2023 - جىلعى جۇڭچيۋ، مەملەكەت مەرەكەسى تاياپ قالدى، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋعا ساياتىن 6 تيپتىك ماسەلەنى اشىق جاريالادى. ناقتى جاعدايى تومەندەگىدەي:
قىزىلسۋ قىرعىز اۆتونوميالى وبلىستىق پارتكومنىڭ بۇرىنعى شۋجيى ان جىڭيۇيدىڭ بەلگىلەمەگە قايشىلىق جاساپ، تارتۋ - تارالعى، سياقى قابىلداۋ، ۇكىمەت اقشاسىمەن ءىشىپ - جەۋ، ۇكىمەت كولىگىن جەكە جۇمىسىنا پايدالانۋ سياقتى ماسەلەلەرى. 2013 - جىلدان 2022 - جىلعا دەيىن ان جىڭيۇي كوپ رەت بەلگىلەمەگە قايشىلىق جاساپ، جەكە كاسىپورىن قوجايىنى ۇسىنعان تارتۋ - تارالعىنى، سياقىنى قابىلداعان؛ قاراستى ورىنعا ارناۋلى بولمە ازىرلەتىپ، ۇزاق ۋاقىت بەلگىلەمەگە قايشىلىق جاساپ ۇكىمەت اقشاسىمەن ءىشىپ - جەگەن، قاتىستى قاراجاتتاردى سول ورىن تولەگەن؛ كوپ رەت ۇكىمەت كولىگىن تۋىس - تۋعان، دوس - جاراندارىن سىرتقا ويناۋعا اپارىپ - اكەلۋگە، جەكە ءىسىن بىتىرۋگە ورنالاستىرعان. ان جىڭيۇيدىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، باس حاتشى، كەڭسە پارتيا باسشىلىق گرۋپپاسىنىڭ بۇرىنعى شۋجيى ياسىن سىدىقتىڭ بەلگىلەمەگە قايشىلىق جاساپ، تارتۋ - تارالعى، سياقى قابىلداۋ، ۇكىمەت ءىسىن ءادىل اتقارۋعا ىقپالى ءتيۋى مۇمكىن بولعان قوناعاسىن جانە ساياحاتتىق قيمىل، ورنالاستىرۋلاردى قابىلداۋ، جەكە ءوزى تولەۋگە ءتيىستى قاراجاتتى وزگەلەرگە تولەتتىرۋ، بەلگىلەمەگە قايشىلىق جاساپ باسقارۋ - قىزمەت وتەۋ وبيەكتىلەرىنىڭ كولىكتەرىن پايدالانۋ ماسەلەلەرى. 2013 - جىلدان 2022 - جىلعا دەيىن ياسىن سىدىق بەلگىلەمەگە قايشىلىق جاساپ كوپتەگەن جەكە كاسىپورىن قوجايىنى ۇسىنعان جوعارى سورتتى اراق، كيىم - كەشەك سياقتى تارتۋ - تارالعى، سياقىلاردى قابىلداعان، مۇنى اقشاعا سىندىرعاندا جالپى 546 مىڭ 300 يۋان بولعان؛ كوپ رەت جەكە كاسىپورىن قوجايىنى ورنالاستىرعان قوناعاسىلاردى قابىلداعان؛ جەكە كاسىپورىن قوجايىنىنىڭ ورنالاستىرۋلارىن قابىلداپ، وتباسىنداعىلارمەن لين - ي، چيڭداۋ سياقتى جەرلەردە ساياحاتتاپ، جالپى 145 مىڭ 300 يۋان كەلەتىن قاتىستى قاراجاتتاردى جەكە كاسىپورىن قوجايىنى تولەگەن؛ ءوزىنىڭ جەكە 37 مىڭ 900 يۋان اس - سۋ اقىسىن جەكە كاسىپورىن قوجايىنى تولەگەن؛ ۇزاق ۋاقىت جەكە كاسىپورىن قوجايىنىنىڭ دالالىق كولىگىن وتباسىنداعىلارعا پايدالانىپ، ودان پايدا بولعان جوندەۋ اقىسى، ماي قۇيۋ اقىسى سياقتى جالپى 35 مىڭ 100 يۋاندى جەكە كاسىپورىن قوجايىنى تولەگەن. ياسىن سىدىقتىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
اقسۋ ايماقتىق پارتكومنىڭ بۇرىنعى ورىنباسار شۋجيى ليۋ حۇڭجۇننىڭ بەلگىلەمەگە قايشىلىق جاساپ، تارتۋ - تارالعى، سياقى قابىلداۋ، نەگىزگى ساتىنى ارالاپ تەكسەرۋ - زەرتتەۋ جۇرگىزگەندە فورماشىلدىق ىستەۋ، ات ۇستىلىك ىستەۋ ءارى ۇكىمەت ءىسىن ءادىل اتقارۋعا ىقپالى ءتيۋى مۇمكىن بولعان قوناعاسىن قابىلداۋ سياقتى ماسەلەلەرى. 2015 - جىلدان 2020 - جىلعا دەيىن ليۋ حۇڭجۇن ءوزى جانە تۋىس - تۋعاندارى ارقىلى ىلگەرىندى - كەيىندى 10 رەت بەلگىلەمەگە قايشىلىق جاساپ 9 باسقارۋ - قىزمەت وتەۋ وبيەكتىسى ۇسىنعان تارتۋ - تارالعى، سياقىنى قابىلداعان، مۇنى اقشاعا سىندىرعاندا جالپى 134 مىڭ 600 يۋان بولعان. 2022 - جىلى 9 - ايدا ليۋ حۇڭجۇن نەگىزگى ساتىدا تەكسەرۋ - زەرتتەۋ جۇرگىزگەندە فورماشىلدىق ىستەپ، تەكسەرۋ - زەرتتەۋ جۇرگىزگەن 5 كۇننىڭ 4 كۇنىندە بەلگىلەمەگە قايشىلىق جاساپ جەكە كاسىپورىن قوجايىنى ورنالاستىرعان باس قوسۋ، اراق ءىشۋ جانە بالىق اۋلاۋ قيمىلىن قابىلداعان. ليۋ حۇڭجۇننىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
بۋىرشىن اۋداندىق ۇكىمەت پارتيا باسشىلىق گرۋپپاسىنىڭ بۇرىنعى مۇشەسى، ورىنباسار اۋدان اكىمى ۋاڭ شينجۇننىڭ بەلگىلەمەگە قايشىلىق جاساپ تارتۋ - تارالعى، سياقى قابىلداۋ، ءوزى تولەۋگە ءتيىستى قاراجاتتى قاراستى ورىنعا تولەتۋ سياقتى ماسەلەلەرى. 2013 - جىلدان 2021 - جىلعا دەيىن ۋاڭ شينجۇن كوپ رەت باسقارۋ - قىزمەت وتەۋ وبيەكتىلەرى ۇسىنعان جوعارى سورتتى اراق - تەمەكى، قول ساعات جانە زات ساتىپ الۋ كارتچكاسى سياقتى تارتۋ - تارالعى، سياقىنى قابىلداعان؛ قاراستى ورىنعا جەكەلىك حابارلاسۋ اقىسى سياقتى قاتىستى قاراجاتتاردى تولەتتىرگەن. ۋاڭ شينجۇننىڭ تاعى باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
تۇرپان قالالىق حالىق پروكۋراتۋراسى تەكسەرۋ كوميتەتىنىڭ بۇرىنعى ارناۋلى مىندەتتەگى مۇشەسى يان جىلۇڭنىڭ بەلگىلەمەگە قايشىلىق جاساپ، تارتۋ - تارالعى، سياقى قابىلداۋ، ۇكىمەت ءىسىن ءادىل اتقارۋعا ىقپالى ءتيۋى مۇمكىن بولعان قوناعاسىن قابىلداۋ سياقتى ماسەلەلەرى. 2013 - جىلدان 2021 - جىلعا دەيىن يان جىلۇڭ كوپ رەت بەلگىلەمەگە قايشىلىق جاساپ كوپتەگەن باسقارۋ - قىزمەت وتەۋ وبيەكتىلەرى ۇسىنعان جوعارى سورتتى اراق - تەمەكى، زات ساتىپ الۋ كارتچكاسى سياقتى تارتۋ - تارالعى، سياقىنى قابىلداعان، اقشاعا سىندىرعاندا جالپى 259 مىڭ 500 يۋان بولعان؛ كوپ رەت جەكە كاسىپورىن قوجايىنى ورنالاستىرعان قوناعاسىن قابىلداعان. يان جىلۇڭنىڭ باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
حوتان جيانجۇڭ ينجەنەريالىق تەكسەرۋ - ولشەۋ شەكتى جاۋاپكەرشىلىك سەرىكتەستىگى پارتيا ياچەيكاسىنىڭ بۇرىنعى شۋجيى، القا باستىعى ءادىل اتاۋوللانىڭ بەلگىلەمەگە قايشىلىق جاساپ، تارتۋ - تارالعى، سياقى قابىلداۋ، بەلگىلەمەگە قايشىلىق جاساپ قوسىمشا قاراجات، كومەك قاراجات تاراتۋ سياقتى ماسەلەلەرى. 2013 - جىلدان 2021 - جىلعا دەيىن ءادىل اتاۋوللا كوپ رەت باسقارۋ - قىزمەت وتەۋ وبيەكتىلەرىنىڭ ۇسىنعان جوعارى سورتتى اراق سياقتى تارتۋ - تارالعىسىن جانە زات ساتىپ الۋ كارتچكاسىن قابىلداعان؛ ۇكىمەت اۆتوكولىك رەفورماسى قوسىمشا قاراجاتى، ۇستەمە قىزمەت اقىسى سياقتى سىلتاۋمەن مەكەمە - ورىنداعى كادرلارعا، جۇمىسشى - قىزمەتكەرلەرگە بەلگىلەمەگە قايشىلىق جاساپ قوسىمشا قاراجات، كومەك قاراجات تاراتقان، ونىڭ ۇستىنە ءوزى بەلگىلەمەگە قايشىلىق جاساپ قوسىمشا قاراجات، كومەك قاراجات العان. ءادىل اتاۋوللانىڭ باسقا دا تارتىپكە، زاڭعا اۋىر قايشىلىق جاساعان ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋىنا تاپسىرىپ بەرىلدى.
جوعارىداعى بۇرىس ستيل مەن شىرىكتەسۋ ءبىر تۇلعالانعان 6 تيپتىك دەلو مىسالدارى ءىشىنارا پارتيالى كادرلاردىڭ پارتيا ورتالىق كوميتەتىنىڭ قايتا - قايتا تۇسىرگەن بۇيرىعىن ەلەمەي، پارتيا ءتارتىبىن كاپەرىنە الماي، يمەنبەي، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدا ءوز بىلگەنى بويىنشا ىستەپ، جوعارى قىسىمدا اۋەلگىسىندەي قاسارىسىپ تارتىپكە قايشىلىق جاساعانىن بەينەلەيدى، ولار قاتاڭ ءبىر جاقتى ەتىلدى، بۇدان ەرەكشە اشتى ساباق الۋ كەرەك.
مەرەكە كەزى ءتورت بۇرىس ستيل ماسەلەلەرى وڭاي تۋىلاتىن، كوپ تۋىلاتىن كەزەڭ ءارى كادرلاردىڭ، بۇقارانىڭ پارتيا ستيلىن، ۇكىمەت ستيلىن باقىلايتىن ماڭىزدى تەرەزە. جۇڭچيۋ، مەملەكەت مەرەكەسى تاياپ قالدى. تۇتاس رايونداعى ءار دارەجەلى پارتيا ۇيىمدارى نەگىزگى تاقىرىپتىق تاربيەمەن ۇشتاستىرىپ، بۇرىس ستيلدەن شىرىكتەسۋگە ءوتۋ، بۇرىس ستيل مەن ءىرىپ - ءشىرۋ ءبىر تۇلعا سىندى ەرەكشەلىكتى، زاڭدىلىقتى جەتە تانىپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى ”ەكىنى تۇراقتاندىرۋدى“ باتىل قورعاۋدىڭ، ”ەكىنى قورعاۋدى“ ادالدىقپەن امالياتتا ايگىلەۋدىڭ ساياسي سىنى ەتىپ، ”نەگىزگى تۇلعا“، ”نەگىزگى جاۋاپكەرشىلىك“، ”نەگىزگى مىقتى يگەرۋ“ تانىمىن شىن مانىندە كۇشەيتىپ، ستيل قۇرىلىسىنىڭ تۇلعالىق جاۋاپكەرشىلىگىن ىرىقتى تۇردە ارقالاپ، پارتيالى كادرلاردى سانالىلىقپەن بەلگىلەمەگە، تارتىپكە بويسۇنۋعا قۋزاپ، مەرەكەنى ۇقىپتى، وركەنيەتتى وتكىزۋگە تاباندى بولىپ، تاماشا قوعامدىق سالتتى دارىپتەپ، وزىنە - ءوزى ءۇزىلدى - كەسىلدى توڭكەرىس جۇرگىزۋ رۋحىمەن ورتالىقتىڭ 8 ءتۇرلى بەلگىلەمەسىنىڭ توسپاسىن بەرىك ورناتۋى كەرەك. قالىڭ پارتيا مۇشەلەرى، كادرلار، اسىرەسە، باسشى كادرلار وزىندىك ءتارتىپتى قاتايتىپ، جوعارى تومەنگە ۇلگى بولىپ، باستاماشىلدىقپەن تارتىپكە، ەرەجەگە بويسۇنىپ، تاماشا ستيلدى ساۋلەلەندىرىپ، ءوزارا باسەكەلەسۋ، راقاتقا بەرىلۋ، باق سىناۋ سياقتى قاتە يدەيالاردى باتىل جەڭىپ، ساياسي وتكەلدى، ۇقىق وتكەلىن، قارىم - قاتىناس وتكەلىن، تۇرمىس وتكەلىن، تۋىسقاندىق وتكەلدى شىن مانىندە باتىل ساقتاپ، وزىنە قاتاڭ تالاپ قويىپ، ءوز جاۋاپكەرشىلىگىن قاتاڭ وتەپ، ءوز جاۋاپكەرلىگى كولەمىندەگى ىستەردى قاتاڭ باسقارۋى كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى قاتاڭ نەگىزگى اۋەندى، قاتاڭ شارانى، قاتاڭ رايدى ۇزاق ۋاقىت تاباندىلىقپەن جالعاستىرىپ، بۇرىس ستيل مەن شىرىكتەسۋدى قاتار تەكسەرۋگە، قاتار تۇزەتۋگە تاباندى بولىپ، ءار دارەجەلى باسشىلىق ورگاندار مەن باسشى كادرلاردى قاتاڭ قاداعالاپ، بەلگىلەمەگە قايشىلىق جاساپ ۇكىمەت اقشاسىمەن ءىشىپ - جەۋ، جاسىرىن ورىنداردا قوناعاسى قابىلداۋ، ەلەكتروندى حۇڭباۋ جانە تەز جولداما زات اينالىمى سياقتى تاسىلدەرمەن ”اۋاشا تارتۋ - تارالعى ۇسىنۋ“، بەلگىلەمەگە قايشىلىق جاساپ توي - تومالاق، ءولىم - ءجىتىم ىستەرىن وتكىزۋ، ۇكىمەت كولىگىن جەكەگە پايدالانۋ سياقتى مەرەكەدە كوپ تۋىلاتىن ماسەلەلەردى، سونداي - اق باعاسى جوعارى ايكۇلشە، سۋ شايان كارتچكاسى، سۋ شايان بەلەتى سياقتىلاردا جاسىرىنعان كولەڭكەدەگى راقاتقۇمارلىق، كول - كوسىرلىك جانە شىرىكتەسۋ جايتتەرىن قاتاڭ قاداعالاپ، قايتا - قايتا تاربيە بەرسە دە وزگەرتپەي، قاسارىسىپ تارتىپكە قايشىلىق جاساعانداردى بەلگىلەمە بويىنشا، ءتارتىپ بويىنشا، زاڭ بويىنشا قاتاڭ تەكسەرىپ، قاتاڭ ءبىر جاقتى ەتىپ، اتىن اتاپ جاريالاۋى كەرەك. تۇزەتۋ مەن ۇلگى ورناتۋدى قاتار جۇرگىزۋگە تاباندى بولىپ، پارتيالى كادرلاردى يدەيالىق جاقتان نەگىزدى بەكەمدەپ قايناردى جەتىلدىرۋگە تاربيەلەپ، جەتەكتەپ، ناقتى ىستەۋ ستيلىن بارىنشا ساۋلەلەندىرىپ، پاكتىك ستيلىن اسقاقتاتىپ، قاراپايىمدىلىق ستيلىن جەتىلدىرىپ، ەسكى سالت - سانانى وزگەرتۋدى بەلسەندىلىكپەن ىلگەرىلەتىپ، جاڭا ستيلدى، دۇرىس سالتتى جاڭا جورىقتا ۇزدىكسىز تولىقتىرۋ كەرەك.
