اۋىل - قىستاق مادەنيەت الاڭى باقىتتى تۇرمىسقا شۋاق شاشتى
انار بۇلت \ شينجياڭ گازەتىنىڭ ءتىلشىسى يۇي جياڭيان
ءان شىرقاپ، بۇرالا بيگە باستى. 10 - ايدىڭ 5 - كۇنى قاراقاش اۋدانى جاھانباق اۋىلى ايماق قىستاعىنىڭ مادەنيەت الاڭى ءان - ءبي تەڭىزىنە اينالدى.
قىستاقتىڭ مادەنيەت الاڭىن جۇڭگو عىلىم اكادەمياسى شينجياڭ بولىمشە اكادەمياسى قارجى شىعارىپ سالدىرعان، 10 - ايدىڭ 5 - كۇنى سالىنىپ ءبىتىپ رەسمي پايدالانۋعا بەرىلدى. قاراقاش اۋداندىق ويىن - ساۋىق ۇيىرمەسى «جاستار ۆاليسى»، « دۋماندى جەڭ ءبيى»، «گۇل - بايشەشەك قۇلپىرىپ، اي تولىستى» سياقتى نومىرلەرىن دايىنداپ، قىستاق تۇرعىندارىنىڭ ۇيلەرىنىڭ جانىندا مادەنيەت سالتاناتىنان ءلاززاتتانۋىنا مۇمكىندىك جاسادى.
ايماق قىستاعىندا 333 وتباسى بار، مادەنيەت الاڭىنىڭ ماڭدايشالىعىن اشۋ سالتى وتكىزىلگەن كۇنى تۇتاس قىستاقتاعىلار تۇگەلدەي كەلدى.
جۇڭگو عىلىم اكادەمياسى شينجياڭ بولىمشە اكادەمياسىنىڭ قىستاقتا تۇراتىن قىزمەت اترەتىنىڭ باس جەتەكشىسى، ايماق قىستاعىنىڭ ءبىرىنشى شۋجيى ليۋ في بىلاي دەپ تانىستىردى: بۇرىن بۇل ارا قۋ مەديان دالا بولاتىن، جەل سوققاندا شاڭ - توزاڭ ۇشىپ، جاڭبىر جاۋعاندا لاي - باتپاق بولىپ كەتەتىن. ال قازىر بۇل يەن جەر يقۋاتى كەمەلدى، قورشاعان ورتاسى كوركەم مادەنيەت، كوڭىل اشۋ، سەيىل - سەرۋەن الاڭىنا اينالدى. الداعى جەردە عىلىم - تەحنيكا، مادەنيەت قيمىلدارىن كوپتەپ وتكىزىپ، قولدانىلمالى عىلىم - تەحنيكانى جالپىلاستىرۋ ارقىلى بۇقارانى بايۋعا باستاپ، تاڭداۋلى مادەنيەت ارقىلى جۇرت تىلەگىن ۇيىستىرامىز جانە ونى شابىتتاندىرامىز.
مادەنيەت الاڭىنىڭ يەلەگەن اۋدانى 8000 شارشى مەتر، بۇقارالىق ۇلكەن ساحنا، قىستاق تۇرعىندارى قيمىل ورتالىعى، مادەنيەت، عىلىم جالپىلاستىرۋ ورتالىعى سياقتىلار سالىنعان، ءبىر مادەنيەت ءدالىزى ورتاسىن كەسىپ وتەدى.
مادەنيەت الاڭىن سالۋمەن بىرگە، جۇڭگو عىلىم اكادەمياسى شينجياڭ بولىمشەسى قارجى شىعارىپ ۇلگى كورسەتۋ كوشە رايونىن سالدىرىپ، ايماق قىستاعىن تۇتاستىراتىن كۇرە جولداردى، قىستاق ۇيلەرىن جانە سۋارۋ توعانىن ساباقتاستىرا وتىرىپ ءبىر تۇتاس كورۋ تۇيسىگىندىك رەڭ جوباسىن جاساپ، قىستاق كەلبەتىن جوعارى دەڭگەيدە كورىكتەندىردى.
”قىستاق كەلبەتى جاڭارىپ، تابيعي گاز قۇبىرى مەن لاس سۋلاردى ءبىر جاقتى ەتۋ قۇبىرى دا وتباسىلارعا جەتكىزىلىپ، تۇرمىسىمىز بارعان سايىن جاقسارا ءتۇستى“، - دەدى قىستاق تۇرعىنى روزىنياز حۇدابەردى.
شينجياڭدى مادەنيەتپەن نارلەندىرۋدى ىشكەرىلەي اتقارۋ ءۇشىن، بيىل جۇڭگو عىلىم اكادەمياسى شينجياڭ بولىمشەسى 10 ميلليون 820 مىڭ يۋان قارجى شىعارىپ، مادەنيەت الاڭى مەن ۇلگى كورسەتۋ كوشە رايونىن سالدىردى. ”نازاردى كاسىپ سالاسىن گۇلدەندىرۋگە، ورتانى كورىكتەندىرۋگە، مادەنيەتتى كوركەيتۋگە، باسقارۋدى كۇشەيتۋگە شوعىرلاندىرا وتىرىپ بايلىقتى ءبىر تۇتاس جوسپارلاپ ءارى جوبا - جوسپار جاساپ، تۇرعان قىستاقتىڭ كاسىپ سالاسىنىڭ دامۋ نەگىزى مەن جالپى تۇلعالىق قونىس ورتاسىن جاپپاي جوعارىلاتتىق“. جۇڭگو عىلىم اكادەمياسى شينجياڭ بولىمشەسى پارتيا باسشىلىق گرۋپپاسىنىڭ شۋجيى چىن شي: ”10 جىلعا جۋىق ۋاقىتتان بەرى ىلگەرىندى - كەيىندى جاھانباق اۋىلىنىڭ ايماق قىستاعى قاتارلى 7 قىستاقتا عىلىم - تەحنيكا ارقىلى كومەكتەسۋ - سۇيەمەلدەۋ ءتۇرلى نىسانىنان جيىنى 69ىن اتقاردىق“، - دەدى.
