شينجياڭ تۇڭعىش كەزەكتى حالىقارالىق ساياحات فوتوسۋرەت جينالىسى اشىلدى

شينجياڭ تۇڭعىش كەزەكتى حالىقارالىق ساياحات فوتوسۋرەت جينالىسى اشىلدى

　　”شينجياڭ جاقسى جەر“ ساياحات فوتوسۋرەت كولەمدى كورمەسى ءبىر ۋاقىتتا اشىلدى

　　انار بۇلت \ شينجياڭ گازەتىنىڭ ءتىلشىسى جاڭ يانفاڭ 9 - ايدىڭ 26 - كۇنى ۇرىمجىدەن حابارلايدى. التىن كۇز مەزگىلىندە بايتاق تا كورىكتى شينجياڭدى سۋرەت - كەسكىنگە ءتۇسىرۋ ۋادەسىنە بىرگە اتتاندى. 9 - ايدىڭ 26 - كۇنى شينجياڭ تۇڭعىش كەزەكتى حالىقارالىق ساياحات فوتوسۋرەت جينالىسى اشىلدى، ”شينجياڭ جاقسى جەر“ ساياحات فوتوسۋرەت كولەمدى كورمەسى شينجياڭ اسەمونەر سارايىندا ءبىر ۋاقىتتا اشىلدى. جۇڭگو ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى شۇي يۇڭجۇن، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين، اۆتونوميالى رايوننىڭ ورىنباسار ءتوراعاسى سۇن حۇڭمەي اشىلۋ سالتىنا قاتىناستى.

　　وسى رەتكى جينالىستى اۆتونوميالى رايوندىق مادەنيەت جانە ساياحات مەڭگەرمەسى، اۆتونوميالى رايوندىق ادەبيەت - كوركەمونەرشىلەر بىرلەستىگى جۇڭگو فوتوگرافتار قوعامىمەن بىرلەسىپ ۇيىمداستىردى. بۇل شينجياڭ تۇڭعىش رەت وتكىزگەن ساياحات فوتوسۋرەتىن نەگىزگى تاقىرىپ ەتكەن كولەمدى حالىقارالىق سيپاتتى مادەنيەت قيمىلى، 30 نەشە ەلدەن كەلگەن مىڭعا تاياۋ كورنەكتى فوتوگراف پەن فوتو اۋەسكەرى جينالىپ، حالىقارالانعان فوتوسۋرەت كوركەمونەرى اۋىس - كۇيىس، كورمەلەۋ تۇعىرى بار كۇشپەن تۇلعالاندى.

　　جينالىس ”شينجياڭ جاقسى جەردى“ نەگىزگى تاقىرىپ ەتىپ، فوتوسۋرەت كورمەسى، حالىقارالىق اۋىس - كۇيىس، زەرتتەۋ - وقىتۋ لەكسياسى، ساياحاتتاي ءجۇرىپ سۋرەتكە ءتۇسىرۋ كەڭەسى سياقتى قيمىل بولىكتەرىنەن قۇرالعان. مۇنىڭ ىشىندە، فوتوسۋرەت كورمەسى نەگىزگى كورمە اۋماعىنىڭ شينجياڭ اسەمونەر سارايى كورمەسىنىڭ اۋدانى 3200 شارشى مەترگە تايايدى، نەگىزگى تاقىرىپتىق كورمە، حالىقارالىق كورمە، ۇسىنىستىق كورمە، AI سيفرلى كەسكىن قالىپتاستىرۋ كورمەسى، سيفرلى كەسكىن بۇلتتىق كورمە زالى سياقتى كورمە اۋماقتارىنا بولىنگەن، جيىنى 36 كورمە بار بولىپ، مىڭنان استام تاڭداۋلى فوتوسۋرەت تۋىندىسىن قامتيدى. سيفرلى تەحنيكا، دىبىس، جارىق، ەلەكترون كەسكىنى، AI جاساندى زەردە سياقتى كوپ ءتۇرلى فورمالاردان تولىق پايدالانىپ، ”شينجياڭ وزىق كەلبەتىن“ ايگىلەيدى. جينالىس فوتوسۋرەتتى دانەكەر ەتىپ، شينجياڭنىڭ مول دا وزگەشە مادەنيەت جانە ساياحات بايلىعىن جان - جاقتى، كوپ تۇرعىدان، ستەرەولدى ايگىلەپ، شينجياڭنىڭ ايبىندى كورىنىسىن، ۇزاق تاريحىن، كوپ نەگىزدى مادەنيەتىن، كوز تارتار ۇلتتىق سالت - ساناسىن تۇتاس كورىنىستىك ۇلگىدە كورسەتىپ، جۇڭگو شينجياڭىنىڭ حيكاياسىن جاندى دا وبرازدى تۇردە ويداعىداي باياندايدى.

　　وسى رەتكى ساياحات فوتوسۋرەت كورمەسى 10 - ايدىڭ 10 - كۇنىنە دەيىن جالعاسادى.