىن ەلدەرمەن يمپورت - ەكسپورت جالپى سوماسى 2013 - جىلعى 11 ميلليارد 710 ميلليون يۋاننان 2022 - جىلى 46 ميلليارد 320 ميلليون يۋانعا ارتتى. الدىڭعى 3 ماۋسىمدا ”ءبىر بەلدەۋ، ءبىر جولدى“ بىرگە قۇراتىن ەلدەرمەن يمپورت - ەكسپورت جالپى سوماسى 57 ميلليارد 890 ميلليون يۋانعا جەتىپ، قاشقار ايماعىنىڭ يمپورت - ەكسپورت جالپى سوماسىنىڭ ％8. 94ىن ۇستادى. قاشقار كەشەندى قورعامالى باجى اۋماعىندا ناقتى پايدادان يگىلىكتەنگەن كاسىپورىن مەن بۇقارا بارعان سايىن كوبەيدى. قاشقار حۇڭيۇي حىڭتۇڭ حالىقارالىق جۇك تاسىمال وكىلەتتى شەكتى سەرىكتەستىگى جۇڭگو جاساعان جاڭا ەنەرگيا اۆتوكولىكتەرىن ورتا ازيا بازارىنا ساتتى، قاشقار قالا تۇرعىنى لي رۇيجيڭ وتباسىنداعىلاردى ەرتىپ قاشقار شەكارا اتتاعان ەلەكتروندى ساۋدا كورسەتۋ - ساۋدالاسۋ ورتالىعىندا الەمنىڭ جەر - جەرىنەن كەلگەن يمپورت تاۋارلارىن تاڭداپ ساتىپ الىپ ءجۇر...

　　جىل باسىنان بەرى، قاشقار ايماعىنداعى 70 نەشە سىرتقى ساۋدا كاسىپورنى بەلسەنە ”سىرتقا شىعىپ“ حالىقارالىق بازار اشىپ، 2 ميلليارد 500 ميلليون يۋاندىق 100دەن استام سىرتقى ساۋدا تاپسىرىسىنا يە بولدى.

　　وسى شەتەل تاپسىرىستارىنىڭ دەر كەزىندە تاپسىرىلۋى ءۇشىن، قاشقار كەدەنى، قاشقار ايماقتىق ساۋدا ىستەرى مەكەمەسى سياقتىلار جاپا - تارماعاي شارا قولدانىپ، زاتتاردى جوعارى ءونىمدى، جەدەل، قولايلى تۇردە سىرتقا شىعاردى.

　　قاشقار ايماعى ىلگەرىندى - كەيىندى 20 نەشە ەگجەي - تەگجەيلىلەندىرىلگەن جوبانى العا قويىپ، ”ءبىر سايتتا ءبىر جولدا ءبىتىرۋدى“ اتقارىپ، ”كۋالىكتەردى ازايتىپ، حالىققا قولايلىلىق جاساۋ“ شاراسىن ۇزدىكسىز تياناقتاندىرىپ، ”ءبىر ءىستى ءبىر جولدا ءبىتىرۋ“ نەگىزگى تاقىرىپتىق توپتاماسىنان 145ىن ءبىتىردى، ءتۇرلى تيجارات تۇلعالارىنىڭ جۇمىسىن ءبىتىرۋ ونىمدىلىگى كورنەكتى جوعارىلادى.

　　”باتىسقا ەسىك اشۋدىڭ الدىڭعى شەبىندە تۇرعان قاشقار ’بايىرعى جىبەك جولىنىڭ‘ داڭقى مەن ’جاڭا جىبەك جولىنىڭ‘ شۇعىلاسىن كۇللى جۇرت الدىندا ايگىلەپ، ۇزدىكسىز جاڭا كەرەمەتتەر جازادى“، - دەدى قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءانۋار تۇرسۇن.